ﻣﺒﺮﺭ ﺧﻴﺎﻧﺔ الحلقة السابعه عشر .. الكاتبة هامي | القلم الناجح
روايات ليبيه كاملة

ﻣﺒﺮﺭ ﺧﻴﺎﻧﺔ الحلقة السابعه عشر .. الكاتبة هامي

ﻣﺒﺮﺭ ﺧﻴﺎﻧﺔ الحلقة السابعه عشر .. الكاتبة هامي

أنا الخائنة

هم هكي يخلوك وقت يحرقوك وتكون رماد ولما تحاول ترمم نفسك وترد تتنفس  يرجعولك ….
صح في ترسبات للماضي بس عايش على امل النسيان …. وقت تقول نسيت خلاص ح نبدا من جديد نبي نحب ونفرح قلبي ونطلع ونعيش حياتي ليش نكون اسيرة سنين من العذاب….

وقتهااا بس ح يطلعولك ويشتت افكارك ويعود بيك لنقطة صفر💔

بدينا نسلموا لعند ما شفت من بينهم اخر حد توقعت نشوفه ……

يعقوب … الصدمة كانت واضحه علي وعليه حتى هو ، جف حلقي رعشت ايدي زاد نبضي… شعوري تلخبط رد بي لي مكان لخلاني فيه وجع كبيييير ذكرني فيه ندبة ووشم مغلغل في ….

بين زوج وعشيق وحب في الماضي  تناقضن احاسيسي …. صحيت من صدمتي على ايد شبكت في يعقوب ….

همام :: نيكول مرت يامن

هزيت راسي بعدم فهم …..مديت ايدي سلمنا وقعدنا ، الغبي بس لي مايلاحظ شعوري وقتها🔥

متجمعين على طاولة العشاء في مطعم كازان في لندن مصادرني يعقوب وجنبه مرته وانا بين عمر وهمام وباقي رجال الأعمال متوزعين على طاولة .

بتوتر نشرب في مية على طول ومقدرتش مانشيلش عيني عنها كيف تتغزل فيه وايدها مافارقتش ايده ..معدتي تقلصت من ألم روحي اُنهكت من الصبر.. على بالي نقلب طاولة ونحرق المكان بلي فيه 💔

همام مسك ايدي :: شن رأيك توقفي شرب اميه وتاخذيلك كأس

يعقوب مركز معانه ….

وشوشت همام… عارفني مانشربش بلاش تحرج روحك قدام ضيوفك

جا العشاء  … وهمام طبعاً يطلب زي مايبي انا معندش رأي

همام في ايده شوكه بيأكلني سمك

يعقوب:: لااا ماتكلش …

همام وعمر وانا ومرته😳😳

يعقوب يحاول يعدل موقفه
نقصد ممكن في ناس متحبش سمك زي انا يعني حتى طعمته هنا مش حلو

عرفت وقتها انه مزال متذكر اني منحبش واول مانشم ريحته نستفرغ خذيت من همام بس عشان خايفه منه… كبدي وجعتني طلبت نمشي تواليت

صبيت وحدي خشيت استفرغت وغسلت جيت بنطلع لقاني يعقوب عند الباب🔥

-بعد عن طريقي

يعقوب:: براء شنو لي لابسته هذا وشنو ديري هنا

ضحكت بألم… وانت بصفتك من تسأل؟ ليش تحاسب في من انت ياااااامن منعرفش انااااا من

يعقوب  حضني فجأه :: انا يعقوب براء حبيبك ماضيك وكل شئ انا عارف مزلتي تحبيني وانا والله نحبك بس كنت وحيد ومتغرب هي لونستني طول هالسنين كنت بحاجه حد يدعمني في الغربه

بعدتا عني بعصبيه… انت شنو يعقوب هاااا شنو؟؟ محور الكون ؟ ولا الهواء ولا وريد شنوووو قووووولي …

