مرضي فراقك الحلقة السادسة 6 .. الكاتبة عيوشه ناصر كاملة | القلم الناجح
روايات ليبيه كاملة

مرضي فراقك الحلقة السادسة 6 .. الكاتبة عيوشه ناصر كاملة

مرضي فراقك الحلقة السادسة 6 .. الكاتبة عيوشه ناصر كاملة

#مرضى_فراقك
الحلقه6
امنه: هيام وين
هناء ساكته
امنه: هيام وين
هناء نحت لي في يدها وقعدت تشوفلها
امنه: نحكي معاك انا وين هيام
هناء: طلعت مع خوها
امنه:’ ومن سامحلها تطلع ف الوقت المتاخر هدا
هناء:’ انا
امنه: شن متخافيش ع صغارك انتي ولا شن
هناء: كبار ماشاء الله عليهم علاش بنخاف
امنه: واثقه هلبا
هناء: عارفهه هاني ميخليش اخته بروحه❤
امنه: اي بنقولك
هناء: ع شن؟
امنه: تجيبي سيرة للصغار تشوفي شن يصيرلك
هناء : هه
امنه: نحكي جديات وانتي جربي
هناء ساكته
امنه: والشهر هدا بتنتلفي راه، متقعديش ف الحوش
هناء: تعرفي انه نص الحوش ب اسمي صح🙄؟
امنه: هه هاكا زمان
هناء: لا حتي ل تواء
امنه: ما حولتيه ب اسمي ووقعتي حتي
” امنه: وقعي اهني باش نقبلوك
هناء: تمام ووقعت بدون متقرا حتي الورقه ”
قعدت واقفه ومصدومه
امنه:😂ساهل يلتعب عليك انتي
هناء قعدت تشوفلهااا وساكته وف داخلها بتتفجر💔
امنه: المهم كملي لي كنتي اديري فيه
وردي بالك ثم ردي بالك تقربي من زوجي، انا نبهتك
ومشت وهي تضحك
اما هناء قعدت واقفه مصدومه من لي دارته بدون متعرف
_________________
الدكتوره: لازم تقعد اقل شي تلاته ايام تحت الملاحظه
حسام:حالها كويس
الدكتوره: اي بس تبي شوي عينايه وتقعد لن اتم دواها
هيام: تمام شكرا دكتوره❤
الدكتوره: العفو
حسام: بنمشي ل امي توا انا اقعدي اهنني
هيام:ومن قال بنلحقك اصلا نا🙂
حسام بصوت واطي:مستفزه
ودخل شاف امها معطلش وطلع
هيام: توا نقعد نا معاها متخافش😒
حسام:ومن كلمك انتي😒
هيام:😒الها بخدمتك وتوا نقعد مع امك انا
حسام:😒 عادي توا نوقفها الخدمه
هيام: بلا براده حسام؛ مكسده ف الحوش معندي مندير تقعد مرت بوي خانقتني زي الهمم 🥺💔
حسام: مرت بوك؟؟
هيام”طيح سعدي شن قلت🤦‍♀️” :😅اي
حسام:عندك حراره انتي ولا كيف
هيام:😒حيوان
حسام:😂
هيام قعدت تشوفله اول مره حسام يضحك هكي قعدت تتامل فيه وهوا يضحك
حسام:😂خيرك؟؟
هيام:اء مخيرني شي
حسام: تعالي نرفعوك للدكتور حتي انتي
هيام:نننننننن🙂
حسام:معش تقولاها
هيام: صدقتني؟؟
حسام اختفت ابتسامته: ع شن؟
هيام: ع يومها؟؟
حسام سكت شوي وتنهد: مصدقك مصدقك
هيام قعدت تشوفله🥺 وحظناته
حسام يكلم ف هيام وهوا يضحك: حولي ي خرا الشعب كله يتفرج علينا
هيام: طز فيهم ميعرفنا حد
حسام: بالله عليك منهوا لي ميعرفكش
هيام:😂عادي يعرفوني بالاسم بس
حسام: خوك جي
هيام وقفت استعداد وقلبها بيطيح ومطبسها راسها لوطه
حسام:😂😂
هيام:مجاش ولهه🙄 تفووو
حسام: بهه اعقلي وقعمزي
هيام: بهه وقعمزت قعدت ادرجح ف رجليها
حسام: حتي مقعمزه مش مريحه روحك😂
هيام: به سكر فمك هي
حسام: حبيبتي الحلوه زعلت
هيام: اسكت😂❤
هاني: كملت الاجراءات
هيام:😳😳اسم الله انت امتي جيت
هاني:بكري
هيام:🙂ننننننننن
هاني شافلها وكمل تهدريزه مع حسام
هيام: خيركم انتم متجاهليني؟
هاني&حسام: كيف؟
هيام: تهدرزو ع بعض ومش معدلين عليا🥺ونتكلم مش معبريني
