هُن القوه الحلقة الاولى للكاتبة فاطمه سالم الورفلي | القلم الناجح
روايات ليبيه كاملة

هُن القوه الحلقة الاولى للكاتبة فاطمه سالم الورفلي

جميع حقوق الطبع والنشر محفوظة

هُن القوه الحلقة الاولى للكاتبة فاطمه سالم الورفلي

#هُن_القوة “الفشل صنعني”
الحلقه :الاولى
بقلم :فاطمه سالم الورفلي
…………………..
…………
بينمـا العصـافير تزقزق… والنـاس تقهقه وتمرح وتسرح…. الا انه هناك بيوت في داخلها اسرار وحكـايات مأسـاويةه… ومن بين هذه البيوت… “هناك اربـع بيـوت.. وبين كل بيت شارعيـن وفي نفس القبيلـةه….

عنـد كفايه ….
الجيـران ملتمين ومدايريـن كوكش عليا وخالتي وحناي وامي ويكشكو

خالـتي ” بنينـه:يا ام صوابع تقول شماعي جيتي للحنة تداعي

حناي “مسعوده”:يا مبروك عليك الكرسي ان شاء الله كيف خواتك ترسي

عزيزه ” عمتي”:عروسه كركار الجداد جعن جيبتها غير ولاد

مسعوده:يا مبروك على غاليتي حطيتك وين تهنيتي

امي ” جفول”:الباهي ما نوصيك حليب من امك راضعتيه

بنينه:كانك جيتي للخالات سلاسل فضه مطبوعات

عزيزه:يا جفول سلمك ربايه في شارع ما هي صبايه

……
وقبلتني حناي مسعوده وسبعتني وقعدو يحنو فيا وبعد كملو قعد لي يروح يروح ولي قعد صاحباتي وبنات خالاتي وخواتي…

غزيلين “جارتي “:اسمعو مبكري ما درناش جو ولا خدينا شوط خلي نغنو!

اني عقدت حواجبي:لالالا راسي انتشف خلاص اهفتوو

غزيلين :هممم به اسمعي بنغنو اغنيه سمحه خوالي يغنو فيها

اني زفرت وشقلبت عيوني وقلت ببرود:شن هي!

غزيلين قعمزت ربعت رجليا وابتسمت :اسمعو بس ولي نعطيها التليفون تكمل وين ما وقفت

الكل بي اصوات متقطعة :به…. اوك… ابدي هي

غزيلين تنحنحت :يما ديريلي شنبير ولبه يما واعطيني الراجل لنحبه 🤤يما هيي شنبير ولبه️…. “وشبحت جنبي وعطيت التليفون لي سلطانه جارتنا.. ”

سلطانه خدت التليفون وشبحتله وقالت :يما ديريلي حولي زيتوني يما واعطيني لي نور عيوني❤️
يما ديريلي حنّـةة سعوديةة يما وزفيني عروسـةة لغاليا ❤️يما هيي حنه سعوديه… “وابتسمت وعطيت التليفون لي فوزيه ”

فوزيه :يما دريلي خاتم وحديده وعطيني الراجل اللي نريده ❤️💍يما هيي خاتم وحدييده
يما ديريلي خطين حرير يما وشديني من الفرحه نطير ❤️
يما ديريلي حولي حقاني يما واعطيني لي راجل براني❤️….. “وقعدنا نتبادلو بين بعضنا ”

كريمه “اخت كفايه “:يما ديريلي قرنين ولبه يما وعطيني لحد نحبه ❤️يما هيي قرنين ولبه
يما ديريلي صيغه سعوديه يما وعطيني عروسة لغاليا ❤️

مدللة ” اخت كفايه “:يما ديريلي خاتم ودهب يما وعطيني لناس عرب❤️
…….
” توا خلي نستعمو لي باقي الاغنيـةه…

يما ديريلي ردي الحرير يما وعطيني لراجل مدير❤️
يما ديريلي حولي بناني يما وعطيني لراجل براني ❤️ يما ديريلي قرنين وحوتة ❤️واعطيني للوسطي ف خوته 🥺🙊
يما ديريلي شنيير ولبه واعطيني لراجل لنحبه❤️
يما ديريلي حنة ف قدامي 🥺❤️ واعطيني ل زين ولادبراني❤️
يما ديريلي حتى خلال يما دريلي دريلي دولاب مهني وعطيني لراجل وتهني
❤️يما دريلي دولاب ماعين وعطيني لراجل لعين ❤️
يمادريلي غرست عنب وعطيني لراجل لحب 😁
يما ديرلي ♥️
ديرلي علي القدم العالي 👏🏻♥️
هي علي القدم العالي♥️👏🏻
واعطيني لواحد براني♥️👏🏻يما ديرلي حولي بطاطي واعطيني الراجل مصراتي🤤♥️👏🏻

