كيد النساء الحلقة الرابعة | القلم الناجح
روايات ليبيه كاملة

كيد النساء الحلقة الرابعة

جميع حقوق الطبع والنشر محفوظة

#كيد_النساء 4

كيناز:كنت نشوف لي حسام وقباحة وجه والشر الي في عيونه وهوا ماسك المسدس الي قتل بيه اختي سكرت عيوني وكنت عارفه انه حايقتلني زي ماقتل اختي 💔
حسام:في نفس لمكان ماتت حياه بتموتي انتي ههههه
كيناز:مصدومه نتفرج ع حركاته وهوا يتكلم زي المجنون كنت مش قادره ننطق بحرف 💔
حسام:عدي للعشره هي هههههه عدي بسررعه بب بتمووووتي
كيناز:تتنهد من لبكاء منبيش نمووت متقتلنيش ….كنت مركزه ع المسدس الي ماسكه وموجها عليا وكان يتكلم وواضح مش طبيعي
حسام:متبيش تموتي وبدا يقلب في عيونه ونزل ع ركابه
كيناز:جسمها يرعش وتراقب في تصرفات حسام الي مش طبيعيه
حسام:حط يده ع شعرها وبدا يلمس فيه ….حياه بريئه ماتت
كيناز:عيونها ع مسدس وبصوت يرجف متقتلنيش حسام
حسام:يحرك في راسه يمين ويسار ..تت متخافيش …سكري عيونك وتغير صوته فجاءه لصوت هادي …سكري عيووونك
كيناز:قلبي يدق بقووه ونسكر في عيوني ونفتح كنت نبي نعييط بس مش قادره😭

________

ساجده:ماسكه تلفونها …تعرفي مش جايني نوم
نادره:تستف في صحون في الدولاب….ولا انا بنقولك اتصلي بها لكن مرات تزعجيهم وميردوش
ساجده:انا وصيتها قلتلها لو الوضع طبيعي ابعتيلي رساله ع طول باش نطمنو
نادره:استني ساعه تانيه اكيد توا تحكي معاه وترتب في امورها!
ساجده:اففففف مش قادره نصبر ….يااارب طمني ع اختي وخليها تبعت رساله💔
نادره:لو صار شي مش حلو كان وصل الخبر صدقيني نحس انه مافيش شي غير انتي خايفه اهدي متوتريش روحك
ساجده:تنفست بعمق….هاني نستنا وانشاءالله خير💔
نادره:بنشوف همام وونزل
ساجده:تمام توا نكمل عليك وانزلي نستنا فيك
نادره:غسلت يداها ….وطلعت!

كيناز:حطيت يدي ع قلبي ونا مسكره عيوني ونسمع في كلامه مره يضحك ومره يبكي زي المجنون
حسام:اختك بريئه بتخش الجنه 😂
كيناز:جسمي سخن وبديت نحس بالعرق الي ينزل من وجهي وجسسمي يرجف مش قادره حتى نتنفس من الخوف
حسام:بحركهه مفاجئه … طلق رصاص
كيناز:بديت نعيط وبدون مانفتح عيوني ونا كنت متوقعه انه الرصاص فيا كنت نحساب روحي بنمووت خلاااص …لن سمعت صوت طالع من حسام والمسدس دار صوت 💔
كيناز:ثواني ونا مصدومه….فتحت عيوني ببطئ….شفت حسام ملطخ بالدم وراسه متفجر ودم في كل مكان …وقفت ونا مش حاسه برجليا نشوف مصدومه للمنضر شخص ميت قدامي اي انا عارفه انه هوا مجرم وانه قتل اختي بس كانت بشاعة المنضر ترعب منعرفش كم دقيقه استمريت نشووف …مسدس كله دم والدم الي ينزل من راسه مش طبيعي ….مقدرتش نتصرف ولا ندير اي شي بس كأنه في دوشه وكلام واشخاص برا ينادو قلت اكيد جو اول ماسمعو الرصاص…..كنت نبي نتكلم نبي نتحرك ونطلع مقدرش حاسه برجليا ثقااال مووقف صعبب ومليان صدمات 💔

