كيد النساء الحلقة الخامسه | القلم الناجح
روايات ليبيه كاملة

كيد النساء الحلقة الخامسه

جميع حقوق الطبع والنشر محفوظة

#كيد_النساء 5

المختار:ايواه واليون نبو ننهو الثأر هدا
كلهم:يسمعو في كلام المختار ويستنو في قراره
المختار:انتا ي ولدي ضروري تتزوج المستوره
اصيل:تنهد بصدمه ….أنا؟
الهادي:شن الي تقول فيه ي مختار
المختار:مافيش حل غير هكي بعد اذنكم كلكم طبعا
صالح:يتبادل في نضرات مع ولاده
حاتم:شن يخرفو هادو
رياض:مش عارف خلي بوك يتفاهم معاهم
صالح:لو الشي هدا يعتبر حل وميصيرش لا دم ولا شي عادي لكن عندي شروط
ناصر:هوا حل اي وهكي الشباب كلهم يهدو ويحولو اي شي حاطينه في روسهم
اصيل:وشنو انا طرطور مقعمز تي الحياه حياتي انا الي نقرر شن بيصير
المختار:لا عندك حق في كل شي بس انتا شايف الوضع
الهادي:وافق ي ولدي منبوش تصير مشاكل
ناصر:لو هوا رافض مراد يتزوجها او واحد من ولادي
الهادي:شن الي تقول فيه مراد متزوج ومستحيل نحطه في موقف زي هدا
المختار:القرار توا في يد اصيل
صالح:ساكت ويتفرج ويبي يشوفهم شن بيقررو باش يحط شروطه
اصيل:يشوف لبوه وعارف انه حطوه في موقف وغصبوه ع موضوع مكانش حاطه في راسه وموضوع الزواج كان ناهيه من حياته
ناصر:هيا اصيل شن قررت؟
اصيل:يمسح بيديه ع لحيته ….ديرو الي تشوفوه مناسب….وخدا بعضه وطلع!
المختار:تمام هيا ي صالح قول شن شروطك
صالح:انكم كلكم توقعو ع ورقة الي حانجيبها من المحكمه قدام كل القبائل انه ينتهي الثأر وبنتي تكون سليمه وولدكم ميأذيهاش نهائيا
المختار: ضرب بيده ع صدره ….انا اول شخص نتحمل مسؤولية بنتك ولو اصيل ومراد الي كنت نبي واحد منهم يكون زوج لبنتك مش كويسين مكنتش ندخل نهائيا
ناصر:وانا مع المختار وخديت القرار معاه وطلبت من اصيل يرجع باش نحلو الازمه هادي كلها
الهادي:مدام ي صالح جيت وخشيت لحوشنا انتا وولادك ومطيحتش كلمتنا احنا من اليوم مديونين عندك وحقك علينا
صالح:اول ماسمع كلام الكل ارتاح وتأكد انه المره هادي بنته حاتعيش معززه ومكرمه

دقايق وصالح وولاده طلعو بعد ماتفقو وتشارطو وكاان متفاهمين في جميع الامور ومكانش بينهم خلاف

ميلو:لكن توا خلينا نتعرفو ع اصيل وشن وجهة نضره اتجاه الموضوع وشن ردت فعل كيناز اول ماتسمع بي القرار الي خدووه🤷‍♀️

