كيد النساء الحلقة التاسعه | القلم الناجح
روايات ليبيه كاملة

كيد النساء الحلقة التاسعه

جميع حقوق الطبع والنشر محفوظة

#كيد_النساء 9

ساجده:تقدر تفهمني شن قصتك انتا؟
معتصم:كنت نجيب في بنات ونقول انهم خدم😂
ساجده:خامر😒
معتصم:تصدقي انتي الوحيده الخادمه عندي
ساجده:تعصبت……خدت سفرة الدجاج ولوحتها ع وجها
معتصم:😳😳
ساجده:انا منخدمش عندك بلاش ولو انتا تبي تقلل من قيمتي انا ميشرفنيش نخدم عندك
معتصم:وقف ع رجليه…..وقان عيونه في عيون ساجده الي كانو يهدو فيه وتلفت للحيط……لو كملتي خدمتك اطلعي
ساجده:اي كملت اعطيني فلوس نبي ناخد دواء لباب
معتصم:قرب منها وبصوت حاد ع اساس بتقنعيني انك شريفه وتحبي اهلك وكل شويه تطلبي مني في فلوس هههه علشان دواء بووك
ساجده:احترم نفسك
معتصم:لا محترم نفسي انتي احترمي نفسك واهلك وبطلي وهم
ساجده:بصدمه…..شش شن تقول انتا؟
معتصم:انقول في الواقع كلكم كدابات وتخونو في اهلكم
ساجده:انتا شاك فيا يعني ؟ انا اصلا لو نعرف اني بنحدم عندك خرا زيك مكنتش جيت هني وتحملت لوسخ والعار مع لبنات لأنه خدمتي ايام وبنوقف بباش ناخد علاج بابا والباقي منحطش روحي في موقف زي هدا….وتلفتت خدت شنطتها
معتصم:طاح ع رجليه…..وبدا يبكي …انتم كلكم مش فاهميني مافيش حد فاهمني انا ضهري مكسور من لما شفتها مع غيري
ساجده:اول ماسمعت كلامه…..تلفتت وراها…..كيف؟
معتصم:يحاول يقيم روحه….ليا اربعه سنين وانا نعبي في الفراغ الي خلاته ومش قادر
ساجده:بسسخف …..منهيا؟
معتصم:مش قادر قايم راسه وناض بحيل مهدود لن وصل لي الباب
ساجده:معتصم
معتصم:وقف وكأنه يبي يحكي شي
ساجده:احكي في شي
معتصم:تلفت وشاف للمكتب وطلع!!
ساجده:شافت للمكتب ورجعت شافت لي معتصم…..اكييد في شي عند معتصم وهوا مخلي حياته هكي وهدا ليش ميبينيش نقرب من المكتب متعه…..مسكين ليش طلع وهوا منهار معقوله تصرفي معاه خلاه يتعصب هكي ويحكي الي في قلبه….ممكن يكون مجروح من شي؟ خدت بعضها وطلعت!!

