روايات ليبيه كاملة

كيد النساء الحلقة الثامنه

جميع حقوق الطبع والنشر محفوظة

#كيد_النساء 8

كيناز:حطت الكنابات كلهم في جهة وحده وخدت طاوله حطتها في الوسط ….وفتحت المكتبه بتاخد منها ورد….جت عينها ع سلسله ..تنهدت…محلاها …خدتها تتفحص فها لن شافت صورة هبة واصيل من داخل مع بعض ….تنهدت بقووه…..كك كييف شن ادير صورة هبه مع اصيل …رجعت قعمزت ع كنبه وهيا تحاول تربط احداث او موقف….اذكرت يوم العزمه الي جت فيه هبة وتصرفاتها الغريبه وجميله لما نبهت ندى قدامها ..نزلو دموعها ع طول….يعني اصيل قعد يحبها واكيد علاقة حبهم مش اي قصه عاديه هدا ليش مقربش مني ؟ ويساير فيا الايام هادي ع اساس انه يبي راحتي …خدت بعضها وخشت لدارها …فتحت الدولاب وبدت تحط في حوايجها في الشنطه💔

_________________

ساجده:خبطت ع الباب
دلال:فتحت الباب….تفضلي!
ساجده:عطتها البطاقه …انا الخادمه تابعه الشركه
دلال:اهاااا اي اي..تفضلي
ساجده:نقدر من توا نبدا عادي اقل شي نتعرف عليه
دلال:أوك انا عندي طلعه …..اركبي فوق اول غرفة ع اليمين موجود فها ولدي
ساجده:ابتسمت…اوك…ركبت لدروج لن وصلت لغرفة الطفل …فتحت الباب وخشت …جت عيونها ع الولد…تنهدت بقوه….مستحيلا😨
معتصم:راقد ع سرير لابس كانتيرا وشورت قصير ….وقايم عيونه في ساجده
ساجده:بلعت ريقها…اءءءء انتا من؟
معتصم:لوح التيشرت متعه….انتي الخادمه متعي
ساجده:اءءء شنوو؟
معتصم:ببرود خدا تلفونه من ع طاوله…ويقرا في رساله ….سيد معتصم الخادمه حاتكون عندك من اليوم ولو صار اي شي معاك تقدر تخبرنا ونتمنا تتفق معاها ع لمعاش ….رجع شاف لي ساجده….خيرك في شي ؟
ساجده: مافهمت شي منك ع اساس طفل مش شخص كبير
معتصم:مش مشكلتي لو انتي فهمتي غلط….ونزل من ع سرير….رتبي الغرفه ع سريع مابين طلعت من الدوش وتوا نتفاهم معاك ع شغل
ساجده:لا ووقف انا مستحيل نخدم هنايا
معتصم:ضحك ع جنب….ليش؟
ساجده:لأنه انا جيت هني باش نهتم بي طفل صغير والمغرب اروح مش نكون خادمه لشخص كبير
معتصم:قرب منها وهوا يشوف لعيونها….براحتك بس كنت بنعطيك معاش مرتب وتلفت …فتح الدولاب
ساجده:جت حالتهم بين عيونها….في داخلها لو وقفتي خدمه مرات منحصلش خدمه تانيه ونندم
معتصم: ههه خيرك ؟ اكيد انتي محتاجه بتضطري تخدمي هني
ساجده:في داخلها….شنو ساجده ؟ برغم من منضره واضح بيتعبني ؟ بس حانوافق
معتصم:خدا حوايجه…وسكر الدولاب….وشافلها …لو متبيش نشوف غيرك
ساجده:حانتصرف معاها متع الشركه وتوا تشوف …..اوك موافقه
معتصم:خيرك كنتي تفكري تاخدي في راي الشيطان..
ساجده:اءءءء..لالا بس شاورت روحي
معتصم:اهاا اي …باهي منعطلكش ع خدمتك …وقرب منها…وبنبهك ع شي
ساجده:شنو؟
معتصم:امممم ….نكمل دوش ونتفاهمو شن رايك؟
ساجده:هزت براسها …تت تمام
معتصم:انشاءالله جرتك خضرا زي لون عيونك ….وطلع!
ساجده: بهزوه…..حيواان !