نقولك انا انت ولا حاجه ولا تسوى حاجه عندي حتى الكره شعور وخساره انه نوصفك بيه

يعقوب :: متظلمنش براء اكثر مادنيا ظلمتنا .. صدقيني وانا في حياتي كلها ماحبيتش غيرك كلهم شي عابر لكن انتِ ضلع ثابت في انتِ حب طفولتي وعذاب شبابي كيف مفكره انك ولا شي

-بالله عليك اسكت وكلمة حب ماتجيبها على لسانك شعور نظيف طاهر وبرئ ماتشوهش بكذبك ..نعرف ليحب مايشوفش حد غير ليحبه يحارب عشانها مايرضش تكون مع غيره …لكن انت شن عطيتني غير دموع وكلام وين الإثبات انت السبب في انك دمر ياسين قاعد هنا وخوك مختفي من كم شهر مش عارفين وين ..وكله مني انا الغبيه لي سببتله وقاعده ناخذ في جزاتي

يعقوب قرب مني اكثر محاصرني في زاويه… تكذبي عارفك عشان زعلتي من قصة زواجي تبيني انك متحبينش براء شوفي لعيوني وقوليلي نسيتك

سمعت صوت ينادي في خلاني نلعن ساعه لي نستني انا وين ومع من؟

براااااء

مشيت لعندا بخوف واضح …عمر انااا…..

قاطعني بجديه … طولتي جيت نقولك انه همام ثقل في شرب ولازم يروح

-عمر….

مشى من غير مايتكلم .

يعقوب:: براء هذا الحقير مش لك مايستحقش

وقفته بأيدي … ومن يستحقني ..انت؟
ضحكت ومشيت الطاوله كان عمر واخذ همام لسيارة خذيت شنطتي وانا نشوف في مراته تحضن وتبوس فيه قدامي  ونظراته معي يباعد فيها عنه بلطف…وقتها بجد مات جواتي ومعش في شعور الا باالقرف …

طلعت السياره وراس همام مسنود على كتفي … عمر ميحكش معي زعما عرف من ولا فهم غلط؟ اكيد فكرني وحده رخيصه مع كل من هب !

__________________

رقد همام وهو في حالته المعتاده غطيتا وطلعت ادوشت كملت شفته غارق في نومه ….

حطيت شال على كتفي فتحت بلكوني الغرفه  شفت عمر مقمعز في حديقه برا وفي ايده لاب توب…

صكرت بلكوني وتسحبت بهدوء لعند عمر…

-مزلت سهران

عمر بحت في ورد يشوف لاب توب
الليل مانخلق عشان نرقدو فيه

قعمزت مصادرته …كيف يعني قصدك مترقدش بكل

عمر:: في الليل لأ على 4او 5نرقد

-بس هك ارهاق وانت عندك شغل الصبح منقصدش توا يعني نقصد في حياتك اليومية

عمر صكر لاب توب وانتبهلي…
دوامي في الغالب يبدا الظهر عندي وقت كافي لنوم ..

-مش عارفه حسيته روتين متعب

عمر بنبرة حزن:: من سنين وانا حياتي هك

-عمر ،، ممكن تكون فهمت غلط ..بس لي في مطعم كان يعقوب و…

قاطعني …عارف براء سمعت جزء من الحديث بس تخيلي لو شافك همام شنو كان صار

-اوووف الحمدالله لي ماصار هك كنت اكيد ميته انا وياه …

عمر:: روميو وجوليت

ضحكت بهزوه هههههها ؟؟
كأني حسيتك مضايق !

عمر:: يعني شوي ، بس مش عارف من شنو حاسس روحي مفش نيه في شي حتى بنكتب توا معرفتش نمسك راس موضوع فكري مشتت

-كا إمراة العزيز أنا هِمت بك وكا يوسف أنت قاومتني!