_______________

بيان:هههه محقق غلبان
عزيز:تككلللمي
بيان:انا بيان صالح (؟؟؟؟) وامي غاليه (؟؟؟) وعندي اتنين خوت حاتم ورياض و3 اخوات حياه وكيناز وساجده
عزيز:يشوف وهوا مصدوم
بيان:هههههه وليش مصدوم مازال خليني نكمل ….انه هما ميعلموش بي وجودي اصلا وانا نعرفش عليهم شي غير اساميهم
عزيز:ربط الاحداث في بعضها وعرفها من تكون بس لانه مش فاهم قصتها قرر يسمع منها قبل …وين كنتي انتي؟
بيان:برا لبلاد
عزيز:مع من كنتي عايشه لو اهلك موجودين هني؟
بيان:خالتي
عزيز:اوك مدام انتي عايشه مع خالتك كيف اهلك مايعلموش بيك ؟
بيان:لأنه انا توأم اختي كيناز ولما ماما جبتنا كدبو علاها انه نا ميته وبدلوني بي جنين متوفي
عزيز:وليش عشتي مع خالتك ؟
بيان:لانه خالتي هيا الدكتوره الي بدلتني وهربت بيا برا لبلاد ومافيش حد عنده علم
عزيز:يعني اكتر من عشرين سنه برا وتوا رجعتي ممكن نعرف ليش رجعتي ؟
بيان:لااااا
عزيز:اوك خلي قصة حياتك ع جنب….نبيك تجاوبيني ليش انتي تتعاطي وعلاقاتك هلبا مع الشباب؟
بيان:اففففف تم الدخان ممكن تجيبلي طرف تاني
عزيز:احنا في غرفة التحقيق وضروري تجاوبيني ع كل الاسئله
بيان:بصوت مليان برود…..ولو ماجاوبتش شنو بيصير؟
عزيز:حاتنسجني وانا مش راح نخليهم يطلقوك للأبد
بيان:حطت رجلها ع طاوله….وشافت لسقف….تهدد يعني؟
عزيز:بتجاوبي ع اسألتي او نتصرف معاك بي طريقه تانيه!
بيان:فكت شعرها ورجعت تلم فيه…..شنو اسمك قبل؟
عزيز:اسمي عزيز
بيان:حلو حلو …..اوك محقق عزيز حسيتك شخص مهتم بي شغله وشطور ….وغمزتله….شن رايك نتفقو ع شي ؟
عزيز:قرب منها وحط عيونه في عيونها وبصوت مليان جمود…..أمشي مشيتك خير ماتشوفي وجهي الثاني وتندمي واحكي قصتك بي الكامل خير متتحول قضيتك للمحكمه
بيان:تتتتتت….للمحكمه؟….ونزلت من الكرسي….صحاب كلمه منرخوش ….هههه حانحط اتفاق بيني وبينك انتا تاخد اي معلومه تبيها وانا نوصل لي حقي!
عزيز:ربع يديه …هي تفضلي احكي
بيان:كأنك تعبت اليوم صح ؟ خلينا نأجلو التحقيق لصبح
عزيز:ال……قاطعاته بيان….متحكيش شي انا وعدتك الصبح حاتكون قصتي بالكامل عندك 🤷‍♀️
عزيز:أوك….ونسحب ع طول ….واعطا امر للعناصر انه يدخلووها السجن 🔥

________________

اصيل:ماسك يد كيناز ….وخشو لشقتهم
كيناز:انا بنخش ندوش ع سريع
اصيل:باسها ع راسها …تمام ونا مش طالع اليوم شن رايك نتفرجو ع فيلم؟
كيناز:تمام قلبي انتا شغل الشاشه وانا دقايق ونطلع
اصيل:حط صبعه ع فمها وهوا يشوفلها بعيون يلمعو…..متعطليش!
كيناز:ضحكت ع جنب….حاضر
اصيل:خش لي صاله ووخدم الشاشه وقعمز ع كنبه مقابلها
كيناز:خشت لغرفتها طلعت حوايجها …وخشت للحمام
اصيل:بعد ماحط الدسكه….قعد يختار في فيلم حلو باش ينسجمو معاه ….لن سمع تلفونه رن جنبه …مسكه …وشاف رقم غريب دار رنه ….كيف بيعاود يتصل بيه وصلوه رسايل في جرت بعض ….يحاول يكدب الي يشوف فيه….كيف ؟ صور كيناز عند من….وصلوه صور كيناز في ملابس عاريه ومصوره مع شباب ؟ حدف التلفون بقووه لن تكسسر ونااض يكسر في الي يجي قدامه ومش مستوعب انه البنت الي تزوجها طلعت مش تمام وصورها عند الكل💔
كيناز:تسمع في الهرجه ….لفت الفوطه وطلعت من الحمام….شافت اصيل يده دم ويلف فها بي الشاش….شهقت بقوه….شن في اصيل؟
اصيل:بدون مايشوفلها …بصوت حزين …مافي شي خشي ارقدي
كيناز:تشوف في كل شي متكسر وتلفون اصيل متكسر …كيف مافي شي وانتا مكسر كل شي
اصيل:بصوت عالي يخوف……خششششششي قتلك
كيناز:لسانها التوا من الخوف…وخشت لغرفتها …وهيا ترعش ياربي شن صاير معاه ؟
اصيل:بعد ماربط جرحه ….طلع برا وسكر الباب بقووه!
كيناز:من تصل بيه وخلاه يتعصب هكي وعلاش كسر تلفونه زعما هبة كلماته ياربي شن في ؟💔