_________

كيناز:بعد ماكملت ترتيب حوايجها وجهزت روحها …..قعمزت في صاله تستنا في اصيل يروح من برا!…..لن سمعت صوت الباب ينفتح!
اصيل:سكر الباب وخش …..كيناز
كيناز:انا هنايا تعالا
اصيل:بي استغراب خيرها؟….وخش لي صاله
كيناز:واخيرا جيت وناضت وقفت قدامه بزبط ….ومدتله السلسله…هادي لقيتها قلت مرات يدور علاها
اصيل:مسكها شنو هادي؟
كيناز:شوفها توا تفهم ..ووكيف بتمشي..انا واتيه نبيك تحطني في حوش اهلي
اصيل:شاف صورته هوا وهبه..تغيرت ملامح وجه ….كيناز مافيش داعي تكبري القصه لأنه وقبل مايكمل كلامه ….قاطعاته كيناز
كيناز:لا مافيش داعي تبرر …تصرفاتك وهروبك مني بسببها صح؟
اصيل:قرب منها ….اسمعيني ي بنت الناس انا منبيش نكدب عليك البنت هادي حبيتها وتقدري تقولي اي شي صار معاي بسببها هيا بس وهيا حاليا متزوجه يعني مستحيل ترجع لحياتي تاني برغم هدا كله اي كنت نحبها بس صدقيني انها حاليا متهمنيش
كيناز:بعيون يدمعو…لكن انتا مش قادر تكون معاي علاقه شنو ذنبي انا لو انتا كنت تحبها
اصيل:من قال منبيش ….وبصوت هادي …انا من لما خديتك حسيت انه جاني العوض
كيناز:تعدلت نبضات قلبها بس كابرت قدام اصيل….انا مش حانرضى نعيش مع شخص قلبه مش معاي
اصيل:كيناز متعصبنيش قتلك متهمنيش قصة قديمه
كيناز:شن جاب السلسله هني لو معاش تهمك
اصيل:عارف انه هبة وراها….علمي علمك مش عارف
كيناز:ارفعني حوش اهلي
اصيل:كيناااااز …..الي تقولي فيه ميجيش
كيناز:قلبها ناااااار…..لااااا نبي نمشي خليك انتا وهبة خودو راحتكم
اصيل:استفزاه كلامها….مسكها من يدهاا لن وصلها لدار
كيناز:اصيل سيبني انا مش حانقعد معاك
اصيل:دفها ع سرير بقوه ….كيناز انا مافيش حد استفزني هكي من قبل ردي بالك تغلطي معاي كيناز
كيناز:باهي طلقني وارتاح مني علاش مخليني عندك
اصيل:ماسك اعصابه وحاول انه يهدا مقدرش ….خدا المفتاح من الباب ….انا طالع ولما نرجع توا نرفعك لحوش اهلك
كيناز:باهي متسكرش عليا الدار
اصيل:بدون مايقول حرف….سكر الباب بالمفتاح وطلع !!
كيناز:قعدت تخبط ع باب لن فقدت الامل انه يرجع…..قعمزت جنب الباب….ميحبنيش واضح انه ميبينيش ولما بيرجع بيرفعني يعني فرصه جت لعنده…انا مغلطش باش يعاملني هكي علاش ياربي ياريتني فهمت منه من الاول ومخليتاش يتعصب مني ….😭

