رواية قصر الشياطين للكاتبة الاء التاج الحلقة الرابعة عشر | القلم الناجح
روايات ليبيه كاملة

رواية قصر الشياطين للكاتبة الاء التاج الحلقة الرابعة عشر

قصر الشياطين الحلقة الرابعة عشر

رواية:#قصر_الشياطين 🔥
للكاتبة:#الاء_التاج
الحلقة:#14

كرم:متعيطيش نبيك في موضوع😶

وصال:شن تبي مني؟؟!

كرم:اني وانتي مش متعاركين ليش تتجاهلي فيا

وصال:به مش متعاركين شن تبيني نقولك مثلا نهدرز معاك نطلع معاك هيا فسر🤨

كرم:لا قصدي نبي نعرف ليش متبيش نوصلك على الاقل خلينا عاديين وبلا تسكير راس

وصال:سيب يدي بنمشي

كرم:نسيبها بشرط توافقي تكوني عادية معاي وتفوتي ريناد

وصال:والله؟؟؟؟!

كرم:ايييي قولي ولا مش طالقك

وصال:باااااااه خلاص باي

كرم:تصبحي على خير

________________________

دانيا:مزال صفحة بس كملها بسرعة

ادهم:ليش بسرعة

دانيا:بنرقد🙂

عواطف:ع اساس مش فاهمة تلقيها حافظة وفاهمة كله صح ريناد

ريناد:صح ههه

دانيا:كان انتي تديري فيها الحركة هذي تحسابي كل الناس زيك

ادهم:في منتصف الجبهه😂

دانيا:شكرا ادهم تعبتك تصبحووو🙂

ادهم:لا تعبك راحة تصبحي على خير

عواطف:ليش تفهم فيها ملقتش الا انت

ادهم:وانتي شن دخلك

ريناد؛فكنا منهن اخطاهن فااااهم

ادهم:اسمعي انتي وهي اخطيني انت واختك احسن مانخبر جدي ولا خبرته عارف شن بيدير مش لازم نقول باااي

___________💎القلم الماسي💎__________

__________👑الاء التاج👑_____________

وصال:كملتي وفهمتي

دانيا:اي كملت

وصال،:درتي مشاااكل🙂

دانيا:لالا

وصال:متأكدة

دانيا:اي مش فاضية للمشاكل اصلاً

وصال:انشاءالله🙂

دانيا:وانتي خيرك نحس فيك رايقة وجوو

وصال:تبيني نعيط ونريش ولا كيف

دانيا:سرعينا نبوا نطلعوا من هنااا

وصال:باهي

دانيا:وبكل هدوء تقولي فيها شن يلي في راسك

وصال:تصبحي على خير دودي🙂

دانيا:وانتي بألف خير عموماً انشاءالله خير وخلاص🙂

__________

الصبح__________🔥

الجد اسماعيل:صباح الخير

وصال:صباح النور

دانيا:صباح النور

الجد:تفضلوا افطروا

الطاولة ناقصه مفيهاش ريناد وعواطف____________🔥

كرم:اني برا في السيارة بعد تكملوا اطلعوا

ريناد وعواطف:استنا كرم وصلنا معاك😄

كرم:وين بنوصلكن بنمشي للجامعة

ريناد:بنمشوا حتى احني

الجد:قررتوا تردوا تقروا😶

عواطف:اي جدي اني اقتصاد وريناد تمريض

الجد اسماعيل:طيف غرييييبة

ريناد:عادي منها ناخدوا شهادة ومنها نشوفوا كرم متاع مشاكل غادي ولالا😉

كرم:استغفر الله واني مستغرب اصلا

الجد:تعرفوا لو تضايقن حد منهم وحق ربي عارفة شن ندير الكلام مش ليكن لامكن فااااهمات يعني القصر معتش تحلموا تردوا ليه

عواطف:ليش تهدد فينااا

الجد:منبيش مشاكل اخطن ولاد خالتكم فاهمات

ريناد:هيا وقت😑

الجد:افطروا قبل

عواطف:لا فطرنا امبكري قبلكم

_________________________

وصلوا للجامعة__________🔥

ريناد:وين قسم التمريض وصلني كرم

كرم:هذا يلي قدام وجهك قسمك وانتي يا عواطف اهوا بعد القسم هذا تمام ساهلة بكل هيا باي

عواطف:ياريتني وحدة منهن راع عاملني خير منا

ريناد:تو يشوف عليها الحركة هذي هيا باي امشي لقسمك

عواطف:زيي مااتفقنا تمام

ريناد:اكييد😉

___________

عواطف:حي وين خشيت خيرهم يجروا😶

جي وقت المحاضرة وكلهم يجروا للقاعات بسرعة وعواطف بدت تجري مش فاهمة شئ تجري زيهم وخلاص😂🔥_______________

