رواية قصر الشياطين للكاتبة الاء التاج الحلقة السابعة عشر | القلم الناجح
روايات ليبيه كاملة

رواية قصر الشياطين للكاتبة الاء التاج الحلقة السابعة عشر

قصر الشياطين الحلقة السابعة عشر

رواية:#قصر_الشياطين 🔥
للكاتبة:#الاء_التاج
الحلقة:#17

اليوم الثاني____________________🔥

نزلوا فطروا وكانوا ساكتين الجد شافت لريناد وعواطف باستغراب كيف ساكتت وباين عليهم احباط كبير ولابسات بيجامة نوم استغرب_______🔥

الجد اسماعيل:شكلكن مش ماشيات للجامعة خيركن؟

ريناد:اني مشغولة نمشي لما نفضى

الجد:وانتي؟؟؟!

عواطف:تاعبة ومعنديش جوو لحد

الجد:راه القراية مش كيف ماتبي انتي

عواطف:فترة ونمشي ياجدي!!

الجد:على راحتك🙄

كرم:تلاقوني في السيارة برا

مشي كرم برا في السيارة شوية وطلعت وصال_____🔥

كرم:طالعة حلوة🙂

وصال:اني؟؟

كرم:في غير اصلا!!

وصال:اه شكرا😄

كرم:هيا اركبي

دانيا:جييت

ركبوا في السيارة ومشوا للجامعة كرم تقرب من وصال اكثر يحاول من نفسه ان يواجهه اهله بس الشعور بيناتهم كان واضح____________🔥

_________

غيث:الوو ريناد كيف حالك

ريناد:تمام وانت؟!

غيث:اني تمام بس صوتك مش تمام🙄

ريناد:مش مهم

غيث:ليش مجيتيش للجامعة اليوم

ريناد:معنديش جوو لحد🔥

غيث:اهاا عادي تصير هذي

ريناد:اييييي

غيث:اليوم بنطلع انتي وعدتيني تختاري معاي راااه

ريناد:بااااه الساعة كم؟!

غيث:اربعة ونص نتلاقوا في وسط البلاد تمام

ريناد:باهي

غيث:منها حتى تغيري جوو باين عليك مضايقة

ريناد:انشاء الله

غيث:نتلاقوا بعدين بااي

_____________________

الجد اسماعيل:انور كيف حالك مفاجأة والله😶

انور:ليك الحق تستغرب جيتي عمي

شهرزاد:راجلي اهلين😀

انور:اه ياربي اهلين

شهرزاد:خيرك شن في

انور:خسرنا في الشركة واجد وانتم هنا مقصرين واجد!!

الجد:توقعت يصير هكي!!

انور:ع اساس كرم وادهم ياخدوا فئة يساعدونا فيها لقيناهم يلعبوا في المكتب وخسرنا سهم من اسهم الشركة

شهرزاد:اي حقا خسارنا وبزيادة لما جونا بنتين كان نحكيلك😤

انور:بنات شن؟!

الجد:خلاص قلنا البنات والله ماصرفت عليهن قرش ولا تكلمن بكل نص خسارتنا منكن ومن الحاجات التافها يلي تشروا فيهن انور كلمتين لمرتك لبنتي يلي راسها مسكر يا تسكتي او تطلعي انتي وبنتك ولدك برا القصر اختاري🔥

انور:لا شن عمي نطلعوا انت يلي تبيه يصير😶

شهرزاد:تعالي انور نرقوا فوق اكيد كنت تاعب من الشغل

انور:اي اي جاي

___________💎القلم الماسي💎__________

__________👑الاء التاج👑_____________

عواطف:وين ماشية خيرك خليتي الدولاب حايس😶

ريناد:مش خبرتك ياهمي وانتي ديما تسألي

عواطف:اهاا اي خبرتيني بشوية على الدولاب😄

ريناد:معنديش شئ نلبسة افففف

عواطف:حي على الكذب عايشة في قصر ومعندكش شن تلبسي ديما البنت لما تطلع مع حد مهم تدير هكي🙂

