روايات ليبيه كاملة

مرضي فراقك الحلقة الثالثة 3 .. الكاتبة عيوشه ناصر كاملة

مرضي فراقك الحلقة الثالثة 3 .. الكاتبة عيوشه ناصر كاملة

#مرضى_فراقك
الحلقه3
ترن ترن ترن🎶🎶
هيام شافت الهاتف وسكرت
واتصل تاني
وسن:ردي خيرك
هيام:اء صاحبتي هادي اكيده ترا شن تبي مني وهي تهدرز هلبا توا نكلمها بعدين😅
وسن:به براحتك انا بنروح توا باي
هيام:باي
وطلعت وسن
هيام ردت ع الهاتف
هيام:الو؟
#:بنتي
هيام:😳😳من انتي؟
#:انا امك حبيبتي
دارت كتم للمكالمه
هيام:ماما … ماما
امنه:ايوه؟
فصل الخط
هيام استغربت شوي وحطت ههاتفها وطلعت
امنه:انعم خيرك بنتي؟
هيام:لا بس كنت نتاكد انتي ف الحوش او لا
ومشت لِ بوها
هيام:بابا
فرج:ي عيون بابا
هيام:غدوه تخرجي
فرج: اي نعرف
هيام:نبي نمشي لِ صاحبتي باش ندربو ع المشروع
فرج:به توا نرفعك ل هاجر
هيام:لالا مش هاجر
فرج:وليش؟
هيام:هكي منبيش
فرج:بنرفعك لاها وتم
هيام قلبت وجهها ومشت ل دارها
:واكك ريتني سكرت فمي😭💔 توا شن بيرفعني لاها هالعقرب هادي
طق طق
هيام مسحت دموعها وفتحت الباب
هاني:هاك
هيام:شنهوا؟
هاني:توا تعرفيه
هيام ابتسمت:استني بنعطيك حاجه حتني❤
هاني:به هي
ومشت جابت الشال:خود
هاني:انتي دايرته؟
هيام:اي😁
هاني:ولا وصار منك ي فرخه
هيام:😒😒مصحك معش تقولي فرخه
هاني:اي فرخه حق
هيام:حتي انت فرخ املا نفس العمر احنا راه متنساش
هاني:اكبر منك بدقيقتين
هيام:😂حيوان
هاني:احترمي الاكبر منك😒وطلع
هيام:واخيرا شكله سامحني😂
خ نوتي روحي😩💔
لبست سروال جينز مع جاكيت ابيض فرو وسروال اكحل
فرج:سعيد البرا يستنا فيك
هيام:وعلاش مترفعنيش انت؟🥺
فرج:مش فاضي انا بري وقت عليك
هيام:به😔 ومشت
ركبت السياره وهي متعصبه
سعيد يشوفلها من مراية السياره:خيرك متعصبه
هيام:انت بالذات متكلمنيش
سعيد:وعلاش ي حلوه
هيام:ننننننن😒بترفعني ل اية فاهم؟
سعيد:بوك قال هاجر
هيام:🙂هاجر مش نفس مجموعتي
سعيد:وعلاش مقلتيش الكلام هدا ل بوك؟
هيام:عارفته نا بعدين يقعد غير يكشخ عليا علاش مش نفس المجموعه
سعيد:بنوصلك ل وين قالولي
هيام:كان متبيش ترفعني ل ايه تشوف شن بيصيرلك
سعيد:معندك مديري😏
هيام:توا نقول ل بابا شن قلت بكري😌وانت ورايك
سعيد بلع ريقه:به به
هيام ضحكت بانتصار:ايوه شطور
سعيد سكتت وهوا بيطربق
وبعد شوي وقت وصلت
نزلت وطقت ع الباب شوي وفتحتلها ام آيه
ام ايه:اهلين تفضلى من تبي؟
هيام: اء نبي ايه لو سمحتي
ام ايه:تمام تفضلى شوي وتجيك
هيام:زاد فضلك ودخلت
شويه وجتها ايه
ايه:اهلا اهلا❤
هيام:اهلين
ايه:كيف صار وجيتي😂
هيام:هربت هروب
ايه:حي عليك😂
هيام:ايحح بينهم المهم
ايه:اي
وقعدو يهدرزوا