عواطف:نقعد اني واقفة بس حتى اني بنجري وخلاص

فجأة خبطت في ولد اسمه محمد صاحب ادهم وطاحوا مذكراتها__________🔥

محمد:آسف تعطلت على المحاضرة كنت نهدرز هنا بنمشي لقسمي

عواطف:عادي وين قسم الاقتصاد سنة اولى

محمد:نهاية الممر تلاقي قاعة سنة اولى خشيلها

عواطف:تمام شكرا

محمد:جديدة انتي صح باين عليك تايها🙂

عواطف:اي اني بنت خالة ادهم اكيد كلكم تعرفوه😌

محمد:ههه من ميعرفاش تشرفت بمعرفتك

عواطف:حتى اني باي

محمد:باي

___________💎القلم الماسي💎__________

__________👑الاء التاج👑_____________

ريناد:حي عليا وين بنمشي عليك فضايح كان كملت مع صاحبات خير نوقف شوية بلكي نتعرف على بنت

وقفت ريناد ماسكة تلفونها وتقلب فيه وكلهم خاشين للقاعة الا هي بروحها لعند جي واحد يجري محاضرته ببتدأ ووقف من الفضول_______________🔥

غيث:جديدة انتي😶

ريناد:اي شن دخلك انت؟؟!!

غيث:لا شئ بس المحاضرة بدت ليها 3 دقائق وقت يعني

ريناد:قاعة التمريض وين

غيث:تعالي معاي نوريهلك

وهما يمشوا في ممر القسم________________🔥

ريناد:تعرف كرم😶

غيث:اي صديقي

ريناد:يكلم في بنات صح

غيث:ليش تسألي🙂

ريناد:مجرد سؤااال يعني

غيث:شن تعرفيه

ريناد:ولد خالتي هو🙂

غيث:لالا عاقل مشاء الله عليه

_______________

بعد ساعات مشت وصال للكافيتيريا وقعمزت_______🔥

كرم:هااااااي😄

وصال:هاي🙂

كرم:نقعمز معاك عادي

وصال:تفضل

كرم:كيف كانت محاضرتكم؟؟؟!

وصال:كويسة

كرم:حلوة الريف صح خاطري نزوها

وصال:تهبل طبيعتها جميلة ليش مدرتش زيارة ليها من قبل

كرم:كنت برا في الشركة اني وبوي وراجل خالتي وراجل خالتي الثانية وخوالي بعدين روحت بديت نقرا ومفكرتش

وصال:اي

جت رسالة لتلفون وصال وشافتها وابتسمت________🔥

كرم:من منو عندي فضول اني فضولي واجد😄

وصال:هذي رسالة من المحل وخبروني ندوام الاسبوع الجاي

كرم:ليش تشتغلي🤨

وصال:كيف خيييرك😶

كرم:يعني تقري وتخدمي واعر

وصال:عادي اني فترة ومعاش بنخدم اصلاً

كرم:ناقصك شئ ليش تبي تشتغلي

وصال:لا شكلك عبيط بكل انت؟! اني بنشتغل بنشري شقة اني واختي لعند امتى بنقعد معاك

كرم:خيره مش عاجبك قصرنا ليش بتطلعي

وصال:استغفر الله ياربي😶

كرم:جاااوبي

وصال:بالعكس قصركم عجبني يهبل واني منعرفكمش صح ساعدتوني وبارك الله فيك بس اني مش من عيلتكم ومحد متحملنا لا اني ولا اختي

كرم:اييي😶

مش عاجبة كرم فكرة طلوع وصال ودانيا من القصر وعرف ان فترة وبتمشي قرر يقرب منها اكثر ويحاول ان يوصل لقلبها_____________🔥

____________

ادهم:قزززمة🙂

دانيا:عاجبك طولك

ادهم:ساد بالله قصف

دانيا:تجيب فيه القصف لروحك🙂

ادهم:قصفة ثانية حرام😂

دانيا:اه نسيت نخبرك الدكتور سألني اليوم وجاوبت شكرا ساعدتني واجد امس مفهمتش بسهولة وتحملت اسألتي الغبية😂

ادهم:لا عادي بالعكس الصراحة جوك يعجب فيا وياريت دي

ادهم:لا عادي بالعكس الصراحة جوك يعجب فيا وياريت ديما مش فاهمة باش نفهمك🙂

دانيا:هاهاهاهاهاهاها دمك خفيف

ادهم:هههه هبلة حقة منكذبش جوك يعجب فيا ذكرتيني بشخص

تذكر ادهم وئام وكيف كانت شخصيتها زي شخصية دانيا بالزبط وئام كانت حبيبة ادهم زمان وعواطف كانت تحاول تفرقهم وفتنت واجد لعند انفصلوا ومرضت وئام وماتت______________🔥

دانيا:ادهم اااااادهمم هوووووي

ادهم:نعم خيرك

دانيا:وين سرحت خير عيونك يدمعوا من الشخص هذا هاك منديل

ادهم:نحكيلك عليه مرة ثانية

دانيا:لا توا تكلم الفضول يقتل فيا

ادهم:هياا نوضي بنروحوا اهيا وصال وكرم جايين

دانيا:اي بسرعة قبل يجوا بنات خالتك معليشي تقبل رأيي منحبهمش

ادهم:نحترم رأيك🙂

ركبوا كلهم في السيارة وادهم مسك المنديل يلي من دانيا وابتسمت وحطه في جيبة احتفظ بيه________🔥

في العصر____________🔥

يتبع…….🔥

اترك رد

زر الذهاب إلى الأعلى