هاني:ايحح علينا مش وقت دلعك توا
هيام:عارفتكم اصلا متحبونيش😭
حسام:😂😂🤦‍♂️
هاني قعمز جنبها: هيام ي بارده😂 بلا جو احني ف المستشفي توا
هيام مسحت دموعها:🙃يصير مني ممثله وله
ضربها هاني ع كتفها وناض: المهم توا هيام تقعد معاها وانت خليك ف خدمتك
حسام: صحيتو مقصرتوش
هاني: ولايهمك الجيران ل بعض
هيام: اشيه رجعو تجاهلوني تاني تبوني نبكي؟
هل انتم تبوني نبكي🙂؟
هاني: هياام
هيام:😒بهه نا بندخل ل عمتي رقيه توا طيرو
هاني: طالع حتني هي حسام
حسام: هي
وطلعوا
قعدت هيام ادور فِ غرفة رقيه؛ شافت دكتوره
هيام:معليشي دكتوره
شافتها وفاتت
هيام: شن صحة الوجه هيهه🙂 لكن توا تشوففف قعدت اتبع فاها وين متمشي😂 لن الدكتوره خافت ووقفت
الدكتوره: شن تبي خيركك اتبعي فيا؟
هيام: لما نكلمك ردي ولا قولي اقل شي منعرفش🙂مش تشوفي ومترديش
الدكتوره: وانتي من ياماما باش نرد عليك وشافتلها من فوق ل لوطه
هيام:🙂 هوا انتي تعاملي ف الكل بالطريقه هادي
الدكتوره: حولي سلم ماما عندي مندير
هيام: بالله عليك
الدكتوره: انتي شن تبي مني هاا
هيام: احترمي الناس وردي عليهم
الدكتوره: منردش ع امثالك
هيام:والله😮
الدكتور سكتت وفاتت
لحقتها هيام: كان تعرفي نا من بعدين تتتكلمي
الدكتوره: بعدي من طريقيي بعدي ودفتها ع الحيط
هيام: نا هيام فرج
الدكتوره وقفتت
هيام :وووه خافت😂😂 اول مره نستعمل اسمي ف حاجه زي هكي لكن توا تشوف🙂اهو طلع عنده فايده عمكم بابا ع الاقل
الدكتوره بصوت يرجف:😳تحكي جديات
طلعتلها البطاقه الشخصيه وورتهالها
الدكتوره:😳😳
هيام: باش تحترمي نفسك مره تانيه بس وفاتت
قعدت تجري وراها :بالله عليك سامحيني بالله مش قصدي
هيام تضحك وفايته مش معدله علاها😂
الدكتوره: بالله متقوليش لي بوك بالله
هيام وقفت وتلفتتلها: توا نا لو كنت بنت عاديه مش ح تعبريني ولهه ولا ح ديري شي 🙂
الدكتوره: بالله سامحيني
هيام: اسكتي نكمل كلامي
الدكتوره:به خلاص سكتت
وهيام ف داخلها بتتطربق من الضحك😂😂 حست روحها شخصيه: معش تعاملي الناس بالطريقه هادي فاهمه؛ واحترمي نفسك مش كانك دكتوره خلاص
الدكتوره: تمام تمام
هيام:😒عيني عليك ها
رجب:شن فيه اهني نسمع ف دوشه
هيام: عمي رجب
رجب:هيام
هيام: كيف حالك عمي
رجب:الحمد لله شن لاباس شن فيه
هيام: لا لاباس غير جارتنا مرضت معندهاش بنات قلت نساعدها ونقعد معاها
الدكتوره:حي وعمها المدير غبرت
رجب:وبوك خلاك
هيام:😹😹ميندريش عليا
رجب:🤦‍♂️😂زي عادتك مدايره لي في راسك
هيام: اي المهم عمي بنقولك حاجات لازم تعرفهم وشافت للدكتوره
الدكتوره معش عرفت شن ادير
هيام:تعالي نحكو بروحنا
رجب:به تفضلي
هيام قعدت تمشي وتشوف للدكتوره🤣
قعمزت هيام: المهم توا نبيك تساعدني ف حاجه
رجب:وشنهيا
هيام:تتصل ب بوي وتقوله هيام بتقعد عندي اليله
رجب:مش ح يرضي تباتي ف المستشفي
هيام:تي لا ع اساس بايته ف حوشك
رجب:🤦‍♂️لالا منقدرش
هيام:بتقوله ولالا
رجب: بعد هالعمر بنكذب توا نا
هيام:🙂اي زي ما كذبتو عليا كلكم ف امي
رجب:😳امك؟؟
هيام:مش ح نحكي شي لن تكلم بوي
رجب: مش لازم تحكي
هيام:اه وحقا بكري ترا شن شفت اهني طبعا مش ح نقوله لانه مش لازم نحكي
رجب قعد يشوف ل هيام واتصل
هيام ابتسمتت بنصر😌

