ﻣﺒﺮﺭ ﺧﻴﺎﻧﺔ الحلقة التاسعه عشر .. الكاتبة هامي | القلم الناجح
روايات ليبيه كاملة

ﻣﺒﺮﺭ ﺧﻴﺎﻧﺔ الحلقة التاسعه عشر .. الكاتبة هامي

ﻣﺒﺮﺭ ﺧﻴﺎﻧﺔ الحلقة التاسعه عشر .. الكاتبة هامي

ماقبل الأخير
إبتزاز🔥

عمر خذاني من ايدي وعزقني على سرير وقتها خفت ومش مصدقه انه هذا عمر😳

عمر:: مش طردتي البنت خلاص خليك انتِ مكانها

-تفاجأت منه😳 وقعدت نبكي عمر متخوفنش منك شنو لدير فيه

عمر يمسح على وجه :: خلااااص متبكش …

زدت بكا حسيت روحي رخيصة

عمر بعصبيه ..خلاااااااص قلت براء كله منك نرفزتيني كل لدرتا توا نشوف ردت فعلك بعد لدرتي في…

-شنو درت حرام عليك تعاقبني بشكل هذا

عمر رفع حاجبه :: لا مادرتي شي؟ … كيف قدرتي بعد القرب لبينا تبعدي بكل انانية ؟ انتِ عارفه انه الليله لسهرنا كيف كانت بالنسبه لي!!؟
حسيت نفسي كيف البيبي لي رقد في حضن أمه في امان وهدوء ووعي على حرب ودمار وكل عيلته خسرها … بكل بساطة بعدتي وماحسبتش شنو ح يصير في

-وقفتله واجهته:: وشنو صااااارلك يعني اهو عايش حياتك عادي وطلعت مش مطلق ومزال في تواصل مع مراتك انا الهبله لي مانتعلمش من غلطي في كل مره نطيح في نفس المطب …

عمر يضحك قرب مني .. وشن يعنيلك اذا مطلق ولا اعزاب يهمك يعني؟؟

-نزلت رأسي …….

عمر-رفعلي وجهي :: قولي لي حاسس بيه صح؟

-مش عارفه عمر الموضوع صعب …هُمام مفش خلاص منه ولو حاولت ح يأذي حد من عيلتي ..انا تعودت عليك صح ومتريحتلك ومنبش نخسرك لكن في خوف من لي يبي يصير

عمر:: هي هذي مشكله براء الخوف! كل ترددنا منه،، خسارتنا منه، ندمنا منه …. وانتِ ح تظلمينا بخوفك

-هذا غلط عمر انا استحقرت نفسي هذي مش انا كل شي صار معي ماخسرتش نفسي قد توا … الحياة معطتنيش فرصة الأختيار في ولا حاجه في حياتي حتى لما حبيت مااخترتش كل شي صار بدون إرادتي

عمر:: ومن قالك الحياة تعطي فرص… نحنا لنسرقوا الفرص منها غمضي عيونك وامشي ورا رغبتك وأنسي كل شي اذا انتِ متريحه في وجودك جنبي شن ليمنع بس

-عمر انت شوشتلي افكاري

عمر:: معش تفكري براء خلينا عايشين لي حاسين بيه

-تمام .. بس خوفتني منك

عمر:: والله كلها لعبه عشان نضغط عليك نبي نعرف ليش بعدتي …

-عشان نحميك منه همام مش ساهل …وقت لي كنه في لندن لعبت عليه وخليته يعترف وسجلتله وهو عرف هددني وكان ح يقتلني انا بجد بديت نخاف منه مش قادرة نمسك عليه شي ونتخلص منه

عمر:: متخلش يشك فيك وانا فتره بس وح نعرف كيف يطيح في شر اعماله

-كيف يعني ؟ قصدك ممكن تساعدني حتى لو اذيت همام

عمر:: همام تجاوز حدوده رجل عصابات ولازم يكون ليه حد

فرحت حسيت انه ممكن نتخلص من همام ويساعدني …

-بس انتوا زي الخوت تقدر تغدر بيه

عمر:: يمكن يكون غدر وخيانة بالنسبه ليه ، لكن بالنسبه لي حق هو تمادى ويحط في مبررات انه طفولته ولصايرله وصلاته للي هو فيه

-ليش كيف كانت طفولته وليش نحس همام بعيد عن أمه وأخته ومن لخانته وصلاته لحاله هذي؟

عمر:: علاقته ب…..

قاطعنا صوت الباب حطيت ايدي على فمي صدمه وخوف ….

عمر :: متخفش كنك

-عمر حي علي لو شافني حد

عمر؛: خشي تواليت وانا نفتح متخفش مافي حد موجود ممكن ميري

جريت للحمام وصكرت باب وايدي على قلبي لي من خوفي قريب يطلع من مكانه سندت على الباب نحاول نسمع من……

عمر فتح الباب….

أبرار:: سنه عشان تفتح

عمر:: مش فاظي شن جيبك مش طلعتي تعايني

أبرار خشت جوا وتحكي وتلفت
وكملت معاينة وجيت ولا لازم نبات في العياده؟

عمر:: اطلعي أبرار مش وقتك

ابرار:: وامتى وقتي ان شاء لله ..اسمع لازم مانحكي معاك على موضوع….

قاطعها عمر يطلع فيها برا

عمر:: بعد نفظا توا نسمع مشاكلك … صكر باب في وجها وانا طلعت من حمام

-شنو تبي هذي ؟

عمر:: شنو يعني غير انها تبيني نتوسطلها مع همام

-اهاا .. خلاص شوفلي طريق نطلع قبل مايجي حد اخره

عمر فتح باب وانا وقفت ورا بنطلع مسكني من ايدي

معش تهربي مني مرة اخره

ابتسمت:: تمام ..يلا خليني نطلع 😀

طلق ايدي وطلعت نجري خوفا من حد يشوفني وصلت جناح خشيت وصكرت باب …

-شنو درتي يابراء وين ماشية بروحك..اذا مش حاسه بشي اتجاهه ليش تصنعي فيه بلغصب…

بس هو يحبني وقادر يخلصني من همام وشره وانا منبش نخسر حد يحبني كافي ياسين لعشم في💔

_________________________________________

اليوم لبعده على فطور … جهزت نفسي كلعادة ونزلت

صباح الخير

عمر همام فريده يقين أبرار

صباح النور …

قعدت مكاني نفطر وأبرار توزع في ابتسامات

أبرار رفعت ايدها ماسكه اسواره :: عميمه فريدة هذي لكي

فريده:: لا مش لي وين لقيتيها

رفعت راسي نشوفها شفت اسورتي في ايدها من ارتباك قلبت فنجان القهوة

عفوا اسفه بجد

همام معطش اهتمام واستمر في فطوره
عمر لاحظ ومقدرش يدير ردة فعل …

يقين وفريده ان شاء لله مش ساخنه بس

-لاا ساهل نمشي نمسحها

صبيت برجلين يرجفوا وراس دااايخ منهك تاعب من الخوف والأفكار…

خشيت حمام غسلت وجهي ونتذكر كيف مالحظتش انه طايح مني اااخ من غبائك براء …طلعت من حمام تفاجأت بيها قدامي

أبرار:: قلت نسألك بالك تكون ليك الأسواره؟

-لأ مش لي ….. مشيت خطوات وقفت لما قالت

أبرار:: ماهو حتى انا قلتها اكيد مش ليك ماهو ميري لقاته في جناح عمر اكيد لي أميرة مراته

-يمكن أسأليها ولا عطي لي عمر …نستأذنك كان كملتي تحقيق ؟!

ابتسمت أبرار برود:: تفضلي ياروحي … بس على فكره مش ح نعطي لي عمر عيني جت فيه تعرفي حامل ومنبش نخلي حاجه في نفسي

مرديتش عليها ومشيت جناح عزقت روحي على سرير… مصيبة لو كان شافتني ولا شكت في شي؟؟
باهي لو عرفت ليش ساكته ؟!!!!

كتبت رقم عمر واتصلت بيه….

عمر:: ايوا من معي؟

-عمر انا براء

عمر:: اي شنو درتي ياروحي توا كويسه؟

-الأسواره لي مع أبرار لي

عمر:: شنووووو تقولي كيف وصلت ليها

-قالت عطتها لها ميري وهي تنظف في جناح متاعك ، بس انا نكرت قلت مش لي ومع ذالك مزال خايفه منها

عمر:: متخافش هذي لو عندها شي كان قالته لي همام طول مدسش خبر زي هذا …خلني نقولك خبر اهم

-شنو ان شاء لله خير

عمر:: كلمت محامية نعرفها على قضية الطلاق

-عمر قتلك منقدرش توا وانت عارف السبب

عمر:: عارف نقصد مش ح تشهر الموضوع ، نحنا ح نجمعوا ادلة عليه ويكونن عندها يتهدد بيهن عشان يوافق على الطلاق ويوقع انه مايتعرضلكمش

-مش حاستها بسهوله هذي انت تعرف اكثر مني مستحيل حد يلوي ذراعه

عمر:: ولأني عارفه ح نضغطوا عليه من نقاط ضعفه انتِ بس اوثقي في

-معندش غيرك نثق فيه يطلعني من سجن هذا ……

❤❤❤الكَاتِبة هَامِي ❤❤❤

يمضن الأيام والشهور وكل يوم أنا وعمر نتلاقوا ونقربوا اكثر ….

اهااا بالضبط أنا الخائنة لي راقد جنبي راجلي وفي ايدي فون نراسل في عشيقي وأنا لي كان قعد في وسطنا همام وأنشغل في شي عيونه يتلاقوا ويبتسموا ويسرح كل منه في خياله وانا لي لنصارع بين ضمير ورغبة …كان معه حق همام لما قالي ضميرك يتعبك مره مرتين وبعدها يتمرد ويتعود وهذا لصار مجرد فكرة ولحظة عزله بيني وبين نفسي لا يابراء هذا غلط ردي قبل ماتزيدي تتمادي نهز راسي ونشغل نفسي عشان منفكرش في شنو ندير….

اكتشفت أنه الخيانه مش مستبعده عن اي حد كلنا ممكن نخونوا و ظروفنا تبررلنا ؟
كلنا ندوروا على الأمان الإحتواء وحد يحبنا يهتم بادق تفاصيلنا يسمعنا كلام حلو انا عايشه بس على حب على قد ماخذلني مقدرتش نكره شعور هذا !!!

حالتي مع عمر …

ح نسميها حالة مش مشاعر زي ماعشتهن في حبي الأول … لأنه مع عمر ماحسيتش بشي مجرد هروب من واقع انفرض علي وحبيت كتابته علي لكن لا قلبي يدق بسرعة وقت ليشوفه ولا جسمي يرجف ولا لساني يجمد يفقد النطق زي ماكان يصيرلي مع …….💔

باالأصح عمر كان منقذي نبي نخلق مشاعر معه ونحبه مقدرتش لكن مع ذلك كنت معه وخنت همام..

كنت غرقانه وعمر كان قارب النجاة كيف ح نخلي قارب نجاتي ونفقد حياتي ؟!!

____________________

نضت الصبح على فوضة همام …

-صباح الخير

همام يلبس في ساعته قدام مرايه :: صباح النور …

صبيت خشيت تواليت نسمع فونه يرن قعدت نسمع زي ماقالت محاميه من شهور وانا ندور ورا ومقدرتش نمسك شي يثبت عليه

همام::كيف يعني ميحكش ؟؟
اسمع رد بالك يصير فيه شي عذبه لكن متخلش يموت مزال عندي معه شغل وتوا يشوف فاسد على تصكيرت رأسه توا انا طالعلكم

مفهمتش من قصدا بس يمكن خاطف حد احسن شي نلحقه ونعرف المكان وقتها نبلغوا عليه!

طلعت من الحمام …

همام:: تبي تنزلي توا ولا تبي ساعه تجهزي

-اه لا توا ننزل انا بسرعه

لبست بسرعه خايفه يطلع ومنلحقش نلحقه …. نزلت لقيتا ركب سياره ووصل بوابه خذيت مفتاح سياره من سواق وطلعت ورا….

لما تفكر انه شي هذا ممكن يكون طريق خلاصك تجري في طريقه ومتفكرش حتى في خوفك ولا تحسب حساب للعواقب….

لما طلعت وانا ورا همام رن فوني كذا مره كانت فتحيه فتت مرديتش من يوم لي تلاقينا اخر مره معش رديت عليهم ولا دورتهم ….

اخر شي وقف رن وسمعت صوت مسج …

فتحته وهنا كانت صدمتي

بوك مات كان تبي تحضري عزاه

انا ليش دموعي ينزلن وليش حسيت بقهري وساختي مش هذا لكان سبب عذابنا ليش امتا حسيت انه أب …. اااااااااااااه ياربي كل مانهرب منهم يرجعوني للماضي ولي أصلي ……

بإيدين يرجفوا اتصلت بيها

-وين قاعدين

فتحيه:: في مستشفى ال………

طلعت عندهم سألت عليهم كانوا مزالوا ينهوا في اجراءت الوفاة لقيت يحي قدامي حضنته وكان يبكي متسألوش ليش يمكن لأنه حب العيلة شي فطري من ربي مهما داروا فيك وصار بينكم متقدرش تكره وتحقد……

حضنت خواتي ….وخشيت نودعه كان مصقع المرض واخذ منه جزء كبير من ملامحه وقسوته وعصبيته

مسكت ايديه……
تعرف كان ديما خاطري وانا صغيرة تمسك ايدي وتوديني المدرسه تسأل على ابلاتي شنو مستواي تفرح لما نجيب الأول ديرلي حفلة بسيطة وتحضني زي ما عمو صافي الله يرحمه كان يدير … كان خاطري تفتخر بنتك لي من دون عيالك لخلفتهم هي الوحيده لتخرجت رغم كل لعشاته معاكم ….

أنت ليش استعجلت ومتت كان خاطري نحضنك ياباتي اقسم بالله كان خاطري نحس هكي ليش عديت بسرعه كأنك تعاقب في كل يوم كنت نبي نجيك كنك مرجيتنش ليش ماقاومت اكثر طول عمري نشوف فيك قادر وجبار هزتني قعدتك مشلول ومش قادر تحكي وتناقش وتعارك صعب علينا نشوفوا حد كان قوي وكسره المرض….

ياريتك ماكنت تقول علينا نحنا أولاد حرام لأنه يابوي لعنت الحرام خشت فينا وأنا قعدت بنت الحرام لي فرقت بين خوت وانا توا بنت الحرام لتخون في راجلها شنو درتوا فينا بس ليش جبتونا على دنيا هذي اذا متبوش تربونا وتخافوا علينا لييييييييش

خشت فتحية تكر في وانا نبكي ونعيط

مااااااات وهو غاضب على يافتحيه ليش نا ناقصه غضب مااااااااااات يافتحيه ومقتلش سامحني قصرت معاك مهما كان انت بوي ماااااااااااااااااااااات وانا كل يوم نبي نجي نشوفه والله كنت نبي نشوفه مش عارفه كيف لهيت كيف عدن الأيام وانا نأجل شنو عذري والله مااعااااارفه اااااااااااااااااااااااااااااااااااه يااااااااااااااااربي والله تعبت واااااااجد علي معش نقدر اناااااا لو جبل نهد معش عندي جهد ااااااااااااااااااااااااااااااه عارفه روحي منستهلش رحمتك بس ارحمني….

“مفش حد يستنى لحد مانزوروه او نتصلوا بيه الموت اسرع منه قادر يخطفه ونحنا نأجلوا امتا نتلاقوا معاهم 💔

طحت بين أيدين فتحيه اغمى علي

كنت في غرفة الملاحظه في ايدي تغذيه مزال مااستوعبتش انا وين تخش دكتوره مبتسمه

-شنو صارلي

دكتوره:: ضغطك نزل شوي وباين كنتي مرهقه والحمل تعبك

جيت بنصبي من صدمه مقدرتش لاني دايخه
شنو تقولي حمل شنو

دكتوره:: انتِ مش مدام؟

-اهااا متجوزه بس مفهمتش يعني انا محسيتش بشي

دكتوره:: الحمل من شهر ونص مزال جديد الف مبروك ارتاحي حبيبتي متعبش روحك

طلعت دكتوره وخلتني في دوامه جديده انا حامل شي لي ماكنش في بالي صار؟؟

خش همام مسكني من شعري
من سمحلك تطلعي من وراي

-حرام عليك باتي مات شن متوقع تكون ردت فعلي يعني

طلق شعري … عارفه قبل ناوي موتك تعديتي حدودك معي لكن بشرتني دكتوره انك حامل غفرلك عندي لازم تشكري بيبي جا في وقته

هزيت راسي بخوف …

_________________________

طلعت لحوش هلي كان العزا وزحمة الناس حضنتني سلوى كأني وقتها حضنت الماضي ورجعلي النفس ،

بكيت معها على حظي ومأساة حياتي لي مش راضيه تنتهي على جنين في رحمي مش عارفه شنو ح تكون حياته بين عشيق ورجل عصابات مفروض انه زوجي!

-كيف حال ياسين مفش اخبار عليه

سلوى:: أااااااه يابراء لا عارفينه في أرض ولا في سماء امي حالتها في الويل وسراج مسكين مش عارف وين يجري بين الحرب وبين عيلته

-ويعقوب مجش يدور حتى هو

سلوى :: لا عارف انه مافي ايده شي

-يعقوب متزوج وعنده ولد ليش ماقلتيلي

سلوى:: خفت عليك تعرفي مش ناقصك وجع قلب .. اتجوز عشان الجنسيه بنت راجل ليخدم عندا وتوا عندا جنسيه وضعه مستقر حياته مستمره وحياتك انتِ وياسين لوقفت

-ياريتك قلتيلي وقتها مكنتش تأملت ولا وهمت روحي كل هاالسنين

سلوى:: والله حتى نحنا في الأول مكنش نعرفوا

-خلاص معدش مهم وتوا هو معش يهمني ربي يهني

_________________

في الليل فتحت موبايلي كان في مسجات من عمر يعزي في وصور من رقم غريب

فتحتهن كنت انا وعمر في كل طلعه لنا مصوره
شن رأيك جوزك يعرف بخيانتك؟؟

قعدت نخبط على وجهي من هذا وشنو يبي

اتصلت بِ عمر

الحق ياعمر في واحد يهدد في بصورنا عارف كل شي

عمر:: شنو تقولي كيف صار هكي ابعتيلي رقم والصور

صكرت منه وبعثتهم ليه وانا على أعصابي

بعثلي واتس
ميردوش علي ؟ كيف حكوا معاك صوت ولا مسجات ؟

-لا مسج مع صور …

عمر:: فوتي متبينش خوفك هو اكيد غايتهم شي توا يعاودا ويقولوا شن يبوا

-تمام ….

______________

معرفتش في شنو نفكر ليلتها كثرن همومي والله كثرن!

عدن اول ثلاث ايام العزا وخفت الناس بدوا شوية اقارب يجوا كل عشيه … ورسائل تهديد مابطلوش …وهمام سافر منعرفش في ليبيا ولا برا

عمر بعتلي لازم نتلاقوا

طلعت على اساس ماشيه لحوشي نجيب نواقص لي وطلعت معه لمزرعته ….

-شنو يسير عمر؟

عمر:: مستحيل نخلي همام يربيه نحنا لازم نهربوا معش في وقت ليهدد مهما خذا حاجته ح يكشف كل شي

-انا حاسه انها ابرار

عمر:: ابرار لو شاكه في شي كانت قالت لي همام مش ترجا تهدد

-شنو عرفك لها بالك تبي تلعب بِ أعصابي زي كل مرة

عمر:: منعرفش براء لنعرفه انه لازم نهربوا من هنا خلاص شي مقرف بالنسبه لي تكوني معه

-وين نهربوا وهو واصل في كل مكان ح يلاقينا ياعمر متخلنش نضحكوا على أرواحنا

عمر:: في دوله مايقدرش يمشيلها فيها ناس ح تصفي

-وكيف ح نهربوا؟

_______________________

رجعت العزا وكانت فتحيه في حاله

شنو في

فتحيه:: حسبي الله ونعم الوكيل فيه جا ضربني وعدا استغل انه مفش حد في الحوش من خوتك

-عطا مايكسر ايديه وعليش ضربك المره هذي منعرفه عليش متحمله

فتحيه:: يبي يجوز المريض هذا من قبل مايتوفى باتي قتله باهي غير اصرف علينا كويس وبعدها اجوز مسمعنش ماعندا غير مدت الأيد وقدام العيال انا قعدت معاهم عشان مايعيشوا نفس لعشناه مع هذا كله مساكين عاشوا امر من عيشتنا

-فتحيه اطلقي منه وعيشوا هنا خوذي حضانة عيالك هو اصلاً مش مهتم بيهم

فتحيه:: ومن وين نصرف عليهم ونا لا شغل ولا شهاده لي الله يعيني وخلاص

جاني مسج فتحته كانوا صورنا انا وعمر في مشوارنا اليوم😳

خشيت دار صكرت على روحي ورنيت على رقم مفش رد

بعثلي مسج نص مليون دينار كاش تضمني نستر عليكم

اتصلت بِ عمر قتله يبعتلي سواق نروح عندهم وانه طلبوا مني مبلغ….

_____________

وصلت القصر خشيت جناح ندور ذهب الماس فلوس اي شي نلم بيه المبلغ

خشت أبرار:: ادوري في شي

-وانتِ شن خششك هنا اطلعي

ابرار تضحك.. كنك فاصله ريلاكس ذرتي أعصابك،

-اطلعي ابرار مش رايقتلك وإلا نكلم عمر يشوف صرفه معاك

أبرار:: واثقه انتِ في عمر ياحرام متعرفش هو شنو

-اها وانتِ يعني لتعرفي

أبرار:: صدقيني ياروحي نعرف ونعرف اكثر منك من هو وشن يبي قاعد في وسطنا .. أنت لمخدوعه فيه

مسكته من رقبته
أنتِ صح ياحقيره لتهددي في

حولت ايدي برود:: ياريت والله ههه انا مانهددش انا نمشي لي همام على طول بس عمر منعني

-كيف يعني منعك شنو تعرفي بالضبط؟

قاطعنا عمر … ابرار شن ديري هنا بلاش مشاكل تعرفي همام لو عرف مش ح يسير خير

طلعت أبرار وبطنها قدامها بكل برود …

-شن قصتها هذي

عمر:: فوتيها وقوليلي وين ح تلاقوا؟ وكيف تعطيهم مبلغ زي هذا

-معندش مبلغ هذا اصلا قاعده ندور لو نقدر نبيع شي

عمر:: انك تعطيهم مش حل براء لازم مانعرفوا هم من هذا ابتزاز كل ماتعطيهم يطلبوا اكثر

عصبت وعليت صوتي
شنو تبيني ندير نرجا صور يوصلوا لي همام

عمر:: لا جهزي شنطه خفيفه وانا حجزت ح نهربوا براء

_______________________________

ثاني يوم مجهزه كل شي ومقرره نهرب خلاص مزال كم ساعه ويجي ليل ونطلع من جحيم همام للأبد ح نختار نفسي لي أول مره ….

وصلي مسج لعنوان لو مشيتله ح نعرف من لي ابتزني

ملحقتش نقول لي عمر وطلعت وحدي في سياره سواق مش قاعد …

وصلت لي العنوان لي كان زي مطعم قديم وشبه فاظي كل مانقدم نسمع صوت عارفته كويس

انت ح تسيب ولدك عشان تربي عيل اخره؟؟

وصلي مسج وانا نسمع
حابه نعزيك في ياسين اتصفى يااااحرام💔
و تقارير حملك من عمر بين ايدين همام انتِ انتهيتي براء ….تبي تعرفيني ابرمي وشوفي

التفتت وانا في موجة صدمات

لا مستحيل مستحيل لنشوف فيه+

#يتبع🔥🔥🔥

لمشاهدة جميع اعمال الكاتبة: رواية الكاتبة هامي

لمتابعه اهم واخر الاخبار : القلم نيوز

اترك رد

زر الذهاب إلى الأعلى