عمر 😳 اوووو عليك يطلعلك تكتبي😉

-مش لهدرجه طلعت عادي يعني خوذ منها راس موضوع وقولي …

عمر :: تمام أساساً  جاني الوحي منها😂❤
هي تمام بس انا مش بصبر يوسف عشان نقاومك ح نكون بضعف سيدنا آدم  شن رايك في هذي

وانتِ تقولين بأنكِ آمرآه العزيزِ إذ همت فقالت هيتَ لكَ أنا ولكّ كُلى..
وأنا آدم ليسَ لى صبرُ يوسفِ ، وأنتِ الخصمُ والقاضىِ وحديثُ الطفلِ في المهدِ .

أنتِ رؤيا العزيزِ ونسوةُ آمرآتهِ والسبعُ السمانِ ورؤيا الغلامينِ ، وأنتِ الحُكمُ والحاكمُ فما أعدلكِ أن تُلقينى بكُلكِ فيكونُ بينّ أضلعكِ المقامُ وأحضانكِ سلوىَ الروحِ في السجنِ .2

-عمر واوو بجد جمال الكلام بنبكي انا 🥺♥

عمر مبتسم عجبك ؟

-تعرف اني من فانزك وكل كلماتك تعجبني حرفياً انت فنان في ترتيب الحروف❤🙆

عمر:: هذي كلمات لكي ❤ يعني نقصد وقت لي عطيتيني رأس الموضوع تخيلتك توا وقت لرتبتهم

خجلت وغيرت الموضوع بغبائي 🤦🏻‍
كيف حال نور

عمر:: بخير من شوي حكيت معها

-مع طليقتك يعني

عمر:: معاهم هم الأثنين

“برافوا براء نهنيك قدرتي تنكدي على روحك”

اممممم كأنه جو صقع

عمر:: ههه لا عادي مش واجد … براء بنسألك

-شنو عمر☺

عمر:: شنو احساسك بعد شفتيه

-يعني كان نقولك تفاجأت وانصدمت فا ح يكون شريط معاد عن كل مره حكيتلك عليه … بس هو فعلاً هك .. اخر شي كنت نتوقعه انه يكون متجوز

عمر:: ومخلف هو مقلكش انه عندا ولد منها؟

بلعت غصتي حاولت نبين روحي عاديه
لا ملحقنش اصلاً  دوبا كان يعبر عن مشاعره كلعاده هههه

عمر:: بصدفه عرفت المربيه اتصلت بيها وسألته عادي قالت عندها ولد عمره 4سنوات

لا ارادي عقلي قاعد يحسب انا وين وقتها وفي شن كنت نفكر …اها صح براء كنتِ عايشه على ذكرياته وتحلمي بيه هههه واووو كيف كنت غبيه …!

-ندمانه ياعمر هو ينفع الندم

عمر:: ياريت لو ينفع 💔

-تعرف كم فرصه ضيعتها على روحي عشانه وكم فرحه كان فيها غصه عشان كان غايب عنها … انا ظلمت نفسي ياعمر وتوا قاعده نحصد في ظلمي بندم  عذاب الضمير بين اني ياريتني درت  ردت فعل في موقف هذا وبين انه ياريت جوابي كان هك في السؤال هذك  بيقتلني الشعور خايفه نكون أسيرة الندم زي ما كنت اسيرة الماضي

عمر:: عاطي لحياتك فرصه نعرف انه طاقه الشعور محدوده لكن ليش لأ وانتِ مزالت الحياه قدامك انا مؤمن انه الحب لجميع الأعمار وفي  جميع الأوقات والدينات خلاااص كافي لعشتي صكري عليه

-سبحان الله كيف مرسوم طريق حياتنا بخيارات
يعني اثنين كانوا نفس القرب لي ليش حبيت يعقوب وماحبيتش ياسين ليش اعتبرت هذا اخ والأخر حبيب….