__________________

في حوش الهادي:-

جميله:تنهدت بصدمه….كييف شن تخرف ؟ انتا بتتزوج كيناز
غاليه:غبر فيهم مافيش حل لي ثأر غير انك تتزوج بنتهم
اصيل:ملامح وجه حزينه ومتعصب…مافيش حل الا نتزوجها
جميله:حطت يدها ع فمها ..تي البنت نحس فها صارتلها حاله نفسيه مننا تي كيف بتتزوج سلفها شن لهبال هدا
غاليه:انتي سكري فمك لما تتكلمي معاش تسكتي…خلينا نفهمو من خوك
اصيل:شن بتفهمي يما بالله مافيش حل غير اني نتزوجها
غاليه:أنتا عندك عادي يعني راضي وله متبيش؟
اصيل:شاف لي جميله ع طول …لا مش راضي لكن بنتزوجها لأنه لو رفضت مش حايصير خير
غاليه:هما عيلتهم كويسه والبنت ماشاءالله لكن الموضوع فيه شي غلط
جميله:كانا انا في مكانها وربي لما نهج شني هدا؟
اصيل:ربي يسترها ويقواها الله غالب نصيبها هدا
جميله:نصيب شنو بالله انتا ماعندكش علم بي شي
اصيل:قرن حواجبه…شن قصدك؟
جميله:خوك تزوج اختها حياه واول ليله قتلها وتبلا علاها وبعدها طلب يتزوج اختها كيناز وقتل روحه
غاليه:الله يرحمهم ويغفرلهم ..وناضت مقدرتش تتحمل
جميله:امي مش قادره حتى تتطلع وتقابل الناس من عمايل ولدها
اصيل:البنت متوجعه هلبا يعني وتوا اول ماتسمع بالخبر شن بيصير فها؟
جميله:الله غالب وخلاص…غير توا فوتها انتا كيف بتعيش معاها؟
اصيل:ههه زي اي راجل كيف بنعيش يعني
جميله:انتا كرهت ريحة لبنات بعد ماتزوجت هبة وتوا تقول بنعيش عادي
اصيل:تنفس بعمق…مش عارف كيف بنخون هبه
جميله:خلااص اصيل هادي مش خيانه هبة تزوجت وعندها صغار وانتا قعد متبيش تتزوج معتبرها خيانه
اصيل:حطوني في موقف بعد ماحولت موضوع الزواج من راسي
جميله:حرام الي ادير فيه عمرك 35وانتا مصمم متبيش تتزوج وشوفت ربي شن دار باش يخليك توافق
اصيل:سبحاان الله …وافقت ع خاطر بويا بس لانه عارفه ميبيش مشاكل والباقي تحرم عليا اي بنت!
جميله:قعد محتفظ بي ذكريات هبه؟
اصيل:لوح علاها لبخده….مستحيل تبطلي الفضول متعك
جميله:هههه ….ناضت وهيا داخلها لدارها….ههه مرات كيناز تنسيك هبه 😂
اصيل:اءء…اسمها كيناز ….طلع وهوا يفكر في الموضوع!

اصيل: عمره 35 متخرج من كلية الطب في طرابلس ملامحه ع الاسود طوويل هلبا واحلا شي فيه شخصيته شخص كويس ومعروف بي اخلاقه قبل 3 سنوات كان مرتبط بي بنت خالته اسمها هبه وكانت تقرا معاه يعني شبه عاش معاها وتعلق بها هلبا وحبها هلبا بعد ماكملو الجامعه وكان ناوي يخطبها بو هبه رفض وصارت هلبا مشاكل بين العيلتين وفي نهاية بوكل هبة تزوجت ولد عمها وتأثر اصيل هلبا ومقدرش يتحمل سافر عاش برا وطور من نفسه وخدم برا وبدا دكتور مشهور ومعروف يعني ليه 3سنين برا مره في سنه يروح يزور في اهله ويرجع شبه مستقر برا بس اليوم شوفو شن صار واضطر اصيل يتنازل ع قراره الي كان واخده وهوا مش راح يتزوج بعد هبة

__________________

في حوش صالح:-

العيله كلها متجمعه في الصاله ويسمعو في صالح شن بيقول🔥

صالح:انا عارف لكلام الي ح نقوله صعب ومش راح ترضا بيه كيناز
حنان:شن في انشاءالله خير
كيناز:مركزه ع بوها وتستنا فيه يحكي
ساجده:شافت لنادره بحركة تعجب
صالح:مستحيل ينتهي الثأر الا بزواج
كيناز:تنهدت بصدمه …قق قصدك انا بنتزوج
كلهم:😨😨
صالح:بنتي انا عارف الي صار مش ساهل وخفنا مم العار وتسترنا ع لفضيحه الي هيا مهناش من الاساس لكن بنتي زواجك هدا ع ضمانتي العيله كويسه وانتي تعرفي كيف وقفو معاك
كيناز:بعيون يدمعو وهيا مصدومه….اءءء مم مستحيل نتزوج مستحيل وطلعت تجري لدارها
نادره وساجده:لحقاها ع طول💔
حنان:تي فهمني ي صالح من وين طلعاها العادات هادي
صالح:الله غالب الرجاله لكبار تفاهمو وهدا الحل الوحيد وله حاتلقي واحد من صغارك متوفي
حنان:تنهدت….ياربي من مصيبه لي مصيبه ارحمنا ياربي
حاتم:غمز لي رياض …وطلع
رياض:هدا الحل يما ضروري تقنعي بنتك…وطلع وراه حاتم!
صالح:صدقيني العيله كويسه وانا واثق في الولد ومن وجه واضح الاحترام وحكالي بوه عليه كل شي وانتي عارفه عيلتهم شنو؟ وكيف وقفو معانا
حنان:ربي يسمع منك ي صالح ويطلع الولد كويس وتعيش بنتي وتتهني
صالح:بإذن الله حاتتغير حياتها انتي توا خليك معاها واحكيلها شن قتلك وانشاءالله خير
حنان:حاضر….نحطلك حاجه تاكلها؟