روايــــ🔥ـــات عــــيـــــــوشـّه نـــــ🔥ـــــــاصـــر
_____________________
سراج:فهمني انت علاش رافض فكرة حد يتبرعلك
هاني:مش فاهم انا مش متقبل عضو شخص تاني يحطو فيا
سراج:وليش؟
هاني:مش عارف
سراج:املا بتقعد هكِ؟
هاني:اي
سراج حط يده ع كتف هاني:وكان الشخص هدا يكون يقربلك
هاني:شن تقصد؟
سراج:نسال فيك
هاني: اكيد لا
سراج:وليش؟
هاني:منبيش حد يعرض حياته لخطر ع خاطري
سراج سكت
شوي وفاتو زوز ولاد من قدامهم
الولد:اهي الناس لي عايشه حياتها
هاني:نعطيك لي عندي كله وتردلي كلاويه
الولد انصدم:😦😦لالا
هاني:مش كل شي فلوس راه
سراج تاثر بالموقف
هاني:هي توا بنمشي للمستشفى بتمشي معاي؟
سراج:به هي
وركبو السياره وطلعو
دخل هاني للغسيل
وسراج قعد قدام الباب يشوف ل صاحبه ككيف قريب يموت عليه ومش قادر يدير شي💔
__________________
ايه:شوي نشوف من ع الباب ونجي
هيام:خودي وقتك
ايه مشت وفتحت الباب
وسن:هيام اهني وله
ايه:🙂لالا
وسن:تي شوفتها عندك نا ترا حولي ودخلت وسن
ايه:غير تعالي
وسن:منبيش
ايه:ياربي😩
وسن:هياموو😍
هيام:اهلين وسن
وسن:كيف حالك كويسهه شنجو القرايه ها احكيلي شن اديري ف الكساد
ايه:وسن🙂
وسن:اسكتي ي حقوده حسوده غايره مني وله
ايه:ع شن بنغار منك؟
وسن:ماه دمي خفيف وعجبت هيام
ايه:😂😂متت
وسن:موتي ولا انتحري المهم هيام كويسهه
هيام:😅غير بالشويه
وسن:احكيلي كيف حالك امك وبوك وخوتك
هيام:هوا خو واحد
وسن:عارفه😂المهم فهمتي كيف حال خوك
هيام:الحمد لله الكل بخير
وسن:به عيونك حق هكي لونهم ولا عدسات؟
هيام:عدسات؟؟
وسن:اي هاتي نشوفهملك وجت قربت منها
هيام:اصبري عيوني بتفقصيهم
وسن: به عيونك خوك هكي حتي هما؟
هيام:😒😒ايح علينا بري تاكدي منهم حتي هما
وسن:😍اي حقق
ايه:امك تنادي فيك وسن
وسن:ماما عند خوالي🙂
ايه:اكيده روحت
وسن:توا كيف مشت
ايه:😒😒به بري للكوجينه
وسن:بهه هيي ومشت تجري
ايه:هبله متعدليش علاها،اي وين وقفنا؟
وسن:جبتلكم العصير وفاتت ايه وجت ل هيام طول
وسن:تفضلى حماتي الحلوه
هيام:صحيتي وجت بتاخد الطاسه ووتتبزع علاها
وسن:😦😦حيي عليا
ايه خبطت ع راسها🤦‍♀️🤦‍♀️
هيام:😬😬حوايجي كلهم مشو
________________________
ترن ترن🎶🎶
امنه:الو
هاجر:معاك هاجر
امنه:اهلين
هاجر:نببي هيام؛نتصل باها هاتفها مسكر
امنه:مش عندك هيا؟؟
هاجر:لالا
امنه:اكيده قريب توصل
هاجر:به باي
وسكرت الخط
فرج:خير؟
امنه:هاجر تتصل
فرج:علاش؟
امنه:تبي هيام
فرج:مش عندها قصدك؟
امنه:لالا اكيد قريب توصل توا
فرج:سعيد اهني وقال وصلتها
امنه:😦املا وين مشت البنت
فرج طلع :سعيد سعيد
سعيد:نعم
فرج:قولي هيام وين رفعتها؟
سعيد:ل وين ماقولت
فرج:اتصلت توا البنت قالت مش عندي
سعيد:اء مش عارف
فرج:شن مش عارف؛توا تمشي تجيبها
سعيد : حح حاضر
فرج:وحسابك بعدين
سعيد مشي وهوا متوتر

