مرضي فراقك الحلقه 1 للكاتبة عيوشه ناصر كاملة | القلم الناجح
روايات ليبيه كاملة

مرضي فراقك الحلقه 1 للكاتبة عيوشه ناصر كاملة

مرضي فراقك الحلقه 1 للكاتبة عيوشه ناصر
الحلقه1
هاجر شافتله من فوق ل لوطه وجبدت هيام وطلعوا
هيا:بالشويه
هاجر:اووف مبرده ي ناس
هيام:اي هللبا😂
هاجر:تعالي نمشوا لللمحل هداكا
هيام:به هيا
ومشوا
هاجر:شوفي محلاها
هيام:اي تهبل بناخدها
هاجر:خودي وانتي مخليتي شي الا وخديتيه
هيام:ههه😂بسلامتي لي نشوفه يعجبني
هاجر:اي خودي واشبعي توا لما بتتزوجي حسام بتقعدي تشوفي بس
هيام وقفت ف مكانها ورفعت عيونها ف هاجر وطلعت من المحل طول
هاجر: ووه اعطيني قصه ف لساني🙄💔
هيام تمشي وهي متعصبه ومكسوره ومش طايقه حد يحكي ع حسام بالطريقه هادي، مشتت للجردينه
وقعمزت ع كرسي وهي تفكر ف كلام هاجر،
:علاش كلهم هكي يشوفوله؟💔😭تعبت وربي تعبت حتي هاجر هكي قالت عليه من مزال؟
فجاءة سمعت صوت جنبها نحت ايدها من ع وجهها ومسحت دموعها وهي راسها لوطه
#:خيرك؟
هيام شافتلها:لاشي
البنت:مضايقه؟؟
هيام:قعمزي خيرك واقفه؟
البنت:اء به وقعمزت جنب هيام
البنت:اسمي آية ومدت يدها
هيام:وانا اسمي هيام وسلمت علاها
آيه:هيام فرج؟
هيام:اي😊
اية:😳😳تبصري؟
هيام:لالا خيرك مستغربه؟
ايه:متوقعتكش هكي ابداً
هيام ضحكت:كيف توقعتيني املا؟
ايه:متكبره وهكي
هيام:لالا،علاش بنتكبر
ايه:اها
وقعدو يهدرزو لن سمعو صوت سياره تبيب
ايه:بوك هداكا؟
هيام:لالا الشوفير
وخدت شنطتها وناضت:لازم نمشي توا فرصه سعيد وابتسمتلها ومشت♥️
ايه قعدت مركزه ف هيام لن مشت
سعيد:منهيا البنت لي كانت معاك؟
هيام تشوف ل روشن السياره:منعرفهاش اول مره نشوفها
سعيد:وكم مره تقولك امك معش تصاحبي حد متعرفيشي؟
هيام:كنت مقعمزه وهي جتني، بعدين كيف بندير صحبات كان متعرفتش ع بنات جدد ها؟
سعيد سكت
وقعدت هيام تتفرج ع الروشن
وقعدو ساكتين للن وصلوا
نزلت هيام ودخلت الحوش وطول ل دارها
غيرت حوايجها وقعدت تفكر ف كلام هاجر💔.
نزلت منها دمعه سخونه ع خدها
دخلت امها وشافتها تبكي
امنه:خيرك ي بنتي؟
هيام مسحت دمعتها طول وحطت راسها لوطه وسكتت
امنه:خيرك كنتي تبكي؟
هيام:لاشي
امنه:شن فيه؟
هيام:مفيه شي غير مضايقه شوي
امنه:من مضايقك؟
هيام:انتم
امنه:كيف ضايقناك؟
هيام سكتت
امنه:احكي من مضايقك؟
هيام:عادي تغيري الموضوع
امنه سكتت شوي :اي قوليلي؟؟
هيام:شن بنقولك؟
امنه:منهيا البنت لي قعمزتها معاها وهدرزتوا؟
هيام شافت ل باب الدار لقت سعيد واقف من بعيد واول ماشافها شافتتله مشي طول
هيام تنهدت:بنت اسمها ايه
امنه:وين تسكن؟
هيام:منعرفش
امنه:شن اسم بوها ؟
هيام:منعرفش🙄
امنه:اسم امها؟
هيام:منعرف شي علاها اول مره نحكي معاها راه
امنه:به لبسها واضح علاها من عائله حالتهم كويسه او لاء؟
هيام قعدت تشوف ل امها
امنه:خليك مع هاجر
هيام:وشن الفرق؟
امنه:بوها صاحب بوك وعنده شركات و…
هيام:وعنده معرض سيارات مش عارف وين وعندهم صحاب يسكنو البرا
امنه:اي و
هيام:ساددددد ساددد؛انا بنصاحب لي نبي وهاجر مهياش صاحبتي،اي انتم اقعدو شوفوا للمديات وخلاص ميهمش الشخص كويس او لا المهم عندكم الفلوس ولهه
امنه:اي ماه خايفين تصاحبي وحده طماعه
هيام:ههه💔طمع شن بالله عليك طمع شن؟؟
انتم الطماعين انتم!!