____________

ساجده:كيف طالعه من الدوش ودايره كوده ….قعمزت ع سريرها
نادره:شن الجو ؟ وقعمزت مقابله ساجده الحوش فاضي بدا انتي في شغل وكيناز مع اصيل
ساجده:حست انه نادره زعلانه خاصة انه راجلها مسجون …حبيبتي نادره الحمدالله ع كل حال المحبوس مطلوق وسيوره حاتم يطلع
نادره:فاهمه ..ونزلو دموعها …لكن الحوش تغير هلبا
ساجده:نزلت من سريرها وقعمزت جنب نادره….حبيبتي متزعليش روحك صدقيني كل شي حايرجع زي قبل واحسن
نادره:تمسح في دموعها ….انشاءالله…المهم انتي شن جو خدمتك
ساجده:ماشي الحال كويسه ومعاشي كويس واهم شي علاج بابا
نادره:ربي يعاونك حبيبتي
ساجده:سلمك..حقا اذكرت
نادره:ايوا
ساجده:ناضت …خدت شنطتها من فوق الطاوله
نادره:انشاءالله خير!
ساجده:رجعت قعمزت جنب نادره …شوفي السلسله هادي اذكري معاي متع مني هادي؟
نادره:وين لقيتيها؟
ساجده:بلعت ريقها…..اءءء …لا لقيتها قدام حوشنا
نادره:اهااا اي متع جمانه
ساجده:بصدمه….متأكده؟
نادره:ايي ودليل هادي كانت متع حياه
ساجده:اها اي اي اذكرت هدا ليش اول ماشفتها حسيت اني شايفتها
نادره:متأكده انك لقيتيها قدام الباب؟
ساجده:اءء اي
نادره:اوك دسيها عندك لن يجي اليوم الي تتلاقي معاها لانه جمانه من يوم الي ماتت حياه وهيا وجها مش مبين
ساجده:اي …حطتها في الشنطه
نادره:هي نعطلكش اكيد تبي ترقدي تعبانه
ساجده:تصبحي ع خير
نادره:سعيده..وطلعت
ساجده:حطت يدها ع فمها….معقوله جمانه بدت بنت ليل وتتمعشق ؟ مستحيلا جمانه النضيفه تبدا هكي وشنو السبب الي خلاها تكون هكي؟

___________

كيناز:مقعمزه ع سرير من لما طلع اصيل وهيا تسأل في روحها ومش لاقيه اجابه يعني اصيل كان جوه حلو وفجاءه تغير هكي ؟ افففف امتا بيروح ونطمن عليه؟ 💔
اصيل:فتح الباب….وخش!
كيناز:سمعت صوت الباب….واخيرا ….طلعت من الدار
اصيل:خش وهوا يشوفلها لن وصل لباب غرفة النوم
كيناز:تشوفله وتستنا يقولها حرف باش تطمن
اصيل:عيونه حمر …خش اتكا ع سرير وحط لبخده ع وجه
كيناز:هدا خيرا؟ اكيد الي صاير مش شي ساهل مروح شارب وكأنه ميعرفنيش..كانت تبي تقرب منه وتسأله بس مسكت نفسها …وقفي كيناز اكيد تعبان ويبي يرقد الصبح يفهمني ونفهم منه ……خدت بعضها ورقدت ع سرير جنب اصيل💔