__________

ساجده:وهيا ترتب في الغرفه لن وصلت للمكتبه متعه ….وهيا ترتب في الحاجات … تتفحص فيهم رسالة حب من عبير ورساله تانيه من نور ….ههههه بارد ووقح ومتع بنات ….رتبت باقي الحاجات ….وفتحت الستار والروشن …وتلفتت وراها…شهقت بصوت عالي
معتصم:يشوفلها بي غل
ساجده:تشوف لنضرات معتصم ….وساكته
معتصم:من الي سمحلك ترتبي مكتبي؟
ساجده:في داخلها من امتا يراقب فيا هدا ؟ اءءء حسيتها مش مرتب
معتصم:قرن حواجبه بي غل…..بما انك جديده معذوره
ساجده:كيف يعني؟
معتصم:كل شي مسموح انك تقربي منه الا المكتب متعي لو مهما صار متقربيش منه
ساجده:بتردد….وليش؟
معتصم:بصوت عالي يخوف….مليكش اي علاقه بيه واخر مره تسأليني
ساجده:تنهدت بخوف….اوك اسفه
معتصم:وقف قدام لمرايا وهوا يمشط في شعره ….اما معاشك حايكون شهريا الفين دينار
ساجده:بس انا نبيك تخلصني يوميا
معتصم:اوك يوميا كم بيكون؟
ساجده:مم مش عارفه؟
معتصم:مافيش مشكله حددي انتي مبلغ وانا مش حانقصر معاك
ساجده:وقفت جنبه …انا حانكون خاصه بيك او بالحوش كامل
معتصم:لا بيا بس وانا منحبش الشي الخاص بيا يكون مستعمل او يخدم عندي غيري
ساجده:نحلف انه مش طبيعي….اوك تمام انا كملت شغل توا تبي تتغذا؟
معتصم:لا اليوم انتها شغلك ومعلومه تانيه انا مناكلش من حد الا مطعم معين
ساجده:واااو
معتصم:يشوفلها من لمرايا….ليش؟
ساجده:لا بس حلو هكي …تبي حاجه قبل ماروح
معتصم:اي نبي شي خاص بيني وبينك
ساجده:حست بنضراته مش تمام….كيف؟
معتصم:علق الفوطه ع معلاق…وهوا يشوف لساجده من فوق لي تحت
ساجده:بصوت مرتبك…..في شي؟
معتصم:لا شي بس عرفيني عليك
ساجده:اءءء..انا ساجده
معتصم:اهاا حلو اسمك ….وكم عمرك
ساجده: 23
معتصم:بسخف…صغيره
ساجده:ممكن صغيره بس انا نخدم علشان اهلي
معتصم:اي فاهم لأنه كل الي خدمو عندي قالو علشان اهلنا وهكي وطلعت من وراهم قصص تانيه
ساجده:بصوت عنيف….شن قصدك؟
معتصم:لا متفهمنيش غلط انا حكيت ع الي قبلك بس وانتي خليني نتعرف عليك اكتر مع الايام …
ساجده:بصوت مستفز ….اوك تمام وانشاءالله معرفة خير 😅
معتصم:في داخله مستفززه….ههه تبيني نوصلك؟
ساجده:لا شكرا انا نخدم هني وانتا مش سواق تعي وبعدين غير الغرفه هادي ماعندي علاقه بي شي
معتصم:نسيتي المكتب
ساجده:خيرا؟
معتصم:حتى هوا معندكش علاقه بيه😅
ساجده:😏…اوك سلام توا …خدت شنطتها من ع طاوله
معتصم:رجع يرتب في شعره ويشوف في ساجده في لمرايا كيف تشوفله بحقد لن طلعت….😂

_______________

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ساعه 7 المغرب :-

كيناز:فتحت عيونها ببطئ …لقت روحها قدام الباب ….وتفكرت اخر شي صار بينها وبين اصيل …وقفت ع رجليها …وقعمزت ع سرير …شافت الساعه …اففف مستحيلا للمغرب مرجعش .امتا بيجي بنقعد محبوسه هكي فديت ياربي…💔

