كيد النساء الحلقة السادسة | القلم الناجح
روايات ليبيه كاملة

كيد النساء الحلقة السادسة

جميع حقوق الطبع والنشر محفوظة

#كيد_النساء 6

كيناز:في لحضات توقف قدامنا سياره شرطة ..وسيارات كلهم فاتو مافيش حد منهم وقف اكتر من سياره شافتنا بس مدورتناش كلهم فاتو
اصيل:مش وقتهم بكل
كيناز:خيرهم شن يبو منك؟
اصيل:يشوف ومصدوم فيهم ….مش عارف اهدي متخافيش توا ننزل نشوفهم
كيناز:حطيت يدي ع قلبي ونا نرجف ….لن نشوف زوز رجاله من الشرطه نازلين وموجهين السلاح ع سيارتنا
اصيل:اءء…نزل وهوا يحاول يركز فيهم كأنه اشتبه عليهم
كيناز:تشوفلهم وهيا مصدومه وتبي تفهم الي قعد يصير
اصيل:قررن حواجبه..تفضل شن في ؟
الشرطي:اركب السياره توا تعرف في المركز
اصيل:شبه ع صوت ….خلي نوصل لمراء ونركب معاكم
الشرطي2:توا انا اروح بها انتا اركب في سيارتنا
اصيل:بصوت عنيف….كيف شن تقول انتا؟
عزيز:هههههه معاك فخ من خوك عزيز وحول القناع من ع وجه
اصيل:بصدمه…..وربي ماتتحشم ي كلب
كيناز:اححييه خيره يضحك هدا ….زعما يعرفهم ودايرين مقلب
اصيل:برا وراس امك اكبر
عزيز:😂😂….ووووووه كانا عندي مرايا راهو خليتك تشوف روحك
اصيل:تعرف لو مش معاي البنت مش عارف شن درت فيك
عزيز:😂😂…شفتهم وله كلهم فرو وخلوك
اصيل:واضح انتا مقايللهم يعني بلا جو
عزيز:😂 ….سخفتني برا اركب مسكينه البنت خليتها تقول خيرني من غير البنوت
اصيل:شد ضحكته…تضرب الجرو يزيد عواه
عزيز:ي محمد المصراتي انتا 😂
اصيل:رجع لسيارته وهوا يضحك..ومستغرب اصلا كيف كلهم اختفو وقعد حاصل في المجنون عزيز
كيناز:قعدت ساكته مقدرتش تسأله
اصيل:اسف حقك عليا
كيناز:لا عادي
اصيل:ولع سيارته وطلع
عزيز:بصوت عالي…..ي مصراتي😂😂😂

اصيل:هههه..لا حول الله مستحيل يتغير
كيناز:ابتسمت

_____________

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ساجده:خيرهم كأنه عطلو
نادره:حاتم قالي صحابه ترا شن يديرو انتي عارفه جو الشباب
ساجده:بهي زعما يعطلو ؟
نادره:كأنه في صوت برا
ساجده:ابتسمت …اكيد هما وصلو
نادره:اي هما !

جميله:ماسكة سفرة عصير….تفضلو
ساجده:صحيتي ليش متعبه نفسك
جميله:ولا يهمك انتم توا ضيوفنا
ندى:…اهلين بيكم
نادره وساجده:اهلين
ندى:كيف حالكم…والف مبروك ع وخيتكم
ساجده:سلمك يارب!
نادره:سلمك!
ساجده:خيرهم كأنه عطلو
نادره:حاتم قالي صحابه ترا شن يديرو انتي عارفه جو الشباب
ساجده:بهي زعما يعطلو ؟
نادره:مش عارفه….كأنه في صوت برا
ساجده:ابتسمت …اكيد هما وصلو
نادره:اي هما !

