مرضي فراقك الحلقة الثانية 2 .. الكاتبة عيوشه ناصر كاملة | القلم الناجح
روايات ليبيه كاملة

مرضي فراقك الحلقة الثانية 2 .. الكاتبة عيوشه ناصر كاملة

مرضي فراقك الحلقة الثانية 2 .. الكاتبة عيوشه ناصر كاملة

#مرضى_فراقك
الحلقه2
دخلت ل دارها ولبست بلوزه حمراء❤مع سروال ابيض وبوت احمر ف الابيض 🤍.
وخلت شعرها مفتوح
طق طق
هيام:نعم؟
الخادمه:وصلو الضيوف
هيام:جايه
ولبست السواره لي جايبها حسام ع حرف H❤.
لبستها وابتسمت: احلا حاجه نلبس ع حرفه وهوا نفس حرفي😂❤؛ المهم خ نطلع بلاش منتاخر ونقعد ف سؤال وجواب، وطلعت.
سلمت ع هاجر بدون نية وسلمت ع امها واختها
وقعمزت جنبهم
هاجر: شنجوك هيام
هيام بلانيه: تمام
هاجر شافتلها وسكتت
فتحيه: اي زما تعرفي اليوم علاش جايين
امنه: اي اكيد
فتحيه:بنطلبو ايد بنتكم هيام ع سنة الله ورسول ل ولدنا عبدو
هيام:لاااا😳
كلهم قعدو يشوفلها من ردة فعلها القوية والسريعه
هيام:قصدي مزلت صغيره انا
امنه: من وين جاك الصغر 23سنه راك
هيام: عمتى فتحيه سامحيني منقدرش نقبل مزلت حاسه روحي مش قد المسؤوليه ومشت للمطبخ طول
فتحيه:الله غالب مفيش نصيب
امنه:🤷‍♀️🤷‍♀️
هيام قعمزت ع الكرسي وتتذكر كيف قتلها: وووه عليا توا كيف بنقابلها🤦‍♀️
جتها هاجر
هاجر:هيام
هيام قعدت حاطه ايدها ع وجهها بدون متعبرها
هاجر: وراك وراك لن ياخدوك ل خوي مفيش مهرب
هيام خبطت يدها ع الطاوله: وانا مش ح نقبل بيه💁‍♀️
هاجر: مش ح تقدري ح يغصبوك لو مقدروش يقنعوك
هيام: لا اهلى مستحيل يديرو هكي🙂
هاجر: توا نشوفوا
هيام شافتلها من فوق ل لوطه ومشت
قعمزت ف دارها قعدت تهدي ف روحها ورجعت للغرفة الجلوس مره تانيه وهي متوتره
ووقعدو يهدرزوا كلهم الا هيام
جابو العشي وتعشوا كلهم
هيام: بنرقدا انا توا
امنه: ومن امتى ترقدي بكري انتي؟
هيام: من اليوم🙂
اسراء: تجيبيلي شنطي لو ممكن؟
هيام: وين هيا؟؟
اسراء: حطيتها قدام الباب ونسيتها
هيام: توا نكلم تالاء
امنه: بري انتي توا اكيد هما ف الكوجينه بلا ما تشغليهم بحاجه تانيه
هيام: هيا شنطه بتجيبها وتجي
امنه ناضت
هيام: لا خلاص بنجيبها😒 ومشت
: وينها ي ربي وينها اهيهه وخدتها حست بحد وراها خافت قعدت تبلع ف ريقها بشوي بشوي لن تلفتت وراها
عبدو:خلعتك ي حلوه؟
هيام: تبي الحق اي🙂
عبدو:جو بديتي تعرفي تردي
هيام:🤨وشن قبل منعرفش؟
عبدو:نعرفك هاديه انا
هيام:ماه ع طبع الشخص لي ندوي معاه🙂
عبدو:اها حلوو
هيام قلبت عيونها ومشت
عبدو شدها من يدها، هيام قعدت تشوف ل يدها كيف شادها
رفعت عيونها فيه:خليني نمشي
عبدو:لا
هيام:قتلك خليني نمشي
عبدو:وانا قلت لا
هيام تحاول تفك يدها مقدرتش
عبدو:مش ح تقدري 😂
هيام:بابا
عبدو سكرلها فمه: اسكتي خلاص ماشي،هيام شافتله بنظرة استحقار ودخلت
عبدو ضحك علاها ورجع للمربوعه، دخلت هيام للحوش وحدفت الشنطه ل اسراء بغل ومشت لـــــ دارها
غيرت حوايجها ورقدت.
وبعد وقت روحت فتحيه وبناتها
فرج:شن صار؟
امنه:قالت لا
فرج:علاش؟
امنه:مش قد المسؤوليه
فرج:😠دبري اي شي المهم توافق
امنه:به باهي
فرج:كان رفضت اكثر من مره الولد بيضيع من ايدينا
امنه: به توا نحاول نقنعها
فرج: وكان ما ااقتنعتش، الاسلوب التاني
امنه:كيف يعني
___________________
اسراء:ها شن صار؟
عبدو: معطلتش هلبا معاي
اسراء:كيف يعني؟
عبدو:ذكيه البنت مش ساهل يلتعب براسها
اسراء:اي به اعطيني لي قتلي عليه
عبدو:مش كل شي كيف مقلتي
اسراء:درت لي عليا😒العيب مش مني منها هي
عبدو قعد يفكر: اي عندك الحق
اسراء:☺️☺️اي به هات
عبدو: به وانتي تنقي
_____________________
ام وسن: خيرك اللطف
وسن: خيرني؟
ام وسن:ووجهك كله اخضر
وسن:دايره خيار عليه
ام وسن:ومن قالك ينحط هكي؟
وسن: مدامه كويس للعيون اكيد كويس للوجه نفس الشي
ام وسن: وشن جاك انتي
وسن: ماه عرسي قريب
ام وسن: شن؟
وسن: استني نولع اغنية سلم ع الشهداء لي معاك وابدي اعجني من وين مايعجبك😁😂

روايــــ🔥ـــات عــــيـــــــوشـّه نـــــ🔥ـــــــاصـــر
_________________
حسام:هادا لي الاجار وهدا لقضيه الاسبوع هدا
رقيه:شن ادير ي ولدي؟
حسام:نحسب ف الفلوس
رقيه:خلصت؟
حسام:اي
رقيه:الحمد لله، غدوه الصبح برا عمك رمضان واعطيه حق الاجار ديما يقول ي تخلصوا ي نطلعكم سلم ولدي
حسام: به يام
رقيه:تصبح ع خير
حسام:وانتي من اهله❤
اليوم لي بعده⛅
ناضت هيام لبست جاكيت حني وسروال اكحل ووشاح اكحل وفطرت وطلعت
امنه:استني بنتي
هيام:نعم؟
امنه:اطلعي مع خوك هوا طالع طالع
هيام: اء به ومشت
فتحت باب السياره وركبت
هيام:صباح الخير
هاني:صباح النور
هيام:كيف حالك اليوم
هاني:تمام
هيام:ااء ماشي للمستشفى صح؟
هاني:اي
هيام:اء اسفه ع امس
هاني سكتت
هيام:قتلك اسفه
هاني:سمعتك
هيام:يعني مش ح تسامحني؟؟
ساكت
هيام:هاني رد عليا عاررفه روحي جرحتك مش بقصدي
جاه اتصال ورد وكانه هيام مكنتش تحكي اصلا
مسافة الطريق ووصلت للكليه
هيام فتحت الباب :قبل مننزل بنقولك شوفلي جاي
هاني مش معبرها
هيام: هاني قتلك مش بقصدي انا خلاص
هاني زاد بالسياره القدام
هيام: احح رجلى
هاني:خيرها رجلك؟ شن صارلك
هيام:شي غير نبيك ترد عليا
هاني:هيام وقت عليا ي انزلي ي اركبي
نزلت هيام بكسرة خاطر للمدرسه، استقبلتها ايه
هيام:اهلين
ايه:اهلين واخيرا تلاقينا
هيام:اي
ايه:خيرك؟ صاير معاك حاجه
هيام:لا شي غير تعارك انا والتوينز تبعي😂❤
ايه:قصدكم توامك؟
هيام:اي
ايه:شن اسمها؟
هيام:بنت مش ولد😂
ايه:اهاا😅سحبته بنت
هيام:لالا ، اسمه هاني
ايه:يشبهلك؟
هيام:لالا مش هلبا العيون اكثر شي
ايه:اي به حلو هي الابله تستنى فيك باش نبدو
هيام:اي هيي
ودخلو للفصل.
_______________________
نجلاء فتحت عيونها ع هاتفها وهوا يرن
:توا هادي من تتصل بيا توا الوو
وسن:نجلاء نوضييي
نجلاء ناضت وقعمزت:خيرك شن فيه
وسن:لازم نمشوا ل ايه
نجلاء:😦خيره شن صاريلها؟
وسن: ت لا مش قالو يقرو مع بعض ف نفس المدرسه
نجلاء:اهههااا🙂
وسن:اي نوضي البسي ونديرولها زياره ع اساس
نجلاء سكرت ف وجهها ورجعت رقدت
وسن:خزى سكرت ع وجهي🙂 توا تشوف لكن
___________________
ع سفرة الفطور
فرج:عبدو بدي شريك مع بوه ف الشركه
امنه:ماشاء الله كبر وبدي يعتمد ع ولده
فرج:اي وقريب بيسلمهاله بعد ميتزوج
امنه: ماشاء الله ماشاء الله😊
فرج:ديري الازم،وطلع
امنه: اوووف البنت مش ح ترضي عارفه، وكان مرضتش الله اعلم شن يديرلها، ي ربي الطف بينا
________________
ايه: شن اديري؟
هيام:ندير ف شال ل هاني💞
ايه:تحبيه هلبا شكلك؟
هيام:اكيده توامي حتي هوا
ايه:جو ريتني حتني عندي توام😂
هيام:حلوه وفـــ نفس الوقت مش حلوه
ايه:كيف مفهمتش؟؟
هيام:حلوه ف كل الحالات معدا!!
لو غلطتي ف توامك💔حتي النوم متقدريش تقعدي تحسي بالي يحس فيه هوا،ولما يغيب ع الحوش يقعد بالي مشغول عليه ولا كان تصيرله حاجه انا نحس باها طول
ايه:اهااا، والباين انك تحسي بالي يحس فيه هوا صح؟
هيام هزت ب راسها
ايه:تاسفي لو انتي الغالطه
هيام: يشد ف قلبه هلبا، ميسامحش الا بعد وووقت
ايه:شكلك جرحتي هلبا املا!
هيام:😔اي
ايه حطت يدها ع كتف هيام: تهون ان شاء الله
___________________
طق طق طق
نجلاء:الواحد حتي ف نومه معش مرتاح
طق طق
نجلاء:ماما … ماما
وسن:افتحي ي نجلاء
نجلاء:وسن هادي، وناضتلها
فتحت الباب،دخلت للحوش طول
وسن:هيا البسي انلحقوا عليهم بسرعه
نجلاء:علاش بنمشوا اصلا؟
وسن:💁‍♀️بنمشو نهدرزوا ع هيام باش تزيد تحبني اكتر
نجلاء:ع اساس حباتك من الاول اصلا
وسن: بري اغسلى وجهك وافطري بسرعه
نجلاء تثاوب: قعده نبيي نرقد تاني
وسن:ارقدي بعد منروحوا حبيبتي
نجلاء:😒وشن بيجيبه النوم بعدين
وسن:معناها انتي مش محتاجتله مدام مجاش🙂كرامتك اهم حبيبتي حاجه متجيش بروحها متجيبيهاش بسيف
نجلاء:😐😐كرامه فــــ النوم؟
وسن: اي الكرامه حتي ف الحمام هي نوضي توا وف الطريق نشرحلك علاها
نجلاء:🤷‍♀️الله اعلم اليوم البنت شن بتخرفيلها وناضت
وسن طلعت المراية وقعدت تتفرج ع روحها😌💅🏻.
________________________
سراج: خير طيري
هاني:اهلين سراج
سراج:اي وين كنت تهيج
هاني:ف المستشفى
سراج:😐💔 اها
هاني:اي وانت؟
سراج:كنت ف المقهى
هاني: كويس
وقعدو يهدرزوا
هاني:هي نطلعوا بالسياره نديرو دوره
سراج:به هي وركبوا ومشوا
هاني:وقت ع مرواح اختي
سراج:به نزلني اهني وروح باها
هاني:لالا خليك
سراج:براحتك
هاني دور السياره ومشي
___________________
وسن:هياااااام
آية:جو متعات العار حي الحشمه
هيام: كانه ف حد ناداني
آية: مسمعتش مش عارف تعالي نمشو لي المكان هداكا
هيام:به هي😊❤
آية تدعى ف سرها ميشوفهاش
وسن:لقيتكمم👻😹
آية:غبرت🙂💔
وسن:هيام حبيبتي كيف حالك😗عاش من شافك ي عمري
هيام:امس كنا مع بعض😅
وسن:اي ماه 24 ساعه هلبا هكي استاحشتك
هيام:تستاحشك العافيه😊
وسن:عافيه تحرقك
هيام:😕😕
وسن:هههه نبصر😂دمي اخف من امس وله وخبطتها ع كتفها
هيام: مركز اكثر من امس قصدك😑💔
وسن:شن قلتي؟
هيام:لا شي
نجلاء:اهلين
هيام:بيك
نجلاء:محلاه الشال😍
هيام:انتي احلا
نجلاء:سلمك، من دايره؟
هيام:انا
نجلاء:حلو تعرفي تصنعي
آية:ماه ي عبط اهني مدرسة للتعليم🙂مش جاين نقرو هكي وخلاص
نجلاء:وانتي خيرك والعه😐؛ وخيرك مش دايره حاجه؟
آية:مخاطريش🙄
نجلاء:مخاطركش ولا متعرفيش
آية: نجلاء☺️
نجلاء:🙄
وسن: ل من مدايرته الشال😗
هيام: ل خوي
وسن: ووه ل راجلى قصدك😗❤محلاه يهبل ذوقك عسل حماتي
هيام:😕😕؟؟
وسن:خيرك نبصر ههه😂😅
هيام: اه به سحبته حق فرحتيني
وسن: دوم فرحتك ي كبدي🥳
هيام:😄😄 خوي جي هي بنمشي
وسن:تعالي جاي وشدت ف ايدها
: بنمشي معااك نشوف راجلى
هيام:🙂معليشي وخيتي خليني نروح؟
وسن: اي به وريني خوك
هيام فكت يد وسن ومشت؛ شدت ف الشال ومشت❤
قعدت نشوف م بعيد هوا ولالا لانه اول مره يجيب معاه حد وهوا مروح بيا، تتاكدت انه هوا وركبت من خلف
هاني: من الجيهة التانيه
هيام: به ونزلت وركبت من الجيهة التانيه لي وراء خوي❤.
وبعد وقت وصلو للحوش،نزلت هيام وهي ساكته مش قادره تنطق حرف لانه سراج معاهم ف السياره،
:اكيده بالعاني مركبه معاه باش منقدرش نتكلم ف السياره
قعمزت ف غرفة الاكل تنستنى فيه مجاش،قعدت ادور ف امها للن لقتها
هيام:هاني مش متغدي معانا؟؟
امنه:لالا قال عنده غدي مع صحابه
هيام:اه به
امنه:علاش تسالي؟
هيام:لاشي ومشت ل دارها غيرت حوايجها واتكت ع سريرها،لهدرجة انا جرحته يعني💔،يمكن لاني توامه حس بالشي هدا هلبا!!
قاطع تفكيرها صوت باب دارها
هيام:نعم؟
:فيه بنت تبيك البراء
هيام:جايه وطلعت.
وسن:هيام
هيام قلبت عيونها: نعم؟
وسن:كانك مفرحتيش بيا؟
هيام: لالا بالعكس😄
وسن:اها به
هيام:تفضلى ادخلى
ودخلت وسن
هيام:قعمزي اهني شوي ونجيك
وسن:بهه وقعدت تشوف للحوش كيف كبير وديكوره فخم
هيام: عليك حصله🤦‍♀️🤦‍♀️
تالاء:شن تبي نجيبو الضيافه؟
هيام:زي اي ضيف🙂❤
تالاء:مدام امنه قالت ع حسب ال….
هيام:اشششش اسكتيي،زي ماقتلك
ومشت قعمزت جنب وسن
وسن:انتي وين دارك؟
هيام:الفوق
وسن:اها … عندك حمام خاص بيك؟
هيام:اي🤦‍♀️
وسن:سنه كم تقري؟
هيام:قريب نتخرج
وسن:انتي نديدتي وله؟ حتني بنتخرج، شن تخصصك؟
هيام:هندسه
وسن:😐كم عمرك؟
هيام:23
وسن:تعاودي ف السنين ولا كيف؟
هيام:لا☺️
وسن:املا كيف هكي؟مفروض متخرجه
هيام:قريت البراء ماه،وجيت كملت اهني
وسن:وين كنتي
هيام:هي نطلعوا للجنان؟
وسن:ببه هي
وطلعت وسن ووراها هيام
هيام:تعالي نقعمزو اهني
وسن:به ، وقعمزو
وسن:حلو جنانكم💞
هيام:انتي احلا
وسن:خوك وين؟
هيام:ممكن نفهم قصتك مع خوي؟
وسن:اءء لا شي
هيام:اسفه نفعلت
وسن:لا عادي
هيام:تكلمي فيه انتي ولاشن القصه؟
وسن:لالا
هيام:املا كيف؟
وسن:انتي بتخليه ييكلمني😌
هيام:كيف؟
وسن:انتي بتخطبيني،ماه انا صاحبتك وعجب اسلوبي ودمي خفيف
هيام ضحك:لا حبيبتي خوي مش زي ما انتي متوقعه
وسن:كيف يعني؟

روايــــ🔥ـــات عــــيـــــــوشـّه نـــــ🔥ـــــــاصـــر
________________________
حسام:توا هكي تمام جمعت المبلغ المطلوب
رقيه:اي مبلغ؟
حسام:مهر هيام
رقيه:ياولدي فكك منهم العيله هاكِ
حسام:انا قتلك غير هيام منيش متزوج
رقيه:ههه توا يوم من الايام تسمعها تزوجت واقعد هكي انت
حسام:ح ناخدها
رقيه:ان شاء الله تقدر
حسام:غيرها وربي مدخلتهالي حوش
رقيه تشوف ل ولدها وهي تتحسر💔
حسام:طالع انا توا هي تبي حاجه؟
رقيه: سلامتك ولدي
حسام طلع وسكر الباب وراه،جي بيركب سيارته تلاقاء هوا وهاني
هاني: اه ي صقر
حسام:اهلين
هاني:شن الامور
حسام: والله ماشيه الحمد لله وانت
هاني: الحمد لله
حسام:كيف صحتك
هاني:الحمد لله ع كل حال
حسام:الحمد لله
هاني: بندير دوره ع الحوش وبنطلع مع الشباب تطلع معانا؟
حسام:عندي خدمه والله مش فاضي
هاني: ربي يعاون هي منعطلكش املا
حسام: سلام وطلع
___________________
عبدو:زعما كان نكلم هاجر تعطيني رقمها؟
اسراء: هاجر معندهاش
عبدو:🤦‍♂️مش صاحبتها؟
اسراء: اي مش عارف
عبدو: به دبريلي رقمها
اسراء:كان قدرت
عبدو: المهم نبيه
اسراء علت ف صوتها: كان قدرت
عبدو شافلها:به هاك ها
اسراء: ايوه هكي تمام، ف اليل يكون عندك
عبدو: تم نستنى فيك
هاجر: شن تحكو؟
عبدو حطت يده ع كتف اخته: دوة كبار وطلع
هاجر:🙂يعني انا صغيره؟
اسراء:😂مدامه قال هكي اي
هاجر:معش تقولولي املا ديري هكي وهكي انا صغيره ومشت
اسراء ابتسمت
___________________
آية:ماما
ام ايه:نعم؟
آية:تخرج صاحبتي قريب،نبي نمشي
ام آية:مش تخرجوا صحباتك كلهم؟
آية:اي هادي وحده جديده
ام آية:شن اسمها
آية:هيام
ام آية سكتت
آية:شن قلتي؟
ام آية:لا
آية:علاش؟؟
ام ايه:فوتك منهم العيله هاكي
آية:وليش؟
ام ايه:اكيد تخرج بينتهم الوحيده والكليه بيقلبوها فوقي لوطي
آية:اي؟؟
ام آية:تصيرلك حاجه غادي لاباس
آية:لا نبي نمشي ماما بالله عليك
ام آيه:شوفي بوك انا مدخليش
آية:ي ربي الصبر🤦‍♀️💔
__________________
وسن:امتى بتتخرجي؟
هيام:الاسبوع الجاي
وسن:اها اكيد بتعزمينا
هيام ضحكت بلا نيه:اكيده
وسن:الله بندييرو جو😍
هياام:اي
وسن:تحمست🥳
هيام ابتسمت وسكتت
وسن:اكيد متوتره وله
هيام:لاالا عادي
ترن ترن ترن🎶🎶
هيام شافت الهاتف وسكرت
واتصل تاني
وسن:ردي خيرك
هيام:اء صاحبتي هادي اكيده ترا شن تبي مني وهي تهدرز هلبا توا نكلمها بعدين😅
وسن:به براحتك انا بنروح توا باي
هيام:باي
وطلعت وسن
هيام ردت ع الهاتف
هيام:الو؟
#:بنتي
هيام:😳😳من انتي؟
#:انا امك حبيبتي
دارت كتم للمكالمه
هيام:ماما … ماما
امنه:ايوه؟
فصل الخط
ونعتـــذر لو فيــه اخطــاء املائيــه
يتبـــــع💗 》》》

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

اترك رد

زر الذهاب إلى الأعلى