صالح:لا صحيتي غير خشي شوفي البنت وانا بنخش نرقد
حنان:تماام ارتاح وانا نتصرف معاها
صالح:ربي يحفضك….وخدا بعض ودخل لداره!

__________________

كيناز:متكيه ع سريرها…وتبكي شنو دايره ي ربي بس علاش من غير البنوت 😭
نادره:حسبي الله فيه انشاءالله مايشوف الرحمه في حياته
ساجده:لكن عيلتهم كويسه هوا حسام من غير اهله عافن بس
كيناز:انا كرهتهم كيف بديت نفرح
نادره:معاش فهمت امتا بينتهي الكابوس
ساجده:من وين طلعت قصه الثأر نهار لمغبر ليا 70قرن مسمعتش بها
ساجده:بعيون مليانه دموع…..قصة الثأر مش ساهله ومش راح تتسكر القصه الا بزواج كيناز او واحد من خوتك حايموت
كيناز:تنهدت….ونهااارت بالبكاء ..يحليلي بنتزوج وحش تاني
حنان:طقطقت ع باب وخشت
ساجده:لا مرات مش نفس خوه
نادره:حاترجع نفس القصه شن لناس الي بلا رحمه هادي
حنان:قعمزت جنب كيناز….اطمني مدام بوك قال الولد كويس
كيناز:مستحيل نرجع نوثق في حد انا قريب نهبل لما نسمع اسمهم
حنان:لا الولد قاري وكان مسافر برا ومثقف ومتنسيش انه العيله وقفت معانا وشدو هلبا واستنوك اتمي العدة وشافو حل لينا
كيناز:كيف ي ماما تبيني نطمن بعد الي صار😭
ساجده:كرهت حتى نطلع من الحوش من كلام البشر مليييت
نادره:كارثه عندهم حق انا بروحي مش فاهمه شي شن القصه هادي
حنان:الناس حاتقعد تتكلم لن ينكشف من بايع بنتي
ساجده:تنهدت….كيييف ماما؟
حنان:انا سمعت حديثكم وبنتي في حد مغتصبها قبل الزواج لانه مستحيل حياه تبعد ع حبيبها الاول ع خاطر حسام
نادره:نزلت راسها
كيناز:الحق حايبان والناس حاتعرف صدقوني مدام المجرم قعد حي
ساجده:ايي
حنان:بنتي اليوم صلي صلاة الاستخاره مرات تتريحي لي اصيل
كيناز:كرهتهم يما معقوله بنغصب روحي مره تانيه
ساجده:انتي قعدا متأثره لكن صدقيني لو الولد كويس حاتنسي
كيناز:حضنت امها بقوووه…..ي ماما شن ندير خايفه والله
نادره:كنت نتمنا نديرلك حل لكن مافيش كيناز حاولي تقتنعي بوك ضمنه وخوتك وشهد عليه بووه
كيناز:مش عارفه قعدا خايفه منقدرش ننسا القصه
حنان:بنتي الي صار فينا مش ساهل لكن قعدا مأمنه بي ربي مدام الزواج متفق من ناس كبيره وتخاف ربي صدقيني حاترتاحي
كيناز:يااارب💔
نادره:نوضي توضا وصلي صلاة الاستخاره حاترتاحي
ساجده:وصلتها رساله …وهيا تقرا فها طلعت وجها ميتفسرش💔
نادره:لاحضت ساجده انه ملامح وجها تغيرت…طلعت وراها!
كيناز:قعدت تفضفض لي امها وحنان اطمن فها بالكلام
________________