كيناز:خشت وهيا حايسه في هداكه الفيلو
اصيل:شاد الفيلو من الجنب ويحاول يساعدها…لن خشو داخل
كلهم:يتفرجو عليهم كيف داخلين يهبلو!
غاليه:جابت فازو لعسسل ..وتزغرط
ساجده:اححيه محلااه راجلها
نادره:وتحسيه كويس شوفيه كيف مهتم بها
غاليه:وكلت لي كيناز لعسسل …وسلمت علاها
ندى:بحركات تعجب…بعد الي صار معاهم كله قعدا بالها في فيلو ولبس اه وخلاص
بنات عم اصيل:اححيه محلاها البنت
ندى:ماعينها في كله مكياج واصلا واضح فمها دايرتله فلر
جميله:ي مريضه مووتي ي مريضه موتي😂

نادره:خوك يتصل يعني هيا اطلعو
ساجده:اي اكيد خلينا نسلمو ع كيناز ونطلعو
نادره:اي خير مايفتحلنا محاضره

اصيل:هيا وقت يما خلينا نطلعو
غاليه:اي هي غير الناس تشوف فها بس
اصيل: شن تشوف فها ماهو بيروحو بيديرو علاها تكسيده
جميله:ايي والله زي مرت خوك تقول لناس مداير فلر
اصيل:باهي .اقلبي وجهك من قدامي

نادره وساجده:سلمو ع كيناز وباقي الموجودين وطلعو!

________

ثواني واصيل خدااه كيناز وخشو لشقتتتهم

كيناز:استغربت في الشقة الصغيره وتتفرج علاها
اصيل:احم ….انا بنطلع برا نشوف الشباب ونرجع
كيناز:اءء..تماام
اصيل:ولو تبي مساعده وله حاجه انا مش حانعطل استنيني
كيناز:هزت براسها ….بمعنى تمام
اصيل:اوك…..وطلع!

كيناز:الحمدالله غيرو الشقه وفهمو صارتلي فوبيا ….خشيت للغرفة كانت بسيطه لكن حلووه …لقيت شنطه متعي فوق السرير ….قعمزت…حولت التاج وقعدت نفك في شعري !

اصيل:شنو متبوش تبطلاها العاده هادي
عزيز:لصبح مافيهاش كيف اهو تشوف في الجماعه تجهز
اصيل:شفت الزواج وله يحرمك من الف حاجه في بدل مانقعد معاكم نفكر في البنت مرات تزعل
عزيز:عادي احنا لبعضنا نخش في مكانك كانا ملقيتنيش وقت الخنقة امتا بتلقاني
اصيل:لا حتى انا عارفك اديرها وقدر من يومك
عزيز:اي ننحرم من الحفله اليوم باش ترضا بس😅
اصيل:😂😂

كيناز:بعد ماكملت شعري…حاولت نفتح السوسته تع الفيلو مقدرتش…..افففف بنقعد نستنا لن يجي 😒….شويه ووصلها صوت عزيز واصيل يضحكو…ناضت …تتفرج عليهم من الروشن….ابتسمت تلقائيا….هههه جوهم غريب بجد ..قعدت تتفرج لمدة دقايق لن تشووف في اصيل نااض وراجع لشقه ….رجعت قعمزت ع سرير ع طول!

اصيل:هيا بسلامه شباب
كلهم:بسلامه ربي معاك ي قدر😂😂
اصيل:اسمع انتا نوض نبيك
عزيز:شكله عجبك الجو تبي نمشي في مكانك عادي
اصيل:مش وقتك متنفخهمش غير اسمعني توا
عزيز:خيرك ادووي
اصيل:شن بنقولها البنت
عزيز:اه اي ….عادي صارحها
اصيل:مرات تزعل وله حاجه
عزيز:شن تزعل تي انتا الي ادير فيه غلط هبة تزووجت فوتها انساااها خلاااص
اصيل:يمسح ع وجه….مش قادر نقرب منها حسيتها رزينه
عزيز:تي فكنا من الجو ….هبه تزوجت وجابت حتى صغار وانتا قعد تقول رزينه
اصيل:ضرب عزيز ع وجه…برا برا معاهم مافيش فايده اصلا توا نشوف حل بروحي
عزيز:مش حاتلقا اصلا …..وخدا بعضه ومشا
اصيل:ياارب خليني ندير شي يرضيك !

اما الشباب شدو مكاان وناووين سهريه لصببح وعزيز اساس العزمه كلها سكير وزكره وغناء ورقيص والعاده هادي ضروري يديروها لما يتزوج اي حد منهم
_______________________