يما ديرلي ديرلي حديدة الأميرة حديدة الأميرة …..واعطيني لسمح السيره 💙
يما ديري خاتم فيروزي .. واعطيني لي راجل بتلوزي (يعني راجل انيق)
يما ديريلي حزيم شطاحي .. واعطيني لي راجل وارتاحي
يما ديرلي حولي حقاني هييي حولي حقاني 😍حولي حققاني واعطيني لراجل صرماني 😘
يما ديريلي حزيم شطاحي ..واعطيني لراجل وارتاحي .
يما ديريلي عالكعب العالي ..وشديني لا نطيح لتالي
يما ديريلي فوطة وبلوزة..
واعطيني لراجل ونحوزه
يما ديريلي صبعين بسيسة..واعطيني لراجل ونقيسه
يما ديريلي خطين حرير ..وشدسني من الفرحة نطير
يما ديريلي حولي ياجوري ..
واعطيني لراجل تاجوري
يما ديريلي دولاب مهني ..
واعطيني لراجل وتهني .
يما ديريلي قرنين وحوته…وعطيني لي زينة خوته
يما ديريلي حديدة الاميرة …وعطيني لسمح السيرة
يما ديريلي خلال ذهب واعطيني لناس عرب😂
يُما ديريلي دُبلج وحديده وأعطيني لي زُول حمـيده
يما ديريلي ديريلي شنبير ولبه شنبير ولبه واعطيني لراجل لـ نحبه ❤️
يما ديريلي حولي حقاني حولي حقاني
واعطيني لراجل براني 😍
يمة ديريلي حولي حقاني حولي حقاني يمة واعطيني لراجل غرياني
يما ديرلي حولي حقاني حولي حقاني و اعطيني للورشفاني.
تهبل قداش نحبها ♥️
هُن القوه الحلقة الاولى للكاتبة فاطمه سالم الورفلي

غزيلين رن تليفوني ابتسمت ورمشت رمشتين وقلت بعفويه :توا بااي توو باااي

سلطانه بأستعباط :ليش!

غزيلين شبحت لي جيهة خوات كفايه وغمزتلها ودرت بيديا قلب…

سلطانه رفعت حواجبي وابتسمت :اهااا باهي به توكلي ياحنه

غزيلين قعدت نرقص ونغني:وحن عليا يا عاليا نمشي لي حوش غواليا

فوزيه تكشك:هاهاها هابا عليهم هابا

غزيلين :يلا باااي كربوجاتي

….
ومشت غزيلين قعدت نشبح لي فوزيه وسلطانه ونشبح لي مدللة وكريمه نبيهم ينوضو..

فوزيه بلطف :حبيباتي دلول كوكي امشو ديرولنا حاجه ناكلوها قبل ما نرقدو

مدللة :بتباتو!

فوزيه ابتسمت :اي حبيبه

مدللة :به هي كريمه نمشو

كريمه مطت شواربها بأستياء وقالت بتنتوير:اففف به باه

….
ومشيو…

فوزيه التفتت وعقدت حواجبي :اففف مابعدك منهن وخلاص حلوفات

اني تنهدت:مدللة كويسه كلا هالكريمه ياودي وجوده ظليمه واسمها ماليشي قيمه

سلطانه ضحكت :قويه هدي …”وتلاشت ضحكتي وكملت بنبره جديةه”….غر توا خلينا في المهم… يا كفايه الكوم واحد حلوف وشيطان رجيم كيف وافقتي عليه بسس

اني غمضت عيوني بحسره:دارها فيا بوي لجنى الكوم هدا يكون قريب بوي فهمتي

فوزيه :اسمعيني شوفيني اني قريب نطق ال40 ترا قولي ليش؟… لانه مافيش واحد احترم افكاري كل واحد يقول لي في سبب اوقح من فعله حتى… تعرفي خطيبي ليش فسخت منه على رغم كويس كا اسلوب وخدمه ومداير صيور على روحه لكن المنطق عقيم عنده…. تعرفي لما قتله نبي نمثل قعد يضحك ولا ياريت غر هك وبس عارفه شن قال لي؟… قال لي لا ولما قتله ليش؟ ….تخيلي شن قال … قال التمثيل فيه رقيص وحاجات مخله للادب!!!… ادا هو يشوف في اشياء محتواها مش كويسس!… يبقى اني شن ذنبي

