مرضي فراقك الحلقة الحادى عشر 11 .. الكاتبة عيوشه ناصر كاملة | القلم الناجح
روايات ليبيه كاملة

مرضي فراقك الحلقة الحادى عشر 11 .. الكاتبة عيوشه ناصر كاملة

مرضي فراقك الحلقة الحادى عشر 11 .. الكاتبة عيوشه ناصر كاملة

#مرضى_فراقك
الحلقه11ماقبل الاخيره
وسن:كساد بنسكر نت🙄 حي هدا شن هاني فرج😳طلب مراسله حيي
هاني:انتي ي بنت
وسن: ووه زعما نرد ولايقول خفيفه؟
والله لما نرد :تفضل خوي؟
هاني:توا انا راجلك المستقبلي ولا خوك؟
وسن: معش تسهوك
هاني:المهم جايك ف مووضوع جديات
وسن:تفضل
هاني:فوتي الرسميات واحكي ب طبيعتك احلا مش ح نقول خفيفه ارتاحي😂❤
وسن:😂به احكي نسمع
هاني:شوفي مش اسمعي
وسن:تافه ووه المهم😂
هاني: ملا اخير عجبتيني ونبيك جديات تبيني ولا تبصري انتي؟
وسن: اء ككيف😳
هاني: كللامي واضح كان خطبتك توافقي؟
وسن: حي عليا شن نقول زعما؟
كان بنقوله اي بيقول خفيفه اخيه واصلا اللقطه مش حلوه وكان حقق بيضيع مني ووه سكرت الهاتف وقعدت ادور ف دارها وتفكر لن وصلها مسج تاني
هاني: تم وحطها بلوك
وسن: هدا من راد عليه😳 وعلاش حطني بلوكك ووه الباسورد عند آية😱يعني هي لي بعتتله ومشيت فاها نا حطني بلوك كرامتي تحت الارض ، حي ع امي وربي لما تشوف لما نكلم هيام ونشكي فاها الخامر هوا
وناضت لبست ع السريع ومشت
________________________
هيام ادور ف دارها وتفكر ف طريقه تخلاها تحكي مع حسام
طق طق
فتحت هيام الباب
هيام:وسنن❤
وسن:اهلين
هيام:كيف خلوك تفوتي
وسن:مقصرتش
هيام:😂 قعمزي خيرك واقفه؟
وسن: غير جيت نبيك ف موضوع وبنطير بسرعه
هيام:اول مره نشوفك تتكلمي بجديه شن فيه؟
وسن:خوك
هيام:خيره😐
وسن:امس كلمني وهكي حكي معاي شوي وحطني بلوك
هيام:شن قالك هوا😳
وسن حكتلها شن حكت معاه بالتفصيل
هيام:اوك توا نحكي معاه
وسن:انا مقتلك شي راه
هيام:اوك
وسن:المهم توا تبي شي؟
هيام: انا فاده قعمزي معاي غيرلي جوي منطلعش م الدار بكل راه
وسن:حيي يعني مكلمتيش هاني😳؟
هيام:وصلتله مع هاجر انه منقدرش نحكي والقصه العويصه لي صارت🙄
وسن:غبر فيك حافظه رقمه؟
هيام:اي ليش؟
وسن: هاك اتصلي مصحك مزال تستني
هيام:😂😂سلمها ي ربي
وسن:اتتصلي ي خرا
هيام : هي وكتبت رقمه واتصلت
ترن ترن
حسام:رقم؟
محمد:رد شوف من
حسام رد:الوو؟
هيام:الو حسام؟
حسام:اي تفضلي من معاي
هيام:وحده معجبه
حسام:بالله عليك
هيام:والله
حسام سكر ف وجهها وحطها بلوك
هيام :ووه حطك ف البلوك😂
وسن: ي خرا اتصلي ب شفرتي التانيه وفهميه
هيام: به
وسن:ومعش تسهوكي وتغيري صوتك مش وقته توا
هيام:😒به واتصلت
حسام:ايحح علينا خيرهم الارقام ورد
هيام:الو حسام
حسام:نعم
هيام:نا هيام
حسام لوح لي ف يديه: حالك باهي؟
هيام:اي الحمد لله وانت
حسام:كويسس طمنيني عليك
هيام:مستاحشتك بس🥺
حسام: وانا اكثر والله حاق تكسر فونك؟
هيام:اي
حسام:قصه
هيام:عادي توا نكلمك كل يوم من فون حد😂
حسام:غير ردي بالك ع روحك بس
هيام:حاضر❤
حسام:وردي بالك حد يسمعك ولا ح يشك فيك نا ح ندير جهدي
هيام: ف شن بدير جهدك؟
وبدت التغطيه تقطع لن فصل الخط
وسن:خيره اللطف
هيام:والله لما نتصل تاني؛الوو حسام
حسام:مش فاضي توا
هيام:به فضي روحك ع خاطري
حسام:منقدرش والله
هيام:به باي
حسام:نحبك
هيام سكرت الخط بدون مترد
وسن:خيره
هيام :مش فاضي
وسن: لا ياربي ووه
هيام:انا الفاضيه لي نكلم فيه
وسن: لا حرام عليك مرات توا مش فاضي غدوه توا يفضالك
هيام:توا نشوفوا
وسن:المهم نا عطلتت راه غددوه نجيك نا وآية
هيام:تمام ردي بالك تنسى تجي
وسن:تمام هي باي
هيام:باي
وطلعت وسن ووصلتها هيام ل الباب
هاني:شديري اهني؟
هيام:😨خلعتني
هاني:اركبي ف دارك خير ميجي حد يشوفك يقول ل بوي
هيام:وصلت البنت نا
هاني:اي عذر اقبح من ذنب
هيام:المهم تعالا نبيك ف دارري
هاني:هي وركبو للدار الاتنين
هيام:قعمز!!
هاني:شكله موضوع طويل وقعمز
هيام:نوعا ما المهم
هاني:اي؟
هيام:بنقولك لكن يقعد بينا البنت قتلي متقوليش
هاني:اي بنت
هيام:وسن
هاني:😂😂حكتلك
هيام:اي؟
هاني:شن قتلك
هيام:علاش درتلها حظر؟
هاني:تم توا نحكيلك
هيام:نسمع فيك
طق طق
هيام:الصبر ي ربي
هاني فتح الباب
هناء: فاضين؟
هاني:اي ادخلي
هيام:بابا مش اهني؟
هناء:لا قال بيروح ف اليل موخر
هيام:الحمد لله
هاني:قعمزو خلي نحكيلكم
هناء:خيركم شن فيه؟
هاني: توا تسمعي
هناء:به وقعمزت
هيام:هيي قولي علاش حطيتها بلوك
هاني:ماه بنخطبها
هيام:😳😳
هاني:اي حطيتها بلوك لانه منبيش نهدرز علاها قبل اي شي رسمي ونتعلق باها ع الفاضي
هيام:💔💔
هاني:واليوم ماشي بنكلم بوها
هيام:الله❤ نبي نمشي معاك
هاني: لا يوم تاني
هيام:علاش؟
هاني: قاعد مصار شي بنكلم بوها وبعدين كان وافق توا نمشي نخطبها رسمي
هيام:خيرك مستعجل😂؟
هاني:مستعجل باش ينسوو قصتك ويلهو معاي
هيام:🥺❤
هاني:المهم توا طالع انا
هيام: به جيبلي شكلاطه🥺
هاني:حاضر
هيام:خيتسمه خوي وخلاص
هاني:وجهكك وديري بالك ع روحك
هيام:تمام ماما قاعده معاي متخافش
وطلع هاني
روايــــ🔥ـــات عــــيـــــــوشـّه نـــــ🔥ـــــــاصـــر
_________________________
آسياء مقعمزه جنب اختها وتهدرز ع سراج
هاجر:اسمعي كساد نطلعوو اليوم؟
آسياء:نشاوره قببل
هاجر:ايحح🙂
آسياء: اسمع سراج عادي نطلع اليوم؟
سراج:من معاك
آسياء:اختي هاجر
سراج:وين بتمشو
آسياء:للمول
سراج:به
هاجر:علاش قلتيله كل شي بالتفصيل😒
آسياء:ختشيبي ومن حقه يعرف😌
هاجر:من امتى تتكلمي هك؟
آسياء:مش عارف وطلعت م الدار
هاجر:🤦🏻‍♀️مشعارفه كيف قاعده متحملتها البنت مش طبيعيه والله وناضت للجنان قعمزت قعدت تتامل ف الدنيا قدامها خطر ف بالها اول مره تلاقت مع سراج❤وكيف كان نظراته ليها وهوا مكانش يعرفها انها نفسها لي مرتبط بيها هاني صاحبه تنهدت تنهيده طويلهه ورجعت للدار
فاتت اسبوع بدون اي حدث يذكر، هيام تغير علاها تكلم ف حسام وهوا ديما مش فاضي واضايقتت منه ههلبا ووصلت باها حتي ينفصلو💔.
هاني كلم بو وسن ووافق وعطو فاها الكلمه ودارو الفضانيه واليوم ماشين امه وهيام بيلبسولها الدبله”خطوبه رسميه” مع انه بوه مش راضي تمام الرضي لكن ع خاطر هاني وافق وجي معاه وجي جده وعمامه.
هيام:قولولي كيف طالعه
هناء:حلوه❤
هيام:غير جديات؟
هناء:والله حلوه
هيام: قوليلي هاجر حلوه؟
هاجر:تتهبلييي
هيام:سلمها
وشافت ل امها لقتها تشوفلها
هيام:خيرك؟
هناء:شن مش مصددقتني ولا كيف
هيام: لا مش هك لكن انتي بتشوفيني حلوه مهما كان منظري سيء😂💔
هناء :😂😂
هاجر:قالوو هيا
هناء:هي هي
____________________________
ف حوش وسن❤
وصلوو اهل العريس للحوش واستقبلوهم وضيفوهم❤
وامها وامه طلعو يعرفوا بعض معرفه قديمه😂🤦🏻‍♀️ومعش اهتمو للخطوبه بكل قعدو يتذكرو ايام زمان بس
هناء:اي بالله ع هديكا الايام
نوريه:اي راحت ي كبدي وتنهدت
هيام:سادكم وانتم تذكرو وتتحسرو الهوو ف الخطبه
هناء:اي والله معاك الحق 😂
وجت وسن سلمت عليهم
كانت طالعه اتجنن ب فستانها البسيط ومكياجها البسيط والهادي🥺❤كلهم كانو عيونهم علاها ويذكرو ف الله الا هدوكا المسمومات ملاك ونسرين ،جابت آية البخاره وقعدت تخبر
قعدت وسن تسلم ع الكل لن وصلت ف هناء وطاحت
هناء:بسم الله بسم الله
نوريه:خيرك بنتي
وسن: عينهم قويه وناضت
وكملت سلمت ع الكل ووصلت فيهم :خمسه ف عيونك🙂😂شوفي وانقهري انتي وياها ومشت قعمزت
ملاك قعدت تغلي من داخل:غير اصبري عليا شوي بس
قعمزو جنبها هيام وآية وقعدت وسن تهدرز عليهم ويضحكو ويشوفوا ل ملاك وملاك تشوفلهم بنظرة معبيه حقد
فاتت اليوم زي اي خطوبه❤تلبيسه وجو وزينه وهكي
هيام:هي تصبحي ع خير وسونه
وسن:وانتي من اهل الخير
وطلعوو روحو كلهم قعدت آية مع وسن تظم وتساوى معاهم
روحت هيام للحوش لقت بوكس ع روشن دارها لقاته هاتف ومعاه شفره
هيام:من زعما🙄؟ اكيد هاني
طق طق
فتحت هيام:ايوو هاني
هاني:حددتيلي سوريتي
هيام:كيف روحت الهم تاعبه توا الصبح بكري انديرها وشكرا ع البوكس
هاني:بوكس🤨؟؟
هيام:اي مش انت لي حاطه ف لروشن😳؟
هاني:لالا
هيام:هوا
هاني: شوفي بالك مكتوبه حاجه
هيام:اهيهه معاها ورقه
هاني:شن مكتوب؟
هيام:وجبتلك فون وتوا نقدرو نهدرزو ف اي وقت نحبك H❤.
هيام قعدت تقرا ف الرساله اكتر من مره وهي مبتسمه
هاني: هي وجهك
هيام سكرت باب دارها بالمفتاح وحطت الشفره ف الهاتف واتصلت ب حسام
هيام: اهلا
حسام:اهلين شن جو الخطوبه
هيام:كويسه كيف حالك
حسام:تمام وانتي
هيام:تمام شكرا ع الهدية🥺محلاك وربي
حسام:مش بيناتنا
هيام:تعرف ع اساس اول منكلمك بنعطيك محاظرره اطول من عمري
حسام:علاش😂
هيام: 24 ساعه مش فاضي
حسام:ماه ي عمري قعدت نخدم باش نجيلك هاتف وديما نهدرزو❤ مش قتلك بندير جهدي
هيام:لا انت وربي مفيه منك🥺نحبك
حسام:وانا اكتر
هيام:لا انا اكتر
حسام:لا عاد
وقعدو يهدرزو ويتعاركوو لل الصبح

اليوم لي بعده🌥🌥
طق طق
هيام:نبي نرقد خلوني
فرج بصوت يخوف:افتحي
هيام ناضت وعين مفتوحه وعين مسكره فتحت الباب
فرج: شن قعده ل توا راقده؟؟
هيام:ماه سهرت امس
فرج:شن قعدتي اديري
هيام:سهرت ف الخطوبه شن🙂
فرج دخل للغرفه
هيام حست حركة بوها غريبه.
فرج شد الهاتف وقعد يشوف ل هيام
هيام قعدت ترعش وتبلع ف ريقها من الخوف
فرج:من جايبهولك؟
هيام:اءء
هاني:اووه هيام حددتيلي سوريتي
هيام ساكته وتشوف ل هاني
هاني: او هاتفي وانا ندور فيه وخداه من بوه من دون ميستذانه حتي او يقوله بناخده😂
هاني:هي سوريتي ي بنت بتفوت عليا صلاة الجمعه
هيام هم ونزاح علاها:حاضر وطلعتها من الدولاب ومدتهاله❤.
هاني:منورره✌🏻وطلعع جري
فرج قعد يشوفلها وطلع م الدار
هيام سكرت الدار وقعمزت ع الكرسي :ووه قلبي قريب طاح💔 خيرني غبيه ي ربيي😩نسيت مدسيتاش
وناضت للحمام غسلت وجها ونزلت تفطر
فطرت وكملت ورجعت ل دارها تسمع ف صوت لوطه نزلت تجري: خيركم شن فيه
هناء:منعطيش بنتي لواحد زي هدا نا
فرج:وعلاس شن فيه ميتعيب؟ عنده فلوس وشركات
هناء:اي طول عمرك متتغيرش همك غير الفلوس بس
امنه:اي وشن بيهمه تاني
هناء: ااخلاق والتربيه اهم شي اخر هم الفلوس
امنه:بتحكي هكي لانه معندكش فلوس😏طبيعي
وبعدين قال بنستر ع بنتك لا اكثر خلاها هكي الناس كلها تحكي عليهم
هيام:خيركم شن فيه احكولي😐؟
فرج:انتي ارجعي ل دارك
هيام:لك……
فرج: لدارك
ركبت هيام وقعدت تحاول تسمع لي يصير لوطه
هناء:انا نعرف بنتي مدارت شي
امنه:قداش واثقه فاها بنتك
هناء: اي وشوفتي منها غلط؟
امنه: لا واضح من ولد رقيه لي تكلم فيه
هناء:الحب مش عيب قولي ل روحك كيف تزوجتيه ها كيف كنتي ووين لقوك تكلمي ترا توا وليتي عندك لسان ووتكلمي بدون كرامه
امنه ساكته
هناء: مش كنتي خدامه تخدمي فيا انا وتقوليلي غير شن تبي المهم مطلعونيش؟؟ ونا نقولك لا انتي زي اي حد من عيلتي ووثقت فيك؟
امنه:الغلط مش منك راجلك لي خانك معاي
هيام:😨😨
فرج:اسكتووووو عاد امنه امشي ل دارك ولا دبررري خليني نتفاهم معاها
امنه:تبيني نخليكم برواحكم تتفاهمو؟
فرج: ع خاطر بنتها لا اكثر واطلعي بلا دوه زايده
امنه طلعت وهي ساكته
قعد فرج يشوف ل هناء كانه يسترجع ف الذكريات القديمه
“هناء:اوعدني؟
فرج:ب شن ي قلبي:
هناء: نقعدو مع بعض ل اخر العمر♥️
فرج:وعد
هناء ابتسمت

روايــــ🔥ـــات عــــيـــــــوشـّه نـــــ🔥ـــــــاصـــر
_____________________
هناء: فرج … فرج
خيره ميردش ي ربي فتحت الباب😳
فرج&امنه يشوفلها بصدمه
هناء داخت”
فرج:اء هيام بتاخد ولد عيسى تبي ولا متبيش
هناء: انا قتلك مش موافقه
فرج:السبب؟
هناء: منبيش نزوج بنتي لواحد ممتبيشي!
فرج:وكيفف عرفتيها متبيشي؟
هناء:اءء اكيد يعني بنتي ونعرفها
فرج قعد يشوفلها بشك: وكان جي ولد رقيه راه واقفت
هناء قعدت تبلع ف ريقها:حسام اسمه
فرج:المهم هيام اليوم تكونو عند عبدو وخبط يده ع الطاوله
هناء :ليش هوا يعني؟
فرج:انا بنزوجها ليه وغصبا ع لي يبي ولي ميبيش وطلع
هناء قعدت تشوف ل فرج لن اختفي من قدامها
هيام:بتزوجوني بالسيف؟💔
هناء تلفتت ل هيام وقعدت تشوفلها
هيام:عللاش شن ذنبي انا؟ شن درت باش هكي يصير فيا؟ حتي لي بنعيشه معاه بقية عمري بالسيف عليا💔مش ساد لي عايشته توا؟
هناء حظننت بنتها وتمسح ع شعرها:اهدى هيام كل شي ح يفوت تمام
هيام:كيف تمام كيف
هناء:مش ح يجوزوك غصبا عنك
هيام ناضت:💔يديرها ح كان قتلني ع خاطر الفلوس يدديرها وطلعت ل دارها سكرت بالمفتاح وقعدت تبكي💔
هناء اطق ع الباب:هيام … هيام افتحي الباب
هيام:خلوني بروحي خلوني منبي حد خلوني وقعدت تبكي
فات الوقت✨
وجو وسن وآية كالعاده
وسن حاطه يدها ع خد هيام:خلاص معش تنكدي ع روحك
هيام شافتلها وعيونها مليان دموع ، وسن وجعتها💔 وبدت تبكي معاها
آية: هوا يبيك؟
هيام:منهوا؟
آية:عبدو ولا منهوا
هيام:منعرفش
آية:لا واضح يبيك بعد مادار العار هدا كله
هيام: اي يمكن
وسن:اسمعي عندي ليك حل❤!
هيام:شنهوا
كملوو هدرزتهم ورحوا
دخلت تالاء هي وخادمه تانيه يوتو ف حوايج هيام
هيام:حوايجي هيه
تالاء: هادي الامور ي حلوه
هيام:خيرك انتي تستفزي فيا ولا شن🤨 من قالك
تالاء:بوك
نزلت هيام بسرعه وهي تجري قريب جت متعثره شدها هاني
هيام:شكرا
هاني:خيرك تجري
هيام:نبي بابا
هاني:اهوو قدامك وطلع
هيام: شن قصة الحوايج؟
فرج:اليوم بتمشي ل حوش راجلك
هيام:😨منو؟
فرج:عبدو
هيام:منقال انا نبي؟
فرج:غصبا عليك ومتزيديش ولا حرف
هيام شدت اعصابها ورجعت ل دارها
هيام:اطلعي انتي وياها مدخلكمش ف حوايجي
تالاء:لك…
هيام بصوت عالي:اطلعي قلت
طلعت تالاء هي ولي معاه
هيام قعدت حاطه ايديها ع راسها :علاش اليوم ي ربي علاش علاش راني بنتفجر💔
نزلت لوطه لماما نبكي قعدت تصبر وتهدى فيا
هناء حاسه ايديها مربطات مش قادره تدير حاجه
شفت بابا لابس الزبون وهوا مبتسم يبخ من عطره وطالع
اي ماشي ل فاتحتي💔😭
فات الوقت بسرعه وجي اليل💔
ركبت سيارة عبدو بعد جهد جهيد من بابا ومرته نزلت االروشن وتجي عيني ف عين حسام لي واقف مصدوم💔لما شفته زاد عليا اكثر💔مش قادره خلاص بنبكي😭ومنبيش نبين ل عبدو اني ضعيفه لكن الموقف خلاني نبكي بس محس عليا حد طلع عبدو بالسياره
وصلت لحوشي الجديد او بالاصح قبري الجديد💔
عبدو:نورتتي حوشك ي عروسه
قععدت هيام حاطه راسها لوطه متبيشي يشوف دموعها وعيونها المتورمات
عبدو رفعلها راسها بصبعه:خيره الحلو يبكي متاثر بعد ع اهله؟
هيام خدت شناطيها ودخلت للدار وسكرت ع روحها وقعدت تبكي💔
اكثر انسان نكرهه بدي راجلي💔😭مش قادره خلاص قرفت من روحي، مش عارف ح حسام شن صاير فيه فجاءة بدون ميعرف اي شي يشوفني راكبه مع عبدو 💔
طق طق
هيام مسحت دموعها وحاولت تهدا وفتحت الباب
عبدو بناخذ حوايجي
هيام:خود
عبدو فتح الدولاب وخدي حوايج ووقف قدام هيام: لكن خذيتك خذيتك ها
هيام تحاول تشد اعصابه وتجاهلته
عبدو ضحك ضحكة مستفزه وطلع
ونعتـــذر لو فيــه اخطــاء املائيــه
يتبـــــع💗 》》》

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

اترك رد

زر الذهاب إلى الأعلى