ﻣﺒﺮﺭ ﺧﻴﺎﻧﺔ الحلقة الخامسة عشر .. الكاتبة هامي | القلم الناجح
روايات ليبيه كاملة

ﻣﺒﺮﺭ ﺧﻴﺎﻧﺔ الحلقة الخامسة عشر .. الكاتبة هامي

ﻣﺒﺮﺭ ﺧﻴﺎﻧﺔ الحلقة الخامسة عشر .. الكاتبة هامي

 صداقة

‎همام:: انتِ لي اخترتي براء كيف يكون عقابك قرب مني وانا نتباعد لحد ماجيت لأخر ولصقت في ساس…

‎همام:: عشان هك كنتِ رافضتني ؟ اخلاصك لي ماضي ميت يعني  خيانة زواجك ؟

‎توا بتكوني مراتي براء برضاك او غصبن عنك…

‎شفت نظرات شر في عيونه وانا في عيوني نظرات الترجي والخوف ….

‎بلمسة وحده منه بغضب قدر يمزق ملابسي
‎لفيت يدي علي و نزلت على الأرض في زواية الغرفه كمشت في روحي زي وانا صغيره لما نهرب من عرايك اهلي وصوت العالي لبوي ….

‎منعرفش ليش وقتها خطر في بالي طفولتي وذكريات القاسية لي فيهم ، يمكن لأنه طلب نكون مراته والخوف لجواتي انه يكون زي زواج امي وبوي غير سوي ومؤذي لي اولادنا  والمجتمع….

‎نزل على مستوى ورفع بأطراف اصابعه وجهي…
‎من انتِ عشان ترفضي  همام من قوووووووولي …وحده رخيصه من عائلة مشردة فقيره وامها مطلقه وخلتهم واب مريض عقلي متبري منكم واخ داعشي والأخر  ميت مدمن من انتييييييييي تشوفييييي روحك علييييييي متغلش روحك وانتِ خاينه كلكن زي بعضكن ….

‎رديت ودموعي على وجهي بكل غضببببب خلااااااااااااااااااااااااص كاااافي أرحموووووووووني ،، شن ذنبي أنا اذا نولدت بينهم شن ذنبي اذا امي طلقت وتجوزت وخلتنا وعاشت حياتها شنووووو ذنبييييي  اذا اخواتي انضروا وأثرت فيهم عيشتنا انااااااا شنو ذنبي … اذا  بوي على قد حاله  شنو ذنبي اذااااا كل لعشته نجبرت عليه ورضيت بيه شنو ذنبي اذا حبيت حد وطلع ضعيف  وما قدرش يحارب عشاني شنو ذنبي يامجتمع يافاسد اذا تأخر نصيبي شنو ذنبي لو كان عيلتي مافي من يعولها غيري  ومفش من يجيب طلباتهم الا انا شنو ذنبي  ياحيوووووان اذا غيري خاناتك ……..

‎قاطعني بوسه همجيه عنيفه من انسان نرجسي

‎قاومت لكن ماااهتم بمقاومتي ولا برغبتي رفعني لي سرير وانا نضرب فيه ….

‎جسمي لي كله تشوهات مابين رفضي وعدم رغبتي وخجلي من أثار الماضي …. عيطت هذا لقدرت عليه وقتها …..نصرخ بِ أااااااااااااااااه  ونخبط زي مجنونه … لكن الوحش مجرد من الرفق والإحساس…

‎همام:: توا عرفت ليش تخفي في جسمك لأنه متشوه هههه … وفوقها مغروره بشنو  وانتِ متغرش حد تعرفي انه الف بنت تتمنى تكون مكانك توا  ومعي…

‎غرست راسي في مخده مجروحه وزاد على جرحي ملح …..

‎هو المفروض اني نتحاسب لو رفضتك ؟ لكن انت ماتتحاسب على اهانتك وجرحك لي  انا كنت نبي من يحتويني بكل مافي من أوجاع وتشوهات ومخلفات للماضي …. لدرجة هذي صعبات مطالبي!!!

‎لأ براء ماتكفرش ربي على كرسي العدل مايرضش باالظلم اكيد حتى هو بيتحاسب لو مانذكرتش في القرآن لكن انا متأكده انه ح يتحاسب …

‎من اول ما  ايده لمستني انا دخت معش وعيت لي شي

______________________________

‎نضت عليه وانا مزلت دايخه وهو رافعني للدوش ….  حطني في حوض ميه دافيه وطلع …..