ولو ماخالد كان يضرب في ظلم وخلاني نلجأ  لي هند ونلقى مبرر لخيانتهم مكنتش خذيت الفون وقتها وحكيت معه …..

بس هو قبلها كان مقاطعني زعما لي هاالسبب اول ماسمعت صوته حبيته هل لأني كنت مرايفه وحاسه بحنيه لصوته؟ فا لما كلمني ماصدقت وتعلقت بيه !
لو كان ياسين مكان يعقوب وهو لقاطعني وقت لكبرنا هل كنت حبيته وحسيت بفقدانه؟

لو خالد مجش هذك اليوم بس ولا لو انا اخرت مكالمتي ولا قدمته شنو كان صار؟

دوامة أفكار ياعمر واكثر من هك طول هالسنين وانا ياخذني النوم وانا نفكر فيهن!

عمر:: مفش جواب الا انه كل شي صار هو نصيب .. والحياة تستمر اذا صار هكي او عكس هذا قدرك وانتِ عشتيه

-ودمرت نفسي بيه تعرف صعب على انسان محب لل الحرية يعيش أسير …. متضحكش علي بس ياما تمنيت ربي يكون خالقني طير حر ماليش مكان ولا وطن معين يرفرف في كل مكان بدون قيود وعادات ومجتمع وعيله

عمر ….بربك هذا كلام! الجمل لتقولي فيهم قريب نبروزهم

ضحكت بصوت عالي ضحكه عفويه…

عمر:: مااأحلاها ضحكتك اول انجاز ضحكتي من قلبك

-لأنه ضحكتني مجاملتك انا نفترش في كلام خاصه في وضعي هذا ههههه

عمر:: وإن كنت طيراً يهوى الحياة فاجعليني غصناً تجلسي فيه من مشقة السفر❤

-اااااه حلاوة الكلام ههه حاظر بعد نكون طير توا نختار غصنك🙈

عمر:: ياريت هههه

-تصبح على خير عمر ..بجد عجزت شن نقول كيف جيتك وكيف بنمشي توا كل مزاجي تغير

عمر:: براء انا واجب على نشكرك على جلسة اللطيفة هذي يعني ماحسيت باالوقت وقدرتي تغيري مزاجي حتى انتِ

-كويس يعني مش مديونتلك حتى انت سحبت مني مقالاتي😌😂💔

عمر:: اوووو كاتبتنا ح تاخذي الأضواء اكيد انتِ اكتبي ومني الدعم😉❤

ضحكت :: تم خلاص بنخطف منك الشهره😀🙆

عمر:: يسعدني عزيزتي❤

-احم تمام يلا سلام

طلعت نجري ونضحك  انا بجد قلبي فرحان وقاعد يضحك !!

______________________

خشيت لقيت همام زي ماهو راقد غريبه كيف لي متحركش؟ لدرجه هذي مثقل في شرب؟
يلا تريحت منه كان واعي مكنتش ضحكت 💔

طبعاً انا من يوم لنقتل مهند وانا ناخذ في مهدئات ومنوم منعرفش نرقد طبيعي ….

قعدت نتقلب ونفكر  في وضعي ونشوف في من راقد جنبي…

القلب مع حد والعقل مع حد ثاني والواقع هو لراقد جنبي عكس كل مانتمنى ….

هك غلط براء ماتتهوري من جديد حاولي تهربي من همام وبعدها ديري لي تبيه ح تكوني حره وقتها لا همام ولا خالد ولا بوك ولا اسيرة حب يعقوب ح تعيشي حرة نفسك وتبدي من جديد ….

فوني هز فتحته كان مسجات واتس من عمر بخواطر  لي❤

رقدت فرحانه ومتفأله…

❤❤❤الكَاتِبة هَامِي ❤❤❤

الصبح لما نضت  لقيت همام مش راقد …

صبيت جهزت نفسي ونزلت تحت كان موجود هو وعمر يفطروا

صباح الخير

همام باسني صباح الحب امتا رقدتي امبارح تاخرتي بالوعيه؟

عيوني مشوا لي عمر وردوا لي همام حاولت نبين اني عاديه!

