كلمات اغنية اسأل روحك ام كلثوم .. أغنية اسأل روحك لـ ام كلثوم | القلم الناجح
كلمات أغاني مصريه

كلمات اغنية اسأل روحك ام كلثوم .. أغنية اسأل روحك لـ ام كلثوم

كلمات اغنية اسأل روحك ام كلثوم

 

  • اسم الاغنية : اسأل روحك
  • كاتب الاغنية : عبد الوهاب محمد
  • ملحن الاغنية : محمد الموجي
  • غناء : ام كلثوم

اسأل روحك

إسأل روحك
إسأل قلبك
قبل ما تسأل إيه غيّرني
أنا غيّرني عذابي في حبك
بعد ما كان أملي مصبّرني
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند

شو ف القسوة بتعمل إيه

كنت زمان بلاقيك بحناني
بحر محبة و بر أمان
كنت باحس ان انت زماني
يومي و بكرة و بعده كمان
كنت باشوفك بعيون حبي
و انت بعيد أو و انت بقربي
أقرب من بسمتي لشفايفي
أقرب من إحساسي لقلبي
بعد الود اللي راعيته لك
بعد الحب اللي وهبته لك
بعد العمر اللي انا عشته لك
فيه إيه تاني أقدمه لك؟
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

أنا مانسيتش الحب و عهده
و لا أيامه ولا لياليه
أما ان كان ع الحب لوحده
من غير هجرك أهلا بيه
أنا حيّرني هواك
و أنا علشان انساك
بابعد عن كل مكان
رحته و لو مرة معاك
و اهرب من أقرب ناس

شاهد أيضا: كلمات اغنية لبيروت ..كلمات اغنية لبيروت فيروز مكتوبة

و باغيّر أي كلام
بيجيب سيرة لذكراك
وصلتني للحال ده بإيدك
بعد ما كانت روحي ف إيدك
سِبتك و مفيش حد في عمري
يشغل عنك قلبي و فكري
سِبتك من غير حتى ما أفكّر
حأقدر أسيبك أو مش حأقدر
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

إسأل روحك

إسأل قلبك
قبل ده كله اتغيروا ليه
أنا غيرني عذابي ف حبك
لكن انت غيّرك إيه؟
هو حناني عليك قسّاك حتى عليّ؟
ولا رضايَ كمان خلاك تلعب بيّ؟
ولا تسامح روحي معاك غرّك بيّ؟
أنا يا حبيبي صحيح باتسامح
إلا ف عزة نفسي و حبي
و اما يفيض بي ما باعرف أصالح
و أعرف آجي كتير على قلبي
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت أبعد و عرفت أعند
حتى الهجر قدرت عليه
و انت يا عيني
لو في مكاني يا عيني
كنت حتعمل غير كده إيه؟
إسأل روحك

كلمات اغنية اسأل روحك ام كلثوم

فاطمة بنت الشيخ المؤذن إبراهيم السيد البلتاجي وتعرف أيضاً بكُنيتها المشهورة أُم كَلثوم، كما تُعرف بعدة ألقاب منها:

ثومة، الجامعة العربية، الست، سيدة الغناء العربي، شمس الأصيل، صاحبة العصمة، كوكب الشرق،

قيثارة الشرق، فنانة الشعب.

هي مغنية وممثلة مصرية، ولدت في محافظة الدقهلية بالخديوية المصرية في 31 ديسمبر 1898م أو رسميًا حسب

السجلات المدنية في 4 مايو 1908م، وتوفيت في القاهرة بعد معاناة مع المرض في 3 فبراير 1975م.

وتعد أم كلثوم من أبرز مغني القرن العشرين الميلادي، وبدأت مشوارها الفني في سن الطفولة،

اشتهرت في مصر وفي عموم الوطن العربي.

اترك رد

زر الذهاب إلى الأعلى