كيناز:بدت تعرف وحست بي شي غريب…..كيف بنقوله افتحلي وككك
اصيل:خش وسكر باب الحوش
كيناز:يحليلي 🤭
اصيل:خش للغرفه….وجت عيونه ع كيناز مقعمزه وقايمه عيونها فيه
كيناز:بلعت ريقها…ن نبيك تفتح السوسته
اصيل:بسهوه قصيره…اءء اي
كيناز:حطت شعرها ع كتفها…..ووقفت
اصيل:قرب منها …ويشوف لجسمها الابيض الي يلمع.
كيناز:شنو صار؟
اصيل:فتحها ع طوول…كملت
كيناز:تلفتتله….شكرا
اصيل:قعمز ع حاشية السرير ويشوف لجهة التانيه
كيناز:في داخلها…محترم ع اساس….حولت الفيلو ولبست روب الدخول وقامت شعرها فووق!
اصيل:بدون مايشوفلها ….كملتي؟
كيناز:خيرا هدا متحشم مني..اي كملت
اصيل:تتعشي معاااي
كيناز:ابتسمت….اي عادي توا نجهز كل شي
اصيل:اءءء….لالا خليك انتي انا نجهز كل شي
كيناز:تمام براحتك
اصيل:خدا بعضه بسررعه وطلع!

كيناز:محلاااه ي ناااس كيف متعقد ومنزل راسه …وقفت قدام لمرايا تعدل في مكياجها!

اصيل:طلع لعشاء …بهي توا تسبلت بالعشاء بعد لعشاء شن نقولها؟
كيناز:نساعدك
اصيل:تلفت وشافلها…ومقدرش ينزل عيونه من عليها….اءء لا كملت
كيناز:شن رايك ناكلو في صاله؟
اصيل:يرمش في عيونه…تمام عادي
كيناز:طلعت
اصيل:عظ لسسانه….سبحان الخالق🤤
كيناز:وهيا مقعزمه في صاله …تسمع في تلفونها يرن…ناضت خشت لدار!
اصيل:حط لقلايه بعد ماسخنها في ماكرويف وحط مشروب وطلع لي صاله!

______________

كيناز:لا مصارش شي الولد باين كويس …وتوا يوتي في لعشاء
ساجده:الحمدالله فرحتينا انا ونادره من بكري نفكرو
كيناز:ههه تمام نرجع نتصل بيك منبيش نعطل عليه
ساجده:تمام حبيبتي لو صارت معاك حاجه كلميني
كيناز:اوك….باي !
ساجده:باي….وسكرت الخط!

____________

اصيل:يتفرج ع رسايل عزيز الي كل شويه توصل فيه
كيناز:اسفه غير كلمتني ساجده…وقعمزت جنبه
اصيل:تفضلي كولي
كيناز:متبيش تتعشا انتا!
اصيل:لا كليت شويه ومش جعان
كيناز:اوك براحتك….وبدت تاكل
اصيل:يتفرج علاها وع رقتها وهدوئها
كيناز:شكرا …وناضت تلم في السفره
اصيل:العفو..
كيناز:كيف بتتلفت بتخش الكجينه
اصيل:كيناز
كيناز:تلفتتله …..انعم
اصيل:نستأذنك الليله بنرقد لاني تعبان شويه و…..قبل مايكمل كلامه قاطعته…..لا ولا يهمك عادي انا نغسل الصحون ونخش نرقد
اصيل:تغيرا ملامح وجه….تمااام تصبحي ع خير
كيناز:سعيده

_____________________

اصيل:اتكا ع سرير….وهوا مطمن لأنه خلاص شي وتخلص منه …بس قعد يسأل في نفسه علاش منحاولش نقرب منها البنت بدت حلالي ومرتي في الشرع يعني لو مش توا مع الوقت مفروض عليا وغدوه كيف بنقولها وله نصارحها زي ماقال عزيز وهكي لن تمل وتطلب الطلاق؟

كيناز:بعد ماكملت طفت ضي الكجينه وطلعت…خشت لدار…جت عينها ع اصيل راقد….فتحت الدولاب خدت بطانيه ورقدت من الجهة التانيه …..لكن كيناز رقدت ع طول من التعب وماحستش انه اصيل يتهرب او شي