اصيل:والله مش عارف كيف بننزل وبنفهمها
عزيز:عادي متكبرش بي راسها وتكبر القصه انتا هكي بتزيد نارها
اصيل:عارف وفاهم وربي شويه ومديت يدي علاها
عزيز:خود لهديه وانزل رضاها وحاول تنساها القصه
اصيل:شن هيا لهديه؟
عزيز:حاتعجبها وحاتعجبببك هيا انزل البنت ماتت بجوع
اصيل:ضحك ع جنب…متأكده لهديه تعجبها؟
عزيز:تعجبكم الزوز توا انزل ورضاها بكلمتين وخلوها ليلة معبيه 🔞
اصيل:خدا لهديه …ادعيلي
عزيز:دلع الجوو😂😂
اصيل:هههه….خدا بعضه وخش للحوش!

________________

ساجده:اول ماوصلت للحوش خشت للحمام ع طول … دوشت وغيرت حوايجها وجففت شعرها ….واتكت ع سرير ورقدت لأنها تعبانه بدون ماتشوف حد من العيله لأنه قعدين مايعلموش بي انها تخدم وقررت تحكيلهم اول ماتنوض💔

_____________

كيناز:تسمع في حركة اصيل في الحوش وتستنا امتا يجي يفتح علاها الباب
أصيل:واقف قدام الباب ويفكر كيف بيتصرف معاها
كيناز:واقفه قدام الباب وتستنا فيه يدخل …سامحني اصيل انا غبيه مفروض فهمت القصه ومتسرعتش
اصيل:فتح الباب ودخل ..ونصدم لما شافها واقفه وواضح تستنا فيه
!
كيناز:🥺🥺…اصيل!
اصيل:يذكر في كلام عزيز….قرب منها ونزل راسه وهوا يشوفلها….قعدا زعلانه؟
كيناز:وجها بدا لونه احمر …وبصوت دلع….سامحني
اصيل:حط يده ع كتفها بهدووء ….وانفاسهم متخالطه ببعض…وخداها بهدوء …وقعمزو ع سرير
كيناز:مقدرتش تقيم عيونها فيه وبدا جسمها يعرق
اصيل:حط يديه الاتنين ع وجه وقاملها راسها ….شوفيلي انا راجلك
كيناز:ضحكت بعيونها وقلبها يددق
اصيل:في حد قالك انك احلا بنت
كيناز:ضحكت بصوت هادي
اصيل:حط صبعه ع فمها ويشوف لعيونها بغزل
كيناز:ابتسمت …..شنو الي جايبه معاك
اصيل:اهاا هادي هديه بسيطه انشاءالله تعجبك
كيناز:خدتها منه ….نفتحها؟
اصيل:شوفيلي
كيناز:شافتلها بعيون يلمعو
اصيل:حط يده ع هديه وبدا يفتح فها وكيناز ساعدته وبدت تفك فها معاه
اصيل:حط يده ع وجه……هههههه عليك عزيز وخلاص
كيناز:تضحك لن وله وجها احمر
اصيل:اوك خلاص نوضي خليني نشوفه عليك….
كيناز:نزلت عيونها
اصيل:عرفها متحشمه منه…..باسها ع خدها ….انا بنخش الحمام ونرجع
كيناز:بصوت مرتبك ….حح حاااضر
اصيل:ناض ودخل الحمام !
كيناز:نطت ع سريع غيرت ولبست الروب الي كان هديه من عزيز 😂…..كان طالع ع جسمها يجنن قصير وضيف ومفتوح من جهة الصدر وحلت شعرها ع طوله وبخت البرفان
اصيل:خش لدار وهوا عيونه ع كيناز الي كانت زي الباربي قدامه
كيناز:وقفت قدامه …شن نطيبلك لعشاء؟
اصيل:فوتيه خليك معاي توا
كيناز:حطت يدها ع لحيته….وبصوت دلع …مرات جعان؟
اصيل:باسها من رقبتها بشويه
كيناز:تششم في ريحته الي تجنن
اصيل:وهوا متعمق في كل شي فها بهدووء وحطها ع سرير….وجه مقابل وجها بزبط ومركز ع ملامحها …باسها من فمها وشويه وشويه 🔞

