مرضي فراقك الحلقة الثامنة 8 .. الكاتبة عيوشه ناصر كاملة | القلم الناجح
روايات ليبيه كاملة

مرضي فراقك الحلقة الثامنة 8 .. الكاتبة عيوشه ناصر كاملة

مرضي فراقك الحلقة الثامنة 8 .. الكاتبة عيوشه ناصر كاملة

#مرضى_فراقك
الحلقه8
وصلت هيام للحوش وهي داهشه
نحت ككندرتها ودخلت
هيام:هاني … هاني
هناء: ف دارك
هيام: به وركبت فتحت باب الدار
هيام:هاني شن فيه
هاني:درت التحليل
هيام:اي؟
هاني:🙂وامك هناء
هيام:قتلك انا وربي قتلك😭الحمد لله طلع الحق الحمد لله
هاني:وامي امنه
هيام:😳😳شنن قصدك ب امك امنه؟
هاني: امي امنه
هيام:هاني شن تخرف يعني كان امك امنه امي حتني
هاني:لا
هيام:كيف لا؟
هاني:يعني احني مش توام
هيام:كيف💔
هاني:زي ما سمعتي وطلع وسكر الباب بقوه
هيام قعدت واقفه ف مكانها ومصدومه: لالا مستحيل اكيده فيه غلط وطلعت ادور ع هاني
هيام: هاني وين؟؟
امنه:طلع
هيام:وين مشي
امنه:منعرفش خيره شن فيه
هيام: وهكي مخلينه يطلع وهوا بالحاله هادي؟
امنه ساكته
فرج طلع من داره: خير شن فيه
هيام: هاني طلع من الحوش وهوا معصب
فرج فتح الباب وقعد ايدور ع سياره هاني ملقهاش
هيام: لا ياربيي طلع ف السياره كان ايدير حادث توا😭😭😭 كله منك كله منك
امنه: شن درت انا
هيام: عارفتك انتي وراء هدا كله تبي تفرقينا ي سوسه
امنه: شن تقولي بنتي
هيام:سكري فمك انا مش بنتك
امنه سكتت
هيام:😳😳وقعدت تشوف ل بوها
فرج: احترمي نفسك هيام
هيام:لكن…..
فرج:هادي امك
هيام: مهياش امي امي هناء وانتم السنين هادي كلها تمثلو وتكدبو علينا مفهمتش علاش متبوناش نكونو مع امنا ؛ امنه عمري محسيت معاها ب الامن ولا حنان الام كدابيييييين وطلعت
امنه وفرج قعدو يشوفوا ل بعض
______________________
قعدت آسياء ف سريرها تفكر ف سراج
: زعما يعرفني؟؟ به علاش انا منعرفاش🙄زعما سمح😂
وفتحت هاتفها وبحثت عليه
: زعما هدا محلاه🥺
هاجر: منهوا محلاه
آسياء:اللطف امتى نضتي😳خلعتيني
هاجر: تتتي توا نضت منهوا لي محلاه
آسياء: شي كنت نتفرج ف فيلم
هاجر شافتلها ورجعت رقدت
آسياء:خلي نتمرقد حتني خيرلي وسكرت فونها ورقدت
_____________________
هيام طالعه ف الطريق ادور ع خوها وتنادي بصوت عاالي:هااااني هااااني
فرج: شن هبلتي انتي ولا شن
هيام: خلوني ف حالي والله كان صارت ل هاني حاجه ماني مسامحتكم والله
فرج: غير اهدي
هيام: مش ح يقعدلي حد بعده😭
فرج خدي يد هيام ورفعها للحوش وهي متبيش
هيام: حولي من عليا حول
فرج: ادخلي للحوش ادخلي
هيام دخلت وهي تبكي وقلبها مش مطمن ع هاني💔
فرج وصلها ل غرفتها : ارقدي نسمعك طالعه من دارك تشوفي شي ميعجبكش وسكر الباب بقوه وطلع
قعدت هيام تبكي ع سريرها ومش قادره ادير شي وبعدها رقدت بدون متحس ع روحها
اليوم لي بعده⛅⛅

هيام تفتح ف عيونها : هاني😳
هاني: اي نوضي افطري
هيام: امتى روحت
هاني: ف اليل
هيام: مصرلك شي متاكد؟
هاني: اي علاش
هيام: لا قلبي مش مطمن انا
هاني:ايحح مصارلي شي ها تشوفي فيا قدامك
هيام ناضت من سريرها وهي ساكته وطلعت م الدار
قعمزت ع سفرة الفطور بدون متقول ح صباح الخير ل حد كلت شوي وناضت
امنه: خير هيام زيدي كولي مكليتي شي
هيام فاتت للمطبخ بدون مترد علاها شربت اميه وغيرت حوايجها واتصلت ب آية
وسن: ووه ردي بالك تضحكي
آية: به وردت
هيام:اهلا آية
آية:اهلين
هيام: كيف حالك
آية:كويسه وانتي
هيام:الحمد لله بنقولك
آية:نعم
هيام:انتي وين
آية: فف حوشنا
هيام:اوك جايتك بنطلعو اوك؟
آية:تم
هيام: يلا باي
آية:باي
وسن:الله جتنا ساهله😂😂
آية:اي الحمد لله
نجلاء: به ساوو الدنيا قبل قعده فيه حاجات مدرنهاش راه
آية: اي هيي
طلعت هيام م الحوش لبست سبيديروها
هيام:😳😳هدا شن
هاني: خبطت السياره شوي بس
هيام:قوتلك انا حسيتت
هاني: بسيطه
هيام:😒شوي تاني نلقي رجله مقطوعه وهوا يقول بسيطه
هاني:😂😂
هيام قعدت تشوف ل خوها وهوا يضحك
هاني:خيرك😂
هيام:نتفرج ع المنظر لي صعب يتكرر
هاني : كيف
هيام:انت ووه شخصيتك غامضه هلبا متضحكش هلبا ومتحبش تتكلم هلبا وح كان بدير حاجه حلوه اديرها بدون ميعرفك حد هدا ليش شكت فيك امنه
هاني رفع حواجبه
هيام: انا نبي نعرف بسس كيف لعبتها صح فيه حاجه غلط
هاني:مش عارف
هيام: والله وراها وراها لن انطلع الحق
هاني: اي وشن بيصير
هيام: بنعيش مع ماما معش عايشه معاهم نا
هاني: هه
هيام: خيرك
هاني:تحسابيهم ساهلين؟
هيام: مفيش حاجه مستحيله😌
هاني: ت بوك هدا لما يخليك تعيشي متشرده برا الحوش
هيام: ت ان شاء الله نموت جوع معاد قعده معاهم كلاب الفلوس هما🙂
هاني: 😂😂
هيام: خير دعوتك😒
هاني:منظرك كيف فاصله ايضحك
هيام:نننن به باي
هاني: وين
هيام:ل آية
هاني: خلوك تتطلعي؟
هيام: اي مش عارف شن جاهم 😂
هاني: به سلميلي ع مرتي المستقبليه
هيام:يوصل ومشت وبعدين رجعتله
هاني: خيرك؟؟
هيام: منهيا مرتك المستقبليه🤨
هاني:وسن
هيام: اشيهه من وين تعرفها
هاني:هدكا اليوم جت تسال عليك
هيام: اي وبه
وقعد هاني يحكيلها
هاني:لكن والله جوها مليح😂💞
هيام: اي تهبل😂كنت منطيقش فاها مش عارفه ليش لكن والله عفوية
هاني: به اقلبي وجهك انتي وعفويتك وقت عليك
هيام: تفي هاني ماشيه🙂 وطلعت
________________________
هاجر:🤤الله غدوه عيد ميلادي💛
آسياء: اي من بتعزمي؟
هاجر: صحباتي
آسياء: وهيام؟
هاجر: اي حتي هي ماه تصالحنا؛ وعبدو يبيك
آسياء: نا معش دخلي
هاجر:علاش
آسياء: معش دخلي فيها البنت
هاجر: بديرلي جو لي انا نغيرت خلاص
آسياء:جديات نحكي
هاجر:مدخليشش!
عبدو: آسياء … آسياء
آسياء:اءنعم
عبدو: تعالي نبيك
آسياء: ش شنو؟
عبدو: تعالي نبيك
آسياء:حاضر هي
عبدو: هيام بتجي غدوه ولالا
آسياء:اي اكيد علاش
عبدو: نبي..
آسياء: مدخليش انا
عبدو: ششنو؟؟؟
آسياء:البنت متبيكش مش بالسيف عبدو شوف غيرها تبيك وتبيها
عبدو:انت شن لي غيرك
آسياء: حرام عليك البنت اضايق فيها مسكينه كل شوي طالعلها مش مخليها ترتاح انا معش دخلي فيك ولاح نساعدك كلامي واضح وطلعت
عبدو قعد سارح يفكر ف كلام آسياء
جاته هاجر : شن قتلك
عبدو يفكر ومسمعهاش
هاجر: عبدو
عبدو:ها نعم
هاجر: شن قتلك
عبدو: لا
هاجر: شدها من ايدها لي توجعها
عبدو:كيف
هاجر:حتني منعرفش لكن اكيد عندها نقطة ضعف
عبدو: هكي بنضر اختي
هاجر: وهيام مش اخت هاني؟ احسبها كويس
عبدو:😏ندير روحي مسمعتكش اوك! هيام اطيح اطيح متبيش بالسيف عليها

روايــــ🔥ـــات عــــيـــــــوشـّه نـــــ🔥ـــــــاصـــر
_____________________
هيام قعدت اطق ع الباب
هيام: آية آية
آية:جايه هي وفتحت الباب وسلمت عليها ، نحت هيام سبيدروها وجت بتدخل فتحت اغنية؛
حضر حالك ي قمر؛
لتكون انت الهدية؛
بعيد ميلاد اغلى البشر؛
ونجومك نزلها هي؛
حضر حالك ي قمر؛
لتكون انت الهدية؛
بعيد ميلاد اغلى البشر؛
ونجومك نزلها هي؛
حبيت قلبي كبرت سنه
كل عام وانتي حبي الهني؛
هيام واقفه مصدومه😳وحاطه ايدها ع فمها ونزلو منها دموع م الفرحه❤
وسن ونجلاء وآية واقفين يغنو مع الاغنيه، وبعد تمت جو يسلمو عليها
وسن: كل عام وانتي بخير
هيام: ي عمري وانتي بخير
آية: كل عام وانتي بخير هيام
هيام: وانتي بخير ايوته
نجلاء: كل عام وانتي بخير وعقبالك ميه شمعه
هيام:تسلمي نجلاء وانتي بخير🥺❤
آية: هي ادخلي خيرك واقفه ع الباب
هيام: مش مصدقه😭محلاكم تهبلوو وربي❤
آية: ي عمري انتي لي تهبلي
وسن:حولي خلي نحظن حماتي وحظنتها
هيام:😂😂❤ي حياتي انا
شوي ودخلت نجلاء ب تارت
هيام:😭ومدايريلي تارت❤تهبلووو وحق ربي
وسن:تستاهلي والله
هيام: ياحظي فيكم
آية:ان شاء الله عجباتك المفاجاءة
هيام: مش غير عجبتني بس متتت فاها،غير كيف عرفتو عيد ميلادي بس؟
وسن:حسام قالنا وهوا لي محظر لهدا كله والتارت منه
هيام:🥺عمري انا منسانيش ح هوا ف الظرف زي هدا
نجلاء:وهادي هدية حسام
“هيام:حبيبي
حسام:عيونه
هيام: شن رايك بناخد قفطان زي هدا ناخده ابيض ولا اسود؟
حسام:اسود
هيام:لكن حتي الابيض حلو
حسام:خوديهم الزوز😂
هيام: لا منحبش ناخد نفس الموديل لونين
حسام: وعندك جاكيت نفس بعض
هيام: ماه هكا هدية عادي❤ح نشوفلهم مختلفات والهدية احلا اككيد
حسام: خودي لي يعجبك
هيام:بناخد الابيض “.
هيام:لا انا بتجيني سكته م الفرحه
وسن:😂مزال مكليناش التارت ومعطيناكش الهداية لا مزال موتي بعدين
هيام:جديات نا ف قمة الفرحه والله
آية:كان فيه شي مضايقكك نحلوه ونخلو يومك حلوو اكتر
هيام سرحت شوي : هاني
آية:خيره هاني
هيام: اء لالا شي
وسن غمزت ل آية
نجلاء: اوكي خلونا نكملو احتفال🥳
آية:هي هيام قصي وطفي الشموع
هيام:به
وسن: نبي الحمام شوي وجايه
آية: متعطليش
وسن:تمام ومشت
هيام طفت الشموع وقصت الكيكه وف عيونها فرحه مش قادره تعبرها علاها🥺❤
هيام: للاااا ايه ساد
آية:😂🥳لاع شن ساد متعك هي
هيام: به لبزي هي
نجلاء:تعالي جاي😂
هيام:لبزي حتي انتي شن مزال فيا هوا
آية:منظرك زا المهرج😂
نجلاء:وربي
هيام: مزال خ تجي وسن تكمل
وسن:جيت
آية:ابن الحلال ع زكرو بيبان😂
وسن:ي مسخه انا بنت
آية:ايح مثل هوا المهم بري دورك
وسن: لا ماشاء الله كفيتو ووفيتو لكن تقعدش ف خاطري ها
هيام:😂😭حيوانات
وسن:متخلينيش نبزع عليك العصير
هيام: لا عاد
____________________
هاجر قعدت تشوف ل خوها كيف يتكلم بثقه وطلعت م الدار
فتحت فونها لقت رساله من سراج: هجوره😂💛عندي مفاجاءة غدوه ل عيد ميلادك وكل عام وانتي بخير مسبقاً.
ابتسمت لما قرت الرساله وفرحت🔥ماكنتش تحساب لي يستني فيها عكس لي هي متخايلته💔.
آسياء:هاجر
هاجر:انعم
آسياء:وين تبيها الحفله؟
ف الحنان الخلفي؟
هاجر: اي اي
آسياء: اوك تمام بري قوليلهم ف الجنان الخلفي خلي يجهزوه
الخادمه:حاضر ومشت
آسياء: شن فيه خيرك
هاجر:خيرني؟
آسياء: من لما ناديتك وانتي تضحكي🤨
هاجر: لا شي غير فرحانه ب عيد ميلادي
فتحيه:آسياء … آسياء
آسياء:انعم جيتك
فتحيه:تعالي بسرعه
آسياء:به ومشت ،انعم؟
فتحيه:غدوه اهل خطيبك بيجونا
آسياء:😳علاش غدوه بالتحديد؟
فتحيه:والله هكي حددو هما
آسياء:به به
فتحيه:كوني واتيه وقولي ل اختك جاينا
آسياء:به
هاجر:شنهوا لي بتقولهولي؟
آسياء:ه هاجر هوا انتي اهني
هاجر:شن داسه عليا🤨
آسياء:كل ما بنحكيلك لازم تعفسي فيها
هاجر:به تعالي احكيلي
آسياء:به ومشتلها وقعمزو ف الجنان
تعرفي اليوم لي مشيتي فيه مع بابا
هاجر:اي
آسياء:جتنا مراء المهم طلعت بتخطبني لولدها
هاجر:اي ومش ح يصير منه وله
آسياء:مصحك اصبري مزال غدوه بيجو
هاجر: جوو عنده خوات؟
آسياء:منعرفش راه
هاجر:به ربي يتمم ع خير💛 ردي بالك ترفضي نبو عرس😂
آسياء:يصير خير
هاجر:😭الله بتقعد الدار ليا بروحي
آسياء:حيوانه هدا لي تفكري فيه😂
هاجر: اي وبنبدا خالة🤤
آسياء:اللطف غير نوافق نا
هاجر:مش عارف علاش نحس فيك ح توافقي❤
آسياء:مرات
هاجر:المهم نوضي شوفي لبسه تلبسيها غدوه
آسياء:لغدوه ساهل
هاجر:خيرك نكد هك😒كان انا فرحانه قريب نطير ، ولا لا هي يجوها بالهلبا هدا علاش عندها عادي😂
آسياء:حيوانه😒😂لكن جديات عندي عادي قصدي مش فرحانه باش نوتي وجو
هاجر: به براحتك بندخل نا
آسياء: دداخله معاك
_______________________
روايــــ🔥ـــات عــــيـــــــوشـّه نـــــ🔥ـــــــاصـــر

هيام:ووه جي اليل
وسن:توا يجيك هاني
هيام:اي حقا خ نتصل بيه يروح بيا خير ميرقد وينسوني
وسن:هوا فيه حد ينسى بنته😂؟
آية نخصت وسن
اتصلت هيام ب هاني
هاني:ها خيرك
هيام:روح بيا
هاني:مش فاضي ترا اخطيني وسكر ف وجهها
هيام:تفي حيوان والله
نجلاء:😂😂
ترن ترن🎶🎶
هيام:اصلا كنت عارفه انه بيتصل😌🔥لكن خليه يتصل لن يشبع
وسن:حليلك يفصل عليك
هيام:لا ع اساس بكري مفصلش هوا
آية:ردي ردي
هيام:خليه باش يتربى
وسن:😂😂يتربى وووه
آية:كان يسمعك يقتلك
هيام:طز فيه اصلا هكي يبو الاولاد كان هدا مش ح يعدلو عليك خليه يتعب باش يراضيك😌🔥
نجلاء:هاتفك هزّ
هيام:اهو باعتلي رساله:
“اطلعي انا قدام الحوش نستنى”.
هيام:😂مش قتلكم
وسن:لا انتي هلبا
هيام:هي تصبحو ع خير🥺وشكراً ع المفاجاءة تهبل هلبااا
آية:به به اطلعي خير ميمشي عليك😂
هيام:😂باي
آية&وسن&نجلاء:باي
وطلعت هيام ركبت ف السياره
هيام:😒مش قلت مش فاضي؟
هاني:كل عام وانتي بخير
هيام:🥺❤وكل سنه وانت طيب توامي السمح وعطاته بوسه ع خده
هاني: تي حولي
هيام:😂😒اختك ي مسخ
هاني: به شن مروحه توا
هيام:اها املا امتى تبيني نروح
هاني: بكري
هيام:ايححح مخاطريش ؛ حقا
هاني: نعم
هيام:هاك حصتك عطتهالك مرتك المستقبليه
هاني:قدر وربي😂🔥
هيام:تفي وصلتهالك نا
هاني:😒لكن هي حسبتني
هيام:ت المهم منقدرش نقولهم اعطوني ل خوي
هاني:عارف ي همي نبصر
هيام:شنهيا الورقه هادي
هاني :تحليل
هيام:DNA
هاني:اي
هيام: لمن
هاني:نفس الاوله غير هادي بالصح
هيام:ككيف
هاني:امنا هناء
هيام:😭قتلك احنا توام واضحه اصلا متصدقشش🔥
هاني:😂ومن صدقها اصلا
هيام:انت تعصبت وهك
هاني:تعصبت لانها قدرت تلعبها صح
هيام:به قولي كيف لعبت فيه هاكا
هاني:عندها ولد اسمه احمد
هيام:اي؟
هاني:المهم دارو التحليل انتي وامي وامنه واحمد انا لا وع اساس احمد تحليلي انا
هيام:توقعت هاامسخه ادير هكي🙂المهم توا
هاني:شن
هيام:بابا واقف مع هالجربوعه وعارفنا من صغارها
هاني:اي؟
هيام:بنمشي نشكي فيهم
هاني:اقوى بعد😂🔥
هيام:اي ونبدا نعيش مع ماما وخلي بابا ومرته برواحهم
هاني:اي وشن بديري تاني
هيام:شي هوا هدا
هاني:بوك يقدر يكسب ف القضيه هادي متنسيش عنده محامين مش محامي بس
هيام:😒اي وبه
هاني:وانتي معندكش ح 100دينار😂
هيام: ياربي المهم انت خود المهمه انا انفذ بس
هاني:اصلا طول عمرك هكي انتي😂
هيام:تفي😒😂ماه انت فاهم الدنيا كلها انا طايحه عليا سبوره ومنحبش الكلام ف المواضيع هادي
هاني:تم تم
هيام نزلت م السياره هي وهاني دخلو للحوش
هيام:الحوش خيره هكي
هاني:ادخلي ادخلي ديما هكي غير انتي مش مركزه
هيام:لكن جديات المره هادي حسيته مسكت
هاني ساكت ويمشي
تالاء: وصلتو
هيام: لا قعدين ف الطريق فهميني ليش قعده اهني ووينه بابا؟
تالاء:قعده اهني لانه …………
ونعتـــذر لو فيــه اخطــاء املائيــه
يتبـــــع💗 》》》

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

 

اترك رد

زر الذهاب إلى الأعلى