رواية قصر الشياطين للكاتبة الاء التاج الحلقة الثانية عشر | القلم الناجح
روايات ليبيه كاملة

رواية قصر الشياطين للكاتبة الاء التاج الحلقة الثانية عشر

رواية:#قصر_الشياطين 🔥
للكاتبة:#الاء_التاج
الحلقة:#12

ادهم:عادي تفضلي

نزلت وصال للمحل بسرعة لحقتها دانيا_________🔥

دانيا:خيرك وصال شن تبي؟

وصال:اليوم عيد ميلاد كرم نبي ناخدله هدية ساعدني واجد ولازم نجيبله هدية

دانيا:اي عندك الحق

شرت وصال هدية بسيطة تحفة ولفتها وطلعن______🔥

____________

ريناد:الله وصلن الفساتين تعالي عواطف شوفي

عواطف:الله يهبلن🥺

لين:الله حلوات اني كملت بنمشي صورولي كل شئ لا الحفلة بتطلع حلوة😉

ريناد:شكرا تاعبناك معانها تو تصورلك عواطف🙂

عواطف:بالله اقعدي احضري معانا نغيروا جو مع بعضنا

لين:الله عادي

عواطف:عادي امشي جيبي حاجاتك وتعالي😀

لين:اي تم

مشت لين___________🔥

عواطف:شن النظرة هذي؟؟

ريناد:نظرة هزايب يعني من قالك تعزميها منبيهاش منحبهاش صاحبتك مش هاضمتها

عواطف:شن دخلك من طلب رأيك صاحبتي ومنعزمها لما تبقى حفلتك تكلمي

ريناد:نوضي بلا طولة لسان الكوفيرة قريب تجي

___________💎القلم الماسي💎__________

__________👑الاء التاج👑_____________

وصلن وصال ودانيا للقصر____________🔥

دانيا:خيرهم مسكرين الحديقة؟!

وصال:اكيد مدايرين حفلة هيا خشي بسرعة تو يحسابونا شاغلينهم

دانيا:اي اي

______________

على الغداء_______________🔥

الجد اسماعيل:كرم وين😶

ادهم:عنده محاضرتين اليوم

اسماعيل:اي اليوم عيد ميلادي اكيد بنديروا حفلة صح

ريناد:مشعارفة كان لحقنا🙄؟!

عواطف:مشاء الله صاحبتي لين جهزت الحفلة كان تشوف الحديقة كيف خلتها كأنها صالة افراح😄

ريناد:ياحيوانة باااهي

عواطف:خيرك شن درت؟؟!

الجد اسماعيل:اي كويس وصال ودانيا باش تتفضلن للحديقة في الليل تحضروا الحفلة

ريناد:دراه كبد افففف😤😤😤

وصال:مشعارفة كان لحقنا احني نقروا

عواطف:اي اهم شئ قرايتكن مش لازم تحضروا🙂

اسماعيل:اسكتي عواطف،اني منبيش اي اعذار الليل لازم تحضرن

دانيا:انشاء الله

ناضت ريناد من على الطاولة لحقتها اختها وركبن فوق__________🔥

_________________________

ريناد:الصبر ياربي المصايب يلي جن على راسي فجأة

عواطف:دراه كبددد

ريناد:كله منك تتجتكري بصاحبتك لعند عرف جدي

عواطف:حي مش قصدي😶

ريناد:وهن بيحضرن زي الهم المحترمات الخلوقات

عواطف:مش احني بنلفتوا الانتباه اليوووم فساتينا حلوات احسن منهم هن ماعندهنش شئ

ريناد:اي حقاااا😄

__________________________

وصال:اي وانتي مبتسمة وقلتي انشاء الله شن بنلبسوا مثلا مطلعتش للمحل ومزال دوامي في العمل مبداش تهبلي😤

دانيا:بشوية عليا وصااااال

وصال:برود ياناس شن بنقول للجد تواا؟؟؟!

دانيا:طلبت مساعدة من منى😄

وصال:شنوووو

دق دق__________🔥
.
.
.

دانيا:منى حبيبتي ادخلي بسرعة

منى:هلووو شوفوا شن جبت معاي

وصال:شن جايبة😶

دانيا:قلتلها ساعدينا عطينها حاجة بسيطة للحفلة

وصال:اه الصبرررر ربي يصبرني عليك

منى:عااادي يا بنت تو نديرلكم لمسات ميك آب تطلعوا تهبلوا وهاك تنسي الجد قال تحضروووووا

وصال:باااااه

________________

عواطف:لييين قلبي نورتي

لين:تسلمي طولت عليك

عواطف:جبتي كل اغراضك

لين:اي جبتهم وجبت هدية لكرم منحضر حفلته من دون هدية عيب😀

عواطف:اي الكوفيرا قريب تجي تعالي نستمتعوا

لين:هيا

________________

تسريع للأحداث________🔥

في الليل🌧

منى:طالعات حلوات🥺

دانيا:بسيطات واجد صح

منى:عينكك كان تشوفيهن ريناد وعواطف وصاحبتها كيلوو ميكاج وفستان كبير كأن عرس ولما خشيت نضيفهم يقولوا بنلفتوا الانتباه وجو