_____________

ساجده:مقعزه في الدار وكل ماتكتب رقم كيناز بتتصل في شي يمنع فها
نادره:طقق طقق…جيت …
ساجده:كيناز لتوا متصلتش بيا
نادره:تغيرت ملامح وجها…خلينا من كيناز .
ساجده:خيرك نادره في شي احكي
نادره:حاتم ورياض رجعو للعملتهم الاوله وحاطين حشيش مع لبضاعه متع المحل الي بتوصلهم الايام هادي
ساجده:كلاااب يبو يشوهو سمعة بابا هدا كله علشان لفلوس
نادره:اي وعمي مسكين صدقهم امس وعطاهم مبلغ
ساجده:اني لو حسيت في شي مش طبيعي وربي لما نقول كل شي لي بابا
نادره:اي اي احكيله وانشاءالله مينكشفوش زي المره الاوله ويقعد عمي يدفع عليهم💔
ساجده:ربي يستر💔….شن رايك نتصل بي كيناز؟
نادره:قتلك استني لساعه3لو متصلتش اتصرفي
ساجده:قلبي ع نااار 💔
نادره:الخبر الشين يوصل بسرعه صدقيني مافي شي
ساجده:انشاءالله

_____________

كيناز:كنت واقفه بي روب الدخول عقلي واقف مقدرتش نفكر في شي لن نسمع صوت الباب قريب يتسكر وفعلا كسروه وخشوو
كيناز:بديت نعيط بدون وعي مني….قتتتتتتل روحه قتتتتتل روحه
شاب:لا حول ولا قوه الا بالله….ي اختي البسي اي شي استري روحك خليني نخش نطلعه
كيناز:برجلين يرجفو …تحركت فتحت الشنطه متعي ونا دموعي سايلات ع خدودي..خديت عبايه لبستها وحطيت وشاح ع شعري ..
شاب1:اطلعو ومتقولوش لي عمي وومرت عمي خلونا نرفعوه للمصحه هدا لو قعد عايش
كيناز:طلعت ونا عيوني فيهم ومصدومه
شاب2:متخافيش خليك هني في صاله احنا حانرفعوه للمصحه ونتحققو من كل شي
كيناز:كنت نسمع في كلامهم ومقدرتش نقولهم انه هوا ميت وضرب راسه برصاصه..قعمزت ع الكنبه في الصاله ونا نسمع في كمية الاصوات واضح ولاد عمه والجيران متجمعين برا لانه كلهم سمعو صوت الرصاص …قاطع تفكيري صوت تلفوني 💔
شخص:طلع من الدار ….تفضلي هدا تلفونك
كيناز:شكراا…شفت لي تلفوني لقيت ساجده اختي تتصل ….فتحت الخط بسرعه…وبصوت يرجف …اءءءءء
ساجده:الو كيناز شن في خيرك؟
كيناز:وهيا منهاره بالبكاء…قققق قتتتل روحه قدامي
ساجده:تنهدت بصدمه شش شن تقولي كيف قتل روحه
نادره:حطت يدها ع فمها بصدمه..
كيناز:ورحمة اختي قتل روحه بعد ماهددني كنت نحسابه بيقتلني فجاءه لقيته طايح ع الارض وانتحر هوا نا مدرتش شي
ساجده:جسمها يرعش…..حايحطوها في راسك ي كيناز كيف يقتل روحه مش راح يصدقك حد
كيناز:مش قادره شاده دموعها..كلمي بويا يجي بسرعه نا مستحيل نقعد دقيقه هني
ساجده:تت تمااام لحضه ونكونو عندك اصبري بس
كيناز:بصوت يرجف….بب بسررعه قبل مايقتلوني معاااش نقدر نتحمل 😭😭
ساجده:سكرت الخط …وطلعت تجري لدار بوها
نادره:تجري وراها …احكي شن في حسام قتل روحه؟ 💔

_______________

كيناز:نشوف في الكل طلعو من الدار ويقولو انه اله وانه اليه راجعون لانهم شافو المنضر وتأكدو انه مات 💔

لحضات وسمعت صوت سيارة اسعاف نزلو وخشو للحوش لفو حسام بي شاش ابيض كله و طلعوه كان منضره وريحة الدم الي قالب الحوش يخووف كنت مش متحمله شي نسمعه ونشووفه وقعدت نستنا في اهلي يوصلو ونرتاح من الكابوس الي انا فيه 😭💔