امنه تعصبت وعطتها كف👋
هيام حطت يدها ع خدها وقعدت تبكي وتعيط :اطلعي اطلعي وخليني ف حالي اطلعي
امنه متحملتش وطلعت طول
سكرت هيام دارها بالمفتاح
وقعمزت قدام المرايه تبكي💔وتتفكر ف كلام هاجر
شوي طق الباب
مسحت دموعها:ادخل
ماري:ع العشي عندكم ضيوف كوني مستعده
هيام:به
شويه لن رن هاتفها؛ابتسمت لما لقاته حسام♥️
حسام:اهلا
هيام:اهلين حسام كيف حالك
حسام:الحمد لله وانتي؟
هيام الحمد لله
حسام:شن اديري؟
هيام:شي مقعمزه ع سريري،وانت؟
حسام:كيف ماشي للخدمه
هيام:ربي يعاونك
وقعدو يهدرزوا
مرضي فراقك الحلقه 1 للكاتبة عيوشه ناصر
ايه:تعرفوا اليوم مع من تلاقيت؟
نجلاء:مع من؟
ايه:مع هيام
نجلاء:هيام من؟
وسن:قصدك هيام فرج😳
ايه:اي
نجلاء&وسن:تبصري😳؟
ايه:وربي
نجلاء:وين لقيتاها؟
اية:مقعزه ف الجردينه
نجلاء:بروحها؟
ايه:اي💔لقيتاها تبكي
وسن:علاش تبكي؟
ايه:سالتها مجاوبتش
وسن:تي كان زيها مستحيل تنزل مني دمعه، عندهم حوش كبير وشوفير وخدم وكل شي🤤حاسدتها
نجلاء:اي عايشين احلا عيشه
ايه سرحت شوي:متواضعه وطيبها حبيتها💙
نجلا ووسن:😂😂😂
ايه:خيركم؟.
نجلاء:متواضعه😂
ايه:اي ، خيرك؟
نجلاء ميته ضحك
وسن:اكيد وحده تانيه كذبتها عليك مش هيام هادي😂
نجلاء:اي واضحه اصلا وقالت لقتها تبكي😂هيام علاش بتبكي ترا؟ ي حسره
ايه شافتلهم بنظرة غريبه: متاكده هي اصلا شفت الشوفير
نجلاء:تلقي بوها قالت شوفير😂
اية: لا مستحيل، غدوه نمشو ل حوشهم نتاكدو!
نجلاء:لا مستحيل يزرونا لاباس
اية:علاش بيزرونا اللطف؟
وسن: كان حالتك زي حالتهم تدخلى كان هدا لا
ايه:شنهوا؟
نجلاء:زي ما سمعتي
ايه هزت كتافها: مش عارف لكنن بجديات نحكي
نجلاء:لاا مش هي
وسن تشرب ف القهوه:به شنرايك نمشو لــــ نفس المكان ونشدو البنت لي منتحله شخصيه هيام ، اكيد ببعطونا جائزه😍
نجلاء:اي حق فكره والله
ايه:زيدو احلمو زيدو🙄
وسن:انتي لي تحلمي وربي
ايه: به توا تشوفو
مرضي فراقك الحلقه 1 للكاتبة عيوشه ناصر
هيام:تعرف؟
حسام:شنو؟
هيام:انت احلا حاجه ف حياتي
حسام ضحك وسكت
هيام:معاك نحس بالامان وربي كان انت مش ف حياتي راه اشبح شن صايرلي
حسام:هههه😂 عاد بلا مبالغه
هيام:لا وربي ما مبالغه حقيقه
حسام ابتسم: يخليك ليا
هيام:وليا ي رب
حسام:تاخرت ع الخدمه،غدوه نحكو تمام؟
هيام:تمام يلا باي دير بالك ع حالك
حسام:وانتي ديري بالك ع روحك❤
وسكرت الخط وهي مبتسمه
هاني:هيام … هيام …
هيام:ايوه
هاني:تعالي
هيام:جايهه وناضت مشتله
هيام:نعم؟
هاني:بنسالك
هيام:ع شنو؟
هاني:ع منو مش شنو؟
هيام:بهه منو؟🙄
هاني: صاحبتك هاكِ!