كانت احلا ليله مليانه حب وتفاهم ورومانسيه ممكن الليله هادي انهت اي سؤال في راس كيناز ومن الليله هادي هلبا حاجات حاتنحل وواضح العلاقه حاتطور …خلونا نشوفو كيد كيناز كيف حايخلي اصيل ينسا الماضي البشع ويسلم قلبه مره تانيه

____________

يوم جديد:-

كيناز:فتحت عيوني وشفت اصيل راقد جنبي ….محبيتش انوضه ….نزلت من سرير بي شويه ….لن حسيت بيد نحطت ع بطني
اصيل:عيونه مسكرات….وين بتمشي وتخليني بروحي
كيناز:محبيتش انوضك قلت يرتاح شويه
اصيل:جبدها بقوه …خليك جنبي شويه
كيناز:تملس في لحيته ….انتا بتخليني وبتطلع لي عزيز
اصيل:هههه لالا اليوم خاص بينا احنا الاتنين
كيناز:بي ابتسامه ….بجد؟
اصيل:يملس في شعرها ….وراسك ي غاليه
كيناز:حبي لقوووي
اصيل:من وين متعلمتها؟
كيناز:وي ي حبي لقووي 😂
اصيل:😂…..بصوت هادي محلاك
كيناز:حطت يدها وراء ضهره….واصيل قرب منها اكتر ….وقعدو قريب ساعه وهما يهدرزو بطريقه هادي

________________

في حوش صالح ع سفرة لفطور:-
نادره:عمي معاش عنده حبوب اخر حبه عطيتهاله ع لفطور
ساجده:فمها معبي ماكله….انا شويه وبنطلع توا نجيبله
نادره:عندك فلوس؟
ساجده:اي
نادره:باهي حتى انا عندي خوديله بيهم كلهم لأنه غالي الدواء
غاليه:لا هوا الحمدالله كل يوم يزيد يتحسن
نادره:ايي الحمدالله …عمتي بعد اذنك بنمشي انا وهمام بنزورو حاتم
غاليه:تمام ي بنتي ردي بالك
ساجده:ماما بنقولك انا بديت نخدم
غاليه:شهقتت….كيف؟
ساجده:اسفه ماما متوقفينيش لانه معندناش فلوس يكفو مصروفنا ومصروف بابا
غاليه:الله غالب بنتي هدا الوقت وانتي وين حصلتي خدمه؟
ساجده:عند عيله عندهم طفل صغير وبنهتم بيه مابين امه روحت من الخدمه
نادره:ولمعاش كم؟
ساجده:اءءءء….قتلي مافيش مشكله كم تبي نعطيك
نادره:باهي مالا موفقه ومدام عند عيله احسن واحسن
غاليه:ردي بالك بنتي ع روحك 💔
ساجده:حاضر …وناضت من جنبهم فرحانه انه واخيرا حكتلهم
نادره:مرت عمي نا فطرت عمي وعطيته دواه كانا تبي تمشي معاي لزياره عادي
غاليه:لا منقدرش نخلي عمك بري انتي ومره تانيه نمشي انا
نادره:حاضر وتوا نسلملك عليهم
غاليه:يارب فرج عليهم 💔
نادره:خدت ولدها وطلعت!

