مرضي فراقك الحلقة الخامسة 5 .. الكاتبة عيوشه ناصر كاملة | القلم الناجح
روايات ليبيه كاملة

مرضي فراقك الحلقة الخامسة 5 .. الكاتبة عيوشه ناصر كاملة

مرضي فراقك الحلقة الخامسة 5 .. الكاتبة عيوشه ناصر كاملة

#مرضى_فراقك
الحلقه5
ملاك:توا هاتفي هدا …………
وحكتلها
نسرين: تمام
ومشت ملاك
ملاك:هاني … هاني
هاني:ايوه؟
ملاك:بنقولك حاجه
هاني:مش فاضي
ملاك:ضروري
هاني:شن فيه؟
ملاك:تعالا معاي
هاني مشالها
ملاك: توا اختك عرفت علاش تبكي بكري
هاني:وعلاش؟
ملاك:تكلم ف ولد وجايبلها بوكس
هاني: شن تخرطي؟
ملاك: غير اسمعني وقربت منه
هاني:ييشوفلها بنظرة استحقار
وباسته
وقفت آية ع الروشن شافتهم
هاني:😳😳 مصحح وجهكك وعطها كف ودخل للمربوعه وهوا متكنطى
ملاك حطت يدها ع وجهها وابتسمت ب خبث
سكرت آية الروشن ودارت الستار ورجعت رقدت

اليوم لي بعده
ناضت هيام فتحت عيونها لقت آية جنبها؛ قعدت تحاول تذكر شن صار امس
خدت هاتفها واتصلت ب حسام مقفل
تنهدت وناضت للكوجينه
هناء:صباح الخير
هيام:صباح النور
هناء:كيف حالك اليوم
هيام:الحمد لله وانتي
هناء:الحمد لله قعمزي خلي نوتيلك تفطري
هيام:معنديش نية
هناء:علاش؟
هيام طلعت بدون مترد علاها
ترن ترن🎶🎶
هيام:الو
هاجر:اهلا
هيام بدون نية:اهلين
هاجر:كيف حالك
هيام:تمام بخير
هاجر:لازم نتلاقو اليوم عندي حاجات بنحكيهالك
هيام:احكي ع الهاتف
هاجر:لالا منقدرش نحكي ع الهاتف
هيام:اوك وين نتلاقو؟
هاجر: الجردينه لي جنب حوشكم
هيام:تمام وسكرتت
لبست بلوزه جيشيه مع سروال اكحل وسبيدرو جيشي ووشاح نفس لون السروال وطلعت
_________________________
عبدو: ها شن قتلك؟
هاجر: اسمع خليني نتفاهم معاها نا فوتني
عبدو: تمام
هاجر:حول خليني نلبس
ودخلت ل دارها
لبست بلوزه لوسيه طويله مع سروال اسود ووشاح اسود وكعب لوسي
وطلعت
_______________
قعدت تشوف ل آية محبتش تنوضها خدت شنطتها وطلعت
مشت للجردينه وقعمزت ف اول كرسي وقعدت تستني ف هاجر
بعد شوي معطلتش علاها جت هاجر
مدت يدها: اهلا هيام
هيام: اهلين ، وقعمزت
هاجر: اسمعي خلينا صاحبات زي قبل
هيام تشوفلها وساكته
هاجر: واسفه ع كل شي قلته عارفتك كارهتني
هيام: مسامحتك
هاجر: يعني رجعنا صحبات زي قبل
هيام ساكته
هاجر جت بتحظن هيام
هيام مدت يدها بمعني وقفي: علاقة سطحية
هاجر: ككيف يعني؟
هيام: يعني لا ندخل ب امورك الشخصيه ولا انتي تدخلى ف اموري يعني نهدرزو هدرزه عاديه ولا نحكيلك اسراري ولا تحكيلي
هاجر:😓هادي ماسمهاش صحبة
هيام:صدقاء سطحيه
هاجر سكتت
هيام:جعانه نبي ناكل
هاجر:تعالي نمشو نطلبو من القهوة
هيام ناضت: هي ، ومشو طلبو همبورغا ورجعو ل مكانهم