جميله:السلام عليكم
كيناز:قمت عيوني فها ونا كنت متوقعه منها تسبني او تضربني ….الله يرحمه ويسامحه
كيناز:كنت بنتكلم … قاطعتني
جميله:متتكلميش احنا عارفين كل شي وكل مجرم لازم ياخد جزاءه
كيناز:لا لكن مش انا قتلته
جميله:متخافيش مني انا مش راح نشكي فيك واكيد هوا كان بيقتلك لو مقتلتيشي
كيناز:بصوت يرعش….لالا هوا قتل روحه والله
جميله:ههه خيرك كيناز من بيقتل روحه انتي متوقعه حد زيه بيقتل روحه وبيخلي الناس في حالها
كيناز:بلعت ريقها …وسكتت مقدرتش تبرر اكتر من هكي💔
جميله:هيا اطلعي معايا لن يجو اهلك ويروحو بيك وانشاءالله تكون حياتك خير من هكي
كيناز:تت تماام ووقفت…وطلعت معاها ونا حاسه روحي بندوخ ومكسووره لأنه فعلا زي ماقالت ساجده مش راح يصدقني حد 💔

_______________

ميلو حسن:خلي نختصر عليكم شن صار في الليله هادي بي تفصيل ….لحضات ووصلو عيلة كيناز عزو اهل حسام الي كانو مش مصدومين هلبا ومافيش حد منهم تكلم ولا حط اللوم ع كيناز كانو متأثرين كونه انه ولدهم وبس وكأنهم مستعدين وعارفين كل شي بيصير عادي جد تأسفو واعترفو بي جريمة ولدهم وانه قتل حياة ضلم بدون مايحكو تفاصيل القصه واعترفو انه مش اول مره يقتل وهوا مجرم من اساسه 🤷‍♀️💔

صالح خدا بنته كيناز الي كانت مصدومه ونضراتها تسخف وكأنها ملبوسه والمنضر مقدرتش تنساااه وطلع خدا بضاعتها من حوشها وركب السياره بدون مايسأل كيناز ع شي لأنه حالتها متسمحش ومننكرش انها كانت ابششع ليله مرت ع كيناز وفي نفس الوقت اكتشفت انه قاتل اختها ضلم وزواجه من حياه انتقام مش اكتر 🤷‍♀️

من المتعاون في الجريمه ؟ وشنو مصير حياة بعد الليله هادي؟

________________

بعد مرور ساعتين:-

العيله كلها مجتمعه في الصاله ويحكو ويتحسرو ع مووتت اختهم الي ماتت بدم باارد 💔
صالح:يبكي بصوت العالي قدام صغاره ..بنتي ماتت مقتوله غدرر كنت حاس بنتي نضيفه وفي شي صاير من ورانا
حاتم:مقعمز مصدوم وواضح نااادم مهما كان قاسي لكن اخته في النهايه مستحيل ميتأثرش
رياض:من صدمته مش قادر متكلم اذكر حياه اخته وكيف تبلو علاها وهوا واحد من الناس الي شك في شرفها بعد حتى ماتوفت💔
نادره:قتلكم الف مره اختكم نضيفه وهدا حقير ويتبلا علاها مصدقتوش خفتو من العار ومخفتوش من ربي ياويلكم بس ادعو حياه تسامحكم توا
حنان:بصوت حزين….الحمدالله يارب الحمدالله يارب بنتي طلعت نضيفه وشريفه ومغلطتش الحمدالله ياربي بنتي مخانتش عيلتها 😭
حاتم ورياض:طلعو مقدروش يتحملو الموقف وخاصة انهم شاركو وخلو المجرم يتزوج اختهم التانيه بدون اي ردة فعل منهم💔
نادره:بعيون يدمعو….الحمدالله ع كل حال ي عمتي اهو مات وارتحنا منه وستر ربي انه مقتلش كيناز ورجعتنا
حنان:بنتي مش هاينه عليا بككل كبدي نااار يااارب صبرني😭
نادره:حسبي الله ونعما وكيل 💔

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

____________

كيناز:متسطحه ع سرير وتحاول ترقد باش متذكرش الموقف
ساجده:عيونها مليانه دموع……وماسكه المصحف وتقراء في القرأن ع كيناز باش ترتاح 💔

الليل كله والعيله مش قادره ترقد ولا تنسا الي صار
نادره:مقعمزه جنب حنان وتهدي فها لانه مش صابره بككل ومش متحمله الي صاير في بناتها💔

كيناز:الليل كله وهيا تهستر وتبكي ومنستش الموقف وقعدت تعاود في الحادثه كلها لأنه نصدمتت هلباااا وساجده جنبها تقرا في القرأن وتدعيلها ومش متحمله الي صار نهائيا 💔