روايــــ🔥ـــات عــــيـــــــوشـّه نـــــ🔥ـــــــاصـــر

________________________
هاجر:فهمتي؟
آسياء:وعلاش متقوليش من الاول بذات هاني ميلتعبش عليه
هاجر بلعت ريقها: كيف يعني
آسياء: لي اديريهوله يردهولك تاني ومتلت بذات صاحبه سراج ايدير المستحيل ع خاطره
هاجر جمدت ف مكانهااا م الصدمه: يعني لي قاله هاني صح💔
آسياء:خيره تغير لونك،اللطف خيرك
هاجر: شيي شي ودخلت ل دارها بسرعه
آسياء:عائله غريبه😕
________________
رجب: تي لا ي راجل ف حوشي
فرج: وعلاش لاباس
رجب: تبي بنات عمها
هيام:😂شن قالك
رجب سكر الهاتف وحدفه ع طاوله
هيام سكتت
رجب: احكي هي
هيام: ع شن
رجب: امك ولا شن قولتي
هيام: فوته الموضوع توا
رجب:🤨🤨
هيام: حي نسيت المراء باي وطلعت بسرعه
رجب:🤦‍♂️🤦‍♂️
هيام فتحت باب الغرفه بهدوء وسكرت الباب وقعمزت جنب رقيه
رقيه فتحت عيونها وحاولت انها تنوض
هيام: لا خليك ارتاحي
رقيه ابتسمت
هيام: خيرك ي عمتي مخلتيش حسام يجيبك من الاول
رقيه: والله تعرفي الوضع انتي وهوا يخدم وو…
وقعدت تحكيلها ع حسام وهكي
_________________________
وسن تاكل ف شيبس: اي وبعدين
آيه: لي حارقني مش خايفهه ع بنتها
وسن:بارده خزيي محبيتهاشش
نجلاء: نحس فاها مش امها
آيه:😒سحبتينا ف مسلسل انتي ولا شن
تن تن
نجلاء:جاتك رساله ع المسنجر
وسن:تكلمي ف هاني ي خاينه😒💔
آيه:متفهميش غلط يسال ع اخته مره بس
وسن:عيني عليك ها👀
آيه:😂متخافيش ودت ع مسج هاني وسكرت
وسن:انا مش مطمنه🙂💔
آيه:🙂 بهه وخدت فونها وحطاته ف البلوك قدامها
وسن:توا تروحي تنحيه
آيه:🤦‍♀️🤦‍♀️💔
وسن: خ نتصل بهيام
آيه:اتصلي
واتصلت
ترن ترن
وسن:خيرها متردش هادي
آيه:بالك مس فاضيه
ناضت وسن لبست نا بنمشي نهد علاها ف حوشهم معش فاها
آيه:قعمزي مش ح يخلوك تفوتي
وسن:واونه مشينا ف التخرج
آيه:حبيبتي ف التخرج كلهم مشو المنطقه كلها عزموهم
وسن:وووك قداش ميحبو الفخفخه🙂💔
آيه:ايوه قعمزي واهفتي
وسن:والله لما ندخل لو كان ع قطع رقبتي وطلعت