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-

كيناز:نضت ع صوت حركه اصيل…فتحت عيوني بي شويه …نزلت من السرير
اصيل:خش لدار….صباح الخير
كيناز:صباح النور
اصيل:عيونه ع كيناز…..جهزت لفطور
كيناز:علاش منوضتنيش؟
اصيل:لا نضت لانه اتصل بيا عزيز وقلت نجهز لفطور مابين هوا جي
كيناز:قصدك بتطلع
اصيل:اي عندي خدمه نكملها ع سريع ونرجع
كيناز:تماام ….شن ندير لغذاء؟
اصيل:اه نسيت نقولك اتصلت بيا جميله قتلي دايرين غذاء وفي ناس وله مش عارف كيف بيجو
كيناز:اهاا يعني انا بنمشي
اصيل:اي توا اتصلي بي جميله تجي لانه وصتني اول ماتنوضي نكلمها
كيناز:حاضر ….تبي شي تاني؟
اصيل:ذايب في هدوئها وملامحها وكلها ع بعضها وخاصة صوتها الهادي ….لا سلامتك نستأذنك توا
كيناز:خود راحتك
اصيل:كيف بيتلفت بيطلع
كيناز:بنقولك
اصيل:شافلها…..انعم
كيناز:شنو بتلبس باش نجهزلك لبستك
اصيل:لا نلبس اي شي مدورنيش….وطلع

كيناز:طلعت….ع طول خشيت الحمام دوشت وغسلت سنوني ولبست روب طويل لونه احمر ومشطت شعري…وخشيت الكجينه لقيت اصيل موتي فطور …كليت لن شبعت 😂….ورجعت لداري قلت نكسد ع ترتيب لحوايج باش نتصل بي جميله تجي تمكيجني!

_______________

في حوش صالح:-

ساجده:شن الجو نادره
نادره:ترتيب في الكجينه..الحمدالله
ساجده:قعمزت ع كرسي واخيرا رجعت السعاده للحوش
نادره:بصوت حزين..تصلتي بي كيناز
ساجده:لا قعد الوقت بكري قلت ساعه 11 نتصل بها
نادره:تمام…..وطاح منها الصحن
ساجده:تنهدت…..سلامتك…توا نقيمه اطلعي
نادره:لا توا نقيمه انتي كلمي كيناز
ساجده:في شي نادره؟
نادره:لا مافي شي متفكريش فيا
ساجده:احكي ناادره شن في؟
نادره:بعيون يدمعو….في ناس تهدد في حاتم
ساجده:تنهدت بقووه …. مسستحيل
نادره:اي شفت الرسايل ع تلفونه وحايصير زي زمان
ساجده:كلاب متابوش من المره الاوله
نادره:اي بس كلمته قالي حصلت فلوس مش حايصير شي
ساجده:انشاءالله …متخليش امي تحس ع شي
نادره:لالا مستحيل ….بالله اركبي نوضي همام لانه حاتم عازم ولاد ويبيني ندير غذاء
ساجده:تمام ولا يهمك انا نهتم بالحوش وانتي طيبي براحتك
نادره:تمااام !

_______________

طقق طقق طقق :-

كيناز:سمعت الباب نااضت ….مني؟
ندى:افتحي انا ندى
كيناز:فتحت الباب…..تفضلي!
ندى:سلمك ي حنه …شن اصيل مش قعد
كيناز:طلع عنده خدمه
ندى:اممم خدمه هههه كويس
كيناز:حست بي كلام ندى تقصد بيه شي….نديرلك قهوه
ندى:لا صحيتي شاربه….شنو مصارش شي بينكم
كيناز:تحشمت…..لا مصارش
ندى:كويس…..قعدا مجتش جميله؟
كيناز:لا اتصلت بها قتلي شويه ونكون عندك
ندى:ههههه مالا سبقتها انا!
كيناز:اهو حس الباب يطق اكيد جت
ندى:اي
كيناز:مشت فتحت الباب
جميله:شن ادير العنز عندك
ندى:نسمع فيك راهو
جميله:اي نبيك تسمعي كانا مسمعتيش نعاودها
كيناز:تضحك ع تصرفاتهم…ومستغربه في كلامهم مع بعض
جميله:هيا كيناز خلي نوتيك لانه خليت امي بروحها توتي والقرده هادي عندك تقصقص
ندى:لا قلت نصبح ع سلفتي بس
جميله:اي اي عارفاتك عقلك هني من امس في ليل
ندى:😨😨
جميله:هيا كنوزهه بالله
كيناز:تماام ….وخشينا لدار