هيام:من؟
هاني:قداش عندك صاحبه؟
هيام:معنديش🙂بككللللل
هاني:بنت صاحب بوك
هيام: هاجر؟
هاني:اي،مش صاحبتك؟
هيام:فوت الموضوع، المهم خيره؟
هاني:طرف😉؟
هيام:🤦‍♀️🤦‍♀️🤦‍♀️ ياربي صبرني
هااني: خير دعوتك؟
هيام:توا قاعد عندك دوه مع البنات؟ هااا؟؟
انت عارف ولهه؟
هااني:شنهوا لي عارفه؟
هيام:عارف انه كل وحده …
هاني: خلاص معش تكملي وطلع
هيام:🤦‍♀️💔 ياربي شن درت انا ولحقت خوها
لقاته راكب ف السياره
هيام:هاني شويه نحكي معاك
هاني شافله بنظرة توجع💔 وطلع طول
هيام قعدت واقفه تراجع شن لي صار وبعدين دخلت للحوش وطبعا ل دارها طول
قعمزت ع كرسي قدام المرايه فتحت شعرها وبدت تمشط فيه وتفكر: زعما لو حسام تقدملي بوي يوافق؟
مستحيل اهلى يوقفوا قدام سعادتي صح؟
قلبي واجعني ع هاني نا💔 مش ناقصه ونا زدت وجعته
هاني يسوقق وهوا متعصب ويتفكر ف كلام هيام💔ويخبط ع الدومان
مرضي فراقك الحلقه 1 للكاتبة عيوشه ناصر
ايه:اهني قعمزنا
وسن:قعمزي للن تجي
نجلاء:اي هي
وسن:هادا حوشهم صح؟
ايه:اي
نجلاء:قريب هلبا ، وعلاش شوفير يجاها
وسن:دلع ي كبدي وفلوس زايده
ايه:ترا اسكتي انتي وياها
وسن بصوت هادي: بدت معش اطيق فاها بكل
نجلاء:اي وهي مليهاش ايام تعرفها
ايه:اونها
وسن:اي حق هي
ايه دارتلها باي من بعيد
ردت علاها هيام واشرتلها انها شوي وجايه
ايه:قالت بتجي
نجلاء:انا لا اصدق🌚.
ايه:ايححح عاد وانتم مكبرينها تقول بنت الوزير
وسن:حاجه هكي🙂💔
ايه:🙄🙄
نجلاء:به فهموني وحده زيها علاش تبكي؟
وسن:اي، مرات حبيبها مزعلها
نجلاء:لالا كان هدا هاني لما ييريشه
وسن:قصدك عندهم ولد😍؟؟
نجلاء:اي يهبللل عيونه خضر وووه🤤
وسن:لازم نصاحبها نا😂❤لازم
نجلاء: بري ملحى هاني ليا نا
وسن:توا نشوفوا😉
نجلاء:نشوفوا
روايــــ🔥ـــات عــــيـــــــوشـّه نـــــ🔥ـــــــاصـــر
مرضي فراقك الحلقه 1 للكاتبة عيوشه ناصر
هيام خدت جاكيتها وجت طالعه
امنه:وين؟؟
هيام: طالعه نشوف الوردات ونسقيهم😅
امنه:مفيش داعى تالاء توا تسقيهم وتهتم بيهم
هيام:انا نبي نديرهم بروحي
امنه:مفيش داعى اتعبي روحك بنتي ارتاحي
هيام: لا انا نبي
امنه: تالاء بري معاها
تالاء:حاضر مدام
قعدت هيام تتمشي ف الحديقه لي قدام حوشهم ومعاها الخادمه “تالاء”
هيام:اسمعي بنقولك
تالاء:قولي نسمع؟
هيام:انا نبي نطلع للجردينه لي جنبنا فاها بنات وزي ما انتي عارفه ماما متخلينيش
تالاء:به؟
هيام:بنمشي وانتي غطي عليا
تالاء:لكن…
هيام:بالله عليك🥺
ساكته
هيام:بليييزز ع خاطري🥺
تالاء:لا منقدرش
هيام قعدت ادور بعيونها
تالاء:ع شن ادوري؟
هيام:ع حاجه نجرح باها روحي باش نقول شوفي ماما شن دارتلي تالاء
تالاء:😦😦
هيام:ديري زي ما قتلك املا🙂
تالاء:به به بري لكن ردي بالك يشوفك حد
هيام فرحت:شكرا ومشت طول
تالاء قعدت تشوف ل هيام وتنهدت وكملت لي ادير فيه