قعدو نجلاء وآيه يشوفوا ل بعضهم
_____________________
هاني:مش عارف اختار كيف تبي انت
كمال:والله مدخلي نا سعيد لي قالي دير
هاني:المهم نفذت انت
كمال:خلاص معش نعاودها
هاني:😂تخيل تعاودها
كمال ساكت ويشوف ل هاني
هاني:تعرف غير جاتك خفيفه ونراقب فيكم وعارف مخططاتكم راه كان هدا شوفت الويل
كمال:كيف عارف
هاني:عارفكم بتخطفوو هيام وخليتكم لن تخطفوها معنديش نيه انلبز عليكم فرحتكم😂
كمال:بالله عليك
هاني قرب عليه:باش عبدو لي تتعاملو معاها نشده قداميي يعني منتهمش فيه ع الفاضي وطلع وسكر الباب
كمال: ياربي شن مدخلني نا بس🤦‍♂️💔
وسن: هيام ي هيااااام افتحي ي همم
هاني يشوفلها من بعيد ويضحك😂
وسن:هياااامممععع ووه دهشت شكلها ماتتت لكن وينها خيمه العزي ايحح ماتت وميبوش يقولو🙂💔غبرت صاحبتي ماتت وووه حليلي
هاني:😂قعده حيه ب سبعه ارواح
وسن:😵هانننننييي وووههعع
هاني:اللطف من وين تعرفيني
وسن:🤤ياقلبي ومن ميعرفكشش
هاني:طلعت مشهور😂
وسن: ونا من اول واشد المعجبين🤤
هاني:😂هيام ف المستشفي مش اهني
وسن:تي شن اندير باها نا توا
هاني: لا جديات هبله نا
وسن:🥺عادي توقعلي؟؟
هاني:😂عادي
وسن:خربشلي حتي ف ايدي عادي المهم توقع معنديش وين
هاني يضحك وخلاص
وسن:شوف حتي خلفيه فوني صورتك
هاني وقف ضحك:قصدك جديات تحكي انتي
وسن:جد الجد الجديات🤤
هاني :به هاتي نخربشلك
وسن:هاك ووقعلها ف يدها😂
هاني:تمام😂؟
وسن:منور
حسام: او هاني
هاني:اهلين برو
حسام: شن ادير
هاني:😂نستقبل ف معجبيني
حسام:بالله😂
هاني:والله
حسام:😂به مليح
وسن:اي حق بنقولك انت
حسام:تعرفيني ولا كيف
وسن: مش عارف منعرفكش لكن شكلك حسام
حسام:اي هوا
وسن:اللمهم بنقولكك هياموو رد بالك علاها ها ولي درته فاها هداكا اليوم مش كويس بكل راه
حسام: شن درت؟
وسن: اول امس قبل متنخطف بيوم تي يوم تخرجها
حسام:اه ميه ميه
وسن:🙂رد بالك ع حماتي باي وشافت ل هاني باي راجلى المستقبلي
هاني:😂باي مراتي الحلوه