ترن ترن🎶🎶
هاجر: من يتصل بيك
هيام مردتش علاها وردت ع الهاتف
فرج: انتي وين ي بنتي
هيام: ف الجردينه لي جنب الحوش
فرج: من معاك
هيام:هاجر
فرج: اها ردي بالك ع روحك
هيام: حاضر
فرج:سلام
هيام: باي
هاجر: مليت من القعده اهني تعالي نتمشو؟
هيام: بهه
هيام:حقا بوك كيف حاله؟
هاجر: كويس غير الضغط عنده نزل بس
هيام:اه حمد لله ع سلامته
هاجر: الله يسلمك
وقعدو يتمشوو
هاجر شافت الساعه : حي تاخرت باي نتلاقو غدوه
هيام:😕باي ومشت هاجر
قعدت هيام تتمشي ؛ بعد شوي حست روحها بعدت ع الحوش هلباا اتصلت ب الشوفير
هيام:الو كمال
كمال:اهلين
هيام: انا جنب ال## تعالالي
كمال: تم
سكرت هيام وقعدت تشوف للناس كيف سعداء ويضحكو ؛صحبات مع بعضمتزوجين وعندهم بيبي وفرحانين بيه ويلعبو فيه وعائلات مع صغارهم ؛ تنهدت شوي ووصل كمال ” الشوفير” ؛ ركبت هيام وقعدت تتفرج ع الناس من الروشن بعد شوي حست الطريق طولت هلبا
هيام: قعدين موصلناش؟
كمال: مشيت من طريق تانيه
هيام: وعلاش؟
كمال سكتت
وبعد شوي وقف السيارة
نزل كمال ونا قعدت نشوف ف المكان كان غريب😕 قلت بالك جاي بياخد حاجه من اهني
شوي وجي واحد ملثم نزلني من السياره بقوه
هيام: نحي يدك
#: انزلى
هيام : علاش بننزل اهني؟
#: انزلى وسكري فمك
نزلت ونا نجرف من الخوف، قعدت مركزه ف الراجل لي متلثم صوته مش غريب عليا
هيام: كمال …. كمال
#: كمال مش اهني ارتاحي
هيام: املا وين
قعد ساكت وبعدها طلع
قعدت نشوف للمكان كان يخوف وموحش واضح عليه مهجور؛ ونسمع ف اصوات حيوانات البراء كانه ف مزرعه
انفتح الباب بقوه! وجي قرب مني وكتفلي ايدياء ورجليا
هيام: حول غادي شن ادير وقعدت ادندف فيه برجليا دون فايده
##: اسكتي خير منسكرلك حتي فمك
هيام: انتم غير شن تبو مني😭خلوني في حالي حرام عليكم شن درتلكم
##:اسكتتي
هيام: اتصلوو بي بوي توا يعطيكم فلوس وفكوني😭
#: مزال بكري عليه الكلام هدا
هيام:🥺ششن مزال بديروو؟؟
ضحك ضحكة مستفزه وطلع سكر الباب بقوه
هيام قعدت تشوف ف المكان وهي خايفهه ترجف