سلطانه هزيت راسي يمين ويسار وقلت :اني مش عارفه التفكير المحدود والجهل هدا لعند وين بيوصلنا!… الجهل مش عيب بس العيب لي العناد ولي مش راضي يسمع لحد

اني تنهدت :اييييه لامتى يااعين بالكمامه

هُن القوه الحلقة الاولى للكاتبة فاطمه سالم الورفلي
وعلى كلمتي هدي خشت مدللة بصفرة وكريمه معاها سبات الخبزه… وقعمزن…

اني ضحكت :توا كيف بناااكل!؟

غزيلين شهقت:خيااانه خزييي

فوزيه تاكل :غر اهدي بسس توا كيف حطينا الصفرة تعالي كولي

غزيلين جيت وقعمزت ناكل خوه على بوه

اني :وكلووونيي

سلطانه خديت خبزه وغمستها في التن والتفتت لي كفايه :هيا يابيبي هممم

اني ضحكت :خزي حيوانه

سلطانه حطت الخبزه في فمها:مالا ملحي مدام اني حيوانه

اني عقدت حواجبي:وكليييني ياابااارده

سلطانه ضحكت :به بس قولي اسسفه

اني :اسووفه

سلطانه خدت خبزه تانيه وغمستها في التن والهريسه :هممم هيا هيا كغا بيبي كغاا

اني ضحكت وفتحت فمي وقعدت نضمغ وشوي عيطت :حيوواااانه شن حطيتيلي

سلطانه ضحكت :مش قتيلي حيوانه!… تو نوريك قاعده تقولي فيها ولاا

اني :الا ما تنخطبي ويحنوك الا ما ندير فيك الويل هاتي مايه هااتي نحرقت

فوزيه ضحكت واني ناكل:دلول نوضي جيبي مايه بالله

مدللة تضحك وبعفويه قلت:احسن ما دارت فيك يا كفايه

كريمه استحلتها في كفايه :احسنن لانك ما رفعتينيش للحمام بخاري

اني :خزي معفنات خزييي كنت بنحجزلكن عند الهاديه

مدللة شهقت :حقااا؟

اني برفعه حاجب :لكن غيرت رايي امشن هيي

مدللة :به نجيبلك مايه ترفعيني

اني نحرقت وقلت بمكر:تو نشوف

…..
ومشت تجري مدللة فريره… وقعدنا نضحكو وما هي الا لحظات وجايبه مدللة مالقي مره وحده 😂

اني شهقت :امتى لايمتي تعبيه العفو

فوزيه ضحكت :غر يا سويدتي ارفعيني

مدللة :خزي عليكن باردات والله خاطري فيه الحمام

اني قعدت تشرب فيا سلطانه ولما حولت مالقي سلطانه قلت بمكؤ:اممم باه تو نرفعك بس كان جبتي في الصحيفة درجه كويسه ره لكن انتي بسسس

كريمه عقدت حواجبها :هاها ما نبيه جميلك سلم خالتي بنينه يا حنه رفعتني لحوشها ودرت الصاونه

مدللة ضربت كريمه برجلها :وليش ما قتيلي

كريمه :مافيش داعي نقولك

….
وقعدنا ناقر ونقير لعند رقدنا… ونضت الصبح… جو خالتي وامي وعمتي حولولي الحنه بالكواشيك ودهنوني بالزيت…. وفطرت… ومشيت بعدين للمزين مكيجتني ولبست الردي وحزمتني المزينه وجاني بابا رفعني للخيمه…. وقعدت نستنى لعند جي الكوم وماباش يخش… طلعتله وركبنا وجي ورانا الموكب سيارات… وخشينا للحوش واستقبلوني اهل الكوم… بس جتني مراه قعمزت جنبي وسلمت عليا… وصدمتني بي لي قالاته لا على الخاطر ولا على البال..

مراه :انتي مرت الكوم؟

اني ابتسمت :اي ان شاء الله…

مراه :اها بس شكلك ما تندريش بأنه….. يتبع

هُن القوه الحلقة الاولى للكاتبة فاطمه سالم الورفلي
…..
عند مدللة :

مدللة قعدت نبكي :مشت عني غاليتي اول مره تبعد عني اول مرره

كريمه شبحتلي وطنشت وقعدت تاكل

غزيلين عصبت من حركات كريمه والتفتت لي مدللة واضبطتها :معليشي دلول تو تجي هي وتبات يعني مش ح تبعد عليك حبيبتي

مدللة :ولو مش كيف قبل… مش ح ترقد جنبي وتفليلي شعري لعند نرقد وتقريني وتهدرزلي وتسمعلي مش كيف مش كييف

غزيلين :اهو اني معاك وكل عشيه تعاليلي نهدرزو زي قبل زي تالي عادي دلول عاد امسحي دموعك

مدللة مسحت دموعي وخاطري تجيني كفايه :مش قادره نستوعب وحق ربي

غزيلين :عادي هي هك هك ح تتزوج ويا اما انتي ح تتزوجي وان شاء الله تتزوجي يعني هي هك الحياه

مدللة :متعوده عليها مش عارفه كيف بندير بلاها

غزيلين :معليشي معليشي عاد مفروض تفرحي واهو بعد كم شهر ان شاء الله تقعدي خالة وتتزوجي وتمشيلها وتجيك وهي هك الدنيا خلاص عاد

مدللة برجفه:ان شاء الله ربي يهنيها

غزيلين :ان شاء الله حبيبتي … هي امالا تصبحي على خير حبوبه

مدللة :وانتي من اهله

غزيلين :تو غدوا نجي نعاونكم غر ليوم جايينا خواتي

مدللة ابتسمت :معليشي حبيبتي عادي مش مشكله

غزيلين :ماشي هي سلامات هيا يا فوزيه وسلطانه

فوزيه وسلطانه يلبسوا في الاوشحه…وبأصوت متقطعة قالن:هيا هي..مع سلامه دلول… باي دلول

مدللة :سلام

……
وطلعت غزيلين من هنا وقعدت نحوس ونبكي وشوي نسكت وكل شوي نخش للحوش نحساب كفايه نلقاها… ومرات نسهى وبنجي بنادي على كفايه نتفكر انه خلاص مشت💔… لعند كملت حوسه الخيمه وخشيت داخل لقيت خالاتي ياكلن وبنات خالاتي يغسلن في كازانات والمقفول… خشيت عنهن لداري ورن تليفوني لقيته الحب “هاشم ”

اني بتنهيده :ايوه هاشم كيف حال

هاشم :اهلين حبي تمام وانتي شن جوك

اني :الحمدالله…

هاشم :هممم به قتلك امتى بتبعتيلي صوره واكيد توا لابسه قفطان واخد منك حته 😗

اني تقززت ونصدمت:هاشم خيرك

هاشم :خيرني العفو شن قلت!.. حبيبتي ومن حقي نشوفك بي كل حالاتك

اني :قصدي اني مضايقه وانت تبي صوره وابصر شن

هاشم :هههه تو بتكدبي عليا اني؟.. تي مدايرين عرس وقيطون قالبين بيه القبيله وتقوليلي مضايقه!

اني قلبت عيوني :استغفرررالله…. هاشم خيرك؟

هاشم :شيي ما خيرنيش؛ ومانبيش منك شي خلاص بااي

اني نصدمت :هااشم!!

….
وصكر عليا الخط وقعدت نعاود عليه ويصكر عليا… لين جاني اشعار رساله من الواتس… فتحته الواتس لقيت رساله من هاشم… فتحت الدردشه لقيته كاتب…

هاشم :ماتلزمينيش بما انك مش واتقه فيا بايي..

اني نعصر قلبي وقعدت نرعش ونبكي.. كتبت له:هاشم خيرك؟…. طول جاني seen … زمطت ريقي ومسحت دموعي… وكتبت :معقوله عشان صوره تفوتني؟…. شافها رساله وما ردش….معاش عرفت ما ندير فتحت الاستوديو لقيت صورتين مبكري مصورتهن بعتتهله… شافهن وماردش… قعدت نبكي ونرعش… قعدت في حاله ضعف.. لاني محتاجه حد نحكي معاه ومش ناقصه نخسر هاشم لاني نحببه… معاش عرفت ما ندير… فتحت التسجيل وقلت بصوت فيه رجفه ونبكي :هاشم بالله عليك ما تسيبنيش مش قادره نستوعب انك بتسيبني…. وبعتله الفويس لقيته seen وشفت “جاري الكتابه ” … فرحت وقعدت نرعش بس برسالته هدي دمرتني وكان كاتب ” ….. يتبع ” …

هُن القوه الحلقة الاولى للكاتبة فاطمه سالم الورفلي
….
عند غزيلين :

روحت للحوش لقيت خواتي كلهن يهدرزن…. سلمت عليهن وجيت قعمزت بجنب اختي غاليه….

اني :غاليتي

غاليه ضحكت :هممم يا مصلحجيه

اني ضحكت :غر احكيلي بس كيف حال ماي لوف بتوعي

غاليه :ماهو تحكي معاه اربعه وعشرين ساعه شن جد عليك!

اني رمشت رمشتين بطريقه هبله :بااليز غلوش

غاليه بخبث :هممم به حاله كويس ياحنه بسس…

اني فتحت عيوني بلهفة :شنووو قوليي

غاليه :امه ياحنه تخطر له وتبي تخطبله شدي الهمه عاد

اني عيوني قلوب قلوب :كيف ندييير؟

غاليه :هممم اسبوع جاي ياحنه عرس خوه شن رايك تروحي معاي وتحضريه

اني ابتسمت ودبلت عيوني:يارووحي قلبي انتي باليز قولي لي ماما 😢

غاليه ضحكت :لي يقدرك يكلمني يا معفنه

اني :غاليتي باااليززز 🙃

غاليه :تي باهي يا معفنه به تو نقوللها

اني:توااا

غاليه :ياودي باااه

اني :هيا هيييي اهي جت قعمزت بحداك

غاليه :بااااهييي

امي :خيركن شني في!

اني حطيت ايديا على وجهي 🙈وغاليه ضحكت…

غاليه :ياحنه خلي غزيلين تروحي معاي نبيها تساعدني

امي :هممم يا ودي تشاور بوها قبل

غاليه :العفو يام تو بوي شن بيقول على حوشي

امي :هدا هو ماه بحكم انتي يابنتي ساكنه مع عربك

غاليه :همم باه يام به

….
وروح بابا وشاوراته غاليه وقاللها به بعد جهد جهيد🙂…..وجي راجل غاليه..و وتيـت دبشي وروحت معاها بدون ما نقول لي اسماعيل “الحب “… ودرنا سفره اني وغاليه… و رقدنا … وفي الصبح اتصل بيا اسماعيل واني راقده نضت على اتصاله..

اني بصوت ناعس:ايوه

اسماعيل :ايوه ياروح روحي مستااحشك

اني نضت قعمزت وابتسمت :هلبا؟

اسماعيل :اي هلباا فوق ما تتصوري

اني ضحكت :انت وين ترا؟

اسماعيل :في الحوش بس ليش تضحكي ؟

اني :همم به ترا تعال بحدا دار الشرقيه

اسماعيل ضحك:وليش في هالنو اللطف

اني :تي غر تعال ومش ح تندم

اسماعيل يفتح في الباب:به اهو بنطلع توا

اني نضت خديت وشاحي لبسته وخديت روج درت منه شوي وحكيت عيوني من العمش:بااه

اسماعيل :اهو اني بحدا دار الشرقيه خيره؟

اني فتحت الروشن وقعدت نشوفله ونغني :الروشن على روشنه والعقل غادي منه

اسماعيل التفتلي وضحك :امتى جيتي يا هبله

اني ابتسمت :امس

اسماعيل :من امس وما قلتيليش؟

اني :مفاجئة ليك عادي

اسماعيل :هممم واحلى مفاجئة على هالصبح

اني برفعه حاجب :زعما ؟

اسماعيل :يا نعلي وخلاص من هالتبسيمه

اني ضحكت :اسمها يا حليلي

اسماعيل :الي هي المهم ليوم مافيش شي يلخبط جوي اكتر ما تلخبط

اني :اممممم للاحسن ولا اسوء تلخبط

اسماعيل :للاحسن يا عسل

…..
وعلى الكلمه هدي شفت شي صدمنييي….. يتبع
…………..
……
عند فوزيه :

روحت مع غزيلين وسلطانه… وترفقنا في الطريق وكل وحده خشت لحوشها… واني خشيت لحوشنا لقيت امي ادير في الصخابات…

امي :اهلين يا حنه كيف طلعت صاحبتك

اني قعمزت :اخخ يا رجيلاتي… سمحه تقول ايش…

امي :باهي لعقبالك ان شاء الله

اني :ان شاء الله

امي :به مالا نوضي ابرميلي هالكسكسي

اني :ايييح يما والله ماهو وقته هي

امي :اففف باهي به …. غر اسمعي مبكري كلمني بوك وقال في وحدين يقولولهم عيت البرنوص و يبوك لولدهم وشاوري روحك قبل ما يرد عليهم بوك

اني :يام اني نبي نكمل الماجستير ونسافر ونستقر لاني بجد نشوف الزيجه لا تقدم لا توخر خصوصي في الوقت هادا مش مفكره في الزواج نهائي لدالك انهيلي هالسيره… مهم قتلك عندي طلبيه حار وحلو

امي :به باه غر توا يابنتي يهديك الهادي وزيدي فكري وبري ارقدي والصباح رباح غر اشري تمر المعجون غدوا باش نديرو مقريضيات لعيت خالك

اني :ساهل ساهل

….
وخشيت الحمام حشاكم توضيت وصليت العشي ورقدت… ونضت الصبح توضيت وصليت الفجر ولبست عبايتي ووشاحي طلعت لمحل لي جنبنا شريت منه تمر معجون وباكو عصير وروحت… عجنت عجينه المقروض وحطيتها في سطل الزبده….ودرت الفطور وفطرنا وغسلت الماعين وبديت في الطلبيه مقروض وفاتحه اغنيه محمد حسن “طق العود ”
طق العود وطق مقاسه
سمح لباسه مبرك يوم توافق ناسه
وجت قدامي جوف جديدة عين الدامي كبرة عين
وصرة ميامي فوق خدود كما الوناسة
متمنيها بنت عمامي وانا في وسط العراسة
وجت تدنى ركبة بركبة تقرب منا
ريحتها من ريح الجنة نص الحضارة عطاسة
بويا لو تبقاله كنا ما عاد يرافق فلاسة
وطق العود وطق مقاسة
وصارت خضة جت بحزام مريرة فضة
دارت في الجلاسة جضة كيف تهنديب القراصة
حتى العاقل صبعه عضه روح كبده كيف أعفاسه
وطق العود وطق مقاسه سمح لباسه
مبرك يوم توافق ناسه
وطاح عليها سالف كاسيها غاطيها
بنت تقول سيوف إيديها والنيبان تقول الماسة
بوها عالعز مربيها
ما يسمع فيها وسواسة كيف عيونه يحلف بيها
عارفها ما تحني راسه
مخورها عيلة قاريها ديما للزينة حباسة
ناره ما ينزل شاهيها براد وطاسة من طاسة
تعقد وتذوب رغاويها طاسة حصادة وتراسة
وهاد بحرها طق العود وطاح شعرها
لين ادرقها غامرها ما تعرف راسه من ساسه
قطعة ليل وطاح قمرها وين على الكتوف تواسه
جوف اللي تشباب هجرها
دارت في الرتعه بحوازة ركبت مولاها حادرها
جت عالمقدم والخماسة ما تركح لين يخامرها
لازم ياخدها بسياسة تحدر عالنار مكسرها
هي بجنون وهو بحماسة
وطق العود وطق مقاسه
سمح لباسة مبرك يوم توافق ناسه
وما ديرها خلاها تاخد خاطرها
من يوما صار معاشرها
عشرة لرقى للترفاسه
تحلف صوار مصورها
تجلى كيف الرفاصة تنقش في الارض بحافرها
كيف تضيري في الغماسة
زفوا الريح منين شمرها
دار صفير تقول رصاصة
وين الصوان يصادرها
يقدح تقسم فيه انفاصة
تكسر فيه وما يكسرها
حتى ليجرب في فاسه
هيا قضاته صابه كايد مشاطاته
بالخمرة والزيت رواته
دار محاسة ذوذ وركاب المكاسة
عطشان وناسه لاقاته
والمكاسة لين روي ما رد نفاسه
وديما من خوف الشماته
له حراسه صبيان عزارة قناصة
وارثها من جده وباته
كيف انفاسه ما زورها للمكاسة
وطق العود وطق مقاسه
سمح لباسة مبرك يوم توافق ناسه
هُن القوه الحلقة الاولى للكاتبة فاطمه سالم الورفلي
…………
امي تنقش في المقروض :والله حتى اني متمنيه في وسط العراسه وبنتي العروسه

اني تنهدت :يام بالله خليني على راحتي نبي نتزوج زيجه هانيه مانبيش كل يوم والتالي حرجانه كيف اختي فايزه

امي :باهي به باه خلاص اسكتي خلي نكمل لي في ايدي ترا

ورن تليفوني وكان رقم غريب رديت قلت بلكي طلبيه…. وكان شخص غيرلي حياتي 180درجه .. يتبع

لمشاهدة جميع اعمال الكاتبه : روايات فاطمه سالم الورفلي

اترك رد

زر الذهاب إلى الأعلى