_______________

يوم جديد:-

كيناز:مرقدتش لانها مرضت وبدت تستفرغ وحالتها تعبت هلبا وساجده دارتله كمادات حراره وليمون قارص باش ترتاح
نادره:كيناز انا مقدره كل شي وعارفه انتي مريتي بي شي صعب لكن خليك قويه ومأمنه بي ربي
ساجده:تمسح في دموعها….اي كيناز حاولي تكوني اقوى
كيناز:دموع ع خودوها …..مش قادره ننسا شي افهموني كل شي صار كأنه حلم حطت يداها ع وجها وتتنهد …والله صعب مليت من كل شي 😭
نادره:طبطب ع ضهرها ….هدا امتحان والحمدالله انتي بي صحه كويسه وصدقيني كله يفوت وتتزوجي شخص ينسيك الي صار
ساجده:محروقه ع اختها وتدعيلها وبس💔

____________________

صالح:كيف راجع للحوش…حنااان حنااان
حنان:من دارها…انا هني ي صالح
صالح:خش لي دار…قعمز مقابلها…انا كنت مع شيخ وسألته
حنان:شن قال؟
صالح:بنتك متطلعش من الحوش لمدة اربعه شهور وعشره ايام
حنان:باهي عادي تصبر لن تكمل العده وخلاص
صالح:اي ومافيش حد يشوفها وصاها تلبس مستور وتتقرب من ربي وتدعي
حنان:انشاءالله ي صالح
حاتم:السلام عليكم
صالح وحنان:وعليكم السلام
حاتم:كنت مع اهل حسام
صالح:شن قالو؟
حاتم:مش مصدقين انه كيناز مقتلتاش وقالو طبيب الشرعي يقدر يعرف كل شي
صالح:بنتي متكدبش وحتى لو هيا قتلاته هوا اصلا مجرم واكيد حاول يقتلها
حاتم:لا هما قالو حتى لو هيا قاتله مش راح نشكو فها لانه اكيد دفاع ع نفس وعارفين ولدهم شنو ؟
حنان:حسبي الله فيه
حاتم:لكن ولاد قبيلته وولاد عمه اغلبهم ميبوش يسكتو ع الموضوع ويستنو في النتيجه
صالح:لا حول الله شن بيحبسو البنت وله كيف
حاتم:تي هوا قاتل اختي ضلم ويستاهل الموت
صالح:لا تتصل بيهم ولا تجي شورهم اكيد فروخ الي يبو المشاكل خلي بوه يتصل بينا ويقولنا ع نتيجه وتتسكر القضيه
حاتم:اي خلاص ونا نستنا فيه يتصل بيا لا مشيتلهم ولا قربتهم!

_____________________

ساعه 5 لعشيه:-

ساجده:كنوزه من اليوم متبخليش ع صلاتك ومتخليش صلاه الفجر وقيام الليل يفوتك
كيناز:بإذن الله لكن معقوله الشهور هادي كلها بنتحملها في جرت واحد كلب
نادره:هوا في دار الحق توا والميت مايجوز عليه الا الرحمه خليك مأمنه بي ربي وصدقيني ربي مايخيبش حد
كيناز:الحمدالله ع كل حال كنت مستهتره هلبا حتى صلاتي منهتمش بها
ساجده:نقولك ديما ي كيناز صلي وخليك قريبه من ربي
كيناز:توا ربي دارلي امتحان وعرفت وفهمت نبي شي واحد من ربي بس انه ننسا الي صار وترجع حياتي طبيعيه
ساجده:صدقيني حاتنسي بس انتي متخليش بابا وماما يحسو انك مقهوره وين كيناز لقويه
كيناز:اصلا هدا وين ارتحت انه اختي ارتاحت والحقيقة نكشفت قدام الكل🔥
نادره:اكيد زي مانتشر خبر وفاة حياه بسبب انها زانيه انتشر خبر وفاة حسام بي حقيقة انه مجرم وقتل زوجته الاوله🤷‍♀️
كيناز:الحمدالله يااارب هدا وين ارتحت

__________

ترن ترن :-
حاتم:الو
الهادي(بو حسام):السلام عليكم
حاتم:وعليكم السلام ي عمي
الهادي:ولدي توا وصلنا التقرير وحسام قتل نفسه والتقرير موضحين فيه كل شي وبنتكم مليهاش علاقه بالقصه
حاتم:ابتسم…الحمدالله ي عمي بان الحق وانشاءالله ربي يسامحه
الهادي:انشاءالله…سلم ع بوك
حاتم:انشاءالله بسلامه…وتسكر الخط
صالح:شن قاال؟
حاتم:كيناز معندهاش يد في الموضوع توا يدبرو روسهم
رياض:ههه لكن لفروخ مش حايصدقوه وناوين مشكله
صالح:من قالك انتا؟
رياض:تي شن بيطلع منهم هما صحاب حسام ونفس الدسكه
حنان:لا انشاءالله ربي يهديهم ويفكونا
صالح:انشاءالله