دانيا:دراه كبد شياطين يا ناااااس

وصال:بالعكس البساطة حلوة البنت متكثرش واجد تكون بسيطة وتكون عندها رقة وناعمة

دانيا زعما😶

وصال:اي بس شوفي لما ننزلوا الناس تحب البساطة متحبش كثرة شئ بلا حد

منى:هيااا هياا انزلن اني بنقعمز وراء الدروج وبنتفرج على حقدهن😂

دانيا:ايي ردي بالك تحصلي كبسة

منى:لا طول عمري هنا تصير مناسبات نمشي وراء الدروج نتفرج من كثرة اني طشة محد لاحظني😂

وصال:هيا بننزلوا تو يحسابونا نراجوا في حد ينزلنا تفكيرهم غلط

دانيا:قصررررر شيااااطين رسمي كلامي

وصال:اسكتي يابنت هديي

منى:هيااا متشوقة للمنظر هياااا

_______________

نزلن وصال ودانيا وقعمزن وكل الانظار عليهن بس للأسف نظرات حقد وحسد وملل وصل كرم وداروله الحفلة وتفاجأة_______🔥

عواطف:كل سنة وانت طيب ولد خالتي تفضل هديتك

كرم:شكرا

ريناد:كرومتي كل سنة وانت طيب وربي يطول بعمرك و….

كرم:شكراا تسلمي🙂

مصدوم كرم من منظرهن ميحبش المكياج واجد والفساتين الطويلة والكبيرة_______🔥

لين:كرررم

نصدم كرم تعابير وجهه تغيرن لما شاف لين كيف جاية وليش__________🔥

كرم:انتي شن يلي جابك

لين:كل سنة وانت بألف خير😉

عواطف:نعرفك على صاحبتي هي يلي نظمت الحفلة وقلتلها تعالي احضري بعد تعبك لين هذا كرم ولد خالتي

لين:اني نعرفه🙂

كرم:شنوووو😶

لين:من اول ماجيت تقولي كرم انتي واختك عرفت ان هو عيد ميلاده😄

عواطف:اي حقاا

تنرفز وتعصب كرم من استفزاز وحقارة لين ومشي وقفاته وصال_______🔥

وصال:كرم استنى

تعجب كرم من بساطة وصال واناقتها ووقف______🔥

وصال:كل سنة وانت طيب عقبال مية شمعة🙂

دانيا:كرم كل عام وانت بألف خير

كرم:شكرا تسلمن

وصال:هذي هدية بسيطة ليك مني اني ودانيا

كرم:تعبتن روحكن ليش؟!

وصال:لا انت ساعدتني واجد ولازم نهديك

الثلاتي واقفات_________🔥

لين:خيره ميعاملش فيكن زي مايعامل في البنات هذيم😉

عواطف:امتى يطلعن بس ندير عرس

ريناد:اني شوية وبنبهدلهن

لين:بنمشي للحمام ونجيكن

عواطف:تمام

_______

فاطمة:شوفي ولدك بيريح فيها

حنين:عينه اني ولدي مش اي وحدة ياخدها

فاطمة:اي بنت حالتها كويسة وعايشة في قصر😉

تلمح فاطمة لحنين باش تاخد كرم ولد حنين لبنتها ريناد______🔥

__

كرم:شكرا واجد اني بنمشي بنغير دبشي

وصال:بلا شكرا تمام باي
________

خش كرم لجناحها وسكر الباب لقي لين مقعمزة على السرير__________🔥

لين:كرررررم

كرم:انتي هبلة ولا شن شن تبي جاية

لين:جاية عشان
لين:جاية عشانك😉

كرم:يابنت اسمعي اني منبيكس اطلعي من حياتي بلا مشاكل

لين:كيف تغيرت عليت اكيد لما جت وصال صح وقعدت هايم متبيش تطلع صحح

كرم:بلا هبال

لين:كنت تحبني وتبيني

كرم:علاقة قديمة ليها 3 سنوات وكانت مجرد غلطة حاولت ننسة البنت يلي نحبها بيك وكانت مجرد غلطة

لين:كيف غلطة ليش تجرحني

بدت تبكي بطريقة تخوف وكرم معرفش كيف يسكتها________🔥

___________💎القلم الماسي💎__________

__________👑الاء التاج👑_____________

الجد اسماعيل:دانيا طالعة حلوة انتي وصال

دانيا:عيونك الحلوة جديي😄

عواطف:قاعدة تقول جدي مش جدها ياناس جدي بيجلطنا رسمي يدخلها للعيلة وخلاص

اسماعيل:بنلعبوا شطرنج اليوم؟

دانيا:تمام

اسماعيل:تو نفوزك😄

دانيا:تو نشوفوا جدي😄

دانيا تستفز في ريناد وعواطف على وقاحتهم ووصال تشوف لدانيا بنظرة اسكتي وتقول يارب استر انشاء الله ميصيرش مشاكل________🔥

اسماعيل:حفيدتي يلي ماجبتها بنتي😉😄

ريناد:هكي واجد عليا كرم وجدي يستفز فيا

عواطف:وين ماشية

خشت ريناد للقصر تجري متجهه لجناح كرم وفتحت الباب لقت منظر رهيب__________🔥

يتبع……..🔥

اترك رد

زر الذهاب إلى الأعلى