كيد النساء الحلقة السابعه | القلم الناجح
روايات ليبيه كاملة

كيد النساء الحلقة السابعه

جميع حقوق الطبع والنشر محفوظة

#كيد_النساء 7

كيناز:واقفه قدام الحوش وهيا منهاره بالبكاء
جميله:جت عينها ع كيناز….مشتلها تجري..كيناز
كيناز:معرفتش كيف نرجع لحوشي
جميله:اي مش حاتقدري زحمه الرجاله كلهم برا
كيناز:غطت وجها بالوشاح….انا بنمشي ضروري
جميله:علاش شن في؟
كيناز:بصوت يرعش….بوي في المصحه وحالته صعبه
جميله:لكن اصيل حايعصب عليك
كيناز:تجاهلت جميله…وخدت بعضها ومشت!
جميله:عنيده…..ورجعت للحوش!

________________

اصيل:ماسك يد هبة بعنف….ليش متبيش تفهمي لو جت كيناز توا شن حاتفهم
هبة:كيناز ولت خير مني صح بديت حاسبلها حساب
اصيل:بقلة صبر….هببببه افهمي البنت معندهاش علم بينا
هبة:حتى لو كان انا حبيبتك وهيا زوجة ثأر يعني مش حاتاخد مكاني
اصيل:مش وقته لكلام هدا مش وقتتته اطلعي وافهمي
هبة:اصيل خليني معاك شويه 😭
اصيل:تعصب …اطلعي اطلعي ….لن سمع صوت الباب
هبة:مم مني؟
اصيل:قلب عيونه بحقد …خليك في صاله وربي لو يطلع منك صوت حاتشوفي شي مايعجبكش
هبة:تت تمااام ….خدت بعضها وخشت لصاله!
اصيل:افتح الباب
كيناز:عيونها مليانه دموعه….اا اصييل
اصيل:بخووف….شن في خيرك
كيناز:بابا تعبان في المصحه 😭
اصيل:اشش…. خلاص اطلعي اركبي السياره شويه ونجي
كيناز:تبكي بالعبره ….اءء تماام بسرعه….وطلعت!

اصيل:حط يده ع وجه بي ارتباك….هبة
هبة:طلعت؟
اصيل:توا بنرفعها للمصحه ومتطلعيش من هني لن نفوتو
هبة:باهي اصيل امتا بطلقها؟
اصيل:ديري زي ماقتلك وارزني …وكيف بيتلفت
هبة:انا مستعده نطلق ع خاطرك
اصيل:ارجعلها مغلول….وليش مطلقتيش منه قبل ماتفكري تحملي منه توا بعد مادرتي مسؤوليه تبي تطلقي
هبة:😭مقدرتش ندمت ي اصيل
اصيل:هبة انا متزوج ومستحيل نفكر نخون مرتي
هبة:يعني خلاص مافيش امل
اصيل:البنت تستنا فيا مش وقته لكلام هدا وماتفكريش فيه انه حانرجعلك ….وخدا بعضه وطلع ع طول!
هبة:😭

____________

جميله:كملت حوسة الكجينه…وكيف طالعه تشوف في ولد هبة يبكي
جميله:حبيبي وين ماما؟
احمد:🥺…مشت
جميله:هبه هبه وينك
غاليه:مش عارفه وين طلعت نديت علاها مردتش
جميله:مرات عند ندى
هبة:خشت متوتره….اءء….انا جيت …خيرك حبيبي
احمد:ماما
جميله:وين كنتي؟
جميله:بلعتت ريقهاا…..اءءءء مع ندى
جميله:حست بي شي….اهااا تمام
هبة:هيا بسلامه خالتي
غاليه:شنو جاك شكله؟
هبة:اي وصل …انشاءالله نجيك في فرح جميله
غاليه:انشاءالله بنتي بسلامه!
هبة:سلمت ع جميله وطلعت!

_______________

في السياره:-
كيناز:تبكي ….يارب ميصيرش شي ع بابا يارب يشفيه
اصيل:مركز في سواقه….ومتأثر ع كيناز …اهدي انشاءالله خفيفه
كيناز:يارب💔
اصيل:وقف السياره….هيا انزلي
كيناز:فتحت الباب…ونزلت
اصيل:فتح الباب…ونزل معاها!