سهرت شوي نقرا في كتاب

عمر:: نستأذنكم انا طالع

همام:: وين متبش تطلع تفسحنا في بلادك ههه

عمر بحزم:: والله انت عارفها احسن مني مش محتاج  مرشد سياحي …انا طالع نشوف امي

-خليها تتغدا معانه ومنها نتعرف عليها

همام ضغط على ايدي 😡

عمر :: سلامات توا نتلاقوا

طلع عمر …. وهمام طلق ايدي

-تي كنك انت قبل كسرت ايدي شن قلت من غلط مش مرت عمك هي؟؟

همام يهدد بأصابعه
ردي بالك تعاودي لي قلتيه ومعش تدخلي في موضوع هذا

وعقاب ليك مفش  طلوع اقعدي هنا ياعليك نكد زح فيك

خذا مفاتيحه وموبايله ودفني وطلع

_______

هذا كنه المريض شن قلت انا هو لو في مشاكل بينهم ليش عمر وهمام جوهم تمام ؟

رجعت الغرفه وكلمت هديل مكالمه فيديو

هديل:: خزي عليك كيف مشغول بالي ونحرق وانتِ ولا على بالك

-شفتها وسمعت صوتها قعدت نبكي😭
اسسسسفه والله لو تعرفي شن صار معي يومها كل حياتي انقلبت …..

هديل بخوف ….قوليلي وينك وشنوا لصااااير بررراء خوفتيني عليك احكي…

حكيتلها كل شي عن همام ومعاملته  وكيف قتل مهند واتهمني لكن مجبتلهش سيرة عن عمر أبداً

هديل:: ياروحي عليك  وعلى عيشتك يابراء من وين هربتي وين وصلتي يابختك المايل

-مش مكلمتك تنوحي علي ولا تذكريني بي بختي قوووليلي كيف نطلق من مجرم والمريض  هذا انا تعبت ….

هديل :: لاااازم تحصلي دليل انه هو لقتل مهند دبري راااسك

-وهو مصيبه في دليل كيف بنحصله انا

هديل:: خلي هو يعترف بعضمة لسانه انه هو لي قتل مهند

-ياسلام وكيف نديرها هذي يافالحه

هديل:: طيحي في الحكي وسجليله ياغبو 🤦🏻‍

-هو ديما شايط ومعصب غير كيف بنطيحه متخلف هذا😓

هديل:: ديري جوك عاد انتِ  مراته واستخدمي انوثتك لي مره وحده خلها تنفعك وانتِ دفنته 🤦🏻‍

-كأنك تسهوكي علي🙄

هديل:: نواعي فيك من ذكائك زايد عن حده ياروحي شغلي دماغك راجل لي انتِ معه ملش امان …وردي بالك يمسك عليك شي

-زي شنو مثلاً  مفهمتش😔

هديل:: لو عرف انه قلبك مع غيره شن ح يدير وقتها لو عرف بي يعقوب قولتك شنو ح تكون نهايته ؟ زعما زي مهند!!

-اوووف منك بتشوشيلي عقلي

هديل::نحذر فيك ردي بالك يعرف شي

-تمام خلاص فهمت…. سلام توا

__________________________

هديل معها حق لو همام عرف انه يامن هو نفسه يعقوب ح يقتله اكيد ….ولو عرف انه انا وعمر نعرفوا بعضنا من قبل ماناخذا ومزلنا قريبين من بعض ح نكون اسببتله حتى هو 💔

طول اليوم نشرب في قهوة ونفكر ….عمر يراسل في  فتت ومرديتش مع انه خاطري نرد 💔

جا الليل وهمام مزال ماجا مطلعتش من الغرفه خفت نلاقي عمر  …..

قررت ندير زي ماقالت هديل  نطيح همام ونسجله

دوشت وتعطرت لبست فستان اسود توب وقصير كل شي ندير فيه فوق من نفسي
حطيت ميك اب ثقيل شوي  وطلبت على الفون الخدم يطلعوا العشاء فوق

قعدت نستنى اكثر من ساعتين على اعصابي على شوي كنت  غسلت كل هاالمسخره وخشيت رقدت ، لكن الأمل الفقير في خلاصي منه خلاني نتحمل …..”

خش الغرفه  لقيها شموع وموسيقى هادية عطها تصفيره ….

لا اكيد  نحلم هذي براء ؟ وهذا كله عشاني؟!!!

قربت منه بإبتسامة أكيد عشانك حبيبي انا أسفه على كلامي مش قصدي…..

حط اصبعه على فمي هششششش انسيت خلاص

مشى لي طاولة  …العشاء هنا

-اهاا قلت هنا احسن تحت تعرف ممكن يجي حد فجأة منعرفش كيف نظامك 🤦🏻‍

لف ايديه على خصري
لو قلتيلي انه في سهره مخصوص لنا كنت وزعتهم كلهم وفضيت المكان كله لنا❤

-عادي حتى هنا تمام مهم مع بعضنا☺

ابتسم همام باس جبهتي..
صح حبيبي المهم المضمووون 😍

برمت وجهي لزيانة على اساس نحكي ونعدل في روج فتحت تسجيل….

تأخرت علي من بدري نستنا

همام:: كان في شغل مهم مع جماعه لي امس

قعدت على طاوله نتعشوا
وحكالي شوي عن مواضيع لحد ماغيرت الموضوع

-همام ممكن نسألك

همام:: المره هذي مسموح لأنك مطيعه 😉
شفتي كيف اني حنون وقت لتكوني تحت أمري 😘

ابتسمت بثقل المجامله
اهاا شفت ياعمري انت سامحني مكنتش عارفه مصلحتي❤
بس خاطري  نعرف شي

همام يأكل:: شنو!؟

-مهند ليلتها بعتلي مسجات انه نجي عند الحاويه الحمرا  وقتها كان عايش ولا انت لي بعثتلي

همام:: وشن خطرها سيره هذي توا؟

مسكت ايديه.. حبيبي قتلك فظوول بس واذا متبش تقول براحتك متزعلش مني🙈

همام::  يومها كلمته وقتله يجيني للقصر   نبي في شغل وهو طماع على طول ماوافق عطيتا العنوان اول مانزل استلموا جماعتي شالوا الحاويه شبعت منه ضرب قبل واعترفلي بكل شي وشن في بينكم خذيت موبايله وبعثتلك منه ولما جيتي ضربتك على راسك وقتلته وحطيت في ايدك المسدس عشان بصماتك وكاميرات صورن وقت خشيتي الحاويه وركبت فيديو كيف طلعتي وجريتي جثه عشان ياقلبي يكون دليل بقائك معي وبس هذي قصه راضيت فظولك توا ؟

ابتسمت بفرح … اكيد ياعمري راضيتا❤

كملنا سهرتنا وحاولت نكمل زي مابديت عشان مايشك في شي ……

في نص الليل حاضني انسحبت منه بصعوبه وهدوء نزلت من سرير نتلفت نشوفه مزال  راقد

شفت موبايلي مزال على زيانه مسكته بنفتحه نشوف تسجيل  …..

لكن شفت على المرايه همام وراي مبتسم حضني من لورا وحط سكين على رقبتي  ضغط عليها حسيت دم بيطلع منها…

همام
حلووو  تمثيلك مش بطال ……+

#يتبع 🔥

لمشاهدة جميع اعمال الكاتبة: رواية الكاتبة هامي

لمتابعه اهم واخر الاخبار : القلم نيوز

اترك رد

زر الذهاب إلى الأعلى