________________

كيناز:طلعت من الدوش والفوطه ع راسها ….خشت لغرفتها وقفت قدام لمرايا
اصيل:يلبس في سبيدرو….حبيبي انا طالع ناخد حاجات من محل وراجع نلقاك جاهزه
كيناز:من الدار تمام نستنا فيك!
اصيل:فتح الباب وطلع!
كيناز:يحليلي زعما وين بيطلعني …اممم نلبس لبستي الموف احلا ….لبست سروال موف ضيق من فوق وواسع من لوطا عليه بلوزه سحابيه فها خطين موف من الجنب ووشاح شيفون مزقرش بدون مادير شي في وجها لانه مش محتاجه غير شويه احمر خدود ..ورجعت قعمزت ع سرير تحط في زمالطو …لن سمعت تلفونها يرن…رقم غريب زعما مني …فتحت الخط…الو
بنت:اهلين
كيناز:مني؟
بنت:اول شي كيف حالك ؟
كيناز:الحمد الله بخير وانتي؟
بنت:كويسه …المهم منطولش عليك
كيناز:تفضلي
بنت:انا نبي نسألك ع اختك حياه
كيناز:شهقت …خيرها؟
بنت:انا عارفه قصة حياة بي الكامل ومن الي باعها ومتعاون ضدها!
كيناز:كك كييف؟انتي مني؟
بنت:حسيتك مش فاضيه اليوم المهم اول ماتفضي وتقدري تطلعي نتمنا نتلاقو ونحكو
كيناز:سكرت في وجها الخط ….وبدا جسسمها يرجف من الخوف….💔

_____________

ساجده:كيف وصلت لحوش معتصم …وهيا راكبه الدروج …طقت ع باب معتصم
معتصم:حبيبي خليك جنبي هادي اكيد الخادمه….خشي
ساجده:خشت ….وشافت لي معتصم والمنضر الي هوا فيه ..وكيف بتتلفت
معتصم:ارجعي شوفي خدمتك
ساجده:مردتش عليه ….وطلعت!
معتصم:خيرك تحششمتي انا معاك وتتحشمي؟
البنت:كأنه البنت نعرفها وصوتها مش غريب عليا!
معتصم:كييف يعني ؟
بنت:شن اسمها الخادمه؟
معتصم:ساجده اي هيا كنت حاسه والله ….دبرلها اي شي وخليني نطلع قبل ماتشوفيني
معتصم:غير فهميني مني هيا وشن تقربلك
بنت:مش وقت اسئله خليني نطلع من هني بسرعه
معتصم:تمام انا نطلع ونوزعها وانتي اطلعي من الباب الوراني
بنت:تمااام !

ترن ترن :-

كيناز:الو ساجده
ساجده:اءء…اهلين
كيناز:بنحكيلك شي صارر معاي
ساجده:انشاءالله خير احكي؟
كيناز:اتصلت بيا بنت وقتلي لازم نتلاقو ونحكيلك من وراء قصة اختك حياه وقتلها
ساجده:تنهدت…غريبه لكن ردي بالك اديري شي بدون علم اصيل
كيناز:انا سكرت علاها مقدرتش نكمل كلامي
ساجده:جمانه عندها المعلومات كلها ونكررت قدامنا
كيناز:المره هادي كل شي بين يدينا ضروري نكلمها ونتلاقو ونعرف السوس مني
ساجده:تماام نرجع نتصل بيك ونتفاهمو
كيناز:تماام حبيبتي سلام!

_________________

في مركز الشرطه:-

عزيز:شاد اوراق ويقرا فيهم
المحقق:شن صار معاك بتتحمل المسؤوليه مابين انا رجعت
عزيز:حط الملف ع طاوله ..قصه صعبه بس اكييد نقدرها
محقق:كلهم حاطين فيك الثقه من جديد وعارفين انك حاتوصل للحقيقه
عزيز:بإذن الله ..انا قريت القضيه وحانباشر بي الخطوات الازمه
المحقق:تمام …ووقف سلم ع عزيز….تشرفت بيك
عزيز:وانا اكتر …وانشاءالله نكون قد الثقه
المحقق :معنديش شك فيك
عزيز:هدا فخر ليا اكيد
المحقق:تمااام .بعد اذنك..وطلع!!
عزيز:خدا الملف والبطاقه متعه وطلع !!