________

جميله:حقا يما مقتلكش
غاليه:خيرك
جميله:كيناز بوها مريض ورفعوه المصحه
غاليه:اللطف خيره غبر فيهم
جميله:مسكينه كيناز طلعت تبكي
غاليه:توا تفكرتي تقوليلي
جميله:نسيت يما قعدت لاهيا في الحوسه
غاليه:رفعها اصيل ؟
جميله:اي اكيد رفعها مسكينه
غاليه:باهي بري كلمي ندى توتي روحها
جميله:متقوليش بتمشو وبتخلوني
غاليه:باهي غير شوفها وكلمي مراد يرفعنا!
جميله:تمااام ….وطلعت!

_____________

في المصحه :-

العيله كلها متجمعه قدام غرفة العمليات ويستنو في الدكتور يطلع بينما ساجده مقعمزه جنب امها وتدعي لبوها ينوض بالسلامه وكيناز مقعمزه جنبها اصيل وتبكي فاتت ساعه وهما ع الحال هدا ويستنو ع النار 💔

اصيل:بوك مريض من زمان وله في شي صاير
كيناز:لا خوتي رفعتهم الشرطه وبابا متحملش
اصيل:كيف؟ وعلاش رفعتهم الشرطه؟
كيناز:تمسح في دموعها ….مش عارفه
اصيل:حط يده ع كتفها …انشاءالله خير…انا بنطلع لتوا نفهم قصة خوتك وانتي لو صار شي اتصلي بيا
كيناز:بصوت هادي ….حاضر
اصيل:متزعليش روحك بإذن الله يرجع وينور الحوش
كيناز:ربي يسمع منك💔
اصيل:سسلام….وطلع

_________

جميله:كيف وصلت لحوش ندى..لقت الباب مفتوح …خشت
ندى:ي روحي حاضر حانحاول نطلع ونتلاقا معاك
جميله:تحاول تفهم الي تسمع فيه
ندى:اوك حاناخد لفلوس الليله منه
جميله:تنهدت بصدمه …حقيره تخون في خويا
ندى:نحصل فرصه ونكلمك في ليل…سلام
جميله:فتحت باب الدار بغل….نننننددددى
ندى:بصدمه…وبلعت ريقها بخووف….اءءء خخخ خيرك
جميله:منهوا ي تافها الي عايشه معاه في علاقة حب وتخوني في خويا
ندى:بصوت يرعش….لالا كنت نكلم في بنت صاحبتي
جميله:شنو تشوفي فيا قدامك …وربي وربي لما نفضحك ي خاينه
ندى:ناضت بسرعه….جميله بالله عليك استريني متخربيش حوشي وراسك
جميله:كيف تخوني راجلك وتركبي في ذنب معقوله انتي حقيره لدرجه هادي
ندى:بصوت يرعش….اسمعيني جميله ردي بالك تقولي لحد مستعدا نكون خادمه عندك لو تبي
ندى:دفتها بقووه…حولي ي تافها تحسابيني جعانه تخوني في خويا وتبيني نسكت
ندى:😭…جميله استريني ونا نوعدك معاش نكلمه والله
جميله:ساد متحملك ومتحملين هبالك وفي الاخير تطلعي خاينه
جميله:بلعت ريقها ..مستعدا نحكيلك كل شي ع هبة وشن دارت في اصيل ونحكيلك حتى ع شن ناويه
جميله:بصدمه…كيف؟
ندى:اءءء اي هبة كدابه هيا الي وافقت ع راجلها بي ارادتها ع خاطر فلوسه
جميله:تنهدت……شنن تخررفي انتي؟؟
ندى:اقسم بالله لو تبي نحكيلك ونوريلك كل شي
جميله:هاتي تلفووونك بسرعه!