‎دمعه جامده زي الإحساس لي انا فيه جمد كل شي في …. جسمي اثار انا ماصحيتش عليها  ….انا انسلب مني اغلى مانملك بدون ما نشوفه … متبكش براء عادي انا متعوده يعني بنبكي توا لأني متجوزه واغتصبني؟

‎ما أنا من يوم ماوعيت على دنيا وانا مغتصبة ليش مفهوم الإغتصاب محصور في الجسد وبس؟؟

‎طفولتي اغتصبوها … شبابي دمروا … حتى لم قلت المستقبل ح يضحكلي خرب فيه كل شي بإيدي ردت فعل خربت حياتي …..

‎ياريته سمعني كنت قتله انا موجوعه جسمي مات من ضرب وتحرش طفولي كره كل من يلمسه💔

‎خش علي رفعني من الحوض وانا عيوني لوطا … نشفت روحي وطلعت…

‎لقيت شناطي سفر على سرير…

‎همام:: جهزي روحك نص ساعه وطالعين

‎مرديتش عليه …فتحت دولاب نطلع شي نلبسه اخترت  بعشوائية

‎وطلعنا نزلت تحت جيت بنركب سياره وقف عمر مبيتش نشوفه برمت وجهي لي همام….

‎عمر:: وين طالع همام ؟

‎أشرلي بعيونه نخش سياره ركبت لورا   زي مايبي خليت روشن مفتوح نحاول نسمع اقل شي انا وين ماشيه؟

‎همام:: ومن امتا تسأل؟

‎عمر :: همام براء مش كيف شورعيات لعرفتن هذي بنت ناس  …أصحك تفكر تأذيها تلقاني في وجهك

‎همام:: أوووووبا هههه ..وشنو سر الإهتمام 🤔 وعلى العموم ياخوي متخافش نعرف انها تفرق على لقبلها حتى في مكانتها عندي

‎عمر تغيرن ملامحه … كيف يعني تفرق مكانتها عندك ..قصدك أنت حبيتها

‎همام ابتسم وشافني وانا في سياره …التفتت عشان ميعرفش اني سمعت !!

‎همام:: شكلي هك …

‎طلع وركب يسوق في سياره … ومنعرفش شنو السبب لي يمنعه يركبني جنبه … في كل مره من يوم اتجوزنا وانا وحدي لورا…..

‎بعد ساعات  وصلنا فتح باب سياره نزلت كان حوش جبلي ….

‎مكنتش مطمنه ولا مهتمه ولا حتى خايفه !!

‎فتح الباب …..

‎سمعت صوت اغاني  زدت نخش  كانوا فيه بنات باين انهم  بنات ليل …. شفت كيف يقربن منه ويسلمن عليه …

‎-انت ليش جبتني هنا اذا في من يملى حياتك شنو تبي مني

‎همام:: جبتك تشوفي حياة زوجك … اقل شي خيانتي في العلن مش في القلب

‎-بجد انت مقرف بدرجة لا توصف جايبني نشوف عاهراتك كيف بيكونن معاك … مريض وربي انت ماطبيعي

‎مسكني من ايدي وشدني ليه
‎اشششش خلك ساكته أحسن ماتشوفي مني وجه مش ح يعجبك

‎ضحكت… ليش على اساس الوجه هذا عاجبني …

‎دفني على كنبه … شوفي واعرفي كل شي علي … ولو قدرتي طلعيني من لي أنا فيه وقتها بس ح تملكيني

‎-مشكلتك اخترت شخص الغلط عشان يداويك ويغيرك ، همام أنا وحده تعبت من الحياه ومعناتها نبي شي يحتويني ويداويني من كل الماضي … مش أنا لنداوي غيري وانا روحي ضعيفه مش قادره حتى ترمم جروحها … يمكن لو كنت عشت في ظروف غير ..كان قدرت نغيرك لكن انا نهايتك همام

‎ضرب طاوله برجله … رجفن عيوني … باس البنت قدامي كأنه يرد في اعتباره برفضي له ..

‎قعدت في مكاني طول سهرته  … مكان نجس شرب زنا … حاجات متخيلتش روحي نشوفهم في الليله هذي شفت كل شي في الليله هذي زادوا جردوا برائتي … كنت نظيفه بينهم وفي نظرهم لكن افكاري كنت مخليتني أقذر خلق ربي….