اصيل:موقف سيارته في شارع يستنا في صاحبه …وتصل بيه ….تي خيرك لتوا مطلعتش تقولي كان تحضر وله تقرا وانتا تاكل ع حسابي اطلع ي راجل خليت الناس كلها تتفرج
عزيز:باهي خيرك العيله متجمعين ع خاطرين وفرحانين استنا
اصيل:😂…اطلع وانتا تحسس فيه قريب يديرو عليك سليطه
عزيز:اهو جيتك وانتا تنفخ فيهم
اصيل:اسكت قلت خلي ارنو عليه قدام اهله باش يقولو مشهور
عزيز:😂😂….
وانتا خيرك جاي غريبه
اصيل:اي ي صاحبي صاحبك بيتزوج
عزيز:خيرك اليوم شادها براده +2
اصيل:نحكي جد بنتزوج
عزيز:ومن هادي وله هبه اطلقت
اصيل:لالا مرت خوي حسام حصلوني فها لانه قعدت قضية ثأر
عزيز:😂😂…احلف
اصيل:وراس لعزيز زي مانحكيلك ووافقت نتزوج ع خاطر بوي بس
عزيز:غريبه والله لتوا ماني مصدق لكن يديروها عمامك قعدين يخرفو في التراث غير هما
اصيل:مش عارف حصلت فها وندمت والله مش عارف كيف بنعيش مع بنت هكي موضوع مقدرتش نترجمه في راسي
عزيز:مسكينه البنت من خوك ليك انتا طول وجعتني تصدق
اصيل:شد ضحكته ..اركب بالله انتا حرام واحد يحكيلك
عزيز:شن بنديرلك عاد اتزوجها شن مازال في العمر
اصيل:وخر بي سيارره ….وطلع!

_____________

ساعه 9 في ليل :-

كيناز:ماسكه المصحف وتقرا في القرأن
ساجده:من لما وصلها المسج وهيا ترتب في الدولاب وفاشه غلاها فيه
كيناز:مستغربه في تصرفات ساجده بس مفكرتش تسألها
نادره:خشت ماسكه سفرة فيها مشقشقات حبت تغير الجو شويه..هيا سجوده تعالي معانا وبعدين كملي
ساجده:بصوت حزين….لااا صحه
نادره:خيرك سجو بلا جو درت السفره باش نفرحو شويه ونهدرزو
ساجده:بنفس نبرة الصوت ….نكمل ونجيكم
كيناز:حطت المصحف ع طاوله….في شي ساجده صح ؟ لانه من بكري تصرفاتك مش طبيعيه
نادره:بلعت ريقها ..لا كنوزه فوتها خلينا ناكلو انا وياك
ساجده:تحاول تمنع روحها متبكيش …واستمرت ترتب في لحوايج
كيناز:غمزت لنادره…بمعنى خيرها
نادره:نزلت راسها..ذوقي العصير انا درته ؟🥺
كيناز:بصوت هادي ….شن في احكي ؟
نادره:خالد ولد عمتك بعتلها مسح فيه شوفي نصيبك
كيناز:تنهدت …مستحيل
نادره:اي اصلا عمتك هازيه ومش عاجبها الي صار مستحيل تخلي ولدها ياخد وحده منكم
كيناز:هدا ع اساس تحب ساجده وتبيها وكانو محددين انه الشهر هدا بيخطبها
نادره:الله غالب انا قتلها متتأثريش سيوره يجيك ارجل منه!
كيناز:ساجده متزعليش هدا بدلك متعدليش عليه
نادره:الي يحبك يبان في المواقف الصعبه ولو موقفش معاك يعني هوا مش خير ليك واكشفتيه ع حقيقته
ساجده:هوا يبيني لكن عمتي قتله نغضب عليك لو تاخدها
نادره:اي خلاص لو في نصيب توا يقنع امه ويرجعلك فوتيه
كيناز:حاولي اطلعيه من راسك عماتي وخوالي كلهم بانو ع حقيقتهم حشا خالاتي منهم هما بس وقفو معانا
نادره:الله غالب تعاملو معاهم عادي في نهايه عماتك
كيناز:الله غالب هدا امتحان من ربي بس نا واثقه حايجي يوم وربي يكشف كل شي!
ساجده:تمسح في دموعها…كأنه حلم مش مصدقه الي صار معانا💔😭
نادره:💔