روايــــ🔥ـــات عــــيـــــــوشـّه نـــــ🔥ـــــــاصـــر

_____________________________
آية ناضت مخلوعه: هيام وين
هناء: هيام طلعت مع صاحبتها
آية:صاحبتها من؟
هناء: هاجر
آية حست حاجه غريبه ف الموضوع، كلمت هاني
آية: اهلا هاني معليشي بنقولك
هاني: اهلين آية قولي شن فيه؟
آية: هيام طلعت من الصبح مع هاجر ول تواء مروحتش!
هاني: اتصلتي باها؟
آية: اه لالا توا نتصل
هاني:تمام
واتصلت آية ب هيام يرن لكن ميرد حد
_____________________________
#: علاش مسكرتش الهاتف🤦‍♂️
كمال: نسيت
#: تتوا احتمال حتي حددو الموقع متعنا وقريب يجو
كمال: بسرعه نغيرو المكان
هيام: 😳😳 شن فيه؟
نحي الحبل لي كان مكتفها بيه و جبدها من يدها بالقوة
هيام: اطلقني نمشي بروحي
كمال:تحركي قدامي
هيام: تي بالشويه خيرك
ركبوها السياره وطلعوو طول
هيام: احيهه ايدياء😦💔دم
#: اسكتيي متتكلميش وتلفت التالي وهوا يتكلم
هيام: سعيد😦
سعيد: تقولى ل بوك تشوفي شن يصير ل حسام
هيام:😳😳ووانت كيف تعرف ب حسام
سعيد: بسرعه كمال
كمال: هي قريب نوصلو
وبعد شوي وصلو بس المكان المره هادي كان راقي وهلبا اوتيل💛
نزل كمال وشد يد هيام ونزلها
هيام: منيش عيله ننزل بروحي😒
سعيد: قدامي وانتي ساكته
هيام قعدتت تتفرج ع المكان ونست انها مخطوفه اصلا😂😂
كمال: هادي دارك؛ وردي بالك حتي تحاولي محاوله انك تطلعي
هيام: بهه🙂 ودخلت الدار وسكرت الباب وراها واتكت ع السرير
هيام: زعما بابا توا بيدفعلهم فدية ولا بيفوتني؟🙂💔 عادي اصلا متوقعه كل شي منهه
_______________________
آية: نتصل ميرد حد وبعدها قفل💔
هاني: تمام
وطلع
هاني: برو شنحالك
حسام: اهو ماشيه الحمد لله
هاني:الحمد لله بنسالك
حسام: ان شاء الله خير
هاني: مشوفتش هيام اليوم؟
حسام: لالا
هاني: متصلتش بيك حتي؟؟
حسام: لا والله
هاني: قعدين متعاركين
حسام قعد يشوف ل هاني ومردش عليه
هاني: فهمت الموضوع غلط راه
حسام:كيف؟
هاني: حتني كنت هكي فاهم ف البداية بعدين فهمته صح
حسام: واثق ف هيام لكن💔
هاني: اي اي فاهمك
حسام: هي وين توا؟
هاني: من الصبح مروحتش
حسام: وين مشت
هاني: والله منعرف جيت نسال فيك بالك تعرفها وين مشت
حسام: لا والله
هاني: به هي تعالي معااي اكيد ف مكان قريب
حسام: تمام وركبو السياره ومشو
حسام كان متوتر هلبا عكس هاني
هاني: نا متاكد سعيد وراء الموضوع
حسام: كيف عرفت؟
هاني: كنت حاسبها م البداية مدام انطرد ف جرة هيام الا بيدير حاجه
حسام: مش خايف ع اختك؟
هاني: ميدير شي لانه عارف شن مستنيه كان دار شي
حسام: ان شاء الله خير؛ وين ماشي انت؟
هاني: اوتيل
حسام: زعما تكون غادي؟
هاني: ومتاكد ميه ف المية السياره فيها جهاز تحديد مواقع رابطه ف هاتفي؛ مسكين يحسابها بتفوت عليا😂
حسام ساكت ويسمع ل هاني بس
مسافة الطريق
___________________
آية إدور ف نفس المكان : ياربي وين مشت
امنه: هدي بالك اكيد تكون عند هاجر
آية: كلمت هاجر قتلي مش عندي
امنه:اكيد ف مكان
آية: مفهمتش علاش مش خايفه ع بنتك انا؛ طول عمري نشوف فيك كويسهه الا اليوم وطلعت
امنه:😳😳😳
هناء: عندها الحق
امنه: لاش بنحاف ع بنت مش بنتي
هناء: من باب الانسانيه
امنه:😂😂خليتهالك انتي الانسانيه
هناء:شن قصدك؟
امنه: فهميني انا وين انسانيتك لما خليتي هيام وهاني مع مراءة متعرفيهاش؟
هناء: مش بي ايدي ظروف
امنه: عادي كان قولتي معنديش فلوس باش نعيشهم
هناء: اي ام كانت ح ادير هكي؛ منبيش صغاري يتبهدلو والحمد لله خليتهم مع بوهم انا❤
امنه قلبت عيونها ومشت
ترن ترن🎶🎶
هناء: هاتف الحوش يرن
امنه م بعيد: ردي
هناء ردت: الو
هاني: الو امي
هناء سكتت ونزلت منها دمعه💔
هاني: اميي
هناء بصوت مخنوق: ايوه
هاني:هيام لقيتها
هناء: حاق الحمد لله❤
هاني: اي وتوا نصفي حساباتي معاهم وبنروح
هناء: رد بالك ع روحك
هاني سكر الخط
هناء:💔💔