___________________

الليله هادي كانت اصعب ليله تمر عليهم كلهم 💔

اصيل:الي حس انه الدنيا كسراته مره تانيه لانه في الوقت الي عطا لنفسه وقلبه فرصه تانيه وفي الوقت الي قرر ينسا الماضي ويتعامل مع كيناز بي حب واهتمام حتى لو مازال محبهاش وفي الوقت الي حس انه كيناز العووض ليه وانها حاتنسيه وانه ربي خلاص عطاه شن يتمنا بعد سنين التعب والحزن تطلع قصه كبيره زي هادي وصور مرته يوصلوه من رقم مجهول وياريت حتى لبسها مستور وزياده مع شباب ؟؟ كل الاسئله هادي كان طارحها اصيل ع نفسسه ومافيش اي شي ممكن يريحه ولما طلع كان بيمشي لي عزيز بيحكيله مرات يلقا حل وفي نص طريق رجع وشدها سكير باش ينسا شوويه. 💔

________________

كيناز:راقده وتتفرج ع اصيل والنوم طاير مش قادره ترقد برغم انها تعبانه بس تصرف اصيل وعصبيته والي صاير مع اصيل مخلهاش لا ترتاح ولا ترقد وهيا ليل كامل من سؤال لي سؤال وبس وتستنا في الصبح باش تسأل اصيل ع الي قعد يصير💔

______________

ساجده:تفكيرها في معتصم الي جووه حلووو واول ماتعرفت عليه حساته باااارد وبايع الدنيا ويحب نفسسسه بس متنكرش انه معتصم طيبته واضحه ع وجه وفي نفس الوقت حساته متع بنات لدرجه حست بالقررف برغم هدا كله متنكرش انه معتصم متعاملش معاها بشكل غلط ولا مجرد نضره منه مش تمام بس حست انه معتصم مكسور من بنت والسر كله موجود في المكتب برغم انه هيا مفروض متدخلش بيه وبي خصوصياته بس جايها فضول تعرف قصته بقصد طيب واكتر شي موترها انه تبي تتأكد وتحول الشك ع جمانه وتتمنا تطلع بنت ممكن تكون عندها نفس سلسلة جمانه ومن سؤال لي سؤال لن خداها النووم💔😪

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يووم جديد:-

كيناز:ناضت ع صوت باب الحوش الي تسكر بقووه….وعرفت ازه اصيل طلع قبل ماتنوض هيا ….اففففف ….نزلت من سرير وخشت للحمام …خدت دوش سخون ع سريع ….وطلعت …خشت للكجينه تشطب فيها وبعدها مرت ع الشقه كلها نضفتهاا ….رجعت لغرفتها …شافت الساعه …معقوله ساعه 12 توا واصيل مرجعش ..انا معاش نقدر نصبر اكتر من هكي ضروري اول مايرجع للحوش نسأله ….نتصل بي ساجده نحكيلها ممكن تلقا حل ….وخدت تلفونها ورنت ع ساجده