______________

في حوش اهل حسام:-

في المربوعه بتحديد:-

ناصر(عم حسام):ي هادي عارفك متبيش مشاكل وتبي تنهي كل شي لكن الشباب مش راح يصدقو وكلهم برا واقفين يبو يهدو ع حوش صالح
الهادي:تي خيرك ي ناصر واقف معاي وله معاهم قلناك البنت مدخلهاش وسادنا دم خلاص
ناصر:انا ولادي تعرفني معنديش سلطه عليهم وبعدين ولد عمهم واجعهم ويبو في مكانه واحد من ولاد صالح
الهادي:ميجيش لكلام هدا توا نطلع انا نتصرف معاهم
ناصر:اطلع ونا معاك كانا قدرت تهديهم خير وخير
الهادي:طلع ووراه خووه ناصر!

كلهم كانو واقفين وماسكين سلاحتهم ويتناقشو بينما هما يخططو قاطعهم صوت الهادي!
الهادي:اسمعوني كلكم حسام ولدي انا وانا عارف كل شي ع ولدي وهوا توا مات وكلنا لازم ندعوله برحمه
محمد(ولد ناصر):عمي كلامك فوق راسي لكن انتا عارف عاداتنا وتقاليدنا الدم بدم لو كلفنا أرواحنا
الهادي:العادات تقول لكن ربي مقالش بيه لكلام هدا واني وكلت امري لي ربي
محمد:لا ي عمي احنا مش حانسكتو وحانداهمو حوشهم وحانقتلو واحد منهم
ناصر:لو ولد اصيل موجود راهو مرضاش بي شي هدا وراهو خدا حق خوه
الهادي:مستحيل ولدي اصيل يدير هكي وهوا عارف الشي هدا غلط
مختار:راجل كبير ومن سكان المنطقة وكان موجود في حالة الوفاة ويعزي…لو سمحتو ادي ولادي الي اديرو فيه غلط المستوره قعدا في العده والناس وانتم عارفين انه حسام قتل مرته وله خلاص نصيحه انكم توقفو الي اديرو فيه وكل واحد منكم يرجع لحوشه وحقكم يوصلكم لعندكم
كلهم:كيف بناخدو حقنا لو مش بطريقه هادي
مختار:لا في طريقه تقدرو تاخدو حقكم بها
الهادي:المختار راجل كبير وضروري تحترمو رايه وزي ماقالكم بيشوف حل ليكم
كلهم:تماام ….ونسحبوو كلهم وكل واحد منهم رجع لحوشه!

المختار:ي هادي غير تكمل البنت عدتها ونديرو اجتماع لي الشيوخ والي ماسكين المنطقه ونحكو مع بعض ونخلو الدم ينتهي
الهادي:انشاءالله خير
ناصر:شن الي في راسك ي مختار
مختار:خير ونا متأكد حل حايرضي الجميع
الهادي:صحيت وانشاءالله ربي يفتحها عليك
مختار:سلمك هيا نستأذنكم
ناصر والهادي:بسلامه!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

_____________

بعد مرور 4 شهور وعشرة ايام وتمت العدة :-

ميلو حسسن:خلال الاربعه الشهور هادو مصارش شي جديد عيلة صالح كل يوم للأحسن ومقتنعين كل شي مكتوب وكيناز لانها كانت قريبه من ربي تحسنت حالتها النفسيه وكانت نادره وساجده قراب منها ومعاها خطوه بي خطوه لن طلعت من الكابوس ورجعت احسسن من قبل 🤷‍♀️

اما حنان من لما ماتت بنتها وهيا ضعفت وحالتها مش زي زمان لكن شوفت بناتها وخاصة بنتها كيناز لما تحسنت ارتاحت شوويه ❤

لكن صالح كان يفكر في الثأر الي قعد بينهم وبين اهل حسام واتصلو بيه وخبروه انه اول ماتكمل بنته العده يمشي لحوش الهادي باش يتافهم مع اهالي المنطقه ويحلو المشكله بدون دم ولا سلاح🔥🤷‍♀️