هيام قعدت تشوف ايمين ايسار ملقت حد قعدت تمشي ع روس صوابعها لن حست روحها خبطت ف حاجه
هيام قعدت ترفع ف عيونها شوي شوي
سعيد: وين ماشيه
هيام:شي كنت نلعب
سعيد:🤨🤨
هيام:بنطلع
سعيد:مفيش طلوع
هيام:انت مدخلكش ومشت
شدها من رقبتها
هيام نحي تخنقني
سعيد: مفيش طلوع
هيام: انت مكش بوي ولا أمي🙂
سعيد: امك موصيتني ندير بالى عليك
هيام:صار امي موصياتك
سعيد:اي
هيام:اي بهه بنطلع
سعيد:لا
هيام:🙂متاكد؟
سعيد:اي
هيام:تمام
سعيد:شن بديري؟
هيام:توا تشوف، وخدت تراب ف ايدها ولوحته ع وجه سعيد وطارت جري
وسن:جت
نجلاء:تجري
وسن:نمشي زعما نديرلها حباء
نجلاء:😂😂اكيده جنيتي انتي؟
وسن:اي🤤
نجلاء: اوف ريتني متكلمت وعرفتي بخوها
ووسن:الحمد لله تكلمتي
هيام:اهلا ي بنات
وسن:اهلين هيام تفضلى قعمزي شن جوك شن اخبارك
نجلاء:قعمزي ف مكاني
وسن:لالا مكاني احلا
نجلاء:لا والله مصارها ف مكاني؛ قوليلي شن جو قرايتك وجو ابلاتك والمدرسه ها؟، اكيده تقري ف مدرسه خاصه صح؟
هيام تشوفلهم ومستغربه
ايه حاطه راسها لوطه وتتكلم بصوت واطي: دارو العار
هيام تبتسم ومش عارفه ع اي سؤال بتجاوب
اية ناضت: خلاص عاد
وسن&نجلاء:😦😦
اية:😅سامحيني تعصبت منهم شوي
هيام:اءء ولايهمك😅
اية:كيف حالك اليوم
هيام:’الحمد لله وانتي
ايه:الحمد لله
وسن:قالت الحمد لله
نجلاء:اي وشن فاها؟
وسن:’تعرف ربي يعني
نجلاء:خيرك هبله انتي؟ شن متعرفش ربي يعني؟
وسن:’ما ديما العائلات لي هكي متفتحين هلبا وحتي ميصلوش
نجلاء:اييح علينا اسكتي ترا
وسن:بههه سكتت
هيام:عرفني بروحك اكتر؟
ايه:ايه صلاح😅 نقرا ف مدرسة ال###
هيام:حتني نقرا غادي
ايه:جديات؟
هيام:اي
ايه:لكن معمريش شوفتك غادي
هيام:’حتني مشوفتكش
ايه:اي توا نتلاقوا المره الجايه
هيام:اي ان شاء الله
وسن:قالت ان شاء الله
نجلاء ضربت وسن بمرفقها
وسن:’اه ها سكتتت
هيام:اي وانتم عرفوني بيكم
وسن:’انا وسن
نجلاء:وانا نجلاء
هيام:تشرفت بيكم
نجلاء: ليا الشرف
وسن:انا اشرف منك ومن عيلتك
هيام:😐😐؟؟
نجلاء:حشمتينا ي متع العار
وسن:من ابداعي ف الرد معش عرفت تقول حاجه
اية:🤦‍♀️🤦‍♀️حشمتنا
هيام حاولت تغير الموضوع: اي وين تسكنو
وسن:بحدا حوش جيرانا
هيام:’ووين حوش جيرانكم؟
وسن:جنب حوشنا
ايه خبطت راسها
هيام ضحكت بالسيف:دمك خفيف ههه🙂
وسن:شوفتي كيف عجبتها😌
نجلاء:اي والله دمها شربات
وسن:وحتي مكرونات
نجلاء:مضحكش ع فكره
وسن:مش لازم تضحكي،المهم حماتي تضحك،صح هيام؟وغمزتلها
هيام”هادي تعاكس فيا ولا شنو؟”:😄😄 اي اي
نجلاء:احم احم بنسالك
هيام:تفضلى
نجلاء:علاش تبكي؟ زعلانه؟
ايه:حتي انتي ي نجلاء؟
هيام:نبكي؟
نجلاء:اي، كان عندك مشاكل عادي راه نساعدك😌
هيام:امتى؟
اية فنصت فاها
نجلاء:اءء مش قصدي علليك نا، قصدي ع السماء
هيام:؟؟
نجلاء:اي متشوفيش فاها تبكي؟ المطر هي دموع السماء
هيام ضحكت مسايره وخلاص
اية:هي نروحوا بنات وقت ع الكورس
وسن:معندن….