ترن ترن :-

ساجده:ايوا حبيبتي
كيناز:بصووت حزين ….اهلين ساجده
ساجده:شنو في صوتك مش عاجبني؟
كيناز:اصيل
ساجده:خيره؟
كيناز:من امس في ليل بعد ماروحنا من برا تغير وبدا يقلب في الدنيا
ساجده:اللطف بلكي مسحور
كيناز:لالا كسسر تلفونه يعني في شي وصله ع تلفونه
ساجده:ليش مسألتيشي؟
كيناز:سألته وعصب عليا قوليلي شن ندير؟
ساجده:حكيتي معاه بخصوص البنت الي تصلت بيك امس
كيناز:لا محكيتش معاه ونا قلت مش حانتصرف لن نحكي معاك
ساجده:مالا خيرا ممكن صاير موضوع تاني تحمليه وحاولي تسايريه وتخليه يحكيلك
كيناز:اي انا مش حانسكت من امس نستنا فيه يحكي
اصيل:فتح الباب وخش بدون حركة
كيناز:في رساله وصلتني نشوفها ونكلمك
كيناز:حبيبتي لو تقدي تطلعي وتجيني ع عنوان (؟؟؟؟؟؟) ونعطيك معلومات كلها زي مافهمتك امس واهم شي بدون علم حد لأنه لو حسيت في حد غيرك يعلم مش راح توصلي للمجرم الي هوا يتجول بينكم….شهقت مستحيلا ….وعاودت اتصلت بي ساجده!
ساجده:ايوا
كيناز:اءءء….انا بنطلع توا لو صار معاي شي نكلمك
ساجده:حتى انا بنطلع للخدمه واول ماروح نتواصلو
كيناز:تمام حبيبتي ….سلام
ساجده:سلام …وتسكر الخط!
اصيل:اول ماسمع الحديث بين كيناز وساجده…..ميبيش كيناز تعرف انه روح…..خدا بعضه وطلع ع طول!!

_______________

في المركز:-

عزيز:لابس سروال ابيض جينز وبلوزه سحابيه وساعة جلد سوده ودخل بكامل اناقته وهيبته
بيان:دايره شعرها ديل حصان ….ولابسه بلوزه شيفوون ….واااو شن هاشخصيه
عزيز:قعمز في الكرسي الي مقابلها …..وحط الورقه ع طاوله …وبدون مايشوفلها….في اسئله جاهزه نبيك تجاوبيني علاها باش نحدد موعد المحكمه
بيان:لحضه بس….طلعت الروج من صدرها….وبدت تروج بيه ….شنو رايك؟
عزيز:قام حاجبه ليمين…..وبصوت حاااد …بي تجاوبي ع اسألتي وله نكتب تقرير حسب مافهمت انا
بيان:ضحكت بعيونها….اعطيني الورقه
عزيز:تصرف ببرود….وحطها قدامها
بيان:مسكت الورقه وهيا تقرا بعيونها !!

________________

ساجده:كيف وصلت للحوش …كأنه مافيش حد ….ركبت الدروج وخشت لغرفة معتصم ….تفتش بي عيونها ….لاحضت انه كل شي في مكانه مافيش شي متحرك وحتى السرير مرتب…باين معتصم من لما طلع امس معاش رجع للحوش ….حطت شنطتها ع طاوله….وفتحت الرواشن باش تتهوا الغرفه…وخشت للحمام خدت سطل عباته المياه وخدت فوطه وبدت تمسح في الدار وتنضف من جديد وهكي من حاجه لي حاجه!

_______________

بيان:بعد تفكير خدت قرار انها تمشي حتى لو بدون علم اصيل …لبست عبايه ووشااح ….وهيا طالعه من الحوش بعتت مسج لنفس الرقم …انها شويه وتوصل ع العنوان (الي هوا مطعم في المنطقه معروف!