ريناد:ضمي فمك عواطف فكني من البصارة متاعتك

عواطف:بااهي يا دراه تو نقولك شن تلبسي

__________

في الكافيتيريا________🔥

ادهم:شن اختبارك ساهل ولا واعر😄

دانيا:ساهل بكل

ادهم:انشاء الله بما ان قريتك نبي نعرف الدرجة نبي نشوف تعبي مشي على الفاضي ولا لا🙂

دانيا:بااااه🤨

ادهم:مخطوبة انتي ولا مزال

دانيا:لا اصلا انت اول ولد نتكلم معاه

ادهم:ليا الشرف😄

دانيا:يااااااي

ادهم:ليش يعني مصارتش ليك قصة زيي

دانيا:لا احني في الريف مفيش حاجات هكي الولد بس يشوف بنت تعجبه يخبر امه

ادهم:اه اي

دانيا:خبرني عن شخصية وئام نبي نعرف

ادهم:الحق شخصيتها زيك شخصيتها حلوة ومرحة وهبلة وقلبها طيب

دانيا:ياااااااي😄

ادهم:خليني نكمل باااهي

دانيا:كملل

ادهم:كويسة ونفس الوقت معندهاش صحبات ومن الألم يلي داخلها ديما تبتسم كنت نمشي معاها كصديق تعرفي واجبتنا نفس الاجابة

دانيا:الله قصتكم تجي مسلسل كمل🥺

ادهم:تعرفي مدايرتني خوها كل ماتضايق تجيني اني تعودت عليها

دانيا:الله شخصيتها حلوة

ادهم:شخصيتك انتي هذي اصلا😂

دانيا:شكرا !! كيف درت بعدها حاولت ان تلاقي بنت تنسى بيها وئام

ادهم:لا اكبر غلط انك تبي شخص وتجي تاخدي شخص تاني باش تنسيه اكبر غلط في حق الشخص هذا وحقك انتي الصراحة لا مدورتش نبيها زي شخصية وئام

دانيا:اهاا اي

ادهم:يلي هي شخصيتك انتي ممكن نزبطوا على بعض

دانيا:هاهاهاها نكتة تضحك هيا نوض وصال قريب تطلع

ادهم:هبلة😂

________

شهرزاد:وهذا كل يلي صااار😤

انور:بالله عليك اسكتي بلا مشاكل سمعتي بوك شن قال بتطلعوا من القصر واني معنديش وين نحطكم

شهرزاد:اشري شقة او فيلا المهم اني خايفة على ولدي

انور:والله معنديش فلوس احمدي ربك نخدم مع خوتك وخليتك هنا في القصر لسبب هو ان معنديش وين نسكنك

شهرزاد:ديرلنا حل ولدي توا يصيرله شئ

انور:معنديش وين نطلع بيك تبي تطلعي بتمشي لحوش اهلي فيه جناح

شهرزاد:والله نقعد نطبخ ونضم

انور:استغفر الله متبيش تقعدي هنااا

شهرزاد:ولدددي باهي

انور:اه ادهم كبير وعاقل وماعمره قرب على بنت بكل الا بشوري اني وانتي وقاعد متأثر بوئام والبنات مش غولات باش يقربوه اسكتي زيك زي حنين على ولدها كرم😤

