مكسورات الجناح للكاتبة عبير الحياة الجزء الرابع | القلم الناجح
روايات فلسطنيه

مكسورات الجناح للكاتبة عبير الحياة الجزء الرابع

جميع حقوق الطبع والنشر محفوظة

الجزء الرابع
ام سام : وقفي لا تتطلعي هيك حطي هاي كمان عليكي
نورسين: ماما كثير البست
ام سام : معلش الجو برد كثير برا
نورسين: حاضر ماما يلا انا رايحة
ام سام : الله معك يا عمري

ام سام قاعدة عم تشرب قهوتها وكل تفكيرها بنورسين
(يا رب كون مع بنتي …يا ترى صح يلي عملته….)
ابو سام : شو عم تحكي مع حالك
ام سام : ……….
ابو سام : لك انتي شو صاير معك شو مخبية
ام سام :…….
ابو سام : انتي العيشة معك ما تنحمل
ام سام : عن قريب بتخلص منها
ابو سام : شو قصدك
ام سام: قصدي عن الاسرار يلي عندي و عند غيري
ابو سام (بتلبك): انا رايح احسن اشي
ام سام : احسن شي
________________________ بالدار…..
عم بتفتش المكان بعيونها لليوم الثاني بس ما في امل مش موجودة
(وين بدها تكون اختفت في سر ولازم اعرفه اساسآ هالدار كلها اسرار)

ابتهال: عم تحكي مع حالك
نورسين(بعقلها اسألها عن عهد لأ ما بدي اساسآ انا ما ارتحت الها): لا ولا اشي عم شوف كيف الطقس و مو عارفة من وين بلش اليوم
ابتهال: الجو بدل على عاصفة اليوم لازم تخلصي شغلك بلا ما تعلقي هون
نورسين: وهو هيك
ابتهال: عندك جنى هاي البنت اجت عالدار من الملهى روحي اعرفي قصتها
نورسين : اي تمام ماشي

امشيت بين الطوابق ولاول مره بالمكان بسمع صوت اغاني لحقت الصوت لحد ما شفت صبية عم تتمايل على انغام الموسيقي بكل احترافية

نورسين: رقصك حلو
جنى: اي بعرف الكل بحكيلي هيك ..انتي يلي اشتغلتي عنا هون
نورسين: اي انا
جنى: واكيد جاي لحتى تعرفي قصتي
نورسين: اكيد ازا انتي بتحبي طبعآ
جنى: من وين بتحبي بلش
نورسين: من مطرح ما بدك المهم تكوني مرتاحة

جنى : راح احكيلك قصتي بس بدي منك وعد
نورسين: بوعدك بس بشو
جنى : قصتي بدي تصل لكل الناس كرمال تكون عبرة لو بسيطة الهم
نورسين: ان شاء الله

جنى : قصتي مثل أي بيت الفقر موجود فيه ابي كان بشتغل على باب الله وقتها قررت اني اترك المدرسة واساعد امي
امي: مستحيل هالشي بدك اتكملي تعليمك
جنى: بس يا ماما انا اكبرت ولازم اساعدك انتي عم تتعبي بالشغل بالبيوت
امي: بكره بس تتخرجي راح اتعوضيني
جنى : ان شاء الله راح تكوني فخورة فيني ،،،،،

واستمر معانا هنا بالفقر و التعتير لحتى اتخرجت وأخذت شهادة دبلوم تجارة …

وقتها قررت اطلع ادور على شغل كرمال ساعد ماما……
نورسين : ليه سكتي ؟؟؟
جنى : دورت كثير على شغل ولقيت محل لبيع الملابس..
صح كان الراتب قليل بس كان سنداً لأمى،،،،،

بعد حوالى شهرين طلب منى صاحب المحل أني ابعثله إيراد المحل على البيت لأنو انا كنت آخر حدا بسكر المحل ما كنت بعرف انو هاليوم بداية الشقى لحياتي
نورسين : ليه شو صار بهاد اليوم
جنى : يلي صار باختصار انو اعتدى علي
اطلعت من عنده حاملة خبية امل و مصيبة
اسودت الدنيا فى عينى حاولت معه كثير انو لازم يصلح يلي عمله وانو لازم نتزوج بالاول وافق يمكن خوف من الفضيحة بس بعدين صار يتهرب مني واخر شي عمله طردني من المحل….