‎كان سكران وقت لطلعت بيه يرقد يهلوس بكلام مش مفهوم منه

‎هو في وحده تخلص 7سنين لي حد موعدهش … وتخون بعد تجوز ؟!!

‎عرفت وقتها انه سمعني وقت كنت نحكي مع هديل …

‎وخلاني نحلل معادلة الخيانة والإخلاص

‎ليش مر العمر وانا أسيرة ماضي يعقوب هو إخلاصي كان ليه ولا لأني انا كنت انسانه مخلصه صعب نوهم غيره ونجري بيه وانا في قلبي حد اخر !

‎يعني توا متجوزه من شخص منحبش عادي نخونه!!

‎❤❤❤الكَاتِبة هَامِي ❤❤❤

‎يعدن الأيام بدون مانعدهم بدون مانحسب الساعه … وانا في حوش الجبل وكل يوم اسوء من يلي قبله ، كل لعشته كوم ولشفته مع همام كوم ثاني …

‎أنا كم وحده نفسي ؟ …عاشت من جحيم أسري لي كسرة قلب من حبيب لي ظلم الزوج …

‎ليش لي عيلتها على قدها ولا لخوها مدمن أو قاتل مايحقلهش انها تعيش حياه كريمه مع زوجها بدون مايعايرها هو او أهله او المجتمع!!

‎شن ذنبنا تأخذونا بذنوب أهلنا وتحكموا علينا  بيهم … ممكن تكون اخت المدمن تقيه وتخاف ربي عادي وين المشكله ماكل حوش يطلع الزين والشين!..

‎في يوم كنت في دار لما طق الباب وسمعت همام فتح وكان صوت عالي…

‎عمر :: مش قتلي ماحتأذيها ليش جايبها للوساخه هذي

‎همام كيف واعي ومصدع من الشرب…
‎ملكمش علاقه مرتي وحر ندير فيها ليعجبني

‎فريده ام همام….
‎ياولدي الله يهديك جايك ولد في طريق مزلت على حالك متبش بنت الناس خليها ليش تمرمد في عيشتها معاك مش ناقصها

‎همام:: اسسسسسسس …متدخلش انتِ هذي ابرار الكلبه اول ماتولد ندير تحليل أبوه وكان طلع ولدي ناخذه ونطلقها ونكان مش ولدي وحق ديني نقتله ونقتلها

‎عمر :: همام يلا روح بيها بنت عندها عيلة يسألوا عليها مش زي عاهرتك طلعههاااااا توااا

‎همام :: بنمشوا لكن مش لأنكم جيتوا لأنه كنت مروح اليوم  وعندي شغل بنسافر نكمله … ومره اخره ماحد يدخل فينا..

___________

‎سمعت الكلام فرحت واخيراً  بنفتك من مكان هذا …

‎خشت امه سلمت علي ….ضميت حاجتي وطلعنا …
‎همام سافر وانا خشيت دوشت …رغم كل لعشته الا اني حسيت براحه يظل القصر اهون من عذاب الحوش لي في جبل كيف كان عنيف ومتسلط و……

‎اوووف  منبش نذكر … قعدت نشف في شعري وقت لخبط الباب  ….

‎نعم تفضلي؟

‎خشت عمتي  فريده مبتسمه في ايدها مق ..
‎خوذي اشربي ينسون دافي يروق الأعصاب

‎ابتسمتلها .. شكرآ ليك تعبتك معي

‎فريده:: لا يابنتي تعبك راحه …انتِ لسامحيني على داره فيك همام

‎-مسامحه عمتي انتِ مليكش ذنب في شي

‎فريده عيونها دمعن … ويمكن يكون لي ذنب

‎-ليش شنو علاقتك بشخصية همام

‎فريده غيرت الموضوع:: يعني يمكن مربيتش كويس وطلع زي ماتشوفي

‎مصدقتهش بس سايرته… اهااا … متحسش بذنب هما شباب اغلبهم هكِ

‎ابتسمت واستأذنت تطلع

‎كلامها حيرني حسيت بفضول نعرف شنو قصتهم ؟ هو مافي الا عمر ممكن يساعدني  ولا حتى هو بيتهرب!!

‎شربت الينسون وتغطيت نحاول نرقد ….رن فوني كان رقم غريب

‎الو من معي

‎:: يعني مقصودا متردش علي ياوسخه

‎سمعت صوت خفت عرفتا مهند…شنو تبي انت عارفني متجوزه تبي ديرلي مشاكل

‎مهند:: قوليليييي توا شن مرض لشايلته سيلا وخذيته انا مقدرتش نحلل من الخوف طول المده لفاتت وجه في وجي قريب قتلته من ضرب وماحكتش …

‎ضحكت عليه كيف حالته … مش ح نقول يعني شن يفرق المرض عن عيشتك معها لا قادر تقرب ولا قادر تبعد هههه بجد وضعك محزن

‎صكرت عليه وهو يخرط ويتوعدلي

‎يجني في مسجات تهديد منه فتت ورقدت ……

‎نضت على صوت الفون ماشفتش من رديت ونوم في عيني

‎نعم

‎ياااحلا نعم …شنو مزلتي كسلانه وراقده نوضي انزلي تعشي ولا مدايره روجيم

‎مفهمتش من شفت  الفون كان رقم
‎من انت؟

‎ضحك …لا انتِ مزال واخذك النوم انا عمر يابنت

‎لا ارادي ضحكت … اسفه والله مركزتش في صوت

‎عمر:: كويس مركزتش وسمعت ضحكه الحلوه هذي يلا تعالي نستنى فيك

‎صكرت الخط وانا مبتسمه زي العبيطه …. نضت نشوف مرايه  كيف شكلي وانا مبتسمه  …كيف اني بسيطه بكلمه حنينه قادر يتغير كل مزاجي وننسى كل همومي ….

‎غيرت ملابسي …وزدت اهتمام بطلتي ..شن يمنع مادام همام مش قاعد عشان ميضحكش على منظري ..

‎نزلت كانت يقين وفريده وعمر ابرار

‎ابرار:: الحمدالله على سلامتك ياعروس …

‎عمر بنظره حاده:: ابرار !!؟

‎ابرار:: شنو قلت من غلط ؟ وانتوا خايفين على شعورها ….

‎فريده :: صح النوم بنتي تعالي تعشي

‎تجاهلت براء وابتسمتلهم صبوا ماشيين لسفرة الأكل
‎فرب عمر بدون مايلاحظوا همسلي…
‎طالعه تجنني زي العادة …. غمزلي ومشى يضحك

‎جمدت مكاني …تلمست خدودي لخجلوا ونبض قلبي لزاد ❤

‎تعشيت معاهم كان جو هادئ وحلو برغم نظرات ابرار وتركيزها معي🔥

_______________

‎طلعت بعد العشاء نتمشى وحدي فضولي خذاني للمخازن  والحاويات المجهوله……..

‎مسكني حد من لورا وانا واقفه بين شجر نشوف في رجاله تخزن في بضائع !!

‎برمني له كان….

‎عمر:: براء كيف مستغنيه على روحك  وجيتي هنا اخره..

‎-تنفست بخوف … خوفتني نسحاب حد من رجاله لهنا شافني

‎عمر:: اذا خايفه ليش جيتي مش حذرتك منه

‎-هو انت لي ليلتها  ملثم😳 اهاا صح عيونك هن نفس العيون زرق كيف مااانتبهتش

‎عمر يضحك:: خاطري نعرف في شن منتبهه انتِ كل شي مالحظتش ماركزتش

‎-والله  بجد معش فكرت من كان وقتها  من زحمه حياتي ولي فيها😅

‎عمر:: اووووو ياواعره .. معش تعاوديها مكان هذا محضور وكله كاميرات لو شافك حد وهمام عرف مش ح يصير خير ..

‎-شنو في عمر ليش كل الألغاز في حياة همام

‎عمر:: لما يجي الوقت ح تعرفي لكن ديري بالك على روحك متخاطرش وتطلعي لأماكن هذي

‎-مش ح يصير في اكثر من لصار صدقني ..

‎عمر قرب مني وخرت عنه…
‎متخافش مني قادر نحميك منه ومن اي حد

‎-مشكلتي مش هو ولا غيره … عمر انا مشكلتي في نفسي ظلمي لروحي واسفي عليها اكبر عذاب ظمير .. كيف سنين عدو بدون مااننتبه اني ظلمتها وراضيت غيرها اهتمام المفروض  كان لي بس صبيتا لغيري … وتوا عشرينيه في العمر بس كا رقم لكن الروح في الستين منهكه تعبانه من كل شي تبي بس السلام النفسي…

‎عمر طول وهو يشوفلي بنظره غريبه::
‎ياريتني عرفتك من زمان براء

‎معرفتش شنو نرد الا اني نهرب……

___

‎ليلتها صراع بين  الضمير وبين الحق المسلوب مني!… بين هذا يصح وهذا لا…. بين الممنوع والمرغوب ….بين العقل والمنطق … بين الحلال والحرام … غرقت في دوامه افكار سهرت بيهم

________

‎ثاني يوم نضت بعد الظهر دوشت وجهزت روحي … ونزلت لعندهم …

‎اسفه خذاني نوم اليوم …

‎فريده:: ولا يهمك ..كيف باين طالعه

‎-اهاا بنمشي لي اهلي تعرفي مر وقت مشفتهمش وبوي تعبان…

‎يقين:: سلميلي عليهم براء خاطري نتعرف  عليهم

‎-ان شاء لله حبيبتي في اقرب فرصه

‎وانا طالعه تلاقيت بِ عمر كان نازل من سيارته

‎عمر:: كيفك

‎-الحمدالله بخير ..نستأذنك طالعه توا لي اهلي

‎عمر ابتسم … تفضلي

‎ركبت سياره وهو منزلش عيونه توترت …”هو الإهتمام يخلي الواحد يرتبك ويخاف هك ولا لأنه في شي غلط ح يصير؟”  وليش غلط ونوهم روحي هو مجرد صديق واهتمامه شفقه لا أكثر …

‎نزلت م سياره على عماره  حوشنا نزلت الأكياس  بمساعدة شفير ….

‎فتحت الباب لاقتني فتحيه تحضن في …

‎فتحيه:: واووو كيف متغيره ولا من ريافي عليك طالعه تهبلي

‎فريحه:: الحمدالله شكلك متريحه ربي عوضك ..

‎ابتسمت نجامل فيهم

‎كان بوي باين عليه التعب … وااعر الإنتقام رباني ..واعره تتمنى الموت وماطوله..

‎قعمزت مع البنات في صالة …

‎فتحية :: شنو اخبار شغل ولا وقفتي

‎-هي اجازتي كملت لكن مزال ممشيتش

‎فريحه:: امي تعارك عشان لتوا مازرتيها عيب منك

‎-هو عيب مني صح صدقتي … التهيت بس

‎فتحيه:: حتى عيت عمي صافي مامشيتيلهم مساكين ياسين مختفي لتوا ماعارفينه وين

‎فريحه:: والله وجعني حالهم كيف زمان مال عليهم ..

‎-نسيت والتهيت حتى على اختفاء ياسين ..

‎فتحيه:: خزي عليك ..خلاص يعني كان راجلك متريح تشوفي روحك على هلك وجيرانك ياسين هذا زي خونا ياما كان حاميك

‎نصدمت كيف فكرت في بطريقه هذي وحكمت علي وانا بريئة انا مجش في بالي ولا شي من لقالاته زعما حتى هم مفكرين اني تكبرت عليهم!!؟

‎-قتلك كنت مشغوله وعندي حياتي وهمومي حتى انا فهمتي باهي مافهمتي على كيفك

‎فريحه:: حتى نحنا تبي تغير علينا صدق لقال الفلوس يغيرن النفوس

‎-فلوس شني وهم شني … أنتوا حتى ماسألتوني كيف عايشه شن طبع راجل لواخذته  وكيف يعامل في دغري حكمتوا اني تغيرت وتكبرت …

‎{ولقد نعلم إنك يظيق صدرك بما يقولون فسبح بحمد ربك وكن من الساجدين وأعبد ربك حتى يأتيك اليقين}

‎حسيتها في صدري حرقه ياربي حتى اقرب الناس لنا ظالمينه في افكارهم !

‎تغير الموضوع لي مشاكلهن وكيف كل وحده متحمله راجلها وعربها وعيالها…

‎””وأنا فكري مشوش ومشغول …. ياريت مشاكلي كانت محصوره في سلفتي ولا حماتي ولا  الفلوس والناس وبس

‎انا مشاكلي اكبر من هك ياخواتي …وكل منه يستصغر هموم غيره ويشوفها تافها ماتسوى قدام همومه “

‎جاني مسج صحاني من افكاري..

‎لو تطلعي بدري عازمك على العشاء ممكن تقبلي؟!

‎أبتسمت من لطافة الكلمات …

‎أنا مافي حد مستأذني في ولا حاجه في حياتي كلها عنف وإجبار …

‎انا بنت مهما كنت قويه  بشهادتي وتغلبت على ظروفي … وبخدمتي وسيارتي ،،،
‎يظل في روح الأنثى لي عطشانه حب و إهتمام  …
‎رغم مانضعف لظروف وكل لصار معي  أتجبرت عليه ..
‎لكن يكسرني الرجل الحنين اللطيف الكريم في مشاعره قبل مايكون كريم بفلوسه …
‎ضعيفة لدرجة نبي راسي نسندها على كتفه ونرمي عليه كل حمولي وثقل الأيام علي …
‎صغيره نبي نعزق روحي في حضنه خوذ مني كل شي شهادة وشغل وسيارة وكل لعنة حقوق المرأة والمساوة رجعني المرأه  لي مالهش ظهر إلا راجلها رجعني لزمن الرجولة والغيرية أحميني من زمن أنعدمت فيه الرجولة  …..!

‎رديت عليه ومرسومه علي شفايفي الأبتسامة
‎توا بنطلع لاقيني في……

___________________

‎ودعتهم وطلعت نعدل في منظري كيف طالع ….

‎نزلت مع دروج بدقات قلب مراهقة في موعدها الأول …..

‎كان في سيارة فتحت باب قدامي قعدت جنبه … مش عارفه ليش محرومه في قعده فيه مع همام مانع نكون جنبه!!

‎عمر:: مساء الورد

‎-مساء النور … كيف خطرلك تعزمني

‎عمر:: عادي حبيت تغيري جو

‎-تعرف ، ماعمره حد عزمني على عشاء برا ههه

‎عمر:: وتعرفي فرحتيني نكون اول شخص مع اني مستغرب كيف وحده في جمالك ماطلعت في عزومه …شييييت ذوق رجاله انعدم

‎سكتت مرديتش

‎عمر:: قلت حاجه غلط ؟ قصدي ليش سكتي؟

‎نزلت راسي بخجل … ماهو عندي مشكله ..منعرفش نرد على كلام الحلو😔🙈

‎عمر ضحك بصوت عالي … انتِ وين كنتي بس!

‎ضحكت معه..مفهمتش؟

‎عمر يسوق:: مدورش متركزش على كلامي اهبل انا😁

‎وصلنا  المطعم … فتح باب سيارة ..
‎تفضلي عزيزتي 🌹

‎ابتسمت بخجل …خشينا المطعم سحبلي كرسي قعدت عليه …وكان مقابيلي

‎كنت مركزه في ابسط شي يديره لي كيف كان يعامل في …تصدقوا لو قتلكم اني لي أول مره في حياتي حسيت اني انثى وفي من يهتم بي يعني انا زي البنات طبيعيه مافي شي!!

‎واول مره نبعد كل الأفكار السلبيه ….

‎كل حكاياتنا كانت عن حاجات نحبها شنو وهو نفس شي من زمان نعرف انه مشتركين في حاجات واجد وسهره زادت اكدتلي…

‎كل شي حكينا فيه عرفت انه ادارة اعمال وخدمته عكس موهبته كا كاتب خواطر وروايات … كتبلي كم خاطره تعبر عني فرحت بيهم كأنه هدالي دنيا ولي فيها …

‎في آخر سهره اهداني طبعة اول نسخه من رواياته جديده … حسيت باني مميزه واكيد نفرق  عن غيري عندا

‎الله وياجمال هذه الليله كل شي فيها حلو القمر..نجوم… الليل…العشاء…الكلام…وعمر كان لطيف في كل شي

‎كيف في أشخاص صح وتخش في حياتك في الوقت الغلط 💔

_________________

‎رجعنا للحوش ..كنت طايرة من الفرحه … وماتمادى معي في شي كان الصديق يسمع ويرد بلطف وبس🌹

‎رقدت براحه بعد مااتصل همام كعادته يسأل بشك وين قاعده وصوري ووووو ….

‎ثاني يوم لما نضت الصبح نشوف ساعة كم …

‎لقيت مسجات واجد من مهند  وتهديداته مبطلهش …

‎مشيت روتين اليومي …صبحت عليهم …

‎كان عمر في جناحه طلعت عنده

‎في موضوع نبيك تساعدني فيه

‎عمر:: اكيد براء شنو في وانا معاك

‎-نبي نمشي لشغلي ممكن توصلني ولا تقنع سواق

‎عمر:: حاظر زي ماتبي

‎ابتسمت بإمتنان شكرآ  بجد

‎عمر:: مفش داعي يلا توا جهزي روحك .. وانا طالع لشغلي نحطك في طريقي

‎طلعت ناخذ شنطتي ونزلت يوصلني…

________________

‎خشيت  لمكان شغلي والكل يبارك ويهني

‎شفت هديل حضنتها

‎هديل:: واخيراً  جيتي رايفت عليك

‎-وانا رايفت  عليك وعلى كل شي هنا

‎قعدت في مكتب نكمل  في شغل متراكم ومعي هديل …. ماحكيتلها شي لا عن همام ولا عمر

‎مشيتلهم انه حياتي زي مامتخيلينها وحاسديني عليها ….

‎فجأه سمعت صوت سلاح وعياط ودنيا خشت في بعضها …

‎نكسر باب بضربه وحده

‎همام😳

‎همام شدني من ايدي … كيف تجي هنا وتكسري كلامي ؟

‎-همام لو سمحت هذا مكان شغلي متعاركش وتخرب دنيا توا نطلع بهدوء بلا عار فضحتني

‎همام:: بعد شنو يامدام انتي لخربتي كل شي هذا جزاء لتعصي اوامري اطلعي قدامي

‎دفني قدامه قبل طحت مسكت في طرف طاوله وهديل واقفه مش فاهمه شي

‎طلعت شفت كيف حراس همام مخربين مكان هذا مليشاوي مفش امن يأخذوا ؟؟ مفش حكومه تبلغ انه في شخص دمر مكان مهم في دولة؟

‎طلعت معه في سياره عزقني في كرسي لورا

‎نزلني بعد وصلنا بعنف

‎جا عمر:: همام شنو جيبك

‎همام:: عمر من قالك وصلها انا مش قايل مفش زفت شغل

‎عمر:: وشنو فيها هذا  شغلها لتعبت عليه سنين متكونش اناني

‎-طلقني ياهمجي متخلف  فضحتني قدام الناس والله ماعاد قاعدتلك وخلي الناس تتكلم معش يهمني

‎جا بيضربني كف مسكه عمر طلعت نجري لجناح صكرت باب علي

‎الحيوان التافه هذا لازم مانطلق منه عمر قالي يعرف محاميه شاطره توا نشردا في محاكم …

__________

‎طول اليوم كملته في جناح  لحد الليل همام مجنش
‎وعمر مااتصلش !!

‎مسجات مهند  ماوقفوش

‎اخر شي بعثلي

‎اطلعي انا مخازن لي لورا متاع راجلك والا نفضحك قدامه …

‎نصدمت وخفت من المسج لبست جاكه وطلعت بسرعه …

‎ماكان في حد …

‎ مشيت بخوف وانا نتلفت خفت حد يشوفني لحد ماوصلت في مخازن وحاويات في رجاله تخبيت بين الشجر … بعتلي مسج

‎ابرمي تلاقي حاويه حمرا تعالي والا نطلع ليهم ونفضحك قدامه

‎مشيت ندور فيها شفتها قدمت كانت فاضيه من برا مش زي باقي مخازن والحاويات ترددت اني نخش لكن خفت من مهند ينفذ تهديده وهمام يستغل كلامه ونخسر قضية طلاقي…

‎خشيت بخوف ماحسيت بشي ولا بشنو صار كيف هك دخت  ولا انا نتوهم؟
‎ فتحت عيوني وراسي مصدع حسيت في ايدي شي شفته لقيته مسدس 😳

‎من خوف طيرتا من ايدي شفت قدامي مهند سايح في دمه 😨

‎كييييف هكي انا قتلت مهند 😳+

‎#يتبع🔥🔥

لمشاهدة جميع اعمال الكاتبة: رواية الكاتبة هامي

لمتابعه اهم واخر الاخبار : القلم نيوز

اترك رد

زر الذهاب إلى الأعلى