______________

في المصحه:-

ساجده: خيرا عطل الدكتور
كيناز:شن قالكم الدكتوره المره الاوله
ساجده:قال جلطه دماغيه ….وخش معاش فهمنا شي
كيناز:اكيد داروله عمليه يارب شوف فيه يااارب
نادره:اهدي ي عمتي بإذن الله عمي يرجع
كيناز:مفهمتيش علاش خدو خوتك
ساجده:في جرت لحشيش اكييد
كيناز:تنهدت…مستحيل شن بيقولو الناس علينا تاني كان ناقصنا يعني
ساجده:ياريت عاودت فيهم من لما سمعت حاتم يتكلم
كيناز:لا حول الله مش عارفه شن بنقول بس…..لن جت عينها ع دكتور طالع من غرفة العمليات

الدكتور:بصوت داهش…انتم اهل المريض
ساجده:اي اي دكتور شن صار
الدكتور:حالته مستقره بس نتوقعو يصير اي شي لذلك حايقعد في المصحه ايام لن تستقر حالته
ساجده:ابتسمت…اي الحمدالله…شكرا دكتور
الدكتور:الممرضه حاتعطيكم التقرير والعلاج الي ضروري ياخده
ساجده:تماام دكتور
الدكتور:تمااام وانشاءالله خير……ومشا!
كيناز:تنهدت براحه..الحمدالله
نادره:ي عمتي اهو حاله باهي بيطمنو عليه وبيطلعوه
حنان:الحمد الله ياربي 💔
كيناز:خلي نتصل بي اصيل ونطمنه
ساجده:سمع بي خوتك
كيناز:اي عنده علم وقالي بنمشي نشوف قصتهم وهكي
ساجده:تمام اتصلي بيه وقوليلي شن يقولك!
كيناز:تمام.!

______________

جميله:صااار الحقيره تبي تسحر اصيل
ندى:تتنهد بالبكاء….ايي قالت حانخربله حياته حتى لو مخديتاش مش حايكون لبنت غيري
جميله:وانتي ي كلبه متعاونه معاهاا في كل شي
ندى:اي بس والله غصبا عني
جميله:حانحكي لي اصيل ع عمايلها وخلي يكرها ويطلعها من راسه
ندى:اي احكي وخليه يهتم بي كيناز
جميله:قامت حاجبها …..وهبة وين كانت بكري؟
ندى:مشت لي اصيل وقتلي بنحكي معاه
جميله:تافهات لكن توا تشووف شن ندير فها عيله كامله زعلت علاها ونتمنو ترجع لي اصيل وفي نهاية تطلع تبي تسحره وتهبله وتمثل انها مغصووبه ع زواج الحقيره
ندى:تمسح في دموعها….باهي مش راح تعاودي فيا صح
جميله:انتي حسابك بعدين توا خليني نفضا لي هبه ونوقفها ع حدها الحقيره!

____________

ترن ترن:-

اصيل:فتح الخط ….الو
كيناز:ايوا اصيل
اصيل:كنت مع المحقق مقدرتش ارد عليك لما تصلتي
كيناز:عادي بس طمني شن صار؟
اصيل:موضوع حشيش وصعب يطلعو الا بعد قرار المحكمه
كيناز:اي اي
اصيل:المهم في هلبا ناس شاكيه فيهم ويبو عليهم فلوس
كيناز:تنهدت….كييف يعني كم يبو؟
اصيل:مش عارف قعد مفهمتش بزبط
كيناز:تمام …بابا حالته مستقره توا ولو بتجي تروح بيا
اصيل:تماام ….شويه ونكون عندك!
كيناز:تمام….وسكرت الخط!

_________________

بعد مرور ساعتين:-

كيناز:كيف طالعه من الدوش….لافه الفوطه ع جسمها
اصيل:متكي ع سرير…وماسك تلفونه
كيناز:حولت الفوطه…وبدت تغير في حوايجها
اصيل:جت عينه علاها ومقدرش ينزلها
كيناز:لبست روب قصير …وفتحت شعرها
اصيل:يراقب فها ومش مستوعب كمية جمالها
كيناز:وقفت قدام لمرايا….تمشط في شعرها
اصيل:وهوا يشوف لي كيناز جت بين عيونه هبة….طبعا لما يتفكر هبة يزعل ع طول واذكر الموقف الي حطاته فيه بكري
كيناز:حطت شعرها ع جنب…اصيل اصيييل
اصيل:فاق من شروده….انعم
كيناز:ك كنت بنقولك نديرلك عشاء
اصيل:اءءء…..لا توا نطلع نجيب من برا
كيناز:خليني نديره مش لازم
اصيل:لا انا بنطلع ناخد دخان نجيب معاي ونجي
كيناز:ابتمست…..وبدو وجها كله احمر
اصيل:يشووف لحلاوتها….ابتسم ..في خاطره والله تستاهلي شخص يحبك ويكون قريب منك توا…سامحيني….وطلع!
كيناز:قعمززت ع سرير وبدت تدهن في كريمة …للحضه هادي محستش انه اصيل متباعد علاها او شي كانت حاطه في بالها انه كل تصرفات اصيل عاديه