روايــــ🔥ـــات عــــيـــــــوشـّه نـــــ🔥ـــــــاصـــر

_______________________
عبدو: خلاص مفيش داعى دفعت الفدية وتم
هاني: لالا ميمشيش الحال
عبدو: تي فوتك ي راجل من المشاكل
هاني: لا ولايهمك حتي انت بتاخد حسابك
عبدو: وشن دخلي انا
هاني: سحبتوني راقد ع وذاني ولا شن؟
عبدو: شن تقول ي راجل
هاني: متفقين انت وجماعتك باش تلعب دور البطول
👊🏻وعطاه بوكس ع وجهه لن خشمه بدي يصب ف الدم
عبدو يشد فيه: فاهم الحكاية غلط
هاني: فاهم صح وقعد يضرب فيه لن فقد الوعى وطاح ع الارض
شاف ل حسام
حسام: تم تم
هاني: هات الشنطه وتعالي
خدي حسام الشطنه ومشوو
هيام:خيرك وجوهكم هكي
هاني:مدوريشش عادي جروح بسيطه
حسام قاعد ساكت ومتكلمش
لن وصلو للحوش
هناء اول مسمعت صوت السياره طلعت طول
نزلت هيام وهي تشوف ل حسام وجهه مخبش كله
جتها هناء حظنتها وقعدت تبكي:يابينتي شن دارولك ها
هيام:ماما حالي كويس انا
هناء:😳😳
هيام: هي تعالي ندخلو
هناء: اءء هي❤
هاني: هي بنوصل الشنطة ل صاحبها تجي معاي
حسام: لا والله امي تاعبه شوي منقدرش
هاني: ان شاء الله لاباس شن عندها
حسام: والله مش عارف الحق تشكي من راسها
هاني: مرفعتش تعاينها؟
” رقية: لا يا ولدي مترفعنيش توا مع الوقت نشفي
حسام: لكن ي امي
رقيه: والله مانس مسامحتك لا دنيا ولا اخره كان رفعتني وصرفت فلوسك، انت قداش ليك سنين تجمع فيهم واخيرا وصلت ل العدد لي تبيه ونا ف يوم نصرفهم لا ياولدي لا ”
حسام سكتت💔
هاني: كان تبي شي انا موجود
حسام: منور هاني مقصرتش ومشي
هاني قعد يشوفله وبعدين طلع ف السياره
______________________________
هاجر: عبدو وين
اسياء: توا قريب يروح
طق طق
هاجر: خيرك شن صاير😳😳
عبدو: بعدي من طريقي احسن ليك
هاجر: شن صار احكيلي
عبدو دفها ع الحيط ودخل ل داره
اسياء:شن فيه
هاجر: وجهه خبوش ويده دم
اسياء: بسم الله شن صاير ومشو للدراه وقعدو يخبطو عليه
عبدو: اقسم بالله انتي وياها لو متقلبيش وجهك من اهني تشوفي شن ايصير فيك
اسياء: تعالي تعالي خير ميقتلنا
هاجر: لكن
طق طق
اسياء: هاني😳😳
هاني: هاك
اسياء: شن هدا
هاني: فلوسكم
اسياء: فلوس شن تحكي انت؟
هاني: خوك توا يفهمك وطلع
هاجر: تتوا فهمت🙄
اسياء: شن فهمتي احكيلي؟
_________________________
رقية بصوت تاعب : وين رافعني
حسام: يشوفك الدكتور وتروحي
رقيه: شن قتلك انا
طق طق
حسام: شوي وجايك
فتح الباب
حسام:😳هيام؟
هيام: اي
حسام: شن جايه تبي؟
هيام:🙄مش جايتك انت حول
حسام: املا لمن جايه
هيام: لعمتي رقيه حول وبعدت حسام ودخلت
رقيه: من جي ي حسام
هيام: انا ي عمتي هيام❤
رقيه: مرحبتين بيك بنتي
هيام: سمعت بيك مريضه
رقيه: برده تاخد ايامها وتمشي
هيام: لالا لازم تشوفي الدكتور
رقيه: لالا منبيش
هيام:لا والله مصارها ، حسام … حسام
حسام:خير بلاك😒
هيام: تعالا ارفع امك للسياره😒
حسام: وعلاش
هيام:لازم نعاينوهاا
حسام: اي سياره؟
هيام: سياره هاني بسرعه
ركب امها ف السياره من الخلف وركب من قدام
وركبت هيام من تالي وقعدت سانده راس رقيه ع رجليها
حسام حس روحه اخيهه💔
_____________________
امنه: هيام وين
هناء ساكته
امنه: هيام وين
هناء نحت لي في يدها وقعدت تشوفلها
امنه: نحكي معاك انا وين هيام
هناء: طلعت مع خوها
امنه:’ ومن سامحلها تطلع ف الوقت المتاخر هدا
هناء:’ انا
امنه: شن متخافيش ع صغارك انتي ولا شن
هناء: كبار ماشاء الله عليهم علاش بنخاف
امنه: واثقه هلبا
هناء: عارفهه هاني ميخليش اخته بروحه❤
امنه: اي بنقولك
هناء: ع شن؟
امنه: تجيبي سيرة للصغار تشوفي شن يصيرلك
هناء : هه
امنه: نحكي جديات وانتي جربي
هناء ساكته
امنه: والشهر هدا بتنتلفي راه، متقعديش ف الحوش
هناء: تعرفي انه نص الحوش ب اسمي صح🙄؟
امنه: هه هاكا زمان
هناء: لا حتي ل تواء
امنه: ما حولتيه ب اسمي ووقعتي حتي
” امنه: وقعي اهني باش نقبلوك
هناء: تمام ووقعت بدون متقرا حتي الورقه ”
ونعتـــذر لو فيــه اخطــاء املائيــه
يتبـــــع💗 》》》

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

 

اترك رد

زر الذهاب إلى الأعلى