كيناز:شن تقولي عليا انا الي تحملت كل شي وتوا نفتح عليا موضوع جديد
نادره:لكن المره هادي مش بالغصب هدا انسب حل ليكم صدقيني الولد كويس
كيناز:بي حيره…كيف تأكدتي؟
نادره:اتصلت بي صاحبتي …وحكتلي عليه قتلي كوني مطمنه اصيل راجل وينشد بيه الضهر
كيناز:ابتسمت….لكن مهما كان الموقف يذكر فيا في الحادثه!
نادره:لكن متنسيش انه الحل هدا حاينقذ عيلتكم وانتي عارفه الثأر مش ساهل
ساجده:كنوزه نوضي صلي زي ماقتلك
نادره:اي نوضي توكلي ع ربي
كيناز:انا متوضيه …انصلي ونقولكم ارتحت او لا هههه
نادره:ايي صلي وربي مش حاينساك
كيناز:باهي خلينا ناكلو وبعدها نصلي
ساجده”:هههه اي وحتى نا معاكم….اجتمعوا كلهم ع سفره وبدو ياكلو ويبصرو مع بعض

________________

اصيل:ينفخ في دخانه بقووه…تعرف شن نفكر
عزيز:تفكر في البنت فرحان انه غصبوك
اصيل:لالا لكن البنت بتنضلم معاي
عزيز:كيف ؟
اصيل:انتا عارف بعد هبه انا محبيتش ومش راح نحب والبنت بتقعد مرتي بالاسم
عزيز:قصدك مش راح تحسسها انك راجلها
اصيل:انا مش حانضايقها لكن مستحيل نقرب منها
عزيز:مالا علاش متزوج
اصيل:انا من اول ليله حانفهمها لو مش راضيه عادي تقدر تطلق
عزيز:لا في هادي غلطت هيا حاتقعد معاك وتتحمل ع خاطر سلامة اهلها لكن ميجيش الي ادير فيه
اصيل:لوح دخانه…هدا لاش انا منبيش نتزوج منبيش نضلم معاي بنت الناس
عزيز:لا حول الله ربي يهديك وتنسا هبه هادي
اصيل:هيا بتروح انا خلاص هوا هاكه راهو
عزيز:هوا هدا اقعد تهرب هيا متزوجه وانتا في الهم
اصيل:فتح باب السياره وركب !
عزيز:ركب….شن اسمها هيا؟
اصيل:ههه خيرك وجعاتك ؟
عزيز:لا مدام بتتزوجك واضح معندهاش حظ
اصيل:الله غالب هدا نصيبها!

________________

كيناز:كملت صلاتها …وسلبت بدلة الصلاه
نادره:كيف داخله لدار….هيا تصبحو ع خير حاتم روح
ساجده:سعيده حبيبتي حتى نا بنرقد
كيناز:سعيده قلبي …ورقدت في سريرها
نادره:لو نضتي الصبح مرتاحه يعني معاش تخافي
كيناز:ههه انشاءالله خير
نادره:هيا سلام
ساجده وكيناز:سلام

______________

اصيل:متكي في سريرها وليل كله يفكر بس انه حايضلم البنت وانه مش راح يقدر يحبها ويعاملها مرته وفي نفس الوقت مش قادر معارض القرار الي خدوه لأنه ضروري يصير منه لن ارقد وهوا يقول يارب متمتحنيش في شي منقدرش عليه 💔

___________

كيناز:تذكر في كلام الكل الي نقال ع اصيل صح خايفه ومتأثره بس كلامهم قدر يهداها ويريحها وخاصة بعد ماصلت حست بي شي غريب وراحه لدرجه مدورتش اي شي فيه غير انه يكون كويس ومستعدا تتحمل اي شي بس مايكونش زي حسام ليل كله وهيا تحاول ترتاح وتوقف عقلها من التفكير💔

______________

يوم جديد:-

ع سفرة لفطور:-

ساعه 11 :Am
صالح:رشف رشفه من الشاهي…شن صار حكيتي مع البنت؟
حنان:ايي حاولت نقنعها رد عليهم وحددو العرس
صالح:اي انا متأكد انها حاتعيش مرتاحه وانشاءالله خير
حنان:هدا نصيبها مافيش حد وقف معانا ومفروض مش هكي الحال توا
صالح:الله غالب كلام الناس ميهمنيش اهم شي انا عارف بنتي نضيفه
حنان:بلعت ريقها…اي الحمد الله
كيناز:صباح الخير
صالح وحنان:صباخ النور…قعمزي افطري نادره دارت خبزه زي لعسل
كيناز:جيت بنقولكم ع حاجه
صالح:قولي بنتي
كيناز:انا موافقه ع كل شي
صالح:ابتسم….عارفك بنتي متزعليش في بوك لكن زي ماقتلك المره هادي مش حايصير شي
كيناز:انشاءالله بابا
جت نادره وساجده ونزل حاتم وفطرو العيله كلهم مع بعض

____________

بعد مرور ساعه ونص تقريبا:-

وصل خبر الموافقه لحوش الهادي وانهم ضروري يحددو يوم العرس وهكي وقرر مراد والهادي يخلوه نهاية الاسبوع لأنه مش راح يديرو عرس كبير وعارفين حتى عيلة صالح مش راح يديرو عرس كبير بعد الي صار كله اتصلو بي صالح وقالوله لخميس الجاي العرس وتكون الاربعاء الفاتحه ولخميس في ليل يروح بها بدون اي شي اضمن واريح للعيلتنا اهم شي الثأر ينتهي ويتهنو العرسان💛

خلي نختصر عليكم الاسبوع هدا باش نحكو ع يوم الزفاف لأنه مازال الف قصه

_________

بعد مرور ايام:-

في حوش صالح:-

ميلو :هوا صح مش عرس كبير بس المره هادي مكانش زي المره الاوله كان في راحه بينهم عزمو ناس بسيطه لانهم عارفين مافيش حد بيواصلهم حتى صاخبات كيناز مافيش ولا وحده منهم حضرت ولا تصلت بيها 💔

اما كيناز: كانت تجهز في نفسها وهيا مطمنه وفرحانه وساجده ونادره جهزوها زي اي عروسه مقصروش معاها وحجزت عند كوافيره معروفه صح هوا يوم واحد بس حبت تكون المره هادي زي ماتتمنا واكتر

الي حكيته توا توضيح بس لتغيرات الي صارت للعيله
________________

وصلنا ليوم لخميس الصبح :-

اصيل:متكي ع الكنبه ويتفرج
جميله:داخله للحوش دهشانه ….ووووه تعبت الزح
اصيل:ضربها برجله….معاش تقولها الكلمه هادي تتغلمي فها من صاحباتك المسترجلات
جميله:😂…ضم فمك كنت انضملك في حوشك
اصيل:اما حوش
غاليه:كيف خاشه….كملتي بنتي؟
جميله:اي كملت ترتيب كل شي…ومدخليش بيكم بنمشي بعدين لما بتروحو بها
اصيل:غير فهميني بس اما حوش متقوليش حوش حسام الله يرحمه
جميله:اي مالا حوش مني واضحه
اصيل:انتم بشر تحسو وله شنو
جميله وغاليه:😳😳….خيررررك
اصيل:تي مفروض ينهد الحوش كيف بتخش البنت وهيا صايرتلها فيه قصه تي كانا انا راهو طلعت من عقلي
جميله:مالا وين بتسكنها؟
اصيل:في شقة لقديمه متع مراد
غاليه:انهاري مقدمها تبي شهر باش تترتب
اصيل:لالا اتصلت بي شباب بيجو قالولي مدور شي كل شي علينا والاثاث حجزت فيه كله
جميله:احيه ع اصوله طلعت حنين وتفهم
اصيل:نوضي نوضي خير مانحدفك بالجهاز
جميله:ديرها ترا
اصيل:نحدفه عادي غير حرام ندفع فلوس في جرتك بس لانه بيتكسر
غاليه:😂
جميله:المهم بنمشي بروح بالعروسه
غاليه:باهي توا يرفعوك نوضي شوفي لغذاء عمامك قريب يوصلو
جميله:حقا اصوله مشفتهاش لعروسه قعد وله
اصيل:شاد ضحكته….منبيش اصلا انا قلت مش ضروري
جميله:متخافش غير عيونها بروحهم جمال
اصيل:شافلها …حلووه؟😁
جميله:وربي ملكهه بجد زي الاجنبيات شكلها
اصيل:عارفك انتي بس شينه؟
جميله: 😨

______________

ساعه 8 بعد المغرب:-

كيناز:مقعمزه في الصاله ع صالون فخم يجنن…طبعا لابسسه الفيلو الي خاطرها من زمان تاخده مع الفير الي ع طول شعرها والقصه كلها منفوخه مع التاج صغيرون احيه ع مكياجها لانه بيضه وورديه فضلت الكوافيرا تحطلها مكياج الباربي وتبان ملكه وجت مصوره صورتها وخدتلها هلبا صور سمحات طبعا هدا كله كانت تتمناه وتحقق وفعلا ربي ماينسا حد

برغم الضيوف شويه بس نشطولها الجو وغنوولها ومخلوهاش تحس بي شي قدمو كل شي حلوو وكانو ساعات بس بس كانو سمحات ومر الوقت كله حلوو ❤

في الوقت هدا كان اصيل وصحابه دايرين العار في حوشه لكن الحمدالله كانو قدها ونضفووه كله ورتبوه ❤

فاتو ساعات :-

كيناز:تتفرج ع الكل …لن سمعت تلفونها يرن ….الو
جميله:اهلين كيناز
كيناز:اهلا مني؟
جميله:انا جميله اخت اصيل
كيناز:اهلين
جميله:حبيبتي تصلت بيك لو جاهزه بنجي انا واصيل بروحو بيك
كيناز:اي عادي كملت تفضلو
جميله:سلمك والف مبروك❤
كيناز:سلمك الفال ليك
جميله:اوك جو نص ساعه ونكونو عندك
كيناز:تماام…وتسكر الخط!

_____________

لحضاات ركبو سياراتهم وركب اصيل الي كان طالع يجنن وطلعو كلاكس وجو عياط ورصاص وخط ولوح لن وصلو لشارع اهل كيناز وقلهم اصيل وقفو وانتم روسكم مش عارف كيف❤🤤

________

عند كيناز:-
كيناز:لبست الطرحه ولعبايا لكبيره
ساجده:سلمت ع كيناز….الف مبروك حبيبتي
نادره:كل شي وتيته كنوزه🥺
كيناز:🥺…بدا قلبهاا يددق وترجف مع بعضها وتحاول متذكرش الليله هديكه
ساجده:كنوزه اقري قرأن لن توصلي متنسيش
كيناز:بيخش قصدك؟
نادره:لالا مش ح يخش قال حاتم
ساجده:صوت سيارات البرا اكيد وصلو
كيناز:سكرت عيونها وهيا ترجف
نادره:متخافيش كيناز انا بنطلع نشوف حاتم ….وطلعت تجري
ساجده:طلعت الشناطي …حطتهم قدام الباب
حنان:سلمت ع كيناز. …..ردي بالك بنتي صلاتك والدعاء
كيناز:حاضر يما 💔

___________

ثواني وخشت جميله طلعت كيناز للبرا وركبت في سيارة اصيل وجميله ركبت مع خوها مراد❤

وساجده ونادره ركبو مع حاتم الي رضا بسيف يرفعهم ويوصلو كيناز ❤

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

______________

في الطريق:-
كيناز:راكبه في سياره …. وطول الطريق نرجف ونرعش ونقرا في القرأن
اصيل:ماسك المنديل ويمسح ع وجه ومركز في سواقه
كيناز:مش عارفه بس حاسه بي امان جنبه حسيت بي انه الشخص هدا راجل كانت الرعشه والخوف لانه كنت مرتبكه مش خوف منه ❤

وكانو السيارات ورانا وقدامنا قالبين الجو وقريب بيخشوو فينا!
كيناز:في لحضات تووقف قدامنا سيارة شرطة .وسيارات كلهم فاتو مافيش حد منهم وقف اكتر من سياره شافتنا بس مدورتناش كلهم فاتو
اصيل:مش وقتهم بووكل
كيناز:خيرهم شن يبو منك؟
اصيل:يشوف ومصدوم فيهم …مش عارف اهدي متخافيش توا ننزل انشووفهم
كيناز:حطيت يدي ع قلبي ونا نرجف…..ونحاول نباعد الافكار السلبيه ….لن نشوف زوز رجاله من الشرطه نازلين وموجهين السلاح ع سيارتنا
اصيل:اءء…..يتببببع!!

اترك رد

زر الذهاب إلى الأعلى