اية حطت يدها ع فم وسن : هي باي نتلاقوا يوم تاني
هيام:باي
ومشوا كل واحد ف طريق
هيام قعدت تتفكر ف كلام وسن وتضحك
اية طايحه فيهم هزايب: هكي معقوله؟ حشمتوني
وسن: قالت دمي خفيف😊❤ عجبتها
اية: انتي بذات اسكتي
حماتي وترا شن
نجلاء: زودتها
اية: لا وانتي ماشاء الله🙂؛ توا تقول هادي ترفع ف الدوه
وسن: ان شاء الله تجينا زيه هوا لا ترفع لا تجيب الدوه👏👏
اية:😒😒 وفاتتهم
وسن: وجههك خ نمشي نحط ماسكات ونهتم ببشرتي😌من اهني للعرسي لن بديت واتيه
نجلاء:😂😂 بري احرقي وجهك
ومشوا كل واحد ل حوشه
روايــــ🔥ـــات عــــيـــــــوشـّه نـــــ🔥ـــــــاصـــر
____________________
هيام وهي ماشيه تلاقيت هي وحسام❤
كانو يسكنو قراب من بعض بيناتهم شارع
هيام:حسام❤
حسام:عيونه
هيام:استاحشتك وحظناته
حسام:ههه حتني❤
هيام:مش اكتر مني
حسام: للا عاد
هيام: لا انا اكتر
حسام:به ابعدي خير ميشوفنا حد وتصير مشكله
هيام بعدت وهي متوتره: اي عندك الحق
حسام:اي قوليلي
هيام:شنو؟
حسام:كيف طالعه اليوم؟
هيام:هربت😂
حسام:يحليلك
هيام:عادي
حسام: به انا تعبانن توا بنمشي للحوش
هيام:اوك باي
حسام:متزعليش ، تمام؟
هيام:لا عادي باي
حسام:باي
وكل واحد ل حوشه
هيام وقفت قدام حوشهم وتنهدت بحب❤ وغمضت عيونها للحظات وفتحتهم:😳😳
سعيد: من لي كنتي معاه؟
هيام: مم مكنت مع حد انا
سعيد: مع من كنتي؟ جاوبي
هيام: برووحي كن كنت
سعيد:منهما التلاته؟
هيام: اء قصدك ع البنات اء
سعيد: ليش شن كان فيه شباب؟
هيام: لالا مش هكي قصدي😅😅
سعيد: احكي؟؟
هيام: الضيوف قريب يجو بنوتي روحي تاخرت باي ومشت طول
سعيد قعد يشوفلها
هيام: اووف بعد شوي انفضحت
امنه: نفضحتي
هيام:وانتم خيركم زي الاشباح وين ماشيه نلقي فيكم ف وجهي
امنه: وتي روحك بسرعه
هيام: هاني روح؟
امنه: لا ع الطريق
هيام: اه به
امنه: علاش شن فيه؟
هيام: ولاشي
امنه:به فوتي ل دارك وتي روحك قريب يوصلو
هيام:به ومشت
دخلت ل دارها ولبست بلوزه حمراء❤مع سروال ابيض وبوت احمر ف الابيض 🤍.
وخلت شعرها مفتوح
طق طق
هيام:نعم؟
الخادمه:وصلو الضيوف
هيام:جايه
ولبست السواره لي جايبها حسام ع حرف H❤.
لبستها وابتسمت: احلا حاجه نلبس ع حرفه وهوا نفس حرفي😂❤؛ المهم خ نطلع بلاش منتاخر ونقعد ف سؤال وجواب، وطلعت.
سلمت ع هاجر بدون نية وسلمت ع امها واختها
وقعمزت جنبهم
هاجر: شنجوك هيام
هيام بلانيه: تمام
هاجر شافتلها وسكتت
فتحيه: اي زما تعرفي اليوم علاش جايين
امنه: اي اكيد
فتحيه: ……………..
هيام:لاااا😳😳.
ونعتـــذر لو فيــه اخطــاء املائيــه
يتبـــــع💗 》》》
 

لمشاهدة جميع اعمال الكاتبة: روايات عيوشه ناصر

لمتابعة اهم واخر الاخبار : القلم نيوز

اترك رد

زر الذهاب إلى الأعلى