عزيز:صح سيب الخدمه فتره طويله علشان صاحبه واصيل وهكي بس مايقدرش ولا محقق ينكر ذكاء وشجاعة عزيز ويعتبر من اشطر المحققين لذلك اعطوه. قضية ومش علاها ولا دليل وعزيز هوا متحمل المسؤوليه اما القضيه حانفهموها في الاحداث🤷‍♀️

________________

ساجده:تشوف في البنت وهيا طالعه تجري …رخيصه
معتصم:وين عيونك؟
ساجده:شافتله بي استحقار ….وخشت للغرفةة
معتصم:عجباته تصرفات ساجده….غريبه البنت !
ساجده:خلي ارتب السرير الي مليان وسسخ….حولت البطانيه وبدت تلملم في كل شي ع سرير …خاتم معتصم وشافت سلسلة البنت ..قعدت تشوفلها كأنه شايفتها من قبل ..انا متأكده السلسله مش غريبه عليا …وليش البنت مخلتنيش نشوف وجها ؟؟ شااافت وراها ورجعت شافت لي سلسله حطتها في شنطتها وحطت خاتم في الدرج …وكملت ترتب وتمسح في كل شي موجود في الغرفه !!

________________

في الوقت هدا كانت كيناز مع اصيل يتغذو في ارقا و افخم مطعم
كيناز:فمها معبي شاورما…..وااااو محلاها
اصيل:مافيش احلا منك
كيناز:لا في احلا مني
اصيل:ضحك ع الجنب…مني؟
كيناز:انتا اصيل
اصيل:لانه عيونك حلوات بس
كيناز:اصوله بعد مانكملو ترفعني ملاهي
اصيل:هههههه …وعلاش لا ي بيبي
كيناز:انا كملت اطلب كيكه نبي نتحلا
اصيل:بصوت سحنون….لالا
كيناز:ليش
اصيل:فيش حلو ياكل حلو
كيناز:عمرري

_______________

وهكي ساجده كملت خدمتها ع سريع ….واخيرا كملت توا ضروري نكلمه يعطيني فلوس
معتصم:فتح الباب وخش وماسك في يديه اكياس….قعمز ع كرسي
ساجده:هدا شنو؟😳
معتصم:يفتح في الاكياس ….غذاء تعالي كولي معاي حاسبك
ساجده:لا صحيت وصحتين اعطيني فلوس اليوم بناخد ادويه لبابا
معتصم:افتحي الدرج خودي كم تبي
ساجده:لا منبيش اكتر اعطيني حقي بس
معتصم:تمام لكن تعالي تغذي معاي قبل بجد والله حاسبك
ساجده:تماام ….وقعمزت جنبه
معتصم:فمه معبي دجاج….حركات وجو رزانه عادي عادي كلهم هكي من البدايه
ساجده:تقدر تفهمني شن قصتك انتا؟
معتصم:كنت نجيب في بنات ونقول انهم خدم وهكي 😂
ساجده:خاااامر😏
معتصم:تصدقي انتي الوحيده الخادمه عندي 😂
ساجده:خدت سفرة الدجاج وحدفتها ع وجه…وناضت😒
معتصم:😳😳

____________

في المركز:-
عزيز:واقف يدور ع المتهمه….ومش راضي ع الي قعد يصير
بيان:لابسه سروال ابيض وكله امزق وتيشرت قصير ونص صدرها باين برا وشعرها محلوول وماسكه طرف دخان ….وعلاش ادور من بكري تقدر تبدا في الاسئله
عزيز:بصوت حااااد ….مش انا الي ناخد في اذن من حد
بيان:لا واضح من منضرك😅
عزيز:خبط ع طاوله بقوووه…..شن اسمك الرباعي
بيان:هههههه محقق غلبان.
عزيز:تتتتكككلمي
بيان:…انا بيان صالح (؟؟؟؟؟) وامي غاليه(؟؟؟) وعندي اتنين خوت حاتم ورياض و3اخوات حياه وكيناز وساجده
عزيز:يشووف وهوا مصدوم
بيان:هههههه وليش مصدوم مازال خليني نكمل ….انه هما ميعلموش بي وجودي اصلا وانا نعرفش عليهم شي غير اساميهم….يتبببع!!

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock