ﻣﺒﺮﺭ ﺧﻴﺎﻧﺔ الحلقة الثامنه عشر .. الكاتبة هامي | القلم الناجح
روايات ليبيه كاملة

ﻣﺒﺮﺭ ﺧﻴﺎﻧﺔ الحلقة الثامنه عشر .. الكاتبة هامي

ﻣﺒﺮﺭ ﺧﻴﺎﻧﺔ الحلقة الثامنه عشر .. الكاتبة هامي

عُمر❤

شفت موبايلي مزال على زيانه مسكته بنفتحه نشوف تسجيل  …..

لكن شفت على المرايه همام وراي مبتسم حضني من لورا وحط سكين على رقبتي  ضغط عليها حسيت دم بيطلع منها…

همام
حلووو  تمثيلك مش بطال ……

جمد دم في عروقي والخوف مسيطر علي منقدرش نتحرك مثبتني وهو وراي

نطقت بببخوف ….هممممام تممممثيل شششنوو  مممفهمتش

زاد ضغط علي ويحكي ضاغط على اسنانه …
قتلك من قبل نكررررره العباطه والكذب
بأيده لأخره خذا الفون …. غمضت عيوني عرفت وقتها انها نهايتي…💔

فتح يسمع في تسجيل وكل ماله يضغط علي حاسه ضلوعي ح تتكسر  وروحي تبي تطلع

في نص الإعتراف عزق الفون في ساس تكسر ودفني طحت على الأرض …

جا لعندي مسكني من شعري
ليييييش برااااء ..ليييش كل مانبي نحط ثقه في حد يخووون ليش

نطقت  بخوفي ودموعي وصوتي المبحوح
خليني في حالي ارجوك طلقنيييييي

ضربني كف بكل غضب…غل….كره….عنف

همام:: تمني الموت أرحملك من طلبك الطلاق براء.. مش حُباً فيك لأ بس نبي نكسر رأسك هذا وانا ألف مره نقول عصياني هو جحيمك …وجهزي روحك العقاب تبيني نبدا بي من يحي ولا علاء ؟؟؟ ياسين ولا يعقوب ؟ ولا حد اخر من عيلتك ماهو حبايبك واجد بسلامتك

– لا لاااااااااااا هماااااااااااااااام لاااااا عاقبني انا هم لا خلاااص لتبيها تصير بس ماتأذي حد حراااام عليك والله ماقادره نتحمل وجع أخره

طلع برا وصكر علي الباب …. ندمت  على لدرتا …كعادتي ليش في شي درتا في حياتي ومندمتش عليه؟!

يوم كامل وانا مصكر على ماشفتا لكن نسمع  في أصواات برا …

عمر يسأل علي والحرس برا قدام الباب مافي حد يقدر يخش … في الليل جا همام ومعه صفرة عشاء ..حطها على طاولة وانا كنت على سرير ضامه رجلي لحضني ونشوف فيه وساكته…

همام يتعشى … شنو جعتي؟

-صبيت من سرير وقفت قدامه..همام الله يخليك وراس غواليك ماتضرش حد بسببي

همام:: لي اخر مره نعاود سؤالي ومعش تردي عليه بسؤال! تبي تعشي جعتي صح ؟؟

نزلت راسي….

همام بصوت عاالي رعشني ونظرة حادة….جعتييييي؟

-عااادي ..مش عارفه بالك جعت

قلب السفرة على الأرض … يلا كولي؟؟

-شنو تقول انت😳

همام بإبتسامة ::زي ماسمعتي يلا تعشي

-لا انت اكيد جنيت ، شنو تسحاب روحك

همام بهدوء:: اوكي زي ماتحبي انا كنت نبيك تتعشي بس ..لكن باين بتموتي من جوع بسبب عنادك وكبر راسك…

أستغربت من ردت فعله… خذا مفاتيحه وطلع ورجع صكر باب علي ..

فتحت شباك نشم هواء ونشوف لندن في ليل كيف ساحرة،،،،حاسه في بروده جسمي وبِ تلف روحي والوقت لي ميت مايمرش …

لندن يابلاد لحضنت حبيبي سنين ، قد ايش كرهتك في هذك الوقت لأنك سرقتي مني وغرق فيك … براءة افكاري ماجابوا أبداً انك ح تهديه امرأه منك ! ساذجة هي افكاري لما كنت نحلم بيه ونقول اكيد يفكر في ..اكيد يستنى في …ماحبش ولا ح يحب غيري انا… حبنا على الفطرة ولي حبهم على الفطرة ح يكون حبهم ابدي💔

وأااااااااااااااااااه ياوجع قلبي …كرهت روحي لأنها ماتتفكر إلا  حسناتك انا ليش مانذكر انك خنت العهد ولمست غيري وخلفت خلاص يعني عندك اولويات اخره انا ركن على الهامش..!

_____________

ثاني يوم مايختلف على لقبله مصكر علي حسيت بلعطش وجوع مش قادره بنموت …
شفت الأكل لقلبه همام مقدرت نقاوم وكليت منه لشربته دموع مررررر طعمهن ما استطعمت غيرهن ….

ثالث يوم  معش قدرت نتنفس خبطت الباب بجسم منهك وانا نزحف لعندا معش قدرت نكمل اغمى على خلاص جسمي معش قادر يتحمل فقد توازنه وأعلن الإستسلام،

نفتح في عيوني ببطئ نشوف في تغذيه في ايدي  وانا في نفس جناح …

همام:: هذا كله ماثقلتش عليك وصار فيك هكي ..املا كان تشوفي عقاب اي حد يحاول يتلاعب بي همام اللافي شنو ديري؟

برمت راسي بتعب ومرديتش ولا كان لي اي ردت فعل ..

همام:: بعد ساعه جهزي روحك اليوم نرجعوا .

______________

طلعنا للمطار انا وهمام ماشفتش عمر نهائي … وماروحش معانه ومقدرتش نسأل وينه!

رجعنا للقصر فريده ويقين ابرار في صاله

فريده:: الحمدالله على سلامتكم

رديت بتعب-الله يسلمك… نستأذنكم بنطلع تعبانه من السفر

يقين:: خوذي راحتك

طلعت وراي همام …

همام:: ردي بالك تفكري انك توا خلصتي من العقاب

-ماعاد يهم دير لديرا شنو مزال مادرتش في يكفي اني على أعصابي  نخاف نخسر حد من عيلتي

قطع علينا حد يخبط على الباب

فتح همام:: شنو تبي ابرار؟

ابرار:: نبيك همام لو سمحت

طلع معها وانا قعدت نظم في ملابس لكانوا في شنطه … لحد الليل نزلت العشاء  تفاجأت انه عمر قاعد يعني مروح قبلنا؟

قعدت ناكل تحت نظرات ابرار الغريبه لو نقول غيرانه مني لأني ذرتها  ! لكن انا شبه منحكش معها في حرف ومجرحتهش بشي ؟

ميري جت معها بنوته عمره تقريبا3سنوات

حبيبة بابا جت 🤗

عمر صبى من العشاء بلهفه غمرها …نور ياروحي

قعدت البنت تسلم عليهم وصلت في

نور:: من هذي يابابا

همام مسك ايدي
هذي عروستي يانور الحلوة

نور::كم عروسه عندك عموو

ضحكوا كلهم الا ماانا وعمر لي نظراته لي بمعنى وينك؟ وشنو صاير!

خشت إمرأة  بسيطة وجميلة عشرينيه في العمر

مساء الخير سامحونا ازعجناكم على العشاء  لكن نور اصرت تشوف عمر

فريده تحضن وتسلم عليها
لا والله الا انستونا …كيف حالك يا أميرة

اميرة:: بخير الحمدالله …

كل لجا في بالي وقتها كيف طليقته عادي هك تجي ؟ وكيف زي ماهو وصفها حلوه ماناقصها شي بس لأنهم مااتفقوا انفصلوا
عمر حسيته مش منسجم في القعده… ولا انا كنت منسجمه حاسه بخسارة شي وضربه من جديد 💔

يقين:: شنو بتباتي هنا اليوم والله مرايفتلك

اميرة شافت لي عمر .. مش عارفه نشوف عمر شن يقول

همام يضحك ضرب عمر على كتفه
تي وافق يااخي في حد يرضا مراته تعيش في مكان وهو في مكان

حسيت كأنه في من نغزني بسكين و الحوار وقف على هكي كلام همام يتردد في وذني معش سمعت شنو لقالوا ولا على شن اتفقوا

عمر مزال متجوز؟ ياغبية يابراء كيف هكي منعرفش..وانا من عشان ندخل …

نستأذنكم حابة نرتاح شوي

طلعت لجناح وفكر يودي وفكر يجيب لحد مادخل همام …

-ممكن تعطيني موبايلك حابه نطمن على عيلتي

همام طلع فون …هذا خذيتا ليك كنت ح نعطي ليك اول ماوصلنا لكن ملحقتش

-تمام شكرآ

همام:: طول مااانتي مطيعه وتسمعي في الكلام ح نحاول تعيشي بسلام اما اذا …..

قاطعته …باهي كثر خيرك

خش همام يدوش …وانا كتبت رقم امي نتصل بيها
– انا براء

امي:: باهي لخطر عليك انه عندك ام وعيلة تسألي عليها

-اعذروني الحي بظروفه

امي:: ظروف شني هذي وانتِ عايشة عيشة ملوك

ضحكت بجد من قلبي ضحكت

امي اخزي على تربيتك هازيه على امك

-لا االعفو  يااأمي سامحيني غير الملوك ما عندهمش وقت تحسي وقتهم ضيق مشاغل عد

امي:: اسمعي نقولك شوفيلك حل في خوك علاء  بكره تجيني وتحلي قصته وانتوا ناويين تجلطوني ياذرية الحرام كيف ماجلطتوا بوكم

-كنه علاء شنو في واحكي كويس حرام عليكم دمرتوا نفسيتنا

امي:: كذا اسكتي بلا بودعه زايده …مافي حاجه تعب غير خلفتكم خوكي حايم على وحده مطلقه يبي ياخذها يبي يجيبلي العار قدام الناس

-ياامي من جدك شنو هاالكلام عار شنو الستر ياربي ماعار الا حياتنا والنبي اسكتي حرقتي أعصابي

صكرت في وجها معش نقدرررررررر نزيد نرفزتني ونرفزني مجتمع بعقلياته المتخلفة فكرِياً

❤❤❤الكَاتِبة هَامِي ❤❤❤

اليوم لبعدا ترجيت همام زي ماهو يحب انه الناس تترجا وتكون في حاجته وانه هو المسيطر والملك لا في قبله ولا بعده  🤷🏻‍    ….

نمشي نشوف امي ونشوف وضعهم …
وافق بعد شاف في عيوني الترجي والخوف منه …خايفه يأذيهم 💔

جهزت روحي وطلعت لقيت يقين في حديقة

صباح الخير

يقين :: صباح الورد… شكلك طالعه

-اي ماشيه زياره لي أهلي… وينها عمتي فريدة

يقين:: قاعده جوا ممكن في دارها

-تمام سلمي عليها وقوليلها اني طلعت

يقين:: تمام…

جيت بنمشي فضولي ردني خطوات لي يقين

يقين:: نسيتي حاجة؟

-لا ..بس بنسألك وينها بنت عمر ومراته

يقين:: اهاا قصدك اميرة ونور روحوا من امس

-يعني مرقدتش هنا

يقين:: لا عمر ميبيش يمكن

-ايوا فهمت عليك ..يلا باي همام يستنى برا

طلعت لي همام …. وانا مابين هو كذب علي ولا انا لي فهمته غلط؟ هي نظرته كانت اعجاب ولا من حاجتي لحد يهتم بي صورلي عمر هك؟!!

__________

كنت مع امي وخواتي نتناقشوا في موضوع علاء

-لتوا مش فاهمة شنو المشكلة

فريحة :: يانعلي يافضايحنا تبي ياخذ مطلقه وتقولي عادي مفش مشكله

-تي وكنها  مطلقه يامتخلفه انتِ مش امرأة كيفنا يعني

امي:: لا ماكيفنا ماطلقت الا وفيها عله ..وولدي ايش ناقصه ياخذ وحده عوبه

-امي لا بجد هكي عيب اقسم بالله جهلكم مصيبه شديتوا اعصابي اول شي مطلقه مش عوبه ومتحكش عليها لأنك كنتي منهن انتِ نسيتي انك طلقتي من بوي

امي:: بلا قلة ادب وملاطعه لكلامي.. نا منش كيفهن ..ماتحملت باتك الا واجد وهو لكلمة طلاق ديما على لسانه وصارت  وربي عوضني براجل وعويل وزمان مش كيف بعضه هذك وقت وهذا وقت الحرام فيه كاثر

-وانتِ قلتيها زمان مش كيف بعضه يعني مفروض نتحضروا شوي مش نزيدوا تخلف وتفكير مخمج …انتِ كنتي مخلفه 7ومع ذلك خليتينا ولا كأنك ولدتينا ومشيتي جوزتي وربيتي عيال راجلك وضنيتي اخره يعني كل لدرتي عادي ومفش حاجه عيب وجت على مسكينه لي يبي ياخذها علاء وصحلك تطعني في مطلقات اتقي الله ياامي عندك بنات متعرفش زمان شن دسلنا بالك بكره جيتك مطلقه شن بديري وقتها لي يجي يطلبني تقوليله لا بنتي مطلقه متخذهش ولا تتمني نتجوز ونعيش حياه أحسن….

امي:: شر برا وبعيد وانتي ماتقولي غير كلمه سوده لي كيف وجك …مزلتي منقهره عشان اجوزت وخليتكم كذا قوليلي كان ماجوزت وين كنت نبي نعيش مع مرت خوي لي ماهناك كلمه ماقلته علي وانا في العده ولا من الناس لي مارحمتنش

-وهذا لنقول فيه انه الناس لدرهتوا كبد امي بيهم ومشيينكم زي ماتبوا في كل الأحوال ح يحكوا … فااإذا علاء يحبها عدن اطلبنها وافرحوا بيه ليش تنكدن عليه

فتحية:: وانا نبي نطلق خلاص معش متحمله راجل يعاير في كل وقت انه ميبنش وانا بلغصب معه

امي تخبط على رأسها  حي علي ينعليييي نااا يانهاراتي السود كنك انتِ  ايش جد عليك

-احسن ماديري خوذي حضانة عيالك واطلقي منه بلا ماتكبري عويلك في مستنقع مشاكل والحروب النفسيه ماساد ماخلت فينا

امي:: صكري فمك انتِ  الله لا تربحك ماقالب رأسه الا انتِ  تبي تخربي بيته ياحسديه

-نحسدها في شنو ياعليك حاله 😳 وانا شن دخلني بنتك عايشه متبهدله معه شنو فيها كان اطلقت وربت عويلها

فريحه:: يابراء الناااس مترحمنش وبعدين هذي من وين تبي تصرف عليهم عيالها

-ملعون بو الناس لنخليهم يتحكموا في حياتي وين كانوا الناس وراجلها يضرب ويعاير فيها بهلها وعار إخوته وين كانوا الناس وقت لجابلها ذره وين كانوا الناس عنها في هذا كله… وهذوم اعياله مجبور يصرف عليهم

امي:: لا انتِ ماتريحي لين تجلطيني ..

-كلامي عمره ما ح يعجبك ولا عمرنا يااأمي ح نتلاقوا ونتفقوا في شي تعرفي وانا صغيره وقت لكنتي تضربيني ولا وقت لخليتينا كنت نقول هذي مش امي اكيد امي ماتت وجابك بوي عشان تعذبينا زي مامشيتي وجت سالمه تكمل مسيرتك احساس انك ام وانا بنتك عمره ماوصلي … مافي حياتي حسدت حد قد ماحسد سلوى وهي في حضن امها وطبطب عليها وكيف بصارة مرام بنت عمي وخواتها مع امهن انتِ  ليش هكي مش كيف باقي الأمهات …انا كبرت ياامي كان مش ملاحظه انا مش طفلة لي لازم تعاقبيها عشان متعاودش الغلط ولا  مراهقة لي لازم تقسي عليها عشان ماتفلتش انا توا بنتك لكبرت وتزوجت ماسألتنش كيف حال اعربك ؟و راجلك! متريحه ولا لأ ولا حتى مهتمه بتفاصيل حياتي وراحتي …يمكن عشان قسوتك علي هذي هي لخلتني مانحسش انك أمي ….

فريحة:: يييي علينا براء كل لمه لنا ماتكملش كيف الناس ضروري الماضي ينذكر

-انا شبح من الماضي كل مافي مبني عليه منقدرش نكون  غير هكي ….
مش ح نكد على حد بس ياريت متخربوش فرحة علاء والبنت لي اختارها مش ناقصنا دعاء من حد ولا ناقصنا نخسرو اخ اخره وقت لتبوا شي رنوا علي

________________________

امتا موجة الحياة ترسى بي على ميناء معين دخت منها… معرفتش كيف نتعامل مع الناس لي في حياتي …
نكون حذرة نتعب ونظلم حد بتفكيري؟ نخليها هكي على البركة يصدموني بكذبهم وسوء ظنهم بي…

بجد احترت ياربي هو الغلط في ولا فيهم!! نكون صريحة ونطلع لجواتي ولا نجامل ونلبس قناع مش لي!  ولا نتجاهل الكل وننعزل عنهم ….

ودور هاالحياة ويمضن الأيام مابين روتين وحدة قاتله وتلقى روحك في متاهت الحياة خذاتك من نفسك ومن ربك لي قربه مفتاح لكل شئ…

_________

ابتعدت عن اهلي كلمتني كم مره فتحية تقولي بوي يتعب اخر فتره … لكن انا انشغلت وكل يوم نأجل في زيارتي ليه …

عمر أااااه من عمر وكأنه كان ناقصني شي يشغل بالي مافسرت شعوري تجاه لكن فاقدته نتجاهل فيه … لحد ما مل مني ورد علي بتجاهل حسيت وقتها اني خسرته وخسرت شعور الأمان معه أصلكم مش عارفين شن يعني تكوني بحاجة الأمان …هو الشئ لندور عليه طول عمري ومالقيتش إلا مع عمر وشعور اني خسرته يوجع في💔

مرات تجي نور ونشوف فيه يلعب معها نشوف في لمعة الحب والأبوة في عيونه قد ايش ماا هاالإنسان حنون …. لي فهمته من يقين انه ماطلقش لكن منفصل عنها نهائي والسبب انه ماطلق محكمه هو انه خايف يجرح شعور اميرة فا قاعد بتدريج يجيب فيها لها …..

اما عن الوحش لي أنا عايشه معه كل يوم يزيد الوضع اسوء من لي قبله مفش أبشع من انه راجلك يجيك بريحة امرأه غيرك تحبي او لا مايعنيش انه كرامتك وانوثتك انهانت لو همام حسيت معه بي واحد في الميه من الأمان  كنت قعدت معه ومخليتش لكن  كل خوفي كان منه نشوف في صورة خالد فيه هو 💔

عدا شهر وانا وعمر نظرات وغيرة من الطرفين بدون كلام نشوف في بوستات لينزل فيهم وكيف بنات يتغزلوا فيه في حاجه تحرق في مرات انسبه ومرات نقول شن دخلني كلهم هك كذابين ….

_______________

في يوم   قاعده وحدي في قصر وكنت  على البرندا  نقرأ في كتاب شفت عمر خش لجناح مع بنت ماسكها في ايده وهي تتمايل بفستان أحمر قصير وشعر اسود طويل ….

دمعه على طرف عيني وكل الألم محجر في رقبتي مش قادرة نبلع صبيت ونسند على الساس…

حتى هذا بتخلي يابراء ؟ بتسكتي وتخسري زي ماخسرتي يعقوب ، ح تخسري الانسان الوحيد لي حسيتي معه بأمان وعشان شنو براء ؟ تبي تظلمي روحك من جديد وتعيشي طول حياتك عشان غيرك عيشي لنفسك براء اعمي عيونك وحبي وانحبي طلعي نفسك من ماضي ماولدش فيك غير الألم …

فتحت الباب طقيت على جناحه فتحلي هي واقفه ورا

-من انتِ  وشن تبي هنا

البنت تشوف لي عمر

وانا خذيت شنطتها حطيتها في ايدها
اطلعي برااااا من هنا واياك تعاودي تجي

قعدت نطلع فيها وعمر ساكت

البنت:: من هذي ياعمررررر

– انتِ وحده رخيصه كيف تجي لراجل قاعد وحده هنا

البنت:: وانتِ  من وشنو دخلك

عمر:: خلاص انتِ  روحي

طلعت البنت تتتأفف

وانا لعنت غبائي كيف حطيت روحي في موقف بايخ شن بنقوله توا !!!

عمر :: شنو لدرتي براء؟

-مش عارفه

عمر يضحك:: مش عارفه صار؟ ومش عارفه انه لي شهر ومعها تصدي في وفوقها مغيره رقمك متبش نحكي معاك وتوا كيف نفسر تصرفك براء

تعالي معي

-شن تقول انت وين نمشي

عمر خذاني من ايدي  وعزقني على سرير وقتها خفت ومش مصدقه انه هذا عمر😳

عمر:: مش طردتي البنت خلاص خليك انتِ  مكانها+

#يتبع🔥🔥

لمشاهدة جميع اعمال الكاتبة: رواية الكاتبة هامي

لمتابعه اهم واخر الاخبار : القلم نيوز

اترك رد

زر الذهاب إلى الأعلى