_______________

بيان:بعد ماقرت الاسئله…مززقت الورقه وحدفتها ع وجه عزيز ….ووقفت
عزيز:فنص عيونه بي غل …وناض بيضربها
بيان:اسئله حقيره زي قانونكم
عزيز:شششاد روحه بالغصب….وربي لو مش بنت ممكن ارتكبت فيك جريمه
بيان:ميهمنيش الي بيني وبينك قضية صح؟🤷‍♀️
عزيز:انا عندي الف قضية غيرك واليوم اخر يوم ليا باش نسلم اقوالك لي المحكمه
بيان:هههه حلو ….تبي تعرف من امتا انا رجعت لي ليبيا؟
عزيز:حط تلفونه ع طاوله وخدم مسجل الصوت ….تكلمي واعترفي بكل شي؟
بيان:انا رجعت لي ليبيا بعد موت حياة بي ثلاثه ايام
عزيز:السبب؟
بيان:اختي ماتت وموتتها مش موته عاديه قتلها زوجها في ليلة دخولها والسبب انه زانيه مكدبتش لكلام الي سمعته لانه منعرفش حياة وتفكيرها طبعا وصلنا الخبر انا وخالتي من جمانة وفي نفس الليله تعبت خالتي في ليل الي كنت نحسابها ماما وهيا تعبانه قتلي ع لمكان الي نلقا فيه المذكره الي كاتبه فها قصتها وفي نفس اليوم هدا ماتت خالتي وانا قريت المذكره وعرفت قصة حياتي وطبعا كنت مفكره انه خوالي مش متقبليني ويكرهوني هدا ليش امي سافرت بيا وع اساس جمانة بس تعلم وهيا الي نتواصل معاها بعد وفاة خالتي بي يومين وصلت لي ليبيا وتلاقيت بي جمانه
عزيز:لحضه بس رجعتي لي ليبيا لانك تبي تعيشي مع اهلك وله لسبب ثاني؟
بيان:اي رجعت لي ليبيا نبي نشوف اهلي ونتعرف عليهم لكن مصارش
عزيز:ايي ليك شهور واصله لي ليبيا وانتي بعيده عليهم السبب المقنع شنو؟
بيان:لأنه عرفت من قاتل اختي ونبي نطيحه في مصيده
عزيز:يعني تبي تاخدي حق اختك
بيان:اي💔.
عزيز:لكن الاسباب هادي مش حاطلعك بريئه
بيان:شنو ذنبي انا علشان مسكتوني مع شخص في شقة في منضر مش تمام
عزيز:ذنبك انك زانيه وضروري تتعاقبي
بيان:الشي هدا بيني وبين ربي القانون مليشي اي علاقه بيا
عزيز:لعلمك انتي هكي غلطتي في القانون
بيان:هههههه نسيت من القاتل وجاي تحاسب فيا ع ذنب
عزيز:لا القضيه الي انتي تحكي علاها كانت مفتوحه وتسكرت لانه حياة طلعت مش بنت فعلا
بيان:والي اغتصبها مني ؟
عزيز:مش معروف قصتها لتوا مش واضحه
بيان:اوك ….حانقولك من المجرم
عزيز:تفضلي!

_____________

ساجده:بعد ساعتين كملت شغلها ومعتصم مبينش ….غريبه لتوا مرجعش وانا ضروري ناخد منه فلوس …..خلاص ناخد منه وغدوه نقوله كم خديت ….فتحت الدرج وخدت منه لفلوس …..وهيا طالعه جت عينها ع مكتب….شافت للباب ….فرصتي انششوف المكتب وشنو السر …شي يمنع فها وشي يقولها افتحي المكتب واعرفي السسر ؟؟؟ ….واخيرا تخطت خطواتها ووصلت قدام المكتب فتحت الدرج …..طلعت منه صندوق كبير ….اول مافتحت الدرج لقت صور بنت …..شهقت ….سبحان الله…..؟

____________

كيناز:وصلت للمطعم وهيا تتلفت وراها بخووف ….اول ماخشت للمطعم وهيا ادور ع بنت ومش عارفه وينها ….تخطت خطواتها لن وصلت لي اخر مطعم وقعمزت ع كرسي
شخص:السلام عليكم
كيناز:عليكم السلام….تفضل
شخص:انا جيت في مكان البنت الي كانت بتعطيك الدليل
كيناز:بصوت يرعش…..وين الدليل لو سمحت
الشخص:قعمز ع الكرسي مقابلها ….حلووه هلبا زي اختك بس واضح انك هاديه
اصيل:واقف يتفرج علاها من بعيد ……ويباعد في الافكار السلبيه لكن مش قادر بعد الصور الي وصلوه ومنضر مرته الي طالعه بدون اذن ودايره لقاء مع شخص مجهول…..يتببع!

اترك رد

زر الذهاب إلى الأعلى