شهرزاد:لا حنين مش ساكتة فاتحة جبهه من تحت من دون علم بويا

انور:مدخلناش بحد احني ولدنا وعارفيتا اسكتي والله يربحك اني بنرد للشركة بكرا

شهرزاد:كيف وانت توا كيف وصلت تو هما يشتغلوا

انور:لالا احني هكي ومش ملحقين على شغل محد بيستلم شغلي ونزيدوا خسارة اكثر

___________💎القلم الماسي💎__________

__________👑الاء التاج👑_____________

غيث:اخيراً جيتي طولتي بكل

ريناد:معليشي

غيث:ديما البنات هكي مش انتي بس عادي😂

ريناد:اييي

غيث:بلا نكد توا بنمشوا للمول اني نعرف كيف نغيرلك جوك😄

ريناد:انشاء الله هيا نمشوا

_________

ادهم:بوووي الله امتى روحت

انور:اوووو ادهم شن الجوو

مشي ادهم حضن بوه ليه فترة طويلة برا__________🔥

ادهم:استحشتك

انور:اني اكثر شن الاخبار

ادهم:اهووو ماشية

انور:انشاء الله الشركة ترد زي قبل ولا بنخسروا كل شئ

ادهم:ايي انشاء الله

انور:كل من لعبكم في الشغل

ادهم:معندناش جوو😂

انور:جوك مش تمام

ادهم:اييي

شهرزاد:خيره جوه مافيه شئ

انور:تعال وليدي لدارك نهدرزوا بعيد عن امك وخالاتك تعالي فضفض هيا نوض

___________

غيث:وهكي تمت القصة😂

ريناد:ههههه جوك يهبل

غ
ريناد:ههههه جوك يهبل

غيث:اي قتلك اني نغيرلك جوك احكي شن فيك اني صديقك وساعدتك عيب عليك متحكيليش

ريناد:بس مضايقة

غيث:شن هو يلي مضايقك

ريناد:شئ نحبه متعودة عليه وراح!!

غيث:عاادي تلاقي احسن منه بميزة اخرى وتتعودي عليه معاش تتعودي على حد مرات يموت او يمشي

ريناد:صح🔥

غيث:عارف😌

ريناد:ثقة بكل↗️

__________________

انور:قصة حزينة بكل🙂

ادهم:ايي زيادة عواطف مش مخليتني في حالي

انور:نفهم منك انك تبي دانيا

ادهم:اي اني بعض سنتين رد قلبي تذكر وئام في دانيا نفس الشخصيات بس الشكل يختلف

انور:تبيها يعني

انور:المشكلة هنا اعتراض وعواطف

انور:عواطف خليها عليا اني وهنا العيلة بس نسأل على البنات كان لقيتهم كويسات مش حتاخد الا دانيا

انور:الحمدلله روحت وحكيتلك

انور:ولايهمك ولدي اهم شئ خليك مرتاح اني بنسأل عليهن والعيلة تو يتفاهم معاهم جدك

ادهم:انشاء الله

________________

سمعت وصال حنين وهي تتكلم وخايفة ووقفت وراء______________🔥

حنين:الوو كرم الدواء متاع الضغط كمل نبي واحد تاني

كرم:عارفة خسارة الشركة متاعنا معنديش تو ندورلك

حنين:كيف معندكش اني تموا عابية عل الراتب خدوه للشركة بلكي ترد زي قبل دواي مخديتاش اليوم تو يصيرلي شئ😥

كرم:تو نشوفلك متخافيش

حنين:انشاء الله خير وخلاص

ركبت وصال فوق طلعت فلوس ونزلت____________🔥

وصال:ممكن نتكلم معاك؟!

حنين:شن تبي🤨

وصال بخوف:نبي نقولك شئ

حنين:هيااا قولي معنديش وقت متخليش ضغطي يرقى

وصال:المبلغ هذا يساعدك تاخدي دواك

حنين:هه اني حنين بنت اسماعيل يلي عايشة في قصر وعز تجي بنت بلا مش معروفة من وين وتعطيني فلوس لا حبيبتي متفرحيش فترة وترد الشركة خير من قبل

انصدمت وصال من كلام حنين معاش عرفت شن تقول قربت حنين منها خدت الفلوس ورمتهم فوق وبدت تضحك جي الجد اسماعيل واقف شاف المشهد كله وحنين متعلمش بيه وصال مشت تجري فوق للجناح وبدت تبكي_________________🔥

الجد اسماعيل:انتي متأكدة من حركتك هذي هكي ربيتك اني البنت ساعداتك على شن شايفة روحك بس

حنين:اني منبيش حد يعاملني هكي

الجد:ارقي معاش نبي نشوفك!!

__________

بعد ساعات وصال نزلت__________🔥

يتبع….🔥

اترك رد

زر الذهاب إلى الأعلى