روايــــ🔥ـــات عــــيـــــــوشـّه نـــــ🔥ـــــــاصـــر
___________________
سراج:😂تي زواج شني وحوش مني
هاجر: تي مش احني بنتزوجو حوشنا خيرك
سراج:قصدك جديات من عقلك مصدقه بنتزوجك انا😂
هاجر:املا شن هوا لعبه ولا كيف
سراج: هوا اكيد لعبه مدام خنتي صاحبي معاي
هاجر:ماه انت نحبك
سراج: سبحان الله حبيتيني قبل متكلميني
هاجر:ماه …
سراج: انتي شن قلتي ل هاني؟؟
هاجر سكتت
سراج: مرضك وراثي وخايفه صغاري يمرضو زيكم ونقعدو حاصلين ووو
هاجر ساكته ولا كلمه
سراج: مسادك الولد خنتيه وفوقها تزيدي عليه وربي متحسيه😂
هاجر: ماه بابا مش ح يجوزني زي هاني اكيد زيك لانه شركاتكم وفلوسكم اكثر
سراج: واو ومصدقه😂لا عندي فلوس ولا شريكات
هاجر:يعني تكدب عليا
سراج:زي مكدبتي وقلتي شعرك اشقر وعيونك زرق
هاجر سكرت الخط وقعدت تبكي
___________________
هيام:ي عمري🥺
رقيه: والحمد لله
هيام: انا والله ميهمني لا فلوس لا شي غير حوش مستور بس والله منبي اكثر لكن انتي عارفه بابا💔
رقيه:عارفه عارفه
هيام تنهدت
رقيه شدت ف يد هيام:توا كل شي نلقوله حل باذن الله
هيام : ان شاء الله
طق طق
هيام فتحت الباب
حسام: قعده اهني
هيام: اي
حسام: خيرك
هيام:خيرني
حسام:عيونك؟
هيام:خيرهم عيوني😕
حسام حط ايديه ع وجه هيام ومسحلها دموعها: شن لي بكاك
هيام نزلت ايديه : تحشم امك اهني راه
حسام:😂او امي شنحالك
رقيه ابتسمت:الحمد لله
حسام: كويسه كويسه
رقيه:كويسه
حسام:الحمد لله ، هاني يبيك البراء هيام
هيام:اء به وطلعت لقت هاني مقعمز يستني فيها
هيام:انعم
هاني: شنهوا لي سامعته انتي؟
هيام:ع شن
هاني: عمي قال امك ما امك
هيام: تيي يخرط
هاني: تكلمي هيام
هيام بلعت ريقها: به توا نحكيلك
هاني: هي احكي نسمع
هيام: مش اهني خلينا نطلعو لمكان مدام حسام مع امه
هاني:به هي وطلعو
ف الطريق✨
هاني: شن قصتها صاحبتك😂
هيام:اي وحده؟
هاني: وحده هكي جوها مليح للارض
هيام:وسن😂؟
هاني:اي
هيام: هاكي لي تشوفه تبيه مش مخليه حد
هاني:قتلي خربشلي ع يدي😂
هيام:ختشه😂
هاني:لكن جوها مليح ها
هيام:😂سلمها مرت خوي مسرع مخشت قلبك
هاني: اسكتي بلا جو؛ وهي انزلي
هيام:هي ونزلت قعدو يدورو ف مكان بعدين قعمزو بعيد ع الناس شوي
هيام:خيرك هكي حاطنا ف الهامش ووك
هاني: موضوع حساس
هيام:😂 ياي
هاني:احكي هي
هيام: امنه مش امنا
هاني بملامح وجه بارده: وكيف عرفتي
هيام: اولا معمري حسيت معاها ب حنان الام وتانيا هكي مش هامينها بكل ولا حتي نشبهولها اصلا
هاني:به كملي
هيام:طبعا كنت مصدقه لن جت هناء هادي ل حوشنا
هاني:😳هناء من؟
هيام:هيا هادي شكلها امنا الحقيقه؛ يوخيي حنينه هلبا❤
وحسيتها حتي تشبهلنا وهكي وحاسه بينا؛ مش زي امنه المشطه هييهه
هاني: اي وامتي جت هادي؟
هيام: يوم تخرجي شوفتها حتي ف الكليه تبكي 🥺 وامنه منزلتش حتي دمعه🙂💔باش تعرف بس وفيه يوم اتصل بيا رقم فتحت الخط قالت بنتي قوتلها من معاي قتلي انا امك حبيبتي وبعدها فصل الخط ربطت الاحداث هكي طلع معاي، يعني عمرنا كله عايشين مع ام مزيفه تخيل حرمونا من امنا الحقيقه
هاني: به توا نديرو تحليل DAN ونشوفوا
هيام:انا متاكده بدون مديره اصلا
ونعتـــذر لو فيــه اخطــاء املائيــه
يتبـــــع💗 》》》

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

 

اترك رد

زر الذهاب إلى الأعلى