__________________

ساعه 12 الصبح :-

صالح:رشف رشفه من الشاهي …شن صار ي حاتم كلمتهم
حاتم:اي يستنو فيك
صالح:باهي وينه خوك رياض لتوا مجاش
حاتم:مش ضروري يمشي
صالح:لا الاتنين تمشو معاي وتتصالحو معاهم
حاتم:باهي مالا استناه شويه ويرجع
حنان:قصه ومتبيش تكمل
صالح:احمدي ربك مهدوش عليك اهو يبوها يحلو كل شي وينهو السيره
حنان:اي الحمد الله
رياض:السلام…هيا كانا بتمشو وراي كوره بعدين
صالح:هي …وناض
حاتم:بسلامه يما
حنان:بسلامه انشاءالله ترجعو لباس
صالح:طلع ووراه ولاده الزوز❤

____________

كيناز:تافهين يشحطو في بابا تاني
ساجده:شكلهم ميبوش يسكتو ع القصه
نادره:ع حسب كلام حاتم انهم كانو يبو يقتلو واحد مننا باش يردو الثأر لكن ادخلو الرجاله لكبار وحلاها
ساجده:اي اي انشاءالله مايصير شي ويرجعو سالمين
كيناز:عيله مجرمه كرهتهم كلهم💔
ساجده:الله غالب اهو ارتحتي منهم!

____________

جميله:نوضي ي عقرب طيبي القهوه
ندى:وانتي علاش متنوضيش شن ع راسك ريشه؟
جميله:تشوفي فيا من الصبح ونا في دار اصيل ونضف فها
غاليه:امتا بيوصل هوا
جميله:قلي نص ساعه ونكون عندكم
غاليه:الحمدالله رجعلي ولدي الدكتور
ندى:زعما شن بيصير معاهم هل بيحلوها حق
جميله:اي اكيد بيحلوها وسادك تعبي في راس مراد وتشجعي فيه ع القتل
ندى:تنهدت…اناا؟😨
جميله:لا اناا ديري خير بلكي ربي يرحمك ويخليك تجيبي الصغار
ندى:احييه هدا الي طلع منك
جميله:اي مازال ماشفتي شي
غاليه:تحشمي واسكتي وخلي مرت خوك في حالها
ندى:شفتاها ي عمتي وله؟
جميله:عمتك المسكينه متندريش شن صاير من وراها؟
غاليه:نوضي حس الباب يخبط سادك من الدوه
جميله:اكيد اصوله وصل ووووه عليا😂😂❤

______________

في المربوعه متع حوش الهادي:-

صالح:السلام
كلهم:عليكم السلام
ناصر:تفضلو تفضلو
صالح وولاده:سلمو ع الكل وقعمز
المختار:خلينا ي صالح وي هادي نبدو في موضوعنا
صالح:تفضل خود راحتك
الهادي:احكي ي سيدي
المختار:طبعا ي هادي انتا بعد وفاة المرحوم عندك ولدين الي هما مراد واصيل
الهادي:اي ربي يحفضهم
المختار:والحاضرين كلهم عارفين الدم والثأر مينتهيش الا ي بزواج ي برقبة
كلهم:ايي
المختار:ناادي ولادك ي الهادي وخلينا نتفاهمو وانشاءالله القرار يرضي الجميع!

اصيل:فتح الباب وخش…..السلام عليكم
كلهم:عليكم السلام
ناصر:ماشاءالله الله وحد الغربه خداتك منا ي ولد خوي
اصيل:هههه….شفت الشيب وله حتى العمر يجري ميرحمش…سلم ع الكل وقعمز
المختار:كيف حالك ي اصيل؟
اصيل:كويس ي عمي كيف حالك وحال لولاد كلهم
مختار:كويسين ..خلي نقولك سبب اجتماعنا
اصيل:اي انا كيف وصلت توا من المطار حتى امي ملحقتش نهدرز علاها قلي خويا اطلع في قصه ماقصه في المربوعه جيتكم طول
المختار:اي خير خير ….عندك علم بي وفاة خوك حسام الله يرحمه وشن صار
اصيل:اي الله يرحمه …وعارف في ثأر بينكم وبين اهل المستوره
المختار:ايوااه واليوم نبو ننهو الثأر هدا
كلهم:يسمعو في كلام المختار ويستنو في قراره
المختار:انتا ي ولدي ضروري تتزوج المستوره
اصيل:تنهد بصددمه..انا؟…..يتببع❤

اترك رد

زر الذهاب إلى الأعلى