____________________

اصيل:طالع مع عزيز من المركز الشرطه….توا جايبني باش نشهد معاك قدام المدير
عزيز:اي واضحه مالا بنصورك
اصيل:وشن خطر عليك الخدمه
عزيز:ماهو في جرتك قعدت عايش البرا وتوا خلاص قررت نرجع
اصيل:والسياره الي امس درت بها العار خانبها وله كيف
عزيز:ههه لالا متع جمال الي معاي قتله تعالا نديرو موقف لي اصيل
اصيل:باهي كويس عرفت تشغل دماغك وبترجع لخدمتك
عزيز:اي من غدوه بنرجع ومحقق وبنشد مكتب
اصيل:كيييف انتا غير اعرف وين تمشي باش تحل مشاكل الناس
عزيز:هااازي ….توا تعرف صاحبك وكيف حايحل كل القضايا
اصيل:فتح الباب وركب السياره
عزيز:ركب من الجهة التانيه….شن صار فيك امس؟
اصيل:وزعتها بطريقه محترمه لكن اليوم مش عارف كيف بنسلك منها
عزيز:مريض وربي ماك صافي
اصيل:فكرت نمللها مني لن تطلب الطلاق
عزيز:وهكي الثأر يرجع وله ينتهي
اصيل:اءءءءء….ع مااضن لا
عزيز:باهي نا بنصارحك توا
اصيل:خيرك
عزيز:حلووه؟
اصيل:لي الننننم
عزيز:بهي علاش متبداش حياه جديده وتنسا الماضي الي اصلا مش راح يرجع
اصيل:مقدرتش في حاجه اقوى مني
عزيز:انتا مفروض تمشي لي شيخ يقرا عليك فيك حاجه مش طبيعيه
اصيل:فكني من هبالك …وحطني في الحوش بالله
عزيز:اسمع نصيحتي ولوح عليك والبنت بنت ناس متستاهلش الي درته فها حتى قدام الناس
اصيل:شاف لي عزيز…ومنطقش ولا حرف…….لن وصلو لحوش اصيل!

______________

ساجده:كملت الحوش…قلت نجي نعاونك
نادره:هههه حتى نا شبه كملت
ساجده:مقتلكش تصلت بي كيناز
نادره:اي خيرها😍
ساجده:قتلي تمكيج فها حماتها ع خاطر عازمين ناس اليوم
نادره:اي باهي دوم عليهم …وشن جوها هيا
ساجده:مقدرتش تحكي لكن قتلي كويسين واطمني
نادره:انا احساسي ميخيبنيش الحمدالله تهنت وارتاحت
ساجده:اي والله قلت حتى لي ماما وبابا وفرحو هلبا!
نادره:الفال ليك سجوده حتى انتي وديري عرس كبير وتفرحي
ساجده:تغيرت ملامح وجها….اءء اي
نادره:تعرفي لو عندي خو مستحيل نخلي حد ياخدك غيره
ساجده:😂…ي عمري انتي
نادره:بجد غزاله زيك مافيش حد ميتمنهاش
ساجده:غير انتي تحبيني تشوفي فيا حلوه
نادره:نزعل منك راهو لوني شعرك وعيونك بيخبلو😂
ساجده:😂

______________

جميله:شنو نحطلك لون الروج
كيناز:احمر
جميله:تماام …لكن شنو اللبسه؟
كيناز:شوفي الدولاب انتي…لكن نا عندي قفتان لونه فضي في الابيض!
جميله:اهااا حلوو بس خليني نشوفه
كيناز:تلقيه في الدولاب الوسطي
جميله:فتحت الدولاب….واااو محلاااه وطبعا انتي حاتحليه
كيناز:ابتسمت…سلمك
جميله:كملت لي كيناز مكياجها…وقعدت معاها لن جهززتهاا ❤

ترن ترن:-

ندى:الو
هبة:ايواا وينك عطلتي؟
ندى:معنديش رصيد نستنا فيك تتصلي
هبة:المهم شنو الاوضاع
ندى:شكله قاعد ذايب فيك قتلي مصار شي امس
هبة:بخبث….تماام حلوو ومتنسيش تبخري من لبخور الي عطيتهولك امس
ندى:باهي مش حاننسا ..انتي بتجي اليوم؟
هبة:اي بنمشي اكييد
ندى:تمااام تعالي وشوفاها حاتنقهري
هبة:كيييف قصدك حلوهه؟
ندى:توا عمري قريب 30سنه ولا مره شفت انسانه بي جمال هدا
هبة:عادي المهم اصيل قلبه معاي
ندى:هههه خلاص انتي متزوجه يعني انسيه اصيل
هبة:سسكرت الخط في وجها!

__________________

ساعه 3 بعد الضهر:-

حوش الهادي مليان ناس واغلبهم أقارب غاليه كلهم…وكيناز طبعا لانها عروسه الكل يبو يشوفوها …بعد ماكملت لبسها وهكي مشت هيا وجميله .قعمزت في الصاله والناس كلها ملتمه علاها ❤

هبة:السلام عليكم
جميله:وكك شن جابها؟
ندى:كنوزه هادي هبه
كيناز:منعرفهاش
جميله:فنصت فها
كيناز:في خاطرها….مني هادي زعما؟
هبة:مدت يدها لي كيناز….اهلين
كيناز:قامت عيونها فها….اهلا
هبة:ملامح وجها حاقده….مبروك عليك
كيناز:يبارك فيك☺
هبة:قعمزت وولدها جنبها…وعيونها في كيناز منزلتهمش!

ترن ترن :-

كيناز:الو
اصيل:اهلا كيناز بنقولك
كيناز:انعم
اصيل:انا بنرقد شوويه ومتروحيش للحوش لن تتصلي بيا
كيناز:حاضر
اصيل:تمام…وسكر الخط!
جميله:من الي يتصل بيك؟
كيناز:اصييل
جميله:مني مسمعتكش؟
كيناز:اصيل
هبة:تغيرت ملامح وجها ومش قادره تتحمل ماسكه روحها بسيف علاها!
ندى:خيرك هبة ؟ ضروري تقتنعي خلاص كيناز حاتملك قلب اصيل
هبة:بهززووه…مدام انا حيه قلب اصيل مش حايحب غيري!

________________

بعد مرور ساعتين:-

فرقو الحلو والغذاء ع الكل رجاله ونسسون وجميله وندى لهوو في الحوووسه بعد ماخفت الزحمه ❤

كيناز:غيرت قفتانها الثقيل ولبست قفتان خفيف وبسيط وحلوو وقامت شعرها وخففت مكياجها وحولت الطوق ولبست سلسله بسيطه…..وخدت تلفونها وتصلت بي اصيل اكتر من مره بس مردش….لن رن تلفونها…وردت
ساجده:كيناز …وبدت تبكي
كيناز:انعم شن في خيرك؟
ساجده:بابا بابا اغما عليه ورفعناه المصحه 😭😭
كيناز:تنهدت بصدمه….كك كييف علااش شنوو السبب؟
ساجده:جت الشرطه ورفعت حاتم ورياض وبابا متحملش داخ علينا
كيناز:انتم في المصحه معاه؟
ساجده:اءءء اي اي
كيناز:سكرت الخط….لبست عبايتها وطلعت تجري لحوشها💔

طققق طققق:-

اصيل:ناض من نومه ع صوت الباب…من الي جااي الزحح..ناض وفتح الباب
هبة:اصيل
اصيل:هبة…شن اديري هني؟
هبة:بعيون يدمعو…استحشتك
اصيل:مش اكتر مني لكن بري قبل مايشوفك حد
هبة:متبيش تحضني اصيل وله تتقرب مني؟
اصيل:هبة انتي مراء متزوجه وانا متزوج اطلعي من هني بسرعه
هبة:دفت الباب وخششت….اصيل خلاص معاش هامني حد توا
اصيل:شش شن تقولي هبة ؟
هبة:مقدرتش نتحمل وانتا متزوج غيري خلاص 😭
اصيل:قرب منها….هبة انتي هكي بدمري حياتنا
هبة:دفاته …ع اما حياه تحكي وانتا مش معاي؟
اصيل:شدها من يدها بقوه…هبة افهميني لو حد شافك هني انا حاندمر
هبة:ههه كيناز خدت قلبك
اصيل:مافيش حد خدا مكانك للحضه هادي
هبة:كداااب….البنت حلوه وهاديه وراح تحبها
اصيل:هببببببه …اطللعي بلا كلام فاضي!

كيناز:واقفه قدام الحوش وهيا منهاره بالبكاء
جميله:جت عينها ع كيناز….مشتلها تجري..كيناز
كيناز:معرفتش كيف نرجع لحوشي
جميله:اي مش حاتقدري زحمه الرجاله كلهم برا
كيناز:غطت وجها بالوشاح….انا بنمشي ضروري
جميله:علاش شن في؟
كيناز:بصوت يرعش….بوي في المصحه وحالته صعبه
جميله:لكن اصيل حايعصب عليك
كيناز:تجاهلت جميله…وخدت بعضها ومشت!….يتببببع!!

اترك رد

زر الذهاب إلى الأعلى