روايــــ🔥ـــات عــــيـــــــوشـّه نـــــ🔥ـــــــاصـــر
_____________________
هاني:وصلني للحوش تاعب حاس روحي
سراج:به هي
وركبوا السياره ومشوا
سراج:بنقولك
هاني:ها شن؟
سراج:مستحيل تقعد هكي انت راه
هاني:اانا هكي مرتاح
سراج:هاني متكدبش عليا
هاني:منكدبش نا
سراج:شوفتك بكري كيف حالتك
هاني:اي وبه؟
سراج:اول مره نشوفك بالحاله هادي
هاني:ف وقت الغسيل بس نتعب
سراج:اي وشن الغسيل يوم بعد يوم يعني يوم باهي ويوم لا
هاني:قتلك لما نا تحت الغسيل بس
سراج:كان هدا مقلتش روح بيا تاعب
هاني:سراج😒ساد
سراج:لمصلحتك
هاني:حتي انت عاد
سراج:اي عندنا الحق
هاني:سكر ع الموضوع
___________________
هيام:توا نتصل ب بابا يروح بيا
ايه:’تعالي نعطيك من حوايجي
هيام غمزت ل ايه:لالا توا اصلا قريب ليل
ايه فهمت ع هيام متبيش تقعد ع خاطر وسن😂🤦‍♀️💔: به اوك
جتهم ام ايه:فيه سياره البراء
هيام:شن لونها؟
ام ايه:كحله
هيام:اه انا
ايه وصلتها ل باب الحوش
سعيد:كملتي؟
هيام:شن بنكمل؟
سعيد:مش قلتي بتراجعوا المشروع؟
هيام:ايه مش نفس السنه
سعيد خبط ع الدومان:مش قلتي هاجر مش نفس المجموعه ارفعني لي ايه؟
هيام:اي مقلتش ايه تقرا معاي
سعيد: بوك قالب الحوش
هيام:علاش😦
سعيد:عرف انك مش عند هاجر
هيام:وكيف؟
سعيد:اتصلت ب امك
هيام: ي رب الصبر
سعيد:قلت نا
هيام:اسكتت ترا
وشوي ووصلو للحوش
دخلت هيام وهي تمشي ع روس صوابعها
فرج:تعاليلي
هيام:😬😬انعم؟
فرج:وين كنتي؟
هيام:عند صاحبتيي
فرج:انا مش قلت غير هاجر لا؟
هيام:متعاركه نا وهاجر
فرج:مش مشكلتي
هيام:😔😔
فرج:استنيني اهني
هيام:’علاش؟
فرج:اسكتي
هيام:😶بهه
ومشي بوها وجاب معاه صوت
هيام:😦بتضربني؟
فرج:هدا لي ميسمعش كلامي
هيام:😭خلاص اخر مره معش نعاودها وربي
فرج:ماه لازم تذوقي شويه
هيام:الله يربحك هادي اخر مره
فرج:بنسالك،،وكان حسيت تخبيص ف كلامك…
هيام:به به
فرج:شن اسمها البنت
هيام:ايه
فرج بصوت عالي:كملي؟
هيام:ايه صلاح
فرج تغيرو ملامحه
هيام:كمل اسئل
فرج:من وين تعرفي البنت هادي؟
هيام:ف الجردينه تعرفت علاها
فرج:قداش ليكم تعرفوا بعض؟
هيام:ايام
فرج:قولي الحقق
هيام:والله والله نقول ف الحق😭
جي هاني:شن صاير
فرج:متدخلش
هاني:كيف متتخلش وانت تضرب فيا
فرج:نكلم ف اختك نا مش انت
هاني:وشن ناسي لي تحسه نا نحسه معاها
فرج سكتت
هاني:شن الموضوع هيام
هيام:ع خاطر مشيت ل صاحبتي
هاني:اي وشن فاها
هيام:مشيت ل بنت تعرفت علاها جديد،وانت عارف لي مش زينا مش من مقامنا حسب فهمهم المعاق
فرج:اسكتييي وناضلها
جي هاني قدام هيام
فرج:حول لاتجي الضربه فيك
هاني:متفرقش فاها ولا فيا
فرج:قوتلك حول انا
هاني:لا ، ساااااد لي عشنها قعدين متحضرتوش؟
ها كل همكم الفلوس متسالوش احنا متراحين او لا؟ حاسين ب حنان الاب؟ حياتك خدمه شركات فلوس
امنه:اسكت احترم لي اكبر منك😲
هاني:تحملنا بما فيه الكفايه،معش نبو فلوس معش نبو؛ نعيشو زي الناس العاديه ساد
فرج:طالعين ل امكم صار
هيام:ع اي ام تحكي؟
هيا وهمها كلها تزوجي ل ولدهم ع خاطر فلوسهم
فرج تغيرو ملامح وجهه وتوتر
هيام استغربت من ردة فعل بوها
هاني:ل دارك هيام
هيام:ولكن….
هاني: ل دارك قولت
هيام مشت بدون مترد
هاني:رد بالك ف كلامك خير متفضح روحك بروحك ومشي
__________________
سعيد:انا كيف فرخه تخليني ندير هكي، وفوق هدا كله خسرت عملي
كمال:غير استهدى بالله
سعيد: مصايب الدنيا كلها فوق راسي، كيف بنخلص الديون لي عليا🤦‍♂️
كمال:توا ندبرو حل
سعيد:كله من البنت هاكِ كله منها لعبت عليا وضحكت ونا سمعت كلامها وتوا شوف حالي وين
كمال:وانت مفروض ماسمعتش كلامها
سعيد:زلقت مني الكلمه وبدت تهدد فيا باها
كمال:لي صار صار
سعيد:عندي فكره مليحه
كمال:شن هي؟
______________________
هيام مقعمزه ع سريرها وشادها دبها❤
:خيرها الدنيا كلها داخله فِ بعضها؟
اووف،الرقم لي اتصل بوي كيف يحكي وكيف تغيرت ملامح وجهها وتوتر،شكلني ننتوهم🤦‍♀️ونا دينا ب افكاري العبيطه لي مليهاش حقيقه وخياليه
ترن ترن
هيام: اهلين حسام
حسام:اهلين
هيام: استاحشك هلباا
حسام: حتني
هيام:خيرك معش تتصل،بديت مهمل راك🥺
حسام:الله غالب حبي خدمه ورببي
هيام:’به قبل مش زي توا
حسام:ماه قبل نخدم مره بس توا بديت نخدم مرتين كل 5ساعات ف مكان
هيام:اه به ربي يعاونك
حسام:غدوه تخرجك؟
هيام:اي بتجي؟
حسام:قتلك خدمه
هيام:ايحح حتي انت بديت همك الوحيد خدمه ومش مهتم بيا
حسام:تعرفي حالتنا احنا كان بطلت يوم احتمال ننتطرد
هيام:اسفه مش بقصدي😔
حسام:ولايهمك لحظه غضب
وقعدو يهدرزو ل وقت طويلل
هيام:بنرقد نا وراي نوضه بكري ومشروع
حسام:تصبحي ع خير حبيبتي❤
هيام:تلاقي الخير حياتي
وسكرو
هيام قعدت تشوف ل غرفتها وتفكر ف كلام بوها:ايحح ابعدي الافكار من عليك وتمرقدي
_________________________
هاجر:غدوه مشروعي
عيسى:مع هيام؟
هاجر:لالا
عيسى:وليش؟
هاجر:اءء هكِ قسمونا
عيسى:علاش متكلمتيش راه درت حل
هاجر:مش ضروري حتي هكِ باهي
عيسى قعد يشوف لِ بنته
هاجر:المهم زي ماقتلكم نبي الديكور
عيسى:تمام كل شي واتي
هاجر باست بوها:تهبل وربي
عيسى:به اقلبي وجهكك وارقدي
هاجر:😂😂نايضه هي ومشت
______________________
ايه:ماما شن رايك ف هادي؟
ام ايه:حلوه
ايه:تم بنلبسها غدوه❤
ام ايه:به بري ارقدي غدوه وراك نوضه بكري وتاخر الوقت توا
ايه:به تصبح ع خير
ام ايه:وانتي من اهله
اتكت ايه ع سريرها وتفكر كيف ح يكون تخرج هيام
اكيده بيقلبو الكليه والطريق،وعزومه وجو،ياريت حتي نا لما نتخرج هكي يديرولي نحس روحي تخرجت
ورقدت
ام ايه:نوضي وقت عليكك
ايه:باهي خليني نرقد
ام ايه:بيفوتك المشروع
ايه:ببينه، اه مشروع لاعع وناضت تجري للحمام غسلت وجهها ولبست ع السريع
ايه:هي بابا بسرعه
صلاح:’هيي ومشو
ايه:متحمسه
صلاح:’اعقلي
ايه:الله بننديرو جو
صلاح:شن خلطك علاها بنت فرج؟
ايه:تعرفه؟
صلاح:اء لالا
ايه:به،بالصدفه تعرفنا، بسرعه عجل نوصلو
صلاح:وصلنا
ايه:هي باي
ومشت
قعدت ادور ع هيام واهلها ف الزحمه
ايه:هيام🙋‍♀️
هيام رفعت عيونها وابتسمت
ايه:خيره عيونها حمر الطف تبكي اكيد من فرحتها
ججيتكك شن كان المشروع معاك
هيام:بنعاوده😭
ايه:كيف؟
هيام:يعني بندير مشروع من جديد
ايه:’وليش؟
هيام:محفضتش
ناضت ايه مخلوعهه وداهشه: نحلم😥الحمد لله طلع حلم وشربت اميه وتكت ع سريرها تاني تفكر ف هيام
هل حلمها ح يصير منه ولالا
.
.

ف اليوم لي بعده⛅⛅
ناضت هيام،فطرت ولبست وكانت متوتره هلبااااا
تالاء:اول متكملي اتصلى ب امك تمام؟
هيام:به به شن بيفوته ووه
تالاء:ادكري ربي وتوا كل شي تمام
هيام:تمام صحيتي
تالاء:خودي ميه مرقيه
هيام:’خديت
تالاء:لما تتدوي متركزي ف حد وردي بالك تضحكي
هيام:وترتيني اكثر😭😂
تالاء:😂ننصح فيك
هيام:اي وكملي ترا
تالاء:تخايلي روحك كانه مهناك حد قدامك وكوني جديه لانه مصيرك تحدد
هيام:😥ي ربي فوت هاليوم ع خير
امنه:هي ربي معاك،بوك قالك هي
هيام:هوا بيرفعني😍
امنه:لالا جاب شوفير جديد
هيام:😔به وطلعت
ركبت ف السياره
كمال:صباح الخير
هيام بصوت مكسور:صباح النور
كمال:نطلعوا؟
هيام:لا استنى المشروع ايتم وبعدين نمشو؟
كمال:تمام زي ما تبي
هيام:هي بسرعه وقتت
كمال:به وطلعوا
هيام متوتره ف السياره وتتمنى متوصل لكن مسرع موصلت ومحستش بالطريق
نزلت وهي ترجف تمشي بالسيف
جوها صحباتها لي مدايره معاهم المشروع ودخلو للقاعه
____________________
ايه:صباح الخير
ام ايه:صباح النور
ايه:جعانه
ام ايه:بوك قريب يجي ونتغدو مع بعض
ايه:به ي رب ميعطلش
صلاح:السلام عليكم
ام ايه:’اهو جي وعليكم السلام
صلاح:هي وين الفطور؟
ام ايه:قعمزو هي ونا توا نجيبه
صلاح:هي
وقعمزو وجابت الفطور وفطرو
قامت ايه السفره متع الفطور شوي وطق الباب
فتحت الباب
ايه:😦
نجلاء&وسن:😁😁
ايه:شن فيه ان شاء الله خير جايين توا
وسن:بوي عمل وبوها مسافر زي ماتعرفي
ايه: اي وبه؟
نجلاء:نبو نمشو معاك ل تخرج هيام
ايه:🤦‍♀️🤦‍♀️
نجلاء:ولا متبيش؟
وسن:مستحيل توام راجلى منحضرش تخرجها حماتي راه
ايه:اسكتيي لايسمعوك توا
وسن:اي به شن قولتي؟
ايه:معندي منقول،انتم كيف عرفتوا؟
وسن:وكيف منعرفوش😏
ايه:به نلبس ع السريع ونجيكم
وسن:بناخد ورده من جنانكم بنرفعها ل حماتي
ايه:خودي خودي حتي كان بتقلعها كلها بينك المهم وطي صوتك
وسن:بهه
ودخلت ايه
ايه:بابا
صلاح:نعم
ايه:وسن ونجلاء بيمشو معانا
صلاح:به
ايه:فايته نلبس نا مش معطله سخن السياره
صلاح:’هي هي وناض
دخلت ايه تلبس
صلاح فتح الباب
وسن:صباح الخير عمي
صلاح:وين الخير مدام مصبح ف خليقتك
وسن:شن قلت عمي؟
صلاح:لا قلت صباح النور
وسن:كيف صحتك
صلاح:الحمد لله
وجت نجلاء سلمت عليه
وسن:علاش مسالتش ع صحتي حتني
صلاح:’واضح زي الحصان وانتي تقلعي ف الورده
وسن:اي هدا بنرفعه ل هيام
صلاح:كان بتقلعي اليمه قلعي
وسن:لالا متحبش اليم
ايه:’جيت هي نمشو😦😦 هدا شنو وسن
وسن:مش قلتي عادي قلعي
ايه:🤦‍♀️🤦‍♀️💔ي رب صبرني ع هالصبح
صلاح:هي هي وقت عليكم
ايه:انتلفي اركبي السياره
وسن:شوي بس وخدت ورده ومشت
وركبو ومشو
مسافة الطريق ووصلو
ايه:تخرج ولا عرس
نجلاء:’مهرجان
وسن:افتتاح المدرسه😕؟
ونعتـــذر لو فيــه اخطــاء املائيــه
يتبـــــع💗 》》》

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

اترك رد

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock