مرضي فراقك الحلقة الثانية عشر والاخيرة .. الكاتبة عيوشه ناصر كاملة | القلم الناجح
روايات ليبيه كاملة

مرضي فراقك الحلقة الثانية عشر والاخيرة .. الكاتبة عيوشه ناصر كاملة

مرضي فراقك الحلقة الثانية عشر والاخيرة .. الكاتبة عيوشه ناصر كاملة

#مرضى_فراقك
الحلقه12والاخيره
ركبت سيارة عبدو بعد جهد جهيد من بابا ومرته نزلت االروشن وتجي عيني ف عين حسام لي واقف مصدوم💔لما شفته زاد عليا اكثر💔مش قادره خلاص بنبكي😭ومنبيش نبين ل عبدو اني ضعيفه لكن الموقف خلاني نبكي بس محس عليا حد طلع عبدو بالسياره
وصلت لحوشي الجديد او بالاصح قبري الجديد💔
عبدو:نورتتي حوشك ي عروسه
قععدت هيام حاطه راسها لوطه متبيشي يشوف دموعها وعيونها المتورمات
عبدو رفعلها راسها بصبعه:خيره الحلو يبكي متاثر بعد ع اهله؟
هيام خدت شناطيها ودخلت للدار وسكرت ع روحها وقعدت تبكي💔
اكثر انسان نكرهه بدي راجلي💔😭مش قادره خلاص قرفت من روحي، مش عارف ح حسام شن صاير فيه فجاءة بدون ميعرف اي شي يشوفني راكبه مع عبدو 💔
طق طق
هيام مسحت دموعها وحاولت تهدا وفتحت الباب
عبدو بناخذ حوايجي
هيام:خود
عبدو فتح الدولاب وخدي حوايج ووقف قدام هيام: لكن خذيتك خذيتك ها
هيام تحاول تشد اعصابه وتجاهلته
عبدو ضحك ضحكة مستفزه وطلع
هيام رجعت سكرت الباب واتكت ع السرير💔فقدت امل انها تعيش مع حسام خلاص💔 وقعدت تبكي لن خدها النوم بدون متحس ع روحها
اليوم لي بعده🌥🌥
ناضت هيام ع صوت باب يطق قعدت تشوف للدار واكتشفت انه مش حلم.
هيام بصوت تاعب:جايه وناضت فتحت الباب
عبدو: شن نايضه توا وين الفطور
هيام:عندك ايدين وتقدر ادير بروحك
عبدو:بالله عليك ونا جايبك اهني باش ترقدي🤨
هيام:مش عاجبك الباب قدامك
عبدو: هه منهوا لي بيطلع نا ولا انتي؟
هيام حطت ايديها ف نصها:والله مذابيا نطلع
استفزت عبدو ومعش عرف يقول ولا حرف قعد يشوفلها بغل وطلع
قعمزت هيام قدام المرايه تشوف ل وجهها المرهق ل عيونها المتورمات الدابلات🥺تنهدت وناضت غيرت حوايجها ودوشت وطلعت قعمزت ف الجنان تحاول تهد او تتاقلم ع الوضع لي هي فيه قعدت تتفرج ع المكان فجاءة باب السور بدي يطق مشت فتحت
هاجر:اهلا هيام صباح الخير
هيام:اهلين صباح النور
هاجر:كيف حالك
هيام:الحمد لله تفضلي
دخلت هاجر للحوش مع هيام وضيفتها وقعدو يهدرزوا
هاجر:شوفي انا عارفتك غصبا عنك وعندي فكره
هيام:اقعدو غير دبروو عليا😂
هاجر:جديات نحكي
هيام:هي عندي هلبا خطط وان شاء الله تمشي صح، احكي هي
هاجر: من رائي تجيبي خدامه
هيام:وعلاش
هاجر: وتكون حلوه وهكي وانتي طبعا متعطيشي وجه نهائي وهوا اكيد ح ينعجب باها
هيام قعدت تشوفلها:بالله عليك عبدو بياخد خدامه؟ تعرفيه عقليته انتي🙄🤦🏻‍♀️
هاجر:اقل شي يخونك معاها
هيام:😩وكان مصارش هكي
هاجر:نشوفوا حلول تانيه لن نخلوه يخونك وتطلقي😂
هيام:😂يالطييف
هاجر:المهم توا نحاولو
هيام:تمام حست فيه امل انه تصير حاجه وزادت قوتها انه اختها لي هي هاجر واقفه مع هيام.
هاجر:امتى عرس خوك؟
هيام:الاسبوع الجاي
هاجر:😳مسرع كيف بتوتي روحك
هيام:بالله خليني ساكته.
هاجر:قصدي عرس خوك توامك راه لازم تحضري
هيام:اشبح عندي احساس بيقولي لا
هاجر: والله؟
ان شاء الله تهربي هروب يمشي يملح
هيام:😂😂 مرات يرفعني ععادي
هاجر: اي مرات
قعدو ساكتين شوي لن دخل عليهم عبدو
عبدو: اوو هاجر
هاجر بدون نيه:اهلين
عبدو: شن جايه تشوفي ف هيام
هاجر:اي🙄
عبدو:به كويس
هاجر: المهم جيت بنقولك ماما وآسياء بيجوك بعدين
هيام:تمام
هاجر:هي باي
هيام:باي ووصلتها ل باب الحوش ورجعت لمكانها فتحت التلفزيون
عبدو: شن متبيش تنوضي اطيبي الغدي؟
هيام:شن دخلي فيك انا كول لي بتاكله🙂وبعدين شن من اول يوم بنطيب انا؟
عبدو:به توا نجيب من برا شن تبي
هيام:سم خ نقتل روحي ونفتكى🙂
عبدو شافلها وطلع قربع الباب
هيام:سحيقه ان شاء الله🙄
ترن ترن🎶
هيام شافت ل فونها لقاته هاني
هيام:الوو
هاني:كيف حالك هيام
هيام:كويسه الحمد لله
هاني:كويسه جديات؟
هيام: الحمد لله شن بندير مثلا؟؟
هاني:عبدو ف الحوش
هيام:لالا طلع بيجيب غدي
هاني:قداش ليه طالع؟
هيام:مليشي هلبا
هاني:تم جايك انا توا مننبيش نتلاقي انا وياه
هيام:به نستنى فيك
هاني:تم
هيام لوحت الفون وتنهدت
____________________________
امنه: شن بتمشو ل هيام اليوم؟
هناء شافتله وسكتت
فرج: ف اليل عازمينا
امنه: حلوو
فرج شاف ل هناء
هناء:نعم؟
فرج:اءء باش توتى روحك
امنه:😕؟
هناء: ان شاء الله
امنه: اليوم كلمتهم بيجوو يوتوا عوالة العرس
هناء: انتي ومن قالك كلمي حد ها عرس ولدك ولا ولدي؟
امنه: هوا انتي تعرفي خدامات غيرك؟
هناء:منقالك نبوو خدمات ها شن سلفاتي وحمواتي شن ايديرو؟
امنه:حبيبتي احنا ف عراسنا نبو نلبسو ونستقبلوو مش نرقدو ايديانا ف البصل زيكم
هناء ناضت وققربعت الطاوله
فرج:خلااص امنه
امنه: انت خيرك الايام هادي متغير ها
فرج:كيف متغير
امنه:ادافع علاها هلبا راه ركز ع تصرفاتك
فرج بصوت عالي: انتي موسوسه زياده وانتي احترمي نفسسك كيف تتكلمي
امنه قعدت تشوفله بنظرة شك
_________________________
وسن:آية
آية:انعم؟
وسن:اليوم بيمشوو ل هيام واحنا معزومين
آية:ايححح علينا مخاطريش والله
وسن: حتني لكن ع خاطر هيام مسكينه نمشو نخففو علاها شوي
آية:الله غالب مسككينه
وسن:المهم توا نكلم بابا يرفعنا انتي وتي روحك
آية:تمام تمام
وسن:باي
اية:باي وسكرت الباب
آية:بابا
صلاح:نعم
آية:بنمشي ل صاحبتي اليوم
صلاح:بنت فرج؟ لا
آية:علاش فهمني شن القصه بس
صلاح: قصة كبار مش ليك
آية:به بنمشي ل حوشها
صلاح:شن هي متزوجه؟
آية:اي
صلاح:مسمعناش بعرس؟؟؟
آية:تزوجت بدون عرس🤦🏻‍♀️💔
صلاح:وهي راضيه؟
آية:لالا
صلاح:هه
آية:بابا بالله احكيلي شن فيه🥺
صلاح: امك اخت فرج
آية:😳😳
صلاح: اي وزما تعرفي هما ميعطوش الا من طبقتهم
آية:كيف خذيتها؟
صلاح:اءء
آية:هربت معاك🙂!
ام آية: خيركم ع شن تحكو
آية:نحكو كيف تعرفتو
ام آية:ان شاء الله حكيتلها😳
صلاح:مكملتش
آية:🙂لكن توصلت ل حل بروحي واكيد انتم درتوه!
وكان نا هكي درت راه طلعتوني صايعه ومش كويسه ترا فكوني وطلعت
ام آية:🤦🏻‍♀️🤦🏻‍♀️شن فتحها السيره هادي
صلاح:بنت اختك تزوجت غصب
أم آية:يناري ي بنيت خوي💔 هدا كان مصيري حتني
صلاح: وهاني خدي بنت مش من طبقتهم ومندون معارضه لا امه لا بوه
ام آية: اي املا شن هناء وامنه حتي هما هكي غير البنت تتزوج م نفس الطبقه بس عيله جاهله
روايــــ🔥ـــات عــــيـــــــوشـّه نـــــ🔥ـــــــاصـــر
____________________________
هاني:ناقصاتك حاجه
هيام:انتم🥺 نبي نمشي لحوشنا
هاني حط يده ع كتف اخته:هدا قدر ونصيب هيام ارضي
هيام:ترضى تاخد وحده متبيهاش؟
هاني:اكيده لا
هيام:خلاص انا هدا لي صارلي وغصبا عني💔
هاني:احنا معاك وح نساعدوك
هيام: ان شاء الله
هاني: توا يوم الاحد نجي نرفعك لحوشنا
هيام:به❤
هاني:عندك نسخه مفتاح الحوش؟
هيام:لالا لكن قاعد المفتاح
هاني:اوك هاتيه
هيام:تمام ،خذت المفتاح وعطتهوله
هاني:المهم كان شي ناقصك كلميني
هيام:شكرا مقصرتش
هاني:تحشمي معش تقولي شكرا خوك ي حيوانه
هيام:😂😂❤
هاني ولع السيارة وطلع
دخلت هيام لدارها خدت شوي حوايج وطبقتهم ف الدولاب ورجعت الشناطي وسكرتهم
فتح عبدو الحوش ودخل
عبدو:جيت
هيام بدون ح متشوفله:به
عبدو:تعالي كان بتتغدي
هيام:منبيش
عبدو:شن تبي تموتي م الجوع
هيام: ياريت ونفتكى من وجهك🙂
عبدو:😂😂به مجبرك حد تاكلي
هيام:نننننننننننن وناضت
عبدو:وين ماشيه؟
هيام:للكوجينه
عبدو:به ف اليل اهلك بيجو بنمشو ل اهلي راه
هيام:اوبه
عبدو: باش العشيه توتي روحك تمشي لمزينه ولا نندري عليك شن بديري
هيام: المزينه لما نبدا فرحانه مش زي توا فهمت🙂ت برا ح الكحل مش ح نحطه
عبدو:علاش مسكره راسك انتي ارضي
هيام:نرضي بالذل؟
عبدو: ذل شن مقوتلكش دديري حاجه تذلك نا
هيام: انا مش طايقه خلقتك حتي
عبدو:مقالك حد شوفيلي
هيام:🤦🏻‍♀️لا ميته ع شكلك قالولك
عبدو: تلقي باكو ع الطاوله فيها دبله البسيها
هيام:منبيش
عبدو:هيام بلا عار مش لازم تبيني خليك طبيعيه قدام الناس ع الاقل
هيام:به به
عبدو:ايووه شطوره
هيام:😒😒
جي اليل✨
لبست هيام قفطان ابيض بسيط مع مكياج خفيف جدا زخلت شعرها مفتوح
وصلوو عيلتها❤واستقبلوهم ،وكانت اللاجواء حلوه بالنسبه للكل الا هيام وصحباتها.
وسن:قوليلي كيف فوتيه اليوم
هيام:ولاشي ملل وعراك وخلاص
وسن:🤦🏻‍♀️كيف طايقاته انتي بس
هيام:متفكرينيش
وسن:مبعدك
هيام:وتيتي بتاتك؟
وسن:اي اكيد😂
هيام:حلوو❤
وسن: اي
آية: هيام حوشك وين؟
هيام:جنب حوش العيلة مش بعيد
آية:به كويس اهربي عند هاجر مدامها صاحبتك😂
هيام: ان شاء الله مش ح نطول
آية:كيف؟
هيام رفعت حواجبها
اليوم لي بعده🌥🌥
هناء: اللطف ي ربي شن صاير😳
امنه:قعمزي هدا ولد رقيه
هناء:خيره اللطف
امنه:سمع ب هيام تزووجت ناض يضرب بالرصاص ويعيط ويسب حشاك
هناء: لاحول ولا قوة الا بالله
دخل فرج
امنه: اه شن صار
فرج: رفعوه للشرطه
امنه:به فكنا من دوشته
هناء تسمع وساكته💔
_____________________
هيام:😳😳 شن رقدك اهني
عبدو: داري
هيام: به قوتلي راه طلعت منها
عبدو: مرتي شن عيب
هيام ضرباته بالمخده: مرت عازتك وقهرتك مرتك ع الورق بس الباقي مدخلكش فيا
عبدو:به
هيام تعصبت من عبدو وبروده وناضت وهي متعصبه
هيام: ياربي خودني وريحني بسس
عبدو:بعيد الشر ع مرتي الحلوه وحظنها من خلف
هيام فكت ايديها: مصح وجهك شن كنت نقولك قبل شوي متقربش مني مش طايقه خلقتك
عبدو:ايحح علينا هيام
هيام وهي تحرك ف القهوة: خبيث يرفعني ي رب
عبدو: ايوه اقعدي غير ادعي ع روحك وخلاص
هيام:بالك يستجاب ونفتكى🙄
عبدو لوح المنشف ع رقبته ودخل الحمام
ترن ترن🎶
هيام: رقم يتصل🙄 ايح شن دخلي فيه
قعد هاتف عبدو يرن اكثر من مره هيام جاها الفضول وشافت احدث الرسائل لما تجي جيب معاك شكلاطه❤
هيام: حي يخون فيا😂🤤 وخدت سجلت الرقم عندها، هاجر🤦🏻‍♀️عليك حظ منحوس وخلاص
طلع عبدو م الحمام:من يتصل
هيام دارت روحها مش مهتمه وتلفت للجيهة التانيه:اء منعرفشش
عبدو دخل للدار ولبس حوايجه وطلع:هيام
هيام:خير دعوتك
عبدو: وين مفتاح الحوش
تفكرت عطاته ل هاني:اءء منعرفش🤦🏻‍♀️💔
عبدو قعد يشوفلها بنظرة شك وهي تحاول تخفي ملامح التوتر ع وجهها
عبدو فتح الباب وطلع
هيام:ووه😩 بعد شوي زعما شن ايدير بيه هاني خ نتصل نشوفه
ترن ترن
هيام:هاني
هاني:نعم ي حبي
هيام: هيام نا
هاني: به شن تبي
هيام:نوض شن قاعد لتواء راقد؟
هاني: ت غير شن تبي انتي
هيام: مفتاح الحوش وينه
هاني: توا نجيبهولك لما بنمشي للمستشفي
هيام: به راك تعطل
هاني:تمام
_________________________
آية:خير دعوتك ي قرده جيتك من نومي
وسن:😭💔معش نبي نتجوزه معش نبي
آية:علاش شن صار
وسن: يخون فيا😭 حيوان والله متوقعتاش يدير هكي
آية: غير اهدى واحكيلي
وسن: شوفي الفيديوو وصلني ع الفيس
آية: هاتي وفتحت الفيديو
وسن:شوفتي الحيوان باسها😭
آية قعدت تشوفلها
وسن تمسح ف دموعها: خيرك
آية: ميخونش فيك ارتاحي
وسن: كيف؟
آية: هادي الكلبه بنت عمه
وسن: اي خيرها
آية: شوفته نا هي لي باسته الصايعه🤦🏻‍♀️
وسن:تبصري😳 امتى
آية: ف يوم تخرج هيام يمكن يوم لي صارت المشكله
وسن: حاق لما نوراها بنت الكلب لكن توا تشوف
آية:🤦🏻‍♀️خزي خ نمشي نرقد
وسن: انتلفي
فات الاسبوع كانه يوم✨
بدي عرس وسن وهاني❤
هيام: نبي نمشي شن
عبدو: قلت لا انا
هيام: علاش به علاش؟
عبدو:هكي
هيام: عرس خوي مصح وجهك
عبدو: خوك ولا بوك لا
هيام: بتسكير الراس هي؟
عبدو وهوا يساوى ف لبسته ع المرايه :قلنا مفيش
هيام: تمام
طلع عبدو وسكر الحوش بالمفتاح ومشي لعرس هاني
هيام قعدت ادور ف الحوش ادور ف فكرة باش تطلع م الحوش فكرت فكرت معرفتش اتصلت ب هاني
هيام: هاني😭
هاني: ي عيونه
هيام: عبدو قالي لا مفيش العرس😭
هاني: ولا يهمك انتي وتي لبسك ووالبسي وتوا نجيك
هيام: مسكر الحوش بالمفتاح
هاني: ديري لي قتلك عليه
هيام: به
وتتت هيام روحها ولبسها متعرفش هاني شن ح يدير لكن متاكده انها ح يطلعها❤.
فتح هاني الباب: هي بسرعه
هيام:كيف خديت منه المفتاح😳
هاني: مخديتش غير هيا نففهمك ف السياره
هيام: به ورفعت شناطيها لي من العرس مفتحتهمش
وركبت السياره
هيام: احكيلي؟
هاني: مش خخديت منك المفتاح
هيام:اي
هاني: اي هكا درتله نسخه واحتفظت بيها عندي
هيام:حي مفلحك
هاني: توقعته يقولك لا ويديرلك الطريقه هادي
هيام:❤😂محلاك وخلاص
هاني ساكت وكمل سواقته لن وصلو للحوش
كلهم قعدوو يشوفوا لهيام ومستغربين كيف مش حاظره العرس م بدايته جايه التلات بس
وسلمت ع الكل وقعمزت
هناء: خيرك بنتي
هيام سارحه ف عالم
هناء:هيامم
هيام:اء خيرك😳
هناء: فيك شي؟
هيام: لالا
هناء شدت ف يدها ودخلت باها ف دارها: خيرك هيام
هيام تحاول انها تتكلم بس خنقتها العبره وقعدت تبكي وبس
هيام:تعبانه ي ماما تعبانه😭
هناء تمسح ع شعرها: ربي يهون عليك
هيام: كل منرقد نقول بالك حلم ونستاقض منه لكن لي امتى😭💔امتى نطلع من هالكابوس
هناء حظنت بنتها وقعدت تصبر فاها
امنه: اسفه قاطعت المشهد الامومي الحنون لكن راجلك يستنى فيك هيام
هيام: مش مروحه
امنه: قتلك وبينك وطلعت
ترن ترن
هيام حطت فونها صامت وقعدت ف حظن امها: نبي نرقد اهني منبيش نروح 💔 ح النوم مش مرتاحه فيه والله
هناء: ااي تمام وتوا نتفاهم معاه عبدو
هيام:هه احرف منن بوي راه راسه مسكر
هناء: يصير خير وقعدتت مع هيام لن رقدت غطتها وطلعت كان واضح ع هيام انها رقدت وهي مرتاحه كانها معمرهاش رقدت.
امنه: وين هيام
هناء: ف دارها راقده
امنه: اوك تفاهمي مع راجلها لوطه مدخلي بشي انا
هناء: تمام ولبست حجابها ونزلت
هناء: اهلا عبدو كيف حالك
عبدو: اهلين عمتي هناء الحمد لله كويس
هناء:قتلك هيام بتقعد تبات اليوم
عبدو: اه كويس
هناء: اي وياريت نبيها معاي لنهاية العرس
عبدو: ان شاء الله
هناء: بارك الله فيك
عبدو ابتسم وطلع بدون ميرد
هناء:مسموم احرف من امه وطلعت رقدت مع بنتها ف دارها
ملاك:فهموني خيرها هيام هكي تزوجت مفهمتش راني اليوم كيف عرفتها متزوجه
نسرين: هادي اشبح شن دايره من عمله وتزوجها مسكين
ملاك:راجلها طرف🤤
نسرين:اي يهبل
ملاك:لكن سمعت انها تببي حسام
نسررين:ههه حسام هاكا عمي مش ح يعطيه هيام اصلا
ملاك:اي خطبها تلاته مرات ورفضوه
نسرين:اي هكي قانون عيلتنا الولد لازم يكون من طبقتنا
ملاك:والبنت عادي🙄
نسرين:ايوه هاك عارفه
ملاك:مفهمتش هالقانون العبيط انا
نسرين:علاش ولا تبي واحد مش من نفس طبقتنا
ملاك:حشاني ناخد واحد مفلس😂
نسرين:به اهم شي مقتنعه وعارفه
ملاك:اي☺️
اليوم لي بعده✨
اجواء العرس زي اي عرس تاني زحمه وصغار وتطيب وخيمه هكي طلب هاني ميبيش الفخفخه الزايده❤.
فات الوقت ورفعوه القفه ل وسن
هيام: ي وخيتي محلاك طالع عليك البودري💗
وسن:سلمك
هيام:صورتي انتي وهاني حرام والله كان مصورتوش😂
وسن:اي صورنا بكري الصبح
هيام:هي ليش الفاتحه امتى نقرت😳
وسن:م الاحد ي فالحه وين عايشه
هيام:اها نسيت حق😅
وسن:شوي وجايه
هيام:خودي وقتك
آية: اه جبتلك العبمبر ي خرا
هيام:سلمها ايوته😂
آية:ننن قعدت انداعك ولي تعفس عليا بكعبها ولي تضرب مزطوني
هيام:الله غالب خاطري فيه
آية:😳
هيام:خيرك
آية:بالك حامل ي بنت😱
هيام:بعيد الشر شن تقولي ووه لالا ارتاحي
آية:اه به🙄🤦🏻‍♀️
هييام:🙂ناقص نجيب مفرخ منه احتمال يطلعوو عيونهم ع هيئة دولار
آية: ونا نقول كيف عيونك انتي وخوك خضر لون الفلوس
هيام:😂ريتهم جو زرق
آية:ععادي حلوات😂
هيام:انتي مش طبيعيه عع فكرهه
آية:علاش
هيام:بديتي طايشه معش آية الرزينه
آية:مراهقة😂
هيام:جاتك متاخره
آية:اي خيرر متجيني لما نا عزوز نبدا نحب شيباني وحالتي ححاله
هيام:😂 هي بيمشو وجهك نتلاقو غدوه
آية:وجهك
نختصرو باش متملوش👇🏻
تتم العرس
طبعا وسن طلعتت تهبل🤤❤
ودارو محظر عيلته وعيلتها وتلاقوو وجوهم حلو الا هيام تفكر ف لي بيصيرلها ف الحوش
وسن: هيام خيرك بديتي ديما سارحه
هاجر:عبدو قالنا هي
هيام: اسمعوو تعاللولي يوم ف حوشي به زما تعرفوا ممنوع عليا الطلوع نستنى فيكم
وسن:نشوف راجلي قبل
هيام:خوي ميقول شي اكيد ح يجيبك
وسن:وكان راجلى قال لا
هيام:لا خوي ميقولش لا
وسن:😂😂
هيام:هي باي بنروح
وسن&آية:باي
ركبت هيام السياره هي وهاجر
عبدو: حسابك ف الحوش
هيام:حساب شن
هاجر: خيرك عبدو مع البنت خانقها راك
عبدو يضرب ع الدومان: انا لما نقول حاجه تتنفذ
هاجر:عرس خوها توامها راه متمشيش
عبدو:مشكلتهم
هاجر:ترضى اختك متحضرش عرسك
عبدو:هوا وينه عرسي😂
هاجر:🤦🏻‍♀️💔مقالك حد مديريش عرس
عبدو: ست الحسن مش ح تقبل عارف هي هكي وبالسيف جت
هاجر:وانت معندكش كرامه تجيبها بالسيف؟
عبدو تلفت التالي وشاف ل هاجر نظرة تخوف وبدي يزيد ف السرعه
هاجر: لا عبدو بالله عليك خفف شوي😭😰عبدوو بالله خلاص اخر مره نهدرز عليك هكي والله وقعدت تعيط لن خفف السرعه😂
هاجر:الحمد لله ووه قريب مشينا فاها😰وشافت ل هيام خيرك انتي مستغنيه ع حياتك ولا شن مدرتيشي اي لقطه
هيام:لي كاتبلك بيصيرلك ح كان درتي لقطات ونزلت
نزلت وهي تفكر ف كلام هيام
عبدو فتح الحوش وشد ف كتف هيام ودفها قدامه لن طاحت
هيام قعدت تشوفله وناضت
عبدو:كيف طلعتي فهميني؟
هيام: مدخلكش
عبدو: تكلمي
هيام:قتلك مدخلكش انا
عبدو شدها من يدها وهيام قعدت تشوف ل يده وشافتله:نحي يدك
عبدو:مش منحيها لن تاخدي حسابك
هيام: اوك ودفاته زما دفها رديتها لا اكثر😗 ودخلت ل دارها
عبدو :مفهمتش البنت هادي شن قصتهاا
______________________
وسن:حبيبي
هاني:عيونه
وسن:معقوله هيام بتقعد عند عبدو
هاني:شن قتلك عليه؟
وسن:ميطلعش فاها حتي ، وزيدها مغصوبه عليه ههلبا والله
هاني:اوك توا نشوف حلل
وسن:الله ااعلمم شن صاير فيه حسام
هاني قعد يشوفلها
وسن:شن كانت ردة فعله؟
هاني:جي يضرب ف الرصاص ع الحوش
وسن:احيه حاره🥺💔
هاني:وبعدين جو رفعوه للشرطه يومين وطلع
وسن:حالتهم تقطع القلب الزوز💔
هاني: خلاص حبيبتي ارقدي ومعش تفكري فيهم خليهم عندي اكيده مش ح نخليهم بروحهم
وسن: لكن توعدني ترفعني ل هيام انا وآية
هاني:وعد
وسن:ابتسمت
_____________________
رقيه:لكن هي تزووجت ي ولدي خلاص
حسام:اوكان تزوجت يعني؟
متتطلقش؟ راجلها ميموتش
رقيه:شن قصدك😰
حسام:مع الوقت توا تفهمي قصدي
رقيه: لا وليدي ديرهاش
حسام خبط يده ع الحيط
رقيه:ومديرهاش كان عندك فيها نصيب توا ترجع ح بعد وقت😭
حسام باس راس امه: خلاص اميمتي كيف متبي
فاتوو ايام بدون اي حدث يذكر
هيام وعبدو يتعاركوو ع ابسط سبب وهي مش طايقاته وسن وهاني عايشين احلا عيشه🤤❤، فرج كثرو خلافاته هوا وامنه وطلعت من الحوش
هيام: مش عارفه حاسه سعتي قريبه
آية:استهدى بالله ي بنت حرام لي تقولي فيه
وسن:بعيد الشر شن لي تقولي فيه
هيام:والله نحكي جديات😭
وسن:معش تحكي هكي اسكتي
هيام:منبيش نموت ونا بعيده ع حسام منبيش😭💔
وسن: هيام خلاص عاد🤦🏻‍♀️معش تقولي هكي
آية:فونك يرن
وسن:ايووه نعم جايه جايه هي تم، هاني وصل المهم ديري بالك ع روحك وهكا الشرشوح فوتيه والكلام لي ف راسك نحيه مجرد وسواسات لا اكثر راه
آية: هي باي هيام واسمعي كلام مرت خوك كويس😂
هيام: ان شاء الله ووصلتهم للباب ورجعت
طق طق
فتحت الباب
هاجر:اهلا
هيام:اهلين تفضلي
هاجر:بنقولك
هيام:به ادخلي قبل
هاجر:اوك ودخلت
هيام:احكي نسمع فيك❤
هاجر:تعرفي لي قتلك عليه هدكا لي تعرفت عليه
هيام:اي؟
هاجر:جي اليوم كلم بابا ووافق
هيام:الف مبروك ي عمري وحظنتها
هاجر:يبارك فيك
هيام:💔
هاجر:المهم توا مستعجله قتلي امى متعطليش هي باي
هيام:باي
وطلعت
رجعت هيام قعمزت وهي تتنهد وتحكي مع روحها: زعما حسام شن داير توا💔اكيد يكلم ف بنت تانيه ونساني خلاص اصلا معش فيا امل كلهم خدو للي يحبوهم الا انا ح اية🥺
عبدو: واتي العشي
هيام:اءء امتى جيت
عبدو:توا نبي نتعشي جعان
هيام: اي هي شوي ونجيبه
عبدو:بسررعه
هيام: تمام ومشت للكوجينه توتي ف العشي كسرت طاسه لمتها وجابت العشي ل عبدو
عبدو:شن كسرتي؟
هيام:طاسه
عبدو: وعلاش
هيام:زلقت مني يعني علاش
عبدو:ديري بالك ع الماعين كويسس مش لاقيهم طايحات نا
هيام: لا هوا من ناحية طايحات تلقاهم غير انت تبي تهزب بس
عبدو خبطت ع السفره وتبزعت الشربه ع حوايج هيام
هيام:ايدي😭انحرقتت الله يحرقك ف نار جهنم
عبدو: اغسليها بري ولا دبري
هيام: تقي حيوان حقيرر صايعع عديم انسانيه وناضت غسلتها وحطتلها كريمه ورقدت
اليوم لي بعده🌥🌥
ام آية: آية … آية
آية:ها ماما خليني نرقد
ام آية: غير اسمعيني لازم تنوضي
آية ناضت قعمزت عين مفتوحه عين مسكره😂:ها خيرك
ام آية:هيام ف المستشفي طلع عندها السرطان وف المراحل الاخيره
آية: ناضت تنقز ع السرير: تبصري😰😭
آية: نوضي البسي خ نمشووو
آية قعدت تبكي وتنقز من حرارة الخبر💔
لبست آية ومشو ل هيام
تمشي آية ف ممر المستشفي وحاسه روحها فاقده التوزان خلاص بيطيح💔
هناء دايخه ومعاها تالاء
وسن تبكي وتعيط، اول مدخلت آية حظنت وسن وقعدو يبكوو
طلع الدكتور من غرفة هيام
وسن مسحت دموعها: كيف وضعها توا
الدكتور:حالتها مستقره حاليا لكن ف اي وقت تتغير
وسن:به عادي ندخل نشوفها بالله عليك
الدكتور: من بعيد متقربيلهاش ولا تحاولى تنوضيها
وسن: به ودخلت هي وآية وامها ومعاهم الدكتور
وسن طلعت طول مقدرتش تقعدد💔
اما آية قعدت تشوف ل هيام من بعيد وساكته لن طلعهم الدكتور
هناء: بنتي وينها بنتي😭 جيبولي بنتي نبي نشوفها
الدكتوره: لا ي مدام متقدريش تدخلي وانتي بالحاله هادي
هناء: حوليي نبي بنتي😭 جيبوهاا وداخت تاني
ترن ترن🎶
وسن: ايوو هاني .. اوك جايه شوي ونرجع
آية:خودي وقتك
وطلعت وسن
هاني: تفضلي غداكم متقعدوش هكي
وسن: مهناك حد عنده نيه ياكل
هاني سكت
وسن:خيرك تكلم فيا وووجهك لوطه شوفلي
هاني رفع راسه وكانوو عيونه حمر واضح عليه💔
وسن متحملتش المنظر وحظناته وقعدو يبكوو ف المستشفى.
قعدت آية ووسن ديما مع هيام ح لو هي راقده ومره مره تفيق هناء بدت تتققبل ف الوضع شوي شوي هاني لي حالته منقدرش نوصفها💔 هاجر وآسياء مقصروش وعبدو قريب يهبل ع هيام، وبوها لي مدارش اي ردة فعل،وحسام لي ميعرف علاها شي قعد الوضع هكي لن جي هدا اليوم💔
هيام شدت ف يد امها بصوت تاعب: خلاص ماما معش تبكي مكتوب
هناء مسحت دموعها: الحمد لله الحمد لله
هيام: هاني وينن خيره مشوفتاش
وسن:حاضر توا نكلمه يجيك اليوم
هيام:خلوه يجي توا استاحشت نشوفه
وسن: هوا البرا توا نكلمه وطلعت للجردينه متع المستشفى
وسن: هاني
هاني:نعم
وسن:هيام سالت عليك وقالت خيره مدخلش يشوفني
هاني:منقدرش💔
وسن: هي ع خاطرها قالت استاحشته
هاني وقف: به ومشوو
دخل هاني لغرفة هيام
هيام وهي مسكره عيونها وصوتها تااعب: جي هاني
هاني بصوت مخنوق:اي
هيام: وينك مجيتش بكل
هاني:مفضيتش
هيام فهمت انه خوها ميبيش يووضحلها انها مقدرش يدخلها ويشوفها بالحاله هادي💔
هاني قرب من هيام وقعمز جنبها وشد ف يدها لي كانت عالقه فاها التغذيه
هيام: هاني معش تبكي مش انت لي تقولي مش ح يصير الي لي مكتوب لينا؟ ولما نرضوا ربي ح يجازينا؟
هاني ناض طول ومعش قدر وطلع
هيام : هاني .. هاني
وسن:طلع
هيام: به نبي نشوف بابا💔
وسن استغربت اول مره هيام تطلب وكلماته وفعلا جي
وسن: اهو وصل
فرج:السلام عليكم
هيام:وعليكم السلام
فرج: كيف حالك توا
هيام:الحمد لله
فرج: قالو تبي تشوفيني
هيام:اي
فرج:خير شن فيه
هيام: لازم يكون فيه شي لما نبي نشوفك؟
فرج: توتر ومعش عرف شن يرد
هيام: قبل نسمع فيك ديما تقول لما يكون عندنا فلوس مفيش شي مليشي حل
فرج ساكت ويسمع فاها
هيام: به علاش نا مدرتليش حل
فرج: مليشي علاج
هيام:هه💔شوفت كيف الفلوس مش كل شي يديروه؟
الصحه والسعاده والراحه مش الفلوس هدا حالي موفريلي كل شي ومع هدا مش فرحانه
فرج تعصب وطلع بدون ميزيد ولا حرق
هيام: اصلا كنت متوقعه
وسن: خلاص هيام معش اتعبي روحك وتتكلمي💔
هيام: امي وين
وسن:روحت وبترجع
هيام: به كلميلي حسام
وسن:😳😳علاش؟
هيام:نبي نشوفه
وسن:اءء به توا نشوف
هيام:ضروى يجي توا
وسن: بهه وخدت فونها واتصلت بيه
وسن: اهلا حسام
حسام:اهلين
وسن: بنقولك شي ضروري
حسام: تفضلي
طلعت وسن من جنب هيام:تعرف ب هيام
حسام:اي امس سمعت💔
وسن:تمام المهم قتلك نبي نشوفك
حسام: ماشي جاي هي
وسن:بالله متعطلش
حسام:لالا توا ولعت السياره وجاي
وسن:تمام وسكرت الخط ورجعت جنب وسن
هيام: شن قالك
وسن:جاي
هيام ابتسمت لاول مره وهي مريضه ابتسمت وهي ع فراش الموت مجرد معرفت انه حسام ح يجيها❤.
وسن خلاص بتبكي ومش قادره طلعت البرا شافت حسام جاي يجري
وسن: ف غرفه 40
حسام :تمام شكرا
وسن:العفوو
فتح حسام باب الغرفه ودخل
هيام:حسام
حسام اول مسمع صوتها كيف تاعب وشكلها ادمر لكن محبش ايبين: اي
هيام: حسام اسفه والله مش بي ايدي هدا كله
حسام شاد ف يدها: عارف والله عارف
هيام: ح ونا بعيده عليك مفرقنا شي قلبي وروحي قعدين متعلقين فيك تعرف شن لي فرقنا مرضي
اي #مرضي فراقك
حسام يشوفلها وهوا متاثر نزلت دمعه ع يد هيام
هيام: مسامحني؟
حسام: اي مسامحك
هيام رجعت راسها للخلف وابتسمت
هيام بصوتها التاعب: اشهدا ان لا الله الا الله وان محمد رسول الله
وبدي الجهاز يصفرر
حسام : هيام .. هيام افتحي عيونكك هياااااااااااااااام صوته سمعوهه كل لي ف المستشفى💔.
جت وسن تجري: خيرك حسام
حسام: هياااااااام وبدي يبكي مش هامه الناس لي جنبه يكسر ويعيط والمستشفي كلها قلبها
وسن واقفه مصدومه تشوف ل وجه هيام كيف مبتسمه ووجها ابيض اي ابيض علامات المرض اختفت كانها مش نفس المخلوقه.
داروو عزي ف الحوش والدنيا تعبتتت
جنازتها كانها رتلل مش لانه بوها معروف او هكي لا لانها بنت كويسه وهدا من علامات حسن الخاتمه❤.
اللهم حسن الخاتمه
هناء طول الوقت مغمى علاها وقعدين يصبروو فاها وآية ووسن حالتهم متنوصفش حسامم وين ميمشي يكسر ويخبط ويعيط عبدو قريب يموتت علاها💔
هاجر وآسياء نفس الحاله
بعد مرور سنه✨
وسن: هيام قعمزي اهني
هيام: نبيثث
وسن: قتلك قعمزي بلاش شطانه
هيام: ماما
وسن: نعم
هيام: علاش سميتوني هيام
هاني رفعها ف حظنه: كان عندك عمه اسمها هيام
هيام:ووينها توا
هاني:عندي ربي
هيام: ف الجنه عمتي
هاني:ايوه❤
هيام: انا ديما بندعيلها عمتي اصلا
هاني:شطوره
هيام: تحبني هي؟
هاني:اي اكيد تحبك
___________________________
هاجر: شدي مفرخك شن نقعد غير نعاني فيهمم
آسياء: ساعدني شوي خيرك راهم زوز
هاجر: مقالك حد جيبي توام
آسياء:بالله عليك توا نشوفك انتي
هاجر: انا بنشدهم بروحي مش بنجيبهملك ف حوشك
آسياء:جايه لحوش اهلي مش جايتك
هاجر:قريب ننتلف حتني ارتاحي😒
فتحيه: بلا عراك انتي وياها اسكتو شوفوا خوكم ارفعوله غداه
هاجر:حاضر وناضت هاجر ورفعاته
هاجر: عبدو عبدو لقت الباب مردود دخلت
هاجر قعدت تمشي وتنادي لقاته متكي ويشوف ل صورة هيام💔
هاجر:جبتلك الغدي
عبدو: افعيه منبيش
هاجر: عبدوو خيرك وانت ديما متبيش شوف روحك كيف ضاعف
عبدو: منبيش مش بالسيفف
هاجر سكتت
_________________________
ليلى: هوا عندك وليد وحيد وله
هناء: اي
ليلى: املا شن سمعت عندك بنت قبل
هناء: توفت الله يرحمهاا
ليلى: الله يرحمها سامحيني
هناء: ولايهمك
فرج: هناء هناء
هناء: هي بنروح توا سلامتك
ليلى: بالسلامه
فرج: منبكري ونا نستنى
هناء: مسمعتكش
اي اي رجعوا ل بعض😂❤
عيوشه: مش كل لي عنده فلوس متريح❤
ومش كل لي حالته ع قده مش متريح، الفلوس متصنعش السعاده❤ اعمل لي اخرتك مهما ملكت من كنوز وفلوس الدنيا مش ح ترفع معاك شي بتخليه وبتمشي، اعمالك الصالحه وتواضعك هما لي يخلو الناس يحبوك مش فلوسك.
مفيش حد يعرف امتى بيموت ف خليك مستعده ديما اي شي ايدير حط ربي والموت قدامك.
وزي كل مره نقول ياداير يلاقي لي ايديريه تلقيه قدامك واضعاف.
النهاية مكنتش حزينه بالعكس سعيده❤
شوفوا نهاية هيام كيفف مرات معشتش ف الدنيا كيف ماتبي لكن واضح انها ح تعيش الاخره❤ موتها وهي مبتسمه وبياض وجهها وزحمة جنازتها كلها علامات حسن الخاتمه
وف نهاية الرواية طلب بسيط❤
اي حد قري الرواية او ح الحلقه الاخيره يترحم ع هيام❤لانها شخصيه حقيقه وههكي كانت قصتها ونهايتها
نتلااقو ف رواية جديده وابطال جدد
عيوشه ناصر❤.

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

اترك رد

زر الذهاب إلى الأعلى