خفت أنو أحكى لامي عن يلي صار هي مو ناقصها تعب وهم جديد
صرت اطلع ادور على شغل وما كنت القي لحد ما فقدت الامل كانت امي اتهون علي وما اتحسسني انها تعبت وبحاجة مساعدة

وبيوم اجت لعندي ابتسام حكيتلها شو صار معي وقتها حكتلي : ولا يهمك هنشتغل مع بعض..

بصراحة افرحت كثير اني راح اشتغل ، ما سألتها عن طبيعة الشغل…
بس ماما لما عرفت انو الشغل عن طريق ابتسام ما ارتاحت
امي: ما اختلفنا انو شغل بس لازم اعرف شو نوع هالشغل
جنى : لسى ما بعرف خليني اروح لحتى اعرف عالاقل
امي: ما بعرف بس انا مو مرتاحة لاي شي عن طريق صاحبتك هاي
جنى: ليه شو شفتي منها خلص ماما ازا ما عجبني الشغل ما راح كمل
امي : على خير يا رب انتبهي على حالك
بس اتفاجأت لما طلبت مني اروح على شقة فيها شب ناطرني كرمال علاقة
بالاول رفضت بس بالاخير وافقت و رحت اخ يا ريتني ما رحت
نورسين : ليه شو صار وقتها
جنى : اول ما دخلت على البيت الشرطة داهمت المكان واخذوني
نورسين : وهيك اجيتي لهاد المكان
جنى : لما انمسكت وصل الخبر لاهلي ابي ما اتحمل الخبر صابته جلطة و مات….
امي وقتها اجت عالقسم وخبرتني انو بسببي مات واني اطلعت مو قد الثقة و اتبرت مني وما عاد سمحتلي ادخل عالبيت،،،ارجعت للشارع ما اعرفت شو اعمل غير اني ارجع لعند ابتسام ومن وقتها صرت من ملهى لملهى ..من بيت لبيت…. كانت اوقات تصير مداهمات من الشرطة اوقات اقدر اهرب و اوقات انمسك هيك ضلت حياتي لحد ما اجى يوم كنت طالعة سهرة عند شب …..
نورسين: لا تبكي ازا بتحبي بنكمل بعدين
جنى : لأ خليني احكي وارتاح
الشب يلي رحت عنده كان اخي لما شفته انصدمت ما اعرفت شو اعمل هربت ضليت اركض بكثير شوراع واخي يركض وراي للحظة كنت راح اوقف وارتمي تحت رجيله واخليه يغسل عاره ويرتاح …… بس لما وقفت شفت هالدار دخلت اتخبيت فيها ومن وقتها ما اطلعت
نورسين: لو صحلك بيوم تتطلعي شو راح تعملي
جنى: ههههههههههههههه
نورسين: ليه عم تتضحكي
جنى: لانو يلي بدخل هالمكان ما بطلع منه
نورسين: ليه اكيد راح يجي يوم الكل يطلع هالدار هي امان للبنت
جنى : انتي ما بتعرفي شي هالدار مثلها مثل غيرها عبارة عن مستنقع بسلب كل شي من البنت و بجردها منه
نورسين: ما عم افهم عليكي
جنى : راح تفهمي بالوقت المناسب وازا حابة تعرفي اكثر روحي لعند فاطمة
________________________
اطلعت من عندها وبراسي مية سؤال شو كان قصدها انا لسى شو عم يستناني بهيك مكان….
صرت عم حس وجودي بالدار مو صدفة انا اجيت لهون لهدف بس شو هو وشو لازم اتصرف

وانتو كمان شو ممكن تتوقعو يكون في أسرار بالدار
الاسرار راح اتبلش تنكشف سر سر من سر الدار لسر الكتاب وام نورسين تابعوا باقي الاجزاء

.

اترك رد

زر الذهاب إلى الأعلى