_________________

ترن ترن :-

ساجده:الو
كيناز:اهلين …حبيت نتصل نطمن عليكم
ساجده:اي قعدا بروحي مع بابا ماما تعبت شويه روحت هيا ونادره
كيناز:خيرها ماما؟
نادره:لالا ماقيها شي بس انتي تعرفي هيا ضروري تاخد دواها وترقد مرتاحه
كيناز:اهااا تماام ….بنقولك انه حاتم ورياض عليهم دين من غير عملة لحشيش
ساجده:تنهدت بقوووه……مسسستحيل يعني حانفلسو زي المره الاوله
كيناز:اي دارو العمله وبدون مايفكرو شنو النتيجه
ساجده:هدا كله في جرت لفلوس
كيناز:عارفتهم يحسابو لحشيش ساهل شوفي لي وين وصلهم
ساجده:اهم شي بابا يرجع بس وطز في رزق كله
كيناز:اي اكييد….انا غدوه الصبح نكون في المصحه
ساجده:مافيش داعي تجي انتي عروسه جديده
كيناز:لا شن تقولي ساجده ضروري نمشي نشوف بابا
ساجده:تمام حبيبتي ….قعد مصارش شي معاك
كيناز:لا امس مصار شي واليوم انا مش حانقدر اصلا بنكلمه نقوله غدوه
ساجده:تمام حبيبتي براحتك
كيناز:صوت اصيل جي .نكلمك الصبح
ساجده:تمام قلبي…سعيده
كيناز:سعيده….سلام!!

اصيل:خش لدار….جبت لعششاء انتي تعشي انا بنطلع نشوف عزيز
كيناز:عادي نستناك ترجع نتعشو مع بعض
اصيل:لا لا ممكن نتأخر تعشي انتي وانا لما اروح ناكل عادي
كيناز:اءء…..تمااام
اصيل:قرب منها ….حط يده ع خدها…وغمزلها
كيناز :وجهااا بدااا احمرر …مزعلتش
اصيل:تنفس بعمق من حركاتها الطفوليه….ولن طلع وهوا يشوفلها
كيناز:حطت يدها ع قلبهاا…..حليلي من رجوليته وتصرفاته….قعمزت ع سرير وحاسه بي شي حلووو

________________

اصيل:طلع من حوش …..فتح باب السياره وركب
عزيز:شن جو اصوله
اصيل:اهو ماشي….انشاءالله خير تبيني ضروري
عزيز:ايي مستعد تسسمع
اصيل:تي قووول شن في؟
عزيز:كنت في مركز الشرطه وسألتهم ع قضية نسباتك
اصيل:اي وشن قالو؟
عزيز:من غير القضية طبعا الدين الي عليهم مليون ونص
اصيل:تنهد بصددمه…..تي كيييف
عزيز:اي يعني يدفعو الي فوقهم والي تحتهم مستحيل يوصلو لنص المبلغ
اصيل:حط يده ع لحيته…مششكله
عزيز:انا حانحاول نتكلم معاهم يعطوهم فرصه لدفع
اصيل:ومن امتا بدت عندك كلمه انتا؟
عزيز:لا اليوم وقعولي ورجعت للمكتب
اصيل:الف مبروك غير اخدمنا في هادي بس
عزيز:شن بدا قلبك عليهم
اصيل:البنت ي عزيز تحطها ع جرح يبرا
عزيز:تعرف لو البنت هادي متسرقش قلبك معاش نتسما راجل
اصيل:قااطعها بصووت هادي….اليوووم شفتت هبة
عزيز:شن صار؟
اصيل:حكاا الي صار كله!
عزيز:رد بالك منها ي راجل ميجيش الي اديرو فيه
اصيل:انا مش راضي ع شي وانتا عارف لكن هيا مش عارف شن صاير معاها
عزيز:انا مش مرتاحلها ابعد علاها وحافظ ع مرتك
أصيل:انششاءالله لكن البنت تستنا فيا ومش عارف اليوم شن بنقولها
عزيز:حط يده ع رجل اصيل…..توكل ع ربي هدا نصيبك
اصيل :لكن مننكرش انه البنت خطفت قلبي بي تصرفاتها حاااسه معاها براحه
عزيز:ابتسم…..الحمدالله ريحتني هكي وهدا الصح انتا مفروض عليك توا تصونها وتكمل نص دينك معاها
اصيل:ادعيلي ي صاحبي
عزيز:ندعيلك
اصيل:هي توا تصبح ع خير
عزيز:مدابيك الليله 😂
اصيل:وسسسخ….انزل وسكر الباب!

________________

اصيل:خش للحوش ….وشااف كيناز راقده ع الكنبه في صاله …اضحك….وقرب منها
كيناز:😴
اصيل:كيناز كيناز
كيناز:تفتح في عيونها ..اه
اصيل:علاش رقدتي هنب…باين ماكليتي شي
كيناز:قلت نستناه بس انتا عطلت
اصيل:اوكى مش لازم ..مسكها من يدها….ودخلها لدار….حطها ع سرير وغطاها
كيناز:شكرا….وسكرت عيونها كأنه بيبي ورقدت
اصيل:طلع لي صاله خدا لبضاعه حطها في الثلاجه….وطلع!

ساعه 3 في ليل:-

ساجده:تذكر في كلام كيناز انه في ناس تبي عليهم فلوس عرفت انه حايبيعو الي تحتهم وفوقهم وله خوتها الاتنين الي في الحبس واحتمال كبير ينسجنو سنين وله بوها لمريض وحالته مستقرتش وله كلام الناس الي مرتاحوش منه ومع عملت خوتها الي زادت الطين بلا …نفسيتها تعبت من المشاكل الي في جرت بعضها مقدرتش ترقد من التفكير 💔

____________

اصيل:راقد ع سرير……وليل كله وهوا يتفرج ع كيناز وهيا راقده جنبه………فمها الكرزي المنفوخ وعيونها كأنه بيبي راقد شعرها محلول كله ع كتافها ونصه مغطي ع وجها …مستمر يتفرج ع ملامحها لن سررقه النووم

___________

يوم جديد:-

في المصحه :-

الممرضه:ي اختي
ساجده:فاقت من نومها…..انعم
الممرضه:بنقولك بوك حالته كويسه وطلعناه لغرفته تقدري تشوفيه
ساجده:تنهدت بفرح….الحمد الله شكرا ليكم
الممرضه:العفو اختي وانشاءالله هدا حد السو
ساجده:سلمك يارب….تقدري تساعديني وتوريلي غرفته
الممرضه:اكييد …وطلعو مع بعض!

____________

كيناز:فتحت عيوني وشفت لمكان اصيل ملقيتاش عرفته طلع…نضت خشيت للحماام دوشت وغسلت سنوني وطلعت….خشيت لداري وطلعت مجفف الشعر ..وقفت قدام ونا نجفف في شعري ….لن سمعت تلفووني يررن !
كيناز:ساجده تتصل انشاءالله خير….الوو
ساجده:صباح الخير كنوزه
كيناز:صباح النور….كيف حالكم
ساجده:بابا حالته كويسه وتوا نهدرز معاه
كيناز:الحمدالله فرحتيني
ساجده:اي تصلت بيك باش نطمنك وبنقولك مافيش داعي تجي
كيناز:بهي سلميلي عليه هلبا
ساجده:حاضر نستنا في ورقة الخروج بس وبنطلعو
كيناز:قصدك بيطلع اليوم؟
ساجده:اي حالته كويسه بناخدله الادويه الي طلبها مني الدكتوره وبنهتم بيه
كيناز:اهاا تمام مدام الدكتور قال عادي….المهم شن صار في خوتك
ساجده:مش عارفه تصلت بي نادره ماقتلي شي عليهم
كيناز:تماام مالا خليني نجهز روحي ونمششي لحوشنا!
ساجده:تمااام
كيناز:سكرت الخط….وقعدت نكمل في تجفيف شعري!

_____________

اصيل:يقرا في رسايل الي بين ندى وهبة…..وعلامات الصدمه ع وجه متأكده هادي هبه
جميله:اي وندى حكتلي واعترفت بكل شي
اصيل:تغيرت ملامح وجه…..مش مصدق
جميله:ارتحت منها ورد بالك منها من جديد لا تشوفها ولا تكلمها
اصيل:لالا مستحيل نكلمها …المهم متجيبيش سيرتها قدام كيناز البنت مسكينه متجيش
جميله:لالا مستحيل ونبهت حتى ندى
اصيل:عطا التلفون لي جميله…..ونصددم هلبااا بي لكلام الي شافه يعني تخيلي شخص عشتي معاه وتعلقتي بيه ويبعد عليك وتتأثري بيه سنين وتنقلب حياتك ع خاطره وفي نهاية يطلع هوا وراء كل المعانات والبعد💔
جميله:حطت يدها ع يد اصيل….متزعلش اصوله ربي عوضك يي كيناز والحمدالله كشفت حقيقتها قبل ماتخليك تضلم كيناز بسببها
اصيل:بصوت متأثر ….الحمدالله…ماتبي شي
جميله:لا سلامتك
اصيل:تمام….وطللعع وهوا مضااايق💔

___________

كيناز:كملت شعري….خشيت للكجينه وتيت فطور لي اصيل خفيف…..وخشيت لداري ….وتيت روحي وحطيت عبايتي ع سرير….لن سمعت صوت اصيل
اصيل:كيناز
كيناز:طلعت من الدار….انعم
اصيل:شافلها بي حب….اءء خليتك الصبح وطلعت
كيناز:اي محسيتش بيك
اصيل:فطرتي؟
كيناز:اي …وحقا اتصلت بيا ساجده بويا بيطلع اليوم من المصحه
اصيل:حمدالله ع سلامته….تمام نفطر ونطلعو وتي روحك
كيناز:ابتسمت….تمام…شوف شعري حلوه هكي صح
اصيل:تحشم….اءءء ايي حلو
كيناز:بدلع…هههه تمام…وخشت لدار
اصيل:دخل للكجينه !

____________

ساعه 9 في ليل :-

في حوش صالح :-

الحوش زحمه ومليان بي الناس جاين يحمدو ع سلامة صالح ورجاله في المربوعه قعد معاهم اصيل مجموعه خاشه ومجموعه طالعه

نادره وساجده :في الكجينه يفرقو في الشاهي والقهوه وكيناز وحنان يهدرزو مع الناس واسئله الناس طبعا متمش نجبدت السيره من وفاة اختهم لليووم هدا 💔

جو اهل اصيل والناس كانت تشوفلهم ومش مصدقين انه معاملتهم مع كيناز هكي لانه في بالهم انه كيناز تزوجت بسبب ثأر يعني حاتكون زي الخادمه بس🔥

___________

استمر الحال هدا لي مدة ثلاثه ايام الناس من الصبح لي ليل ماشيه جايه و ع نفس الحال وكيناز كل يووم عند اهلها من الصبح وتروح في ليل متقدرش تبات عندهم لأنه قعدا بنت 🔥

اما بالنسبه لقصة خوتهم مش حايطلعو ومش معروف مصيرهم لن يجي وقت المحكمه……..وبالنسبه لدفع الدين اصيل ساعدهم في نص المبلغ ونص المبلغ دبروه لانه باعو كل شي يخصهم الا الحوش الي يسكنو فيه وبرغم هدا كله مسسدوش المبلغ كامل 🔥

طبعا الوضع هدا كان موترهم ومزعلهم هلباااا بس ارتاحو من تسديد المبلغ لأنه معاش حاتم وبوهم داروله تحويل لحساب الاشخاص لن يكمل المبلغ 💔

وهكي ارتاحو من كلام الناس وتفكو من الناس الي ماشيه وجايه عليهم وطالب بي فلوسها اضطرو يدفعو ويبيعو كل شي💔

________

بعد مرور 3 ايام:-
ساعه 5 لعشيه:-

ترن ترن ترن :-

ساجده:تكنس في الدار …لن سمعت تلفون يرن…الو
بنت:اهلين ساجده
ساجده:اهلا
بنت:انتي الي كلمتيني ع الخدمه
ساجده:اي انا شن صار معاك؟
بنت:حضك توا اتصلت بيا عيله ويبو بنت تهتم بي ولدهم للمغرب بس
ساجده:كم عمره؟
بنت:قالولي انه طفل صغير
ساجده:اهااا اوك تمام ابعتيلي العنوان
بنت:لو تقدري اليوم تمشي عادي
ساجده:تمام شكرا حبيبتي
بنت:العفو…وتسكر الخط!

_____________

كيناز:كيف طالعه من الدوش…خشت للغرفه عبت جسمها بودره ولبست شورت قصيره وكط …وهيا تتفكر في كلام اصيل وتصرفاته الرزينه وتقديره لاها وكيف يساير فها وخاصة انه ساعد اهلها ودفع معاهم فرحانه انه طلع اصيل راجل تتمناه اي بنت …..فكرت ادير عشاء ومفجاءه لي اصيل…خشت لي صاله تبي تغير الديكور باش تبدا في التجهيزات

________

ساجده:وصلها العنوان في رساله …لبست عبايتها ووشاحها وخدت شنطتها وطلعت!!

_____________

اصيل:مولع اغنية حزين…..ويستنا في عزيز يطلع
عزيز:ماسك سفرة القهوه….فتح باب السياره…..غير شنو
اصيل:نبي نفضفض ي صاحبي
عزيز:حط السفرة ع رجليه……احكي عارف الاغنيه الحزينه وراها قصه
اصيل:هبة خاينه
عزيز:باهي شنو الجديد
اصيل:يدخن بي غل……طلعت هيا الي موافقه ع العريس بي ارادتها والقصه كلها طلعت تأليف
عزيز:كيدهن عضيم فعلا معقوله السنين هادي وهيا تجري بينا
اصيل:المهم فوتهاا……توا نبي ناخد هديه لي كيناز
عزيز:مستحيل يعني انتا مش زعلان
اصيل:تبي الحق وله ولد عمه
عزيز:ولد جيرانه
اصيل:من اول ماعرفت انها هكي كرهتهااا وطلعت من قلبي تقدر تقول قرفت منها وندمت ع اي خطاء ارتكبته بعدها
عزيز:تصدق كيناز وجها خير عليك
اصيل:ههههه مسميها بيبي كل شي فها ناعم
عزيز:ههه هيا اشرب قهوتك خلينا ناخدو هديه وغيرلها جوها اليوم
اصيل:ابتسم……تماام
عزيز:يشووف لي اصيل وكأنه اول مره يشوفه يضحك هكي بعد الحزن الي مر بيه

________________

كيناز:حطت الكنابات كلهم في جهة وحده وخدت طاوله حطتها في الوسط …وفتحت المكتبه بتاخد منها ورد …جت عينها ع سلسله ….تنهدت …محلاهاا ..خدت وهيا تتفصح فها شافت صورة هبة واصيل مع بعض ….تنهدت 💔😮

_______________

ساجده:وصلت للحوش …وهيا تشوف ومش مصدقه انه في حوش في المنطقه هكي…محلاااه كأنه فيله وتشوف لي حوض السباحه والمناضر والتحف الي البرا لن وصلت لي باب الحوش
ساجده:خبطت ع الباب
دلال:فتحت الباب….تفضلي!
ساجده:عطتها البطاقه…انا الخادمه تابعه الشركه
دلال:اهااا اي اي …تفضلي
ساجده:نقدر من توا نبدا عادي اقل شي نتعرف عليه
دلال:اوك انا عندي طلعه ….اركبي فوق اول غرفه ع اليمين موجود فها ولدي
ساجده:ابتسمت….اوك….ركبت لدروج لن وصلت لغرفة الطفل…فتحت الباب وخشت ..جت عيونها ع الولد……تنهدت بقووه …مستحيلاااا 😨😮…..يتبببع !!

رايكم!!!

اترك